استفسارات العروس و ترتيبات و تجهيزات الزفاف
حبوبه
ذوق الف عافيه
مروري حموديمشكورة يا قمر
متشكرون حياتي
ببدا اولا بالقاعه بشكل عام وبعدين الكوشه واخيرا الزفه او الحركه..
القاعه:
الطاولات كانت مرتبه بشكل منسق وجميل لون الشراشف كان ازرق وعلى كل طاوله وفى المنتصف , كوب على شكل فاز..كبير..وطويل… تقريبا (40سم)(مخروطى)وبداخله ماى وسمكه ذهبيه..
الكوشه:
الكوشه كانت على شكل احجار بحريه والمرجان والطحالب البحريه..وعلى السقف كانوا معلقين اسماك حوالى(15 سمكه على مسافات متباعده.. الكرسى وهذا كان احلى شى.. لانه الكرسى كان مصمم بشكل حلو بحيث اسفل الكرسى مصمم على شكل حوض سمك.. على فكره ترى الاسماك الى فالحوض حقيقيه ..وطبعا الاسماك المعلقه لزينه..عن تصدقون بعد انها حقيقيه
واخيرا :الفكره او الحركه الى نزلت فيها العروسه….
قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويله… وكانت الفساتين بالون الابيض… ونزلوا من نفس المكان الى راح تنزل منه العروسه مع اصوات البحر ….. وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادرى اذا الصوره واضحه بس علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه… وبعدها تصعد بنت خامسه بيدها صدفه كبير..بداخلها مسكه العروس…
والحين تطلع العروسه مع قصيده بسمها واسم المعرس… وتمشى وبيدها نجمة… تمشى لين ما توصل عند البيت الى حامله الصدفه الكبيره تسلم عليها(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشه….
ثانياً : فكرة الأقنــعة التنكريه..
فكرة الأقنعه التنكريه…و بقولج كيف اتنسقينها بعرسج..
طبعاً من الإسم راح يتطلب عليج تواجد الاقنعه التنكريه..إليكم الخطوات اللي بتستخدمون فيها الاقنعه..
و مب أي قناع..في أقنعه حلوه يبيعونا في محلات الأثاث تييج لونها فضيه و راقيه.. المهم..شووووووووووووو الترتيبات اللازمة لعمل الفكره..؟
أولاً : باقتج لازم تكون مرفقه بقناع صغير اللي يكون نص مش كامل…و عليه ريشه بيضه و طويله..
ثانياً : لازم يكون لج انتي بعد قناع .. على حسب فستانج إذا ابيض يلزم فضي و إذا ذهبي .. يلزمج ذهبي و يكون القناع (( نص ))..
ثالثاً : و انتي طالعه للناس اطلعي من الكوشه نفسها..لأنها حركه حلوه..و تكونين لابسه القناع…لين ماتوصلين لإخر الممر بعلى الكوشه..و عقبها شيلي القناع..و عاد الناس بكون فيهم فضول..يشوفون مكياجج..
و الموسيقى اللي تدخلين عليها لازم تكون مناسبه بعد..و فيها شوية اكشن..
رابعاً: عقب ماتشيلين القناع انزلي من على الدرج…و امشي بين الناس..مب بالنص…قومي و امشي بينهم..بس يعتمد على الفستان إذا خفيف عليج سوي هالحركه ..و انتي ماره بين الناس..مدي ايدج و سلمي عليهم.. عاد بستانسووووووووووووووون..انهم سلمو على العروس..
خامساً : و بعد هاللفه كلها ارجعي للكوشه
سادساً : خوات العروس لازم يكون لهم قناع على الوان فساتينهم…و يرقصون على اغنيه..مناسبه بعد ماتقعد العروس و اتخلص زفتها..
سابعاً : نرجع للتوزيعات..حبذا لو كان على كل طاوله توزيعات فيها اقنعه..و مشغولات يدويه ثانيه حلوه..
ثامناً : حبذا لو الكوشه يكون فيها خيال شوي…شرات القلعه أو ديكور معين مناسب..
تاسعاً : تقدرين اتوزعين مليكان على بوابة الدخول للناس و على المسرح…و لابسين لبس غجري..و هم لابسين اقنعه تنكريه..و تقدرين تتنازلين عن الفكره لو ماتبينها..
عاشراً : الأضواء لازم اتكون خافته..و يكون على العروس و ضوء فلاش مسلط قوي..و يكون هالضوء شغال عليها .. لأن يعطيها جاذبية غييييييييييييييييير..و في حركات حلوه الحين قامو الناس ايبونها..مثل شلال عند ممر دخول الناس…على الأطراف…و في العرس اللي انا حظرته..شفت انهم يايبين شلال كاكاو..و حاطين يمه فراوله و اللي يدخل عادي ياخذ فراوله و يغمصها بالكاكاو و يااااكل..كانت حركه روووووووعه..
ثالثاً : فكرة الطفلة النائمــــــــة
(( زفة جميلة )) تطفأ الانوار ثم يوجه
(سبوت لايت) على مقدمة الممر حيث ترقد طفلة – حوالي 6/7 سنوات –
تلبس لبس أميره تزين شعرها بتاج ناعم وتوضع عصاه على شكل العصاة
السحرية (يعني عصاه بلون فضي أو ذهبي براق، حسب لون الديكور في
نهاية طرفها نجمه) تبدا الموسيقى [يجب أختيارها بعناية حتى تتناسب
مع الموقف أو المشهد] عندما تبدأ الموسيقى
(تمثل) الطفلة بأنها كانت نائمة وتستيقط بحيث تنظر حولها وللسماء
وكأنها تبحث عن شىء ثم تقوم وتمشى وتدور حول نفسها وهي تنظر للأعلى
وكأنها تبحث عن شيء ثم تتعثر رجلها بالعصاة السحرية فتنظر لتحت قدمها
وترى العصاة السحرية وتلتقطها وترفعها للسماء ثم توجهها للبوابه، هنا
تتوقف الموسيقى ويفتح الباب (من الممكن هنا أستخدام مؤثر الدخان) وتطل
العروسة من البوابة .. من الممكن أن تكون دخلةالعروسة على شعر
أو على موسيقى ناعمة حتى تصل
لمقدمة الممر ثم تقف قليلاً حتى ينتهي المقطع الشعري أو الموسيقي.. وتبدأ
الزفة….
ريحة فمك كنه زجاجة عطر
المقادير
30 حبه هيل
30 حبة قرنفل (مسمار)
حبتين كبار قرفهالطريقهتطحنوهم كويس وبعدين تضيفون عليها دهن عود وتخلطونهم تمام التمامثم يوضع بعلبه محكمه الاغلاق عشان يتشبع بريحه دهن العوداذا جيتي تنامينتاخذين شوي (( حطوا على شوي الف خط )) يعني لاتكثرين تمسحين منهم شوي داخل فمك بشكل دائري
جربوا وردو علي
وعلى فكرة أنا هاوية خلطات أحب دائما أكون شيك حتى في البيت فنتظروا إنشاء الله مشاركت خلطاتي يعني أنا جربتها وشفت نتيجة دعواتكم
يسلمو غلاتي
يعطيك العافيه
تقبلي مروري/
دلوعه حمودي
شخباركم ان شالله بخير وسهاله؟؟
حبيت احط هالموضوع عشان نتبادل الافكار
وان شالله الموضوع يكون مو مكرر والكل يستفيد ..
باكتب بعض الاسئله وكل وحده تجاوب وتكتب رايها..
سوآآء زواجكم قريب او طآآف اهم شي الكل يعطي افكآآآر حلوه ,,
2- واي لون حاطه فبالج بتحطين مكياج ؟
3- تفكرين تلبسين تاج او موضه قديمه ؟
4- حابه تصبغين شعرج او بخلينه مثل ما اهوه ؟ واذا بتصبغينه قبل العرس بشكثر؟
5- فصلتي فستان ؟ او بتاجرين . ؟
7- بتحطين حنا خفيف او ثقيل ؟؟
8- بتسوينلج فكره مميززه ؟ مثلا بتحطين وصيفات يمشون معاج كلهم لا بسين مثل الشي
او فكره ثانيه ؟
9- شنو نوع التوزيعات الي بتسوينها في العرس ؟
10- وش نوع العطر الي بتحطينه يوم زواجك؟
11-شو لون الورد الي تفضلين تحطينه بالمسكة؟
12-وين بتقضين شهر العسل او وين قضيتيه؟
والي عندها شي ثاني بضيفه او تقوله حياها الله ,,
اتمنى اشوف ردودكم:11_3_2[1]::11_1_209[1]:
اليوم جايبه لكم موضوع واضح من عنوانه
وهو خاص في المرأه المقبلة على الزواج او المتزوجه، واتمنى لكم الفائده منه
الموضوع هو : كل ماتحتاجه العروسه والمتزوجه
تجهيز العروس
(المــــلابس الداخليــــــه)
ملابس مريحه للنوم شفافه وخفيفه
ملابس داخليه للطلعات والدوام
ملابس خاصه باالدوره الشهريه (كلوتات بلاستك من الصيدليه)تسويلك حمايه وتحافظ على ملابسك
أطقم سنتيانات للبيت (غير مبطنة)
أطقم سنتيانات سهرة
كلوتات انفرادية ألوان متعددة
ملابس النوم:
طقمين ارواب.
قمصان طويلة بدون ارواب .
قمصان قصيرة.
بجايم حريري.
بجايم قطنيه.
كورساج + ستوكنغ
(اللي تجي فيها الشراريب و بعدين يشبكونها في الكورساج من فوق عرفتوها؟ )
(ملابــــــــــس البيـــــت) [/u]
أقمصة قطنية طويلة.
أقمصة قطنية قصيرة.
أطقم شورتات قطنية+جينز.
تنوره قصيره.
تي شيرت.
بناطيل.
فساتين قصيره.
بودي.
(ملابـــــــــــــس خـــــروج)
يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
(الـــذهب )
لاتكثرين لأنو راح يجيك هدايا سواء من اهلك أو من اهل زوجك
خذي لك طقمين أبيض واصفر واذا كنتي ماتحبين الذهب الأصفر، لاتكثرين منه لأنو حلاته يوم
الصباحيه اذا جيتي بتسلمين على اهله وبس، فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان.
(العبايات)
فصلي لك عبايتين على الراس وواحده على الكتف مع الشيل
والبسي في البدايه عبايه الراس علشان تجسين نبض زوجك من ناحية الكتف والراس
(الشنـــاط) [/u]
الموضه في الشنط المشكوكه، راح تلاقين أشكال حلووه باالمره وخذي لك ثنتين عمليات لما تطلعين
مع العريس.
(اغراض الحمام)
طقم روب
عدد من الفوط
شامبوهاتك وصوابينك المفضله
كريم حمام زيت
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال.
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره
كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم :أحلى الرغوات: مثل صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم.
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز
وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه :تعلمينه انك رومانسيه بعد ماتطلعين مستحمه خلفي ورى خروجك من الحمام شموع
مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل
مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فوط صحيه
فازلين
(علاجـــــــــــات)
بندول
نصيحه(بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها لأنك ماتعرفين طبيعتك هل أنتي قادره على الأنجاب أو لا..أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها من البدايه وصار
يعالجون منها)
(الجـــــــــــــــزم)
شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام
(العطــــــــــــــور)
هذه بعض العطورالرائعه
العربيه
مسك لزج يجننن عند عبد الصمد القرشي
عطورات أجمل كلها حلوه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا
—-
وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب
مون فلورمن بودي شوب
(المفــــــــــــــــــــارش)
اختاري أثنين فقط
واحد أبيض وواحد مشجر
وخوذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش، وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش
(ماكـــياج)
ماكياج الصباح.
اختاري كريم اساس خفيف تلقينه عند ماكس فاكتور وبودي شوب.
اما الأرواج والجلوسات اللي تناسب النهار.
مكياج الليل.
ماكياج الليل لازم يكون اكثف من النهار.
كونسيلر(فور ايفر تجيك علبه وفيها خمس الوان أخضر لأخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع والأصفرعلى جسر الأنف والبني على جوانب الأنف.
كريم اضاءه(ريفلون..ماك..كريولان).
بودره اضاءه(ماك..بودي شوب).
بودره بلمعه مافيه زي ريفلون خذي كل الثنتين البيضاء والبرونزيه.
الكحل كريولان لانكوم وكحل القلم الجاف من جفنشي خطير.
الشدو(كريولان ..فور ايفر ..ماك) ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل.
(IsaDora )البلاشر(روحي لمكياجي تلقين عندهم ماركةالوان البلاشر حقتهم روعه ).
مثبت الماكياج(بخاخ من جفنشي.أو فور ايفر).
المناكير خذي هذه الالوان(بصلي..وردي..احمر..عناب ي).
الماسكارا(هيلينا روبنشتاين ..بروجو..نيفيا).
مزيل ماكياج.
ميلك للبشره.
كريم مرطب للبشره.
غسول للبشره(كلين آند كلير.
شنطة مكياج عشان تحفظين اغراضك فيها من الضياع وعشان يكون حملها سهل
(اكسســوارات)
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه(لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير)
توكات"بنس للشعر"
بعض البكل الجميله
(الأجـــــــهزه)
استشوار.
فير لتلفيف الشعر
فيه فير على غاز يجننن تحطينه بشنطتك اليدويه وتكوين فيه الخصل اللي قدام اذا كنتي من النوع اللي يحب يحط خصل مستقيمه على الوجه.
(متفرقــــــات)
كتاب الطبخ
كتاب طبخ من كتاباتك المختاره
خيوط+ابر+مقص
أكياس معطره للملابس
مصاصات العصير
بطاقه اتصال للضروره يمكن البيت مافيه صفر وتحتاجين امك وقت الطبخ والزنقات
زيت السمسم
علب لحفظ اغراضك داخل الأدراج
صندوق مجوهرات
كاميرا علشان تصورين رحلتكم في شهر العسل
لبان فيه لبان ايراني ممتاز عند محلات البخور جواه عسل وفيه نكهات متنوعه ملاحظه العلكه تشوه منظر العروس لاتعلكين قدامه
سجاد وشراشف للصلاه
(نصـــائح)
اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين
احذري من كثره الحديث عن تفاصيل حياتك قبل الزواج
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلك لاتكثرين من الذهاب لهم اول الزواج علشان يتعود عليك ويسير مايستغني عنك
لاتكثرين رسائل الجوال تسيرين لزقه
اذا بغيتي أي شي من السوق لاتستحين ترى حياك ماراح ينفعك
وبيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها
وطبعا مو كلهم كذا لكن اضمن لك انك من البدايه تبتدين ماتستحين من الطلب
وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك باالمره يعني خلك بين طلباتك ومستلزماته وراح يتعود على المصاريف الله يعينه ويوفقه
لاتجيبين سيره الأنترنت له وانك كنتي تقضين اغلب وقتك عند الجهاز لأنو بيتضايق ويفهمك غلط .
والله يوفقك
وتقبلوا تحياتي…
يا اختى الغاليه
موضوع اكثر من الرائع
فائق الشكر وجزيله لكِ
بنتظار جديدك دوماً
دمت بخير
__________________
يعطيك العافيه يالغلآ
يعطيك العافيه
