فضل الاستغفار

خاصه اللي يستغفرون الف مره باليوم
لو تستغفر الف مره باليوم ان شالله بيتحقق لك امنيتك والشي اللي تسعى له بإذن الله

اي شي في بالك ودك ربي يسره لك استغفرالله الف مره باليوم وان شالله يتممه ربي لك

إما ان تقول :

استغفر الله

او

استغفر الله الحي القيوم واتوب اليه

او

استغفر الله واتوب اليه

قال صلى الله عليه وسلم :

( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)

!! ولاكن فيه مشكله

انه احياناً ننسى كم مره استغفرنا

لأنه عدد 1000 كبير شوي ونخربط

ولاكن هالطريقه روعه وسهله جربوها

الطريقه هي

عارفين كل اصبع فيه 3 اجزاء

كل جزء توقف عنده وتستغفر ( 5 ) مرات

على اجزاء اصابيع يدينك الثنتين كلهم

سبع مرات في اليوم

المحصله راح تكون استغفرت ربك اكثر من الف مره باليوم

سهل وسريع وماتنسى

سبحان الله الاستغفار مفعوله سريع

وبسرعه تشوف اثره

يعني اذا انزنقت اي وقت ولا تأخرت على شغلك او امتحانك

استغفر طول الطريق وبتوصل تلقى الأمور تمام ان شاءالله

يعني اي شي بسيط يضايقك استغفر وبتنفرج لك على طول بإذن الله

حتى لو اردة شي

استغفرو و ستجدونه بإذن الله

يعني الاستغفار يفرج الهم

ويسهل الأمور ويصير كل شي ماشي تمام

هل تريد راحة البال. وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3].

هل تريد قوة الجسم وصحة البدن والسلامة من العاهات والآفات والأمراض والاوصاب ؟
عليك بالاستغفار:{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].