كيفكن صبايا بنات ستات
أهلا وسهلا فيني في قسم الطبخ اول مره اقلط في ذا
ترا العذررررررر والسموووحه ياللي تعرفوا تطبخوا وتشرحوا انا والله ماأعرف لاجيت اوصف اكله لأحد اقول له ترا انسددح وارتاااح الى أكمل الشرح والوصف ولوحسيت تبي فاصل بين المقادير والوصفه عاااادي خذها مسموح
مااالي بالوصف ابداً بس اني سويت هالشي اللي اسمها بسبوسه وحبيت تذوقونها ووسعوا صدوركم ترا لاتضيق علي
عموماً ياحلوات مالكن بالكلام الطويل <<<من جدك بعد هذا كله هههههه
تعالوا ندخل مدبخي اعلمكم طريقه مبتكره وسهله وميسره ولذيذه وحلوه وتهبل <<<<ودكم تصفقوني صح
خلاص خلاص هيا بنا الجد حان
وااااااااإليكن المقادير والطريقه سويتن
اول شي اكيد
المقادير نفس علبة قشطه التاج
قشطة تاج
مقدار العلبه مرتين سميد< أول ماتزوجت كنت اقول لزوجي ابي سماد للبسبوسه تجيه شبه جلطه مسكين الضعيف ويبقق عيونه ماصدقت وانااحفظه ههه
نجي نكمل
بنفس العلبه سكر بتزيدوا بتنقصوا حسب رغبتكم
ثلثها زيت وزبده مخلوطين واذا حبيتو نوع واحد براحتكم
نفس العلبه جوز الهند
كوب عصير البرتقال والاناناس حتى لوجاهز وتخلطونهم (انااستخدمت عصير شركة المراعي الجديد)
ملعقه صغيره بكنج بودر
وهيا الحين اخلطوا المقادير خلطاً مبرحاً وحطوها في بايركس او صحن الرز الحديد الدائري ماعندكم مشاكل
وادهنوا هذا اللي بتحطونها فيه بزيت او طحينيه سايله والله تهبل
واحشروها في الفرن لمده لاتزيد عن عشر ساعات <<< ودكم ترموني من الشباك صح
اهم شي خلوها بالفرن الى تصير شسمو هذا زينه تراها ماتتأخر اسمعهم يقولون كيذا بس والله انااشوفها تاخذ وقت يمكن نص ساعه مدري أزود لاتتدققون علي انتم واللي يناسبكم
أهم شي يوم هي الحلوه بالفرن روحو اعملو الشيره
افتحي حليب بوني او نستله +فنجان سكر وحطيهم علئ النار حتى يروح فيها السكر المسكين
والاعندكم حليب مكثف محلى<<<شوهت ابو الاسم بس شسمه هو يكفي ويوفي حطوه
وطلعو هذيك من الفرن واسقوها الحبيبه بالشيره الى ان ترتوي ويزول عطشها
وغطوها الى الى تمتص ابو الشيره وابو ابوها كمان وتعالوا قطعوها وكلوها عوافي عليكم
الصوره عندي بجهازي اللي تبيها ارسلها لها واتس ترى ماأعرف أشحط صور في ذا
وسلامتكم قصدي صحتين وعافيه واللمبه طافيه
ملاحظه اذا تحسون ناقصه شي من المقادير كملوه من عندكم مسموحين
واعذروني تعبتكم عارفه …. النهايه << تنفسوا الصعداء
ان شاء الله اجربها
^^
اهلا وسهلا فيكي
وان شالله تعجبكي يارب
ماني عارفة الانوثه عندة هو انو حقوقي ماكولة حسبي الله ونعم الوكيل وترا انا كذا مرا كلمته وقلت له كن لي زوج اكون لك زوجة من وين اصير لك زوجة وانت تصرفاتك مو تصرفات زوج ربي ذكرها في القران زوجي تصرفاته همجي والفاضة سوقيه وش الفايدة من طيبته حتى انا طيبه بس ما اسوي حركاته ذي وحنونه اكثر منه
