الكثير منا يجد صعوبه عند شراء العطور ويبحث عن العطر الذي يكون تركيزه قوي ويدوم كثيرا اليوم جبت لكم طريقه معرفه درجه تركيز العطور وتكون مكتوبه في اسفل زجاجه العطر او كرتون العطر
النوع الاول (مركز جداً) "perfume" :
لما تحصل هالكلمة عالعلبة معناته إنه العطر حيل مركز ويدوم لساعات طويلة (ثمان ساعات واكثر) .. فما يحتاج إنك ترش وايد .. وبالنسبة للي عندهم حساسية حالي انا ما ينفع وياهم .
النوع الثاني (متوسط التركيز) "Eau de perfume" :
وهالكلمة إدل على إنه معتدل التركيز ويدوم ما بين خمس سبع ساعات .. ملاحظة ترى سعر المركز مو نفس المعتدل .. يفترض إن المركز سعره أعلى .
النوع الثالث (قليل التركيز) "Eau de toilette"
وهالنوع اقل درجة ويقعد لمدة تتراوح مابين الساعتين ثلاث .. واكيد سعره اقل ولكن الغش التجاري وغياب الذمه والتلاعب بدرجات العطور ماله اول ولا تالي .. وطبعاً مو معناة إن العطر خفيف يعني ردي لأ اكو عطور ما تكون حلوة إلا لما تكون درجتها خفيفه والعكس .
النوع الرابع (اقل تركيز) "Eau de cologne"
النوع هذا غالباً خاص بالاطفال وترواح مدته ما بين ساعة وممكن اقل .
