لا تحسبين الجرح

لا تحسبين الجرح ايام ويروح

الجرح ينزف داخلي من وريده

لاتحسبين العمر يرحل بلا روح

روح العمر ايام مره وسعيده

لاتحسين الحب مامنه مصلوح

الحب يحي كل قلب ويفيده

لاتحسبين الكذب يعلي صروح

الكذب يهدم كل شي ويبيده

لاتحسبين ينحب من كان مملوح

الرجل بالأخلاق كلن يريده

لا تحسبين الحب احلام وطموح

ياما من الاحلام راحت بعيده

لا تحسبين اني على الباب مطروح

غيرك كثير وكل يوم جديده

لا تحسبين القلب لك بيت مفتوح

قلبي صعب يومه مع الناس عيده

لا تحسبين الحب فرحات ومزوح