قال لها انا دايما اللي بطفي النور

قال لها :ليه دايما أنا إللى بطفى النور !!؟… شوفوا ردت عليه ازاي؟؟؟

قالت له : ممكن تطفى النور علشان أنام

فرد بتلقائية : ليه دايما أنا إللى بطفى النور !!؟

ردت مع إبتسامة رقيقة : لأنك مظلوم زى كل الرجالة

فأجاب بإبتسامة ساخرة : لأ ، قولى إنك مش بتحبى التعب

إبتسمت وأجابت بكل رومانسية : السبب إنى عاوزة آخر حاجة نظرى يقع عليها قبل ما أنام هو إنت ياحبيبى .. مش مفتاح الكهربا

قال بكل حب الدنيا : ربنا يخليكى ليا يا أجمل حاجة فى حياتى

ثم نهض وأطفأ المصباح ، وعاد ليأخذها بين أحضانه ، وناما فى منتهى السعادة

********** intermission **********

قالت له : ممكن تطفى النور علشان أنام

فرد بتلقائية : ليه دايما أنا إللى بطفى النور !!؟

ردت بعصبية شديدة : شكلك كدة عاوز تتخانق

فأجاب بإبتسامة ساخرة : لأ ، قولى إنك مش بتحبى التعب

ردت بمنتهى العصبية : أمال مين إللى بيطبخ ويغسل ويرتب البيت ويصحيك تروح الشغل .. مين إللى بيعمل كل حاجة فى البيت لحد مايتهد من التعب ، وكل ده ليه .. علشان بقولك طفى النور .. إن شاالله ماطفيته ، وإن شاالله ماحد فينا نام ، وإبقى شوف مين هيصحيك بكرة علشان تروح شغلك

رد بكل ضيق وهو ينفخ : ربنا يسامح إللى كان السبب ، منا كنت عايش حياتى ملك ، إيه إللى دبسنى التدبيسة السودة دى .. رحمتك يارب

ثم نهض وأطفأ المصباح ، وعاد ونام كلامها وجهه فى الناحية الأخرى ، وناما فى منتهى التعاسة

الخلاصة : من أجمل وأرقى أنواع الذكاء هو الذكاء فى الحب ، فبكلمات وتصرفات بسيطة تستطيع أن تكون أسعد إنسان ، وكذلك بكلمات وتصرفات بسيطة تستطيع أن تكون أتعس إنسان .. فالخيار دائما بيدك أنت