قالوا زمان فى المثل
أنا وإبن عمى ع الغريب
والآن العدو أصبــــــــــح حبيب
ليه يا ناس جارى بِعيد
والعدو أصبـــح له قريب ؟
قلنا حنبنى وادى إحنا بنينا السور العالى
وحنقفل منافذ الخير ع الجار الغـــالى
والكل قال وأنا مـــالى
ليه بنينا الجدار ليه زودنا الحصـــــار ؟
ليه وقفنا معاهم ونسينا أصحاب الدار
ليه نمنا فى راحة وهما ناموا فى مرار
الجدار كان من زمان
لما أكلنا وشبعنا
وجارنا نام جوعان
لما العدل اختفى والظلم غلب وساد
لما البعض منا نسى إنو إحنا لله عباد
فلنرجع لرب العباد
نرجع له بنفوس صافية وزكية
نلجأ له بحق وبأرواح طاهرة تــقية
ننسى كل اللى بينا ونعيش بقلوب نقية
لا حيوقف قدامنا سور ولا ميت جدار وجدار
وأنا وإبن عمى حنرجع نقف فى وش الغدار
وحننتصر حننتصر مهما طال الحصار
