السلام عليكم ورحمة الله وبركاته بكل اخواتي العزيزات
انا عندي مشكلة مررة عويصة الي هيا شعري
شعري مررة رهيب فيلوا كل المشاكل الي تخطر على بالكم منها تشابك اكثر شي التشابك ومنها التقصف والخشونة و القشرة والاسوأ انو شعري كثيف
فيا اخواتي بليز بليز بليز مساعدتكم والله احترت فكرت اسوي فرد لكن يقولو يجيب الامراض بس انا ابا اقولكم حاجة يعني (اذا) ماعرفتو الحل للمشاكل دي كلها على الاقل بس التشابك لاقولو حل انا التشابك هوا اكثر شي معقدني بليز الله يخليكم الي تعطيني حل مناسب ويفيد شعري ماراح انساها طول حياتي وفي كل صلواتي راح ادعيلها انا الي تلاقيلي حل سواء خلطة طبيعية او دوا من الصيدلية او من العطار او اي شي موثوق ومجرب راح ادعيلها كل ماتذكرها ياراح ادعيلها دعا بس انتو الله يخليكم حتى لو ماتعرفوا اسألو بليز بليز بليز انا معتمدة على الله ثم عليكم الله يخليكم
والله حتى صرت اغلبية زواجاتنا ماحظرها بسبب شعري ما اروح الا الضروري الضروري وانا مغصوبة
والله جبلي حالة كئابة ماتصوروها
إذا ً عليكي إذا انتي تستشوريه ان تتركي الاستشوار لانه يزيد من خشونة الشعر وبهتانه
اعملي لك كل اسبوع ماسك من صنع يديكي هو ماسك صفار البيضة + م عسل + مطحون إكليل الجبل + زيت الزيتون
هذي تفرد الشعر مع الاستمرار
برضه اختاري شامبو لوريال للشعر لبخشن
وهذي مجموعته اختاري منها الشامبو والماسك والسيروم راح تترك شعرك ناعم واسالي المجرب
ولما تغسلي شعرك نشفيه بخرقة حرير حتى تعطي نعومة لخصل الشعر ثم لفيه بطريقة العمامة
والغسلة الجاية ضعي عليه زيت النخاع وزيت السمسم وزيت الحلبة من اليل لحد النهار هذي زيوت منعمة للشعر
واكثري من اكل الوز والجوز حتى تعطي الطراوة لاطراف الشعر
موفقة
حل التشابك جدا بسيط
ملعقتين مايونيز + 3 ملاعق عسل + فنجان زيت زيتون + فنجانين بلسم اي بلسم ترتاحين له + قطعه زبدة كاملة
اخلطيهم عدل في الخلاط لين مايصيرون مثل الكريمة بهالطريقة
خليه على شعرج ساعتين او ثلاث وبعدين اغسلي شعرك بالشامبو والبلسم وضروري البلسم والله راح تشوفين شعر ثاني
و عشان خشونه الشعر شوفي صفحتي هاذي
http://fashion.azyya.com/172855.html
وعشان القشرة الحل ولا اسهل
زبادي + حنه من ثاني استعمال قولي باي باي قشرة
وعشان مشكلة التقصف قصي اطراف الشعر لان التقصف ماراح يتعالج الا بالقص (( اطراف الشعر بس ))
و دام شعرج كثيف الحمدلله الله يحفظه وبعدين انتي تبيلج عض وضرب ياويلج ياويلج لو استعملتي فرد الشعر تحملي منه ترا راح تنهين شعرج بايدج شوفي موضوعي الي بعنوان ياصاحبات الشعر المجعد تعالوا راح تدعون لي
شوفي الوصفه هاذي تخلي الشعر ناعم الله يخليج نصيحه من اخت لاختها لا تحطين مواد كيماويه مثل الفرد والاصباغ والالوان ترا تعدم الشعر يعني لا سمح الله بتحرق شعرج وتقطعه واطيحه لحد الحين المشاكل الي في شعرج بسيطه ولها حلول وانتي قلتي شعرج كثيف عيل حافظي عليه وعلى كثافته
واتمنى اني افتدج واي سؤال انا حاضرة عيوني لج
ومابي الا دعوه وحده وهي اني (( اتوظف ))
يعني بدل ملعقتين مايونيز ملعقة وحده وبدل ثلاثة ملاعق عسل ملعقة ونص وبدل فنجان زيت زيتون فنجان واحد وبدل فنجانين بلسم فنجان واحد وبدل قطعة زبدة كاملة نص قطعة
