حملة البلوتوث والحسنات
البلوتوث تقنية جديدة انتشرت بكثرة
وأي تقنية معروف ممكن نستخدمها فيما يرضي الله عز وجل
وممكن العكس " أعاذنا الله من ذلك "
إحنا عايزين هنا نستخدمها في مرضاة الله عز وجل
طيب إزاي ؟؟!!!!
هنبدء بالتعريف بالحملة
أولا : التعريف بالحملة
هي حملة عبارة عن قسمين
الأول :تجميع أكثر مقاطع البلوتوث المؤثرة :
بطرق كثيرة عن طريق البحث في النت في المواقع والمنتديات
الإسلامية اللي مشترك بيها
بلوتوث على جهازك ترفعوه وتضع لنا الرابط
تسأل زملائك ممكن واحد يعرف مقطع كان سبب في هدايته
أو زميلة لكي أخيتي أرسلته لكتير وتابوا والتزموا
المهم بكل الطرق الممكنة في البحث نبحث عن مقاطع البلوتوث المؤثرة والهادفة
الثاني : نشر المقاطع المجمعة :
بأكثر من طريقة :
الأولى : بالبلوتوث
إنت ’’ إنتِ,,
موجود في الجامعة مع زملائك… وأنتِ مع زميلاتك
إنت أرسلتها لكام واحد فاتح البلوتوث في الجامعة " وأعتقد أنهم كتييير"
وإنتي أرسلتيها لصاحبتك
وصاحبتك أرسلتها لصاحبتها وصاحبتها أرسلتها لأخوها وأخوها لزميله وزميله ل…..
والحلقة هتفضل شغالة والحسنات إن شاء الله شغالة
والثانية :بالوسائط
ودا لو كان حجم المقطع صغيــر
والثالثة : بالأميلات
لكل القائمة المضافة على أميلك وأوصيهم هما كمان بالنشر
ودي ممكن كمان للي مش معاه جوال بكاميرا
بردوا لازم يشاركنا في النشر
عايزين نعمل ثورة في عالم البلوتوث الإسلامي الدعوي
أهداف حملة البلوتوث والحسنات
الهدف من الحملة ""الحسنــات ""
تخيلوا أنت أرسلت البلوتوث دا
يقول سيبونى والله آخر مرة في سكرات الموت
وفجأة وفي اللحظة اللي أنت بترسل البلوتوث
كان بيهم بعمل مع معصية أو مكسل ينزل يصلي في الجامع
ووصله البلوتوث وأتأثر بيه ونزل المسجد والتزم
دا في ميــزان حسنات مين؟!!!
في ميزان حسنــاتك إن شاء الله
وكمان ممكن ترسل بلوتوث ذي دا لأخوك أو إبن عمك اللي مسافر الخارج
أو يصل لأحد من غير المسلمين فيسلم ودا في ميزان حسناتك
( من الظلمات الي النور وقصة إسلام الشيخ عبد الله الألماني )
لا تستهين بالقليل فلعل به الخيــر الكثيــر
وهيتم تكريم أفضل عضو تفاعل في الحملة
بالبحث عن المقاطع وفي النشر
دا غير الحسنات اللي هياخدها إن شاء الله ودي هي هدفنا الأول
عايزين نستفيد من هذه التقنية في ما يرضي الله عز وجل ونبتعد
عن ما يغضب الله أعاذنا الله من ذلك
نقول بسم الله
ونبدء الحملة
وعايزين نشوف أول مقطع
من نصيب مين
منقول للفائدة
