كريب الكبدة ولا اطعم من مطبخي

نصف ك كبدة

2 بطاطس مكعبات

2 بصلة

فصين توم

ملح وفلفل حسب الرغبة

بودرة توم وبصل

2 قرن فلفل

كمون وقرفة وجنزبيل

اولا نجيب صينية فيها ماء مغلى ونضع عليها خل ونضيف الكبدة عليها واول ما يتغير لونها نشيلها ونضعها فى مصفاة ثم نقطعها شرائح صغيرة جدا

ثم نحضر نحمر مكعبات البطاطس فى زيت ونخليها نصف استواء

ثم نحضرصينية فيها زيت ولما يسخن نضع فيها البصل وملعقة صغيرة ملح ونشوح البصل ثم نضع التوم والفلفل الشرائح واللى مش عاوزة الفلفل اختيارى براحتك وممكن تضعى فلفل رومى ثم نضع الكبدة ونتبلها بالملح والفلفل والكمون والقرفة والجنزبيل

وبودرة التوم والبصل ثم نقلبهم كويس ثم نضع البطاطس النصف سواء لتكملة تسويتها مع الكبدة ولا تنسى تعصرى ليمونة عليها ونقلبهم حتى الاستواء ونطفى عليها وبتكون بالشكل ده

ونعمل بقى الكريب

انا عملت كيلو الا ربع دقيق

2 كوب ماء

2 كيس لبن نيدو

ونصف كوب زيت

4 بيضة

نضع الدقيق واللبن النيدو والمية والزيت ونقلبهم كويس واوعى تنسى ذرة ملح وفلفل وفى الاخر تضعى البيض وبيكون بالشكل ده