عسى مامرت الدمعه على اهدابك من اسبابي

جرحتك من كثر شوقي وخليت الكلام رماح
ولاادري شلون ياعمري طعنتك حيل بعتابي

بدون شعور صدقني ترا كثر الغلا ذباح
تعال وشوف بغيابك غلا ك شلون سوابي

حرام تغيب من عمري وتعطيني الفراق وشاح
حرام الدمع في عيني مناديله هي اهبابي

غيابك يشغل عيون الزوايا وامتلى اشباح
وانا انثر صوتك بقلب المكان واشعل ابوابي

تلفت للأمل دام الرجا في عمري الملواح
اناديلك ولو شرهه وصولك تقطع اعصابي

ابيك الجاي من عمري انا مابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ماافرح ترا تفرح بك ثيابي