الوسم: الثرى

شوي ونزلت امي وتيمعنا وتريقنا .. وبعدها رحت غرفتي .. اجمع بقيه ثيابي .. جفت دفتر عزيز على قلبي دفتر ذكرى .. من يوم انا بالابتدائيه هو عندي ..

قعدت اقرى واقرى .. في بنات اذكرهم للحين .. وفي بنات لا .. كنت اضحك ضحك على حجيهم .. صج كنا يهال .. ومانعرف شي بس جذي نكتب .. بس والله ايام ماتعوض .. ابتسمت لين وصلت لمرحله الثانويه .. هني عاد كان الهبال من قلب … والبنات كل وحدة تتفن وتكتب احلى ذكري ..

صحت شوي على بعض الذكرى للبنات العزيزات على قلبي والبعض الثاني ابتسمت لان للحين لهم ذكرى بقلبي .. صكرت الدفتر .. وانبطحت على السرير .. وبين لحظة والثانيه من ذكرياتي .. غفيت ..

^^^^^^^^^^^^^

"سالم"

قمت الصبح بسرعه متحمس للموعد .. ياترى شتبغي لولو؟ .. شالي ذكرني فيها؟ .. اتصلت الريامي .. شسمها مادري ماذكر <من كثر البنات

مارديت عليها .. خلها تولي .. تملت من ويهها ..

نزلت تحت كالعادة محد على السفرة .. نجتمع بس على الغدى واحيانا بعد مو دايما

دخلت المطبخ .. جفت هذيج الفلبينيه مادري الصينيه .. لعنبو عليها جسم .. اوف ولا المونيكان له نفسه .. طويله .. وبيضه شوي .. عيونها خطة قلم .. وخشمها شوي مدب .. م .. حلجها صغير جنه تمرة .. رحت وراها وشكلها مانتبهت لي كانت تقطع الجبن .. مسكت خصرها نقزت .. صفرت لها .. وهي طالعتني اول شي باحراج بعدين قامت تضحك وتهز راسها ..

عضيت على شفايفي .. يوم سمعت صوت سلوى .. وقتج ياسلوه ؟؟.. اوف هادمة الذات .. بعدت عنها .. وقلت لها تيب لي اكل هي وضحكت لي وقالت لي انزين .. حركت يديني .. وطلعت من المطبخ .. لقيت سلوى تضحك .. طالعت الساعه ساعه 9 شمقومها من نومها ذي؟ تعكر مزاجي .. الله ياخذ بليسج ياسلوى مخربه علي .. اوف ..

قعدت بضيج عندها

ابتسمت ولا جنها من شوي مخربه علي : صباح الخير

رديت من طرف خشمي: صباح النور

طالعتني شوي : اوف المزاج متعكر شفيك؟؟

طالعتها وجنها مجرمة .. وتقول شفيني كفايه خربتي علي .. وتسأليني بعد بقواة عين ؟ ..:ولاشي .. يالله انا طالع

قالت لي : تعال اليوم ملجة اخوك وين رايح

قلت بعصبيه: طالع طالع برجع الغدى

اوف هالملقوفه شدخلها غصب تعرف والله حاله ..

^^^^^^^^^^^^

باليل ..

"لولوة "

جفت نفسي بنظرة اخيرة كل شي تمام .. زودت من روجي التوتي وعطاه شكل اكبر من حجمة الطبيعي وحطيت جلوس عطاه لمعه وحيوية.. مسكت الكحل وزودت الكحل شوي ..

جافني علي وصفر :ياعيني ..

ابتسمت .. اشبع غروري صراحة..: تسلم عمري

علي : على وين العزم؟

ابتسمت بحالميه : بروح عرس ..

هز راسه بتفهم :تبيني اوصلج؟

ابتسمت: اذا ماعندك مانع حبو ..

علي : من عيوني .. الحين بتروحين .. طالع ساعته .. مو جنه متاخر ..

طالعت ساعتي الفخمه كانت الساعه 10 وربع :لاحبي هم من الطبقه الراقيه توها السهرة باديه

ابتسم: اوكي يالله ..

ابتسمت بانتصار .. اخيرا راح اشوف منصور .. اخيراً … بشوف مرته وبتشمت فيها .. وهم بخبرها عن حبنا الاسطور .. اه ..ههه اقصد حبه الاسطوري .. مانكر اني كنت معجبه فيه بس زال الاعجاب بسرعه ..

ام الي اعرفه انه بيخل يلبسها ع الساعه 11 الا ربع .. يعني يمديني اشوفه قبل لا يدخل .. طلعت من البيت بعد ماتهاوشت ويا علي هو يبغيني اغطي ويهي وانا مو راضيه .. عيل متكشخة حق شنو عشان اغطيه؟ لا والله؟ .. واخر شي مشت كلمتي .. دشينا السيارة كان معصب .. وه .. مايسوى علي …

شفت نظرات الاعجاب من بعض الشباب .. بس صديت غصب علي .. علي وياي ومستحيل ابين له .. سويت نفسي ثقيله موت .. حتى ماعطيتهم نظرة ..

وصلت بيتهم بعد ظرف نص ساعه .. قبل لا انزل زيدت الجلوس وزيدت الكحل .. وقبل لا انزل قرت ارضي علي.. بسته على خدة بسرعه : حبيبي مرني ع الساعه 12 ونص .. مابغي اطول .. سويت روحي مستحيه .. اشتقت لك بنسهر ويا بعض

ابتسم لي من قلبه :على خير

مسكت ضحكتي لاضحك جدامة .. وطلعت من السيارة وانا اتمخطر .. دخلت .. شفت واحد عريض لابس ثوب ابيض .. وغترة حمرة .. ومسويها ترمبه .. ودقت اكثر .. كان ابيضاني شوي عيونه وسيعه بس ناعسه بنفس الوقت خشمة طويل بس مب وايد يعني يعتبر متوسط .. شفايفه متوسطة ومليانه شوي .. خدودة حمر ..شكله من البرد .. بسرعه ناديته ..:منصور ..

التفت يمين ويسار .. وبعدين صد لصوبي .. ابتسمت له .. حسيت اني من زمان ماشفته .. رخيت الشيله .. وخصل من شعري نزلو على ويهي .. وانا اعرف تأثيرهم عدل على الريايل .. قربت لعنده وهو ماتقدم ولا خطوة .. شدعوة ماوحشته؟ ..

شفته:نسيتني؟ ..هاي وانته واعدني بأنك ماتنساني وماتزوج بعدي ..

رفعت راسي شوي .. وشفت عيونه .. كان شكله عادي وابداً مب متأثر ولا كأني اكلمة.. شفيه؟ .. قبل اسبوعين كان متلهف على شوفتي وانا تثيقلت عشان اشوف غلاتي .. شكله للحين شايل بخاطرة .. مسكت جتفه : منصور انا لولوة .. شفيك ؟؟

طالعني بساطة وقال لي وهو يأشر على نفسه : تعرفيني؟؟

انصدمت .. صدمة عمري .. شفيه؟ يستهبل علي ولا يستهبل .. عصبت : منصور انا لولوة حبيبتك!

طالعني وهز جتوفه : ماعرفج .. م .. تجوفين لي الدرب امي تبغيني شوي ..

طالعته بصدمة :حبيبي …!!! ليش ماتذكر؟

طالعني بصدمة : انا.. انتي .. انتي من وين تعرفيني؟

لا شكله خرف من قلب .. :انته تعرضت لفقدان الذاكرة ولا تستهبل علي؟

طالعني وقال لي بصدق: احلف لج عشان تصدقين اني ماعرفج؟؟

ابتسمت .. مسكين صار مينون لانه يحبني .. ياحبيبي .. مسكينة بنت عمه هههههههههههههههههه شلون رضت فيه؟؟ .. اكيد فيها عيب ولا مخبله نفسه؟ هههههههههههههههههههههههههههههه هههههههههههههههههههه هههههههههههههههههههههههههههههه هههههههههههههههههههه : اوكي .. من عيوني ..

دشيت وانا الدنيا مو سايعتني .. شبغي اكثر من جذي؟ ريايل متخبلين علي .. فديتني ..

^^^^^^^^^^^^^^

"سلوى "

دخل منصور .. الصاله كانت منظمة ومرتبه .. والبوفيه بطوله مالي الصاله .. والنسوان من كل الاجناس من كل طبقات المجتمع مالين الاربع الصالات .. وفي صاله خامسه .. خاصه بس للبرستيج للي ها هاي هاي هاي .. امي هناك قاعدة ويا ربعها ..

ابتسمت وانا امر بينهم وصلت لسارة .. الي كانت لابسه ام فستان طاوسي رهيب رهيب على جسمها كانت يدها اليمين عاريه مش كلها لا اليد لين ربع الذراع .. واليد الثانيه عاريه بس مغطيه بسلاسل من نفس الوان الفستان .. كانت ساروه تهبل .. تبون الصج انا ماعرف اوصف خخخ انا فاشله بالعربي .. المهم اتصل منصور وقال بيدش .. وقبله بشوي دشت وحدة لابسه فستان شوي عاري بس يهبل وجسمها ماشاءالله لا اله الا الله ايجنن .. كانت بيضه والون الاحمر اين عليها .. الله يحفظها .. م ايه انا كنت لابسه فستان بحري .. دخل منصور .. وامي يايت وياي .. وريناهم الشبطة والهدايا من منصور .. تقدم منصور وهو مستحي ونظرات الكل تراقبه ..

تقرب من الكوشه .. والاغاني زاعجة الدنيا .. كنت اضحك وابتسم .. مستانسه ياناس .. بس بنفس الوقت احس بحزن ..المهم خلونا فرحانين .. تقرب منصور لين وصلنا لسارة .. الي كانت جنها حوريه من الجنه ..

وقفت هي بعد .. وقف منصور مو فاهم شي .. قال لي :سالم قال لي اسألج شسوي؟ ..

ويه ياربي لايكون نسى الي حفظناه ياربي .. من الربكة قلت له: بوسها ..

قال لي :ها؟ ….. استحي ..

نزل عيونه للارض

ضحكت عليه: منصور يالله لازم تبوسها على راسها ..

طالعني بتردد .. وبعدين قرب من سارة وباسها بسرعه وقف حذاها .. شوي ويات امي باركت له وانا بعد باركت له .. ويابت وياها الشبكة.. وقالت له يلبسها .. هني عاد توهق منصو رمن قلب هههههههههههههه ؟.. ساعدنا ولبسناها .. وساروه كانت محمرة .. وتفرص بيدي ههههههههههههههههههه .. فديتهم ..

صور وياها شوي .. وبعدين طلع ..

سلطانه: هاسوير اجوفج محمرة

سارة باحراج: حرام عليكم تفشلوني

ضحكنا انا وسلطانه على ساروة يحليلها .. تمينا قاعدين وياها ونسولف وكل ساعه وحدة من رفيجاتنا يات تسلم .. ونقوم لها .. لين صارت الساعه 2 ونص .. وبعدها خفت الزحمة ..

طبعا الناس تعشو ع الساعه 12 ونص .. وبعدين تمنينا نرقص ونسولف ونضحك .. ونتحجى عن امور وايدة .. امي كانت تخزني بنظرات قويه لاني كنت اسولف ويا رفيجاتي بدون تحفظ ولاني بعد ماسلمت على كل رفيجاتها ماشاءالله عليهم شكثر وين اقدر اسلم عليهم رقبتي بتنكسر وهم للحين ماخلصو ..

بس سمعت تعليقات ضايقتني وايد .. ومنها

:جوفوها بنت السفير .. يالله على رفع الخشوم
..: جوفوا فستانها اكيد من فرنسا ولا ايطاليا .. ولا بنت سفير وتخيط فقطر
..: مالت شهالعايله المغرورة

..: فسق يشترون فستان ب4000 وغيرهم من الدول محتاج ل500 ريال ومستكثرينها عليهم

..: هاي ابوها السفير ورافعه خشمها لاصار ابوها ملك دوله شبتسوي؟

..: مايطالعون الناس الا باطراف عيونهم مب عاجبينهم؟؟

وايد من التعليقات الي اذتني .. كان ودي اصرخ واقول لهم بس سكتو سكتو .. كانو يقيموني وكأني تمثال من تماثيل البيت .. مو كأني وحدة لها مشاعر واحاسيس .. كان بينهم تعليقات اقوى .. بس نفسي مب راضيه تخبركم .. كفايه انا سمعتها وسكت ..

صعدت غرفتي بعد ماطلعو الناس .. وبعد مارجعت سارة واهلها لبيتهم .. غيرت ملابسي .. ماكان لي بارض امسح مكياجي .. بطني يعورني من اليوع .. نزلت تحت شفت منصور وسالم يتحجون .. قعدت عندهم ..

سالم: ها منصور عسا عجبتك سارة؟

طالعه منصور باستغراب: من سارة؟

قلت له: زوجتك !!

سالم: يالمخبل ماتعرف اسمها للحين؟

ابتسم منصور: امي تقول اسمها سوير ام الفال

فتحت عيوني بوسعها .. امي وحجيها بعد .. لو قايل جدام الناس جذي .. صج فضيحه .. مسكينه ساروة شكلها امي مابترحمها

الله يعين .. خذيت لي اكل ورجعت الصاله وكان منصور قاعد يوصف سارة قلت بعصبيه : منصور عيب

منصور براءة : هو قالي شنو كانت لابسه

طالعت سالم بنرفزة : سلوم ..

ضحك سالم وقال لي : سؤال بريء شفيج معصبه

سكت سالم وبعدين قال: يالله انا بروح ارقد وراي قومة ومعابل من الصبح لعرس الحبيب .. تصبحون على خير

انا ومنصور: وانته من اهله

قلت لمنصور بعد ماراح سالم: منصور عيب وحرام توصف مرتك جدام أي احد

منصور: بس انا ماعندي مرت ..

ابتسمت بتعاطف: امبلا حبيبي .. زوجتك يعني مرتك .. وانته متزوج .. ولازم ماتوصفها لاحد

هز راسه بطاعه وسالني بعدها : ليش؟ ..

قلت ه بساطة عشان يفهم: لو ابوي قال لك سر وانته قلت لاحد ابوي بيعصب لان هالشي يخصه ومايبي حد يعرف .. نفس الشي سارة شي يخصك ولازم ماتقول لاحد عنها ..

قال لي براءة : بتزعل بعدين؟

قلت له وانا اكل: ايه .. وبعد الله بيزعل عليك …تبغي؟

هز راسه بتفهم وقال لي : لالالا ابغي ارقد ..(قلد سالم) وراي قومة من الصبح حق عرس الحبيب.. تعالي من الحبيب؟

ضحكت عليه وبعدين قلت بحزن : يقصدك انت

ضرب يبهته بطفوله: ايه صح نسيت .. يالله باجر بتزوج ..تزوجين وياي؟

ضحكت وقلت باحراج: منصور حبيبي روح نام ..

ابتسم: ليش تضحكين

قلت بفرحة: لاني مستانسه لك .. تصبح على خير

قعد يجوف السقف .. وبعد دقايق وجنه تذكر شنو يردون : وانتي من اهله ..

وراح فوق .. ابتسمت .. وبنفس الوقت مات ابتسامتي ..

^^^^^^^^^^^^^^^

باليوم الثاني بنفس هالوقت ..

عالساعه 10 ونص بالضبط .. انزفت سارة وهي باحلى حله .. الثوب الابيض يزين جسمها .. والالماس يزين هالفستان الغالي .. الطرحة المرصعه بالالماس والكرستال تتلامع مع الاضاءة الخفيفه .. القاعه الاسطوريه الذهبيه مخليه سارة وكأنها لؤلؤ طالع من البحر خصوصا مع الاضاءة الذهبيه الي عكست لون ثيابها الابيض بلون لؤلؤي شرح .. مكياجها الخفيف الوردي معطيها هاله من البراءة والجمال .. وعقد الالماس الثقيل مزعجها بس طالع برقبتها احلى من ماكان بالعرض .. زحمة الناس تخلي الواحد يحس بالفرحة غصب .. وتوتر العرايس شي اكيد تحس فيه سارة ..ترتيب الطاولات والشموع الي تضيء دربها للكوشه .. وريحة العود ساحرة المكان .. ومخليه الناس يطالعونها بذهول .. هذي العروسه الصغيرة مرت ولد السفير .. اتين .. الكل يهل ويكبر .. والكل يبارك ل ام محمد .. وام محمد رافعه صدرها بفخر بزوجة ولدها الصغيرة الجميله .. اختيارها ماكان خاطئ جمال سارة تحسدها البنات عليه .. واليوم جمالها زايد ..

من استقرت سارة على المسرح ابتدوا المعازيم يباركون لها ويتعنون لعندها بس عشان يشوفون جمالها من قرب ويحدون ملامح الابداع الي رسمها الله لها .. الرقص والربشه كانت ماخذه الجو بشكل عام .. والفرحة والدموع كانت طايرة بام سارة للسما من الفرحة .. بنتها الوحيدة تتزوج .. وتاخذ احسن اولاد السفير بنظر الام .. شتبغي اكثر من جذي

وحدة قاعدة على جنب ودها لو تروح وتكفخ سارة وتفتك منها .. وتشيل الانظار المتوجهه لسارة وتخليها لها وبس .. شكثر تكره الاعراس لان الانظار تكون ملتمة للعروسه .. وهي ماتلاقي الا نظرات خاطفه نظرا لانها متزوجة .. الا انها تحصل انظار كثيرة بس الجشع والطمع معمين عينها

وبجنب ثاني البنات يتراقصون مع الحن الموسيقي .. ويروحون للعروسة كل شوي .. وغير صديقاتها الي معسكرين عندها وترقص وتصور وياها .. وهي البسمة مافارقت محياها … الاكيد مب عشان ارتباطها بمنصور بس الاكيد لانها تجوف فرحة الكل لها .. واهم شي فرحة اهمها ومرت اخوها .. والاهم من هاي كله رضا ام ريلها .. وحبها لها .. سارة عمرها مافكرت بلحظة ان مرت عمها تحبها هالحب .. كان واضح من تصرفاتها ما خلى سارة تخجل من مواقفها الي اتخذتها من نورة "ام محمد" .. حست بأنها ظلمتها ..

شوي ويعلنون دخول المعس .. هني بدت اطراف سارة تبرد .. وكأنها تذكرت موتها .. بدت تبعد تفكير الموت من عقلها .. لازم تستانس وماتخرب ملامح الحزن فرحتها على الاقل جدام الناس .. صكروا الستارة الي جدام سارة وظلت بمكانها تترقب خروج الريايل عشان ينفتح الستار .. كانت متوترة موت .. وتمنى لو الريايل يطولون ومايطلعون بسرعه .. لكن تأخروا وايد صار لهم نص ساعه .. فتحو الستار بطريقه حلوة وحركة احلى .. شوي وتنصدم عينها بعين اغلى حبيب على قلبها

"سارة"

من جفت ماجد لميته بقوة وكنت بصيح بس سلوى كانت تهدني عشان مايخترب مكياجي .. كنت ابغي اعاتبه بس للاسف الوقت والزمن والمكان مايسمح .. ظليت اطالعه بكل شوق .. الحمدلله مافيه شي .. الحمدلله انه بخير .. عيل ليش ماكان يرد علي .. ؟؟.. متى وصل؟؟ .. سلمت على عمي .. مع اني كنت حامله شكثر عليه بقلبي .. الا اني بذيك الحظة مادري .. م حسيت انمسح هالحقد لفترة زمنيه قصيرة .. وبعدها طلع هو وماجد .. عيوني كانت متعلقه بماجد .. ومن اختفى من نظري .. التفت لقيت منصور يبتسم .. وعليه البشت الاسود .. وسكسوكته مجمله ويهه .. اول مرة اشوفه عن قرب .. حتى امس ماطالعته كنت احس بفشله وكنت اطالع الارض .. شوي وباس يبهتي .. افتشلت مت من الفشله .. وبعدها قعدنا نتصور .. تعبت تعبت تعبت .. من امس وانا مو نايمة .. احاول انام مو قادرة افكر بهاليوم افكر شبسوي اذا تصكر علينا باب واحد .. همس لي : مبروك

لو ماكنت شايفه شفايفه ماسمعته من بين هالازعاج والصدعه .. حركت شفايفي ب الله يبارك فيك ..

صوتي اختفى .. وين رحت ياصوتي؟ وين؟ ..

ماصار الساعه 1 ونص الا وطلعنا بعد ماقطعنا الكيك .. وشربنا شوي من العصير ..وهيا كله لان منصور بدى يتعب .. شفيهم .. تخسبقو .. مرة وحدة .. توقعت السهرة بتم لين 3 الفير .. لان بعرس محمد تموا لين لين 2 ونص .. لالالا مابي اروح معاه .. حسيت اني انسحب سحب .. مشيت بهدوء .. ويده الدافيه ماسكة يدي .. كنت احس بالضياع .. كنت اشوف المكان .. وكاني اودعه .. ماكنت اعرف وين بنروح … فندق ولا بنسافر ولا ايش بالضبط ..

بعد ماطلعنا من القاعه راح منصور صوب الريايل .. وانا رحت فوق لغرفتنا .. مسحت مكياجي وتسبحت ولبست .. يوم طلعت شفت منصور لابس وجاهز .. تفشلت .. نزلت انظاري .. ومشطت شعري المبل ..

قال لي بهدوء: سارة خلصتي

طالعته بصدمة .. يحاجيني:ها؟…. ايه..

منصور : يالله بنروح

قلت بهبل:ها..

منصور:بنروح

نزلت نظري لاني انحرجت .. :وين بنسافر؟

ماشفته ولا عرفت تعابير ويهه بس الي شفته ريله الي تتحرك للبا: لا بنروح الشاليهات ..

سكت ماتحجت ولانه طلع .. لبست عبايتي وشيلتي .. وتعطرت .. قرت احط كحل .. حطيت كحل وجلوس وردي لامع .. وبعدها شفت سلوى والكل .. سلمت عليهم .. ومسكت ماجد على جنب : ليش ماكنت ترد علي؟

ماجد وهو يبتسم : تلفوني ضايع .. !!..

لا والله؟ يستهبل انزين والايميلات الي طرشتهم بالهبل: ماقعدت على النت

ابتسم: شفيج ناسيه كانت عندي امتحانات .. وبعدين زين مني حضرت العرس والله ماحصلت طيارة حتى مرتي ماشفتها على طول من المطار للبيت بدلت وتجهزت وحلقت .. ويت على طول عرس الريايل ..

توني بتحجى ولا تنطق سلوى وياريتها ساكته احسن

سلوى: ماخذته على جنب احين من ريلج ماجد ولا منصور

ودي اكفخها هذي تستهبل ولا تستهبل

توادعنا وبصراحة صحت .. بس مسكت نفسي وماصحت وايد .. كنت ابغي ماجد يوصلنا .. بس لانه تعبان وجذي.. فسالم الي وصلنا .. وصلنا للشاليه بعد ساعه مادري ساعتين .. المهم .. طلع سالم ..
مايحتاي اقول لكم طول الطريج وسلوم يهرن ويهرن .. تصمخت من قلب .. ومنصور كان ساكت .. وانا بعد كنت ساكته .. المهم وصلنا وبعدها راح سالم

انا خذيت غرفه .. ودشيت الحمام ..غيرت ملابسي ومشطت شعري .. وتعطرت كالعادة ..وطلعت من الحمام.. منصور ماتحجى وراح لغرفه ثانيه .. الحمدلله اكيد حس فيني .. ويه مالت علي اونه حس فيني .. اكيد يبغي يتأسف من حبيبة قلبه .. مسكينة اكيد قلبها محروق وتدعي علي .. والله مو ذنبي عمي الي اجبرني ولا انا مابغي افرق بينهم.. المهم انبطحت وانا احس بالغربه والوحشه .. المكان غريب .. ويخوف .. قرت اكتشف الشاليهات باجر .. بقوم بسرعه وبروح .. بس اخاف منصور مايرضى .. لاوالله على كيفه هو .. غمضت عيوني .. حسيت بطرقات خفيفه على الباب .. قمت مفزوعة .. بسم الله الرحمن الرحيم .. لالال اكيد اتخيل اكيد .. رديت انبطحت .. حسيت الباب انفتح بهدوء .. التفت للبا .. شفته منصور .. ساحب فراشه ومخدته واقف عند الباب

طالعته بعدم فهم ..قال لي وهو مستحي : معليه ارقد هني .. اخاف ارقد بروحي!

ويه عشتو عشتو عشتو .. مالت علي ماقول الا مالت .. شالحظ .. متزوجة ريال خديه .. هه .. حظ المقرودة شسوي بعد .. قلت باحراج: اوكي!..

الحين بالله عليكم من المفروض يدق على الثاني يخاف انا ولا هو .. مالت علي .. شكلي بصير مسترجله وريلي يصير خديه ههههههههههه قالبين الادوار .. انبطح على السرير الصوب الثاني .. فتحت عيوني بوسعها .. يبغي ينام وياي ع السرير .. قصوره قصورة .. توني بانطق الا هو يقول لي

: تدرين سارة انا كل يوم ارقد عند ماجد

طالعته باستغراب .. اسلوبه وطريقه .. مب اسلوب … لحظة لحظة .. مب فاهمه … شسالفه!!:ليش؟

قعد وهز جتفه: مادري من ثلاث ايام .. انا ارقد عنده اخاف .. و و .. قال .. تعرفين تلعبين سوني؟

جفته بصدمة .. :ها؟؟؟؟؟

منصور براءة : تعرفين تلعبين سوني ..انا كل يوم العب ويا ماجد سوني .. ونلعب بي اس بي .. ايه تعرفين بعد .. بابا سجلني بمكان بس ماعرف هو يقول نفس المدرسة الي يروح لها ماجد بس تدرين مافي اولاد كبر ماجد ..

طالعته بصدمة .. مافهم والله مو قادرة افهم شي : ……………..

منصور كمل : بابا يقول ان انا نفس ماجد نفس عقله بس .. ليش انا مب كبر ماجد ليش ماجد قصير وانا طويل .. ليش ماجد ماعنده جي (مسك لحيته وشنبه) وانا عندي ..

لالالا .. مستحيل منصور جذي مستحيل .. انا دافنيني دافنيني ويا واحد ياهل .. ياهل .. نطقت وانا ودي اصيح : دفنت روحي بالثرى معاك ياولد عمي …

للحكايه بقيه .. انتظروني ..

تتمة للجزء الرابع …

اوف مب مرتاحة بنومتي عدل كلش .. تحركت يمين يسار .. اوف في حاجز ثقيل مايخليني اتحرك .. مالي بارض افتح عيني .. تعبانه ياناس من يومين مو راقدة .. حركت المخدات وانا احسهم ثقلانين وايد .. تمدت عالسرير .. حسيت اني تعدلت .. ورقدت .. صحيت بعد فترة .. وظليت اطالع المكان بهبل .. احس بثقل مو قادرة اتحرك من الفراش .. شوي واستوعبت المكان غريب .. نقزت بسرعه .. شفت المكان .. كان هادي .. المناظر مغطيه الكبتات .. والتسريحة كبيرة وتشرح النفس .. والغرفه لونها عنابي .. والستاير ذهبيه .. واليتات هم لونهم ذهبي .. الفراش لونة .. لحظة لحظة .. هاي فراشين .. شصاير؟ .. لحظة مو كان غرفتي انا برتقاليه؟ شقلبها عنابيه؟

حكيت عيوني بيديني براءة وهالحركة انا ويسوف نسويها اذا قمنا من النوم وحتى مجود اخوي .. حكيت يبهتي .. وركزت انظاري بالغرفه .. الغرفه شوي ضيجة .. غرفتي انا وسيعه .. كل شي غير .. انا وين؟؟ .. انفتح باب الحمام وانا افكر .. طالعت الباب بصدمة .. اه .. منصور!! .. شيسوي هذا هني .. قليل الادب .. مايعرف اني بنت عمه ومو لازم يشوف شعري .. صج قليل ادب .. جفته بحمق وعصبيه وتوني بصرخ وبسبة بابشع الكلمات تذكرت امس .. وهدئت .. ظليت اطالعه بدون هدف .. تزوجنا!!.. وامس نام عندي لانه يخاف .. صار ياهل .. بس انا مو مستعدة اتزوج ياهل .. ساروه فكري مابيعرف أي شي .. اصلا تفكيرة محدود .. خخخخ اما بقص عليه قص هههههههه ..

ابتسم لي وحك ذقنه المرتب :يقولون صباح الخير صح؟

ابتسمت ياربي شكله بريء بس هين..كشرت بويهي .. لاطلع كل الي سويته فيني السنين الماضيه صدقني يامنصور بتندم انك اخذتني .. ايه ساروة يالخبله انتي شتقولين .. تطلعين حرتج وكل الي سواه فيج الحين بوقت مرضه؟ لا ياسارة انتي ماعمرج استغليتي ضعف الناس .. شلون تستغلين مريض .. شلون تستغلين واحد ذكرياته مسوحة .. بس هو كان يعاملني زفت ومتكبر علي .. وكان يقول لي كلمة تجرحني .. تجرحني موت .. صكرت عيوني متالمة .. وفتحتها من يديد اجوف المكان الي طلع منه منصور ..

صراع بين نفسي .. شلون اعامله .. ماعرف والله ماعرف .. حكيت يبهتي .. ياربي ساعدني ..

تحركت من السرير الي كنت نايمة عليه بالعرض .. اوه شلون نام هذا ع السرير؟ .. انا ماعرف انام الا بعرض السرير .. ههههه اويه اتخيل شكله لول .. دخلت الحمام .. وتغسلت وفرشت اسناني .. اوه نسيت اخذ ثيابي .. امس من التعب فتحت شنطتي وهي برع عند الباب .. طلع من الحمام بهدوء .. جفته قاعد ع السرير متمل .. استحيت .. قلت لمنصور : .. م .. منصور ..

طالعني بهدوء .. ياربي استحي .. نزلت عيني .. وكملت : ممكن؟ …

وقف بسرعه ويا صوبي .. تخرعت .. ورديت خطوتين لورا .. فقال: نعم؟

قلت بهدوء وانا افتح الباب : ممكن تيب لي شنطتي؟؟

ابتسم .. :انزين ..

طلع برع الغرفه .. وانا مفتشله .. دخلها .. رحت لصوبه :مب ثقيله تبي اساعدك؟

ضحك وقال براءة : امبلا ثقيلله شنو فيها هالكثر؟

ضحكت اخف احراجي : ثيابي يعنو شنو؟

بحركة سريعه قرب مني وشلاني .. صرخت .. طاح قلبي فبطني وجنه الحجاب الحاجز الي يفصل بينهم انقطع من شيلته تعلقه برقبته وانا ميتة من الخوف : منصور نزلني

ضحك منصور ونزلني وانا ويهي شقول لكم .. يمكن الون العنابي شويه على لون ويهي من كثر الدم الي تيمع فيه فجأة .. ومرة ثانيه شال شنطتي وضحك وقال : انتي اخف من شنطتج .. عيل ليش جي ثيابج ثقيله .. طالع ويهي .. وقعد يضحك وقال لي : اوبيه جوفي ويهج صاير احمر .. نسك خدودي .. وبعدت يده بلطف وانا احس اني بغرق بثابي من الفشله ..

مارديت عليه .. احس اني للحين منحرجة موت .. فتحت شنطتي والتفت عليه فجأة : شفيك واقف للحين؟

طالعني وقال: عيل شاسوي؟

افتشلت فشله اطلع ملابسي جدامة : ام .. روح الصاله بدل وبي ..

قال لي براءة : زين بس لاتأخرين؟

ابتسمت: اوكي .. ام ولا اقول روح المطبخ عشان نسوي لنا ريوق .. حطيت يدي على بطني الصغيرون :احس اني يوعانه من امس ماكليت شي

هز راسه بطاعه وراح .. يحليله والله فرق بينه الحين وبين منصور الي قبل اعوذ بالله .. اتمنى يظل طول عمرة جذي ولايرد نفس قبل .. اقشر ..

طلعت لي ثياب وخرابيطي .. ودشيت الحمام .. تسبحت ولبست وخلصت .. وطلعت .. توجهت مرة ثانيه للشنطة طلعت شنطه فيها كل شي يتعلق بشعري .. من مشط شباصات .. وحتى ريش .. مشطت شعري .. قرت ارفعه نالي بارض اخليه مفتوح ويلعوزني خصوصا انه قصير لين جتوفي مب طويل .. رفعته كله لفوق وطبعا طلعت خصل وايدة من شعري لانها قصيرة وحاوطت ويهي اوف شسوي فيهم هذول بعد؟ .. صج الي قصت شعري تبط الجبد .. هالكثر قصير .. يعني صح انا قلت لها ابي للجتف بس مو جذي مايتصكر ..رشيت لي عطر .. اوف احب هالعطر ..روز بولغاري .. لونة وردي ..مع اني ماطيق الون الوردي .. الا اني حبيته بسب هالعطر .. لاتصدقون ماحب الوردي لو الي تسون <مالت انا احب الوردي خخخ
رفعت خصل من قدلتي وثبتهم على جنب بشباصه متروسه فصوص شاريتها لي سلوى .. ماحب الشي الي متروس فصوص .. اوه .. يعور الراس خصوصا يوم يتشربك الشعر فيه .. كحلت عيوني .. وحطيت لي غلوس وردي خفيف .. مع ان ماكان لي بارض .. بس لاني تسبحت فاحس اني تنشطت .. شعري للحين مبل .. ياربي .. والله مالي بارض اجففه اصلا معظمة جف من الفوطة .. احب افرك راسي بالفوطة ماحب اجفف شعري بالسشوار لانه شعري بسرعه يتقصف اذا سشورته .. لحظة جني عطيتكم قصه حياتي .. لول ..

وقفت جدام المنظرة .. بعد ماشفت شكلي فديتني كيوت الله يحفظني (ويقهر عذالي <هم عارفين نفسهم خخخ ) ابتسمت لنفسي برضا فالمنظرة .. وكنت بطلع ..بس مرة ثانيه رشيت لي عطري المفضل اكيد عرفتوه ايوه بولغاري .. رشيت على رقبتي وتحت اذني هالمرة .. تنهدت .. ورحت صوب الكوميدينو .. شفت الساعه .. وانصدمت صدمة حياتي .. تدرون الحين ساعه كم؟ .. كم تتوقعن؟ … 12؟؟ لالا
1 الظهر .. لا لا … الحين الساعه 8 الصبح .. يه شمقيمني هالحزة؟؟ خخخخ .. جفت نفسي بالمنظرة وصكيت حلجي اضحك على روحي .. اول مرة اقوم بهالنشاط الساعه 8 .. عدلت قميصي .. صح ماقلت لكم انا ش لابسه .. ام .. تتوقعن فستان نفس العرايس؟ .. لالا .. جلابيه مغربيه للعرايس؟ .. هم لا لا لا .. م .. لاتهاوشوني .. اصلا لبست ولا مالبست منصور ياهل ومايعرف شي .. احم احم .. كنت لابسه بانطلون جينز بالون الكحلي الفخم وخيوطة بالون الذهبي .. وقميص من بدايه الجتف لين نهايه البطن فيه كشكشة .. والكشكشة تكبر عند الصدر .. ودنعه الصدر وسيعه .. ولبست تحتها بدي يغطي الرقبه لونة ذهبي وقميصي ذهبي .. وفي القميص خيوط اربطهم ويا بعض .. فالقميص كشخة وعجيب حق الايام العاديه مب حق العرايس .. يه وانا شعلي .. انا مو محسوبه من العرايس .. لول

طلعت من الغرفه .. وتأملت المكان شوي .. كان واسع وحلو .. وكان خاطري اتامل كل غرفه فيه واتعرف عليها .. بس اجلت كل شي حتى مانتبهت لل الون لاني يوعانه .. رحت المطبخ شفت منصور حاط راسه على الطاوله ومصكر عينه براءة .. ومن دخلت فتح عينه .. شكله حس ان في احد بالمطبخ .. اوه صج اين غيه اكيد شم العطر .. امبيه فشله .. ياريت ماتعطرت .. حمرت خدودي وقلت وانا اجوف المطبخ : صباح الخير ..

مارد علي .. ويه شكله محظر <محظر= حظر ينونة خخخخخخخ
توجهت للثلاجة .. زين يامنصور بتعامل وياي بالتطنش انا بعد اعرف اطنش .. قال لي وهو يصكر عيونة : تدرين ليش مابي ارد عليج ..

مارديت عليه …ينجلع .. يعني بموت لو مارد علي ؟ .. والله ..ولا ميتة بويهه .. كمل : لاني مساعه قلت لج صباح الخير ومارديتي ..

طالعته .. انا؟ .. هو اصلا ماكلمني عشان يقول صباح الخير .. متى ماذكر ؟ .. ع العموم صباح الخير ولا مساء الخير مايهموني .. قلت بهدوء: منصور بليز دور الطابي ..

(الطابي = القلايه .. القرص الي يقلون فيه البيض)

قام من مكانه .. ياربي له هيبه بس والله حرام مسكين كسر خاطري .. معقوله مايذكر ولا شي من الي قبل .. صعب الواحد يعيش بدون ماضي بدون ذكريات حتى لو كانت اليمة بس يكون له ماضي .. طلعت ثلاث بيضات قال لن بيض؟

ابتسمت .. شسوي يعني .. مافي شي ينكل .. مافي شي بالثلاجة غير البيض والجبن .. م .. حتى فواكة مافي ولا خضروات ولا حتى حليب فراوله <احب حليب الفراوله

ياربي انا متعودة كل يوم اقوم اشرب حليب فراوله ..

يالله شسوي بعد امري لله .. شفته واقف ويغسل الطابي مسكين .. والله اني ماستحي على ويهي اشغل ريلي من اول يوم خخخخخخخخخخخ عشان يعرف .. هههه اونه ريلي اونه .. قلت بهدوء: خلاص منصور خله مشكور .. انا بكمل

قال لي براءة : لاعادي بساعدج

مسكين .. والله يكسر الخاطر .. امبيه .. حرام علي والله اني مب انسانه .. تذكرت الخط الي كنت بسويه فيه .. الحمدله اني مابديت بشي .. مسكين منصور مايستاهل .. كفايه انه مب حاس بدنيته أي ازيد عليه .. صج الله يحب منصور ولا ماكان بيفتك من خطي .. ههه ..ياربي شلون بكمل حياتي وياه .. معقوله اكمل حياتي ويا طفل؟ .. مستحيل مستحيل .. انا ابغي رجل .. تعرفون شنو يعني ريال .. يعني بجد احس ان لي ظهر استند عليه .. عندي احد الجأ له لا احتجت له .. بس احين اذا احتجت لاحد استند على من؟ .. تنهدت … مافي انثى ماتبغي ريال يحسها بانوثتها يحسها باهميتها بحياته .. يحسها بانه مب كامل الا بوجودها .. النقص الي فيه تعوضه اهيا بوجودها .. اما انا شنو؟ شنو .. اعيش ويا .. ويا طفل! .. اكمل حياتي بطفل .. يعني مستحيل احلم اني بيب ولد او بنت ينادوني ماما .. ادري بتقولون شفيها مستعيله .. بقول لكم انا مب مستعيله .. انا افكر بمنطقيه .. انا افكر بعقلانيه ..

طالعت منصور الي يطالعني براءة .. وابتسمت له بخجل .. مسكين يامنصور .. بتظطر تعيش ويا وحدة نفسي .. معقوله منصور نسى كل شي كل شي .. حتى الي يحبها؟ .. بس انا قريت شكثر ان الانسان حتى وان فقد ذاكرته يكون احساسه موجود .. واحساسه هو الي يدليه على الي يحبهم والي مايحبهم معقوله يحس بانه ماكان يحبني الا ماكن يواطني؟ .. معقوله اذا يبنا مجموعه بنات بيقدر يميز الي كان يحبها؟ ..

كسرت البيض بعد ماحطيت كميه دهن معقوله .. بدى يصير البيض رشيته بملح وترسته فلفل .. ترسته حتى ان لون البيض صار شبه اسود .. شليته وحطيته ب صحن .. وحطيته على الطاوله .. كنت مسويه بيض عيون وتارسته فلفل .. طالعه منصور .. ورجع يطالعني .. طقعته .. ورديت اسوي بيض .. ونفس الشي حطيت بنفس الكمبة من الملح بس خفت الفلفل بوايد .. يعني كمية الفلفل اسود كانت خفيفه يادوب تنشاف .. وحطيته بصحن ..وحطيته على الطاوله .. غسلت جلاصين .. وبعدها حطيت واحد منهم جدامي .. والثاني جدام منصور .. صبيت فيه عصير برتقال .. هاي العصير الوحيد الموجود بالثلاجة .. شفت جبن كرافت شدر .. وجبن المراعي .. قطعت جبن كرافت قطع قطع صغيرة .. وحطيت بالجانب الثاني من الصحن كمية من الجبن .. كمية معقوله يعني لا وايد ولا شويه .. وم طلعت زيتون وحطيته بنفس الصحن .. وطلعت عسل وهم حطيته بنفس الصحن .. الصحن كان مقسم لاكثر من قسم .. حطيته ع السفرة .. وم .. خذيت طماطة وحدة .. وخيارة وحدة .. وقطعتهم شرايح .. ورشيت فلفل وملح بشكل معتدل .. وحطيته ع السفرة .. رن المكيرويف .. ورحت طلعت منه الخبز ..وكان حار .. وحطيت بصحن .. وحطيته على الطاوله .. تقريبا الطاوله صارت مليانه اكل .. جفت منصور يطالع الاكل بانفجاع .. ويه نسينا ان هو ولد سفير وماياكل هالاكل .. الحمدلله والشكر عيل شياكلون بالريوق؟ ..

طالعته باحراج: شفيك؟

طالعني .. وبعدين طالع الصحون الي ماليه الطاوله: كل هالاكل لي ولج بس؟ .. وايد ..

الله واكبر .. الله واكبر .. الحين هالاشيا صاروا وايد؟ .. والله خفته يستهزئ بالاكل .. استغفر الله بس هو متعود يستهزء بكل شي .. فرق بين الحين وقبل الي مايقعد على السفرة الا وهي مليانه اكل وبالاخير يزيد وين يروح؟ افكورس بالزباله .. اوه صح نسيت منصور فاقد ذاكرته عشان جذي مستغرب ..! .. : تبغي اكل ماتبغي الاتاكل

مالت علي احين هاي الي قدرت عليه .. شفيني نسيت ان منصور فاقد الذاكرة .. لازم احاجيه عدل .. هو مب نفس قبل .. مسكين والله شكله حنين وطيب .. حسيت اني قسيت عليه فقلت : اسفه

طالعني باستغراب : على؟

قلت باحراج : م .. حسيت اني جاوبت بدفاشه شوي .. احم سوري ..

ابتسم وقال لي : عادي .. م هالبيض لي ؟ اشر على البيض المتروس فلفل : وايد فيه فلفل

جفت البيض الي اشر عليه وابتسمت : لالالا هاي بيضي .. عطيته البيض ايل فيه فلفل بس بشكل خفيف . وابتسمت وقلت له : انا احب بيض عيون اذا كان متروس فلفل

رفع حاجب واحد وابتسم .. وبدا ياكل .. بوسط اكلنا .. رن جرس الشاليه

طالعته باستغراب: من؟؟

طالعني وهز جتفه : مادري

صج اني غبيه اسأله من وهو قاعد عندي بالله شدراه .. قمت بروح اشوف من طبعا باخذ شيلتي .. بس هو وقف وقال لي : انا بروح اجوف من .. انتي ماقايله لاحد اي؟؟

طالعته باستغراب شنو هذا تخبل؟ اصلا من المينون الي اي لمعاريس بصباحيتهم صح اني ماعتبر نفسي عروسه ولا اعتبر منصور معرس بس جدام الناس أي .. ومستحيل حد اي .. عقدت حياتي .. لايكون في امي ولا ماجد ولا مرام ولا يسوف ولا سلوي بعد قلبي شي؟ ..

شمعت صوت ريال .. اويه .. من هاي .. سمعت منصور يقول للريال : حياك سالم قاعدين نتريق

سالم؟ .. شيايبه هالعله بعد؟ .. صج مايستحي اي لمعاريس بصباحيتهم .. قلت بحدة : منصور اخذ سالم للصاله انا مو لابسه شيله ولا عبايه ..

حظرته يبغي يدخل اخوه الخبل هني .. اوه انا بعد شفيني قمت انسى .. شعرفه منصور .. وسالم هالخبيث ماقال شي .. صج مايستحي على ويهه ..

طليت بويهي للصاله بشوف اذا فيها حد ولا لاء .. بس دق خشمي بخشم حد .. اح .. خشمي يعورني .. حتى ان عيني انترست دموع لانه دق بخشمي بقوة .. شكله انصدم مثل مانا انصدمت .. مسكت خشمي وصكرت عيوين بقوة .. اح يعور والله ..

فتحت عيني الملاينه دموع وشفت عيونه الناعسه العسليه تطالعني باحراج: اسف مادريت انج عند الباب ..

فركت خشمي وانا احس ان خشمي يعورني من جد : لا عادي حصل خير

ابتسمت باحراج اني حسيته تضايق .. : وينه سالم؟

ابتسم منصور وجنه نسى الي صار من شوي : راح .. مسكين كان يايب لنا ريوق .. مايدري انج تعرفين تسوين .. ضحك

ابتسمت وقلت : ويه تعبت نفسي ع الفاضي ..

ضحكت وضحك وياي .. اقترحت عليه نوديه لجيرانا بالشاليه .. وافق منصور .. وقعدنا نكمل الريوق الي انا سويته ..توقعت منصور بيهد الاكل الي سويته وبياكل من بيتهم .. يعني معقوله ولد السفير وياكل من يد من بنت عمه؟ .. وياكل شنو بعد؟ بيض .. جبن .. ولا خيار .. ومن بيتهم الذ الاكل .. بس ابتسمت وانا اجوفه ياكل بشهيه .. شكله مو متعشي امس ..

ظليت اطالعه وانا سرحانه .. انتبهت على عينه العسليه تجوفني .. انحرجت .. ونزلت عيني .. : م منصور اليوم بنتمشى ؟

ركز نظرة علي ورد ينزل عيونه ويكمل اكله: اوكي ؟! ادلين انتي انا مادل شي .. حك ذقنه باحراج

ضحكت :هههههه لالالا ادل ادل لاتخاف ..

بعد ماخلصنا الريوق .. شلت الصحون وكنت بغسل الصحون واحط بالقي بالثلاجة حرام ينكب برع ..

قال لي منصور : لا خليه سالم ياب الخدامة تنظف وتسوي لنا الاكل ..

ابتسمت: اوكي .. بس ع الاقل بشيل الي كليناه وبحط على صوب .. م .. وحطيت لها اكل وبعد حطيت لها من اكل بيت السفير .. اوه اقصد عمي ..

ابتسمت للخدامة الي دشت المطبخ بعد ماناداها منصور .. اسمها ليلي ..

تصدقون شكلها صغير .. يمكن اكبر مني بسنة ولا سنتين .. يحليلها .. حرام ليش مطرشينها من بلادها تخدم بيوت الناس والمفروض تكون بالحرم الجامعي ..

طلعت من المطبخ .. شفت منصور منسدح على الكنبه وبيدة شي .. يه .. قرت اخرعه .. مشيت على اطراف صوابعي .. شوي شوي .. وقفت وراه بالضبط توني بصرخ اخرعه ولا مرة وحدة يقعد وايرني .. جان اصرخ انا .. بغيت اخرعه خرعني

منصور: هههههههههههه شفتج وانتي يايه

حطيت يدي على قلبي : حرام تخرعني

ضحك وقال لي : انتي تخرعيني معليه وانا لا؟

ضحكت : شلون جفتني من مساعه اتسحب جني سحليه شلون جفتني

ضحك منصور وقال وهو يأشر على البي اس بي ماله: جفت صورتج منطبعه فالبي اس بي وانا العب وقلت بخرعج

ورد يضحك مرة ثانيه .. ياي شكله اين وهو يضحك .. ماشاءالله عليه وسيم حتى انه احلى مني .. عشان جذي كان مغرور .. وبعد كان مغرور علي انا بعد لانه جد كان وسيم ..

سحبت البي اس بي من يده وقعدت العب .. وسحباه من يدي .. رفع يده فوق وطبيعي ماوصل لانه اطول من بوايد :يبه منصور اصلا عيب تسبحه من يد الناس وهم يلعبون

منصور براءة : يه .. انتي سحبتيه من يدي

يريته من يده ورديت العب : انا عادي .. بس انته لا

شكله زعل وقال : ليش؟

ضحكت ورديت العب : لانك ريلي وعادي اذا سحبته من يدك

طالعني بهدوء وقال : انزين انتي مب ريلتي مايصير اسحبه منج؟

مت من الضحك :ههههههههههههههههههههههههههههه هههههههههه شنو ؟ بل ههههههههه .. بليز عيد عيد الكلمة

ضحك بعبط : شفيج تضحكين .. أي كلمة؟

ضحكت وانا ادفن ويهي بالمخدة :ههههههههههههههههههههههههههههه هههههههههه

ماقدرت ارد عليه .. مادري شفيني صكتني هستيريا الضحك .. قعدت اهتز وانا اضحك .. شكله احتر مني وفرك راسي بالمخدة زيادة حتى ان ريشتي تبطلت وشعري اعتفس .. بس كنت للحين اضحك من الكلمة .. ريلتي اونه هههههههههههههههههههههههههههههه هههههههههههههههههههه ههههههههه

منصور ضرب راسي : بس عاد .. صج !

ضحكت .. وغطيت ويهي بجتفه لانه شل المخدة عن ويهي وانا اضحك .. ولانه قاعد عندي وقريب فطبيعي حطيت ويهي على جتفه اغطي ويهي عنه واضحك

منصور وشكله مقهور: ساره

طالعته وعيوني تدمع ويهي صاير احمر : هههههه هلا؟
ههههههههههههههههههههه

رديت اضحك .. بسم الله صج مايسوى عليه قال الكلمة بس والله هههههههههههه مادري شفيني ؟ .. شكلي تعاديت من منصور هههههههههههههههههههههههههههههه ه

منصور: ليش تضحكين هالكثر؟

من طالعت ويهه وبرائته زدت بالضحك رعصني بالكرسي وهو قريب مني: اش خلاص ليش تضحكين ..
غطيت ويهي بيدي وانا اهتز بضحك بعدين وقفت ضحك وابتعدت يوم حسيته قريب مني .. وابتسمت .. طالعني : ليش كنتي تضحكين؟

ابتسم .. هههههههههه .. ياربي اخاف اتحجى وارد اضحك : مافيني شي .. هههههههه .. بس منصور

طالعني وشكله من جد زعلان : ها؟

ضحكت بهدوء: منصور مايقولون ريلتي؟ يقولون مرتي .. يعني انا اقول لك ريلي بس انت تقول لي مرتي مب ريلتي ههههههههه

فلعني بالمخدة ورديت اضحك ورد يفلعني بالمخدات كلهم ورديت افلعه انا .. هو يفلع .. وانا افلع .. واخر شي مسكينه الخدامة وهي يايه فلعها منصور .. مسكينه .. حتى انها من كثر الصدمة صرخت .. اويه شبتقول عنا مخبلين؟ احين منصور ياهل استويت انا اخس مستمرة وياه .. صج اني هبله

راحت الخدامة تتحلطم وهي رايحة للمطبخ شكلها كانت بتقول لنا عن الاكل ولا شي .. هههههههههههه مسكينه كلت الفلعه .. هع هع .. مسكت منصور وقلت له : خلاص سوري سوري مايسوى علي .. م .. نروح نتمشى

مسك يدي وقال :انزين يالله ..

تفشلت شنو مايستحي هذا يمسك يدي؟ ..عيب .. امبيه .. تمنيت اغطي ويهي عنه .. رحت للغرفه .. لبست شيلتي وعبايتي .. وتعطرت .. طالعت نفسي بالمنظرة .. بال شعري متبهدل .. يمعته وهو مبهدل مالي بارض امشطة واعدله لبست شيلتي وزرت عبايتي .. وطلعت .. جفت الخدامة طالعه بيدها صينيه الريوق .. خمنت ان منصور قال لها توديه للجيران ..

ابتسمت له وقلت : منصور ماتدري وين حاطة جوالي؟

حك ذقنه : مادري؟ ..

قلت باحراج: انزين ممكن جوالك شوي بكلم امي وسلوي ..

مد لي جواله بدون مايتمن علي .. حسيت اني فعلا كنت غبيه يوم كنت افكر واخط عشان اطفشه واخليه يعرف قدري الي استهان فيه سنين طويله .. مسكين منصور .. كسر خاطري .. اكيد بتكيف وياه بسرعه حتى والله اني ماحسيت باحراج وايد .. حسيته طفل مب ريال عشان انحرج منه ..

ابتسم لي يوم جافني اتصل .. رديت له الابتسامة بسرعه ضربت بيديني على الطاوله بتوتر .. ليش مايردون .. طالعت الشاشه اتأكد من الرقم ..

عقد حواجبه وجنه يقول لي شفيج .. هزيت جتفي وقلت له بهمس: مايردون .. شوي واسمع صوت .. صرخت بسرعه .. الو

ضحكت يوم جفته سد اذنه بانفجاع .. رديت اكلم : الو يوسفوه حبيبي عمري انته .. شلونك؟ شخبارك شمسوي؟ ..

يوسف: اب باب اباب باب باب

انا : يوسي انا تاله

يسوف وجنه يفكر : تالوه

ضحكت من نبرة صوته: سارة شنو شاروة اكسر لك ضروسك؟

سمعت ضحكته فديته : يوسفان وين مامي وبابي؟

يسوف ساكت :………

صرخت: يسوف بلا لعانه عطني ماما ..

شوي وسمعت صوت ضحكات: جوفي ولدج مغرم شايل التلفون ويتكركر من الضحك

حسيت اني بصيح الاخوان يسولفون ومايون يردون بصيح احين انا محترقه ابي اكلمهم وهم ابد مب هامهم ..

شوي وسمعت مرام تقول: لا والله مسكه ماجد وقال : الو؟
ابتسمت بسرعه واحس عيوني تحتنرق : الو..

ماجد: من ساروة؟

ابتسمت : ايه .. شلونكم شخباركم؟ عساكم بخير؟ شلون مرام .. شلون يسوف .. وامي .. وانته شلونك؟

ماجد .. حسته ابتسم: بال بال بال كل هالاسئله تبيني ارد عليهم اقول عطيني ريلج اسلم عليه ..

قلت بقهر: مجود بلا سخافه .. احسن انا متصله اب …

قاطعني صوت امي وهي تقول :عطني يمة اكلمها .. الو ..

هني طاحت دمعتين من عيني اليسار .. ياربي والله بافتقد هالصوت الحنون .. من عنده مثل امي من؟ .. محد .. محد .. بدت تصيح امي وهي تسألني عن اخباري .. والله كنت شوي واصيح بس ماسكة روحي : يمة انا بخير .. الحمدلله ..
ماقدرت اكمل .. عطيت منصور التلفون وعطيته ظهري وانا امسح الدمعه اليتيمة الي طاحت من عيني اليمين ..

شوي وصكر من عندهم منصور .. وياه صوبي: ليش تصيحين؟ ..

كنت ساكته وهاديه بس احس من داخلي نيران تثور : ولا شي .. بس .. م .. شرايك نروح برع نتمشى ..

مسك يدي وقال : يالله ..

انحرجت .. بس ماتكلمت .. طلعنا شوي تمشينا ع البحر وكنا نسولف سوالف متفرقه .. منصور يحاجيني وانا كنت سرحانه .. لين قعدنا .. على حصايه شوي كبيرة .. قال لي والهوى يهب ويطير اطراف شيلتي : متى اخر مرة يتي هني؟

منصور لا .. ارجوك .. لاتذكرني كل ماحاول انسى جروحك تذكرني فيها .. نزلت عيوني : قبل لايتوفى ابوي الله يرحمه

قال لي براءة : ابوج ميت؟

هزيت راسي وانا احس اني مخنوقه .. والله مو قادرة اتحمل :ايه ..

وجنه مصر يصيحني : متى مات؟

انخنق صوتي: قبل سنة وشهرين.. تلألأت عيني بالدمع .. اسفه يبه اسفه .. نسيتك هالكمن يوم .. ومارقدت وصورتك بيدي .. اسفه ..

منصور: اها .. انا ماذكر متى اخر مرة يت هني ..

سكت وسكت هو بعدين قال لي تحبين البحر : رفعت عيني من البحر وجفت اخر نقطة تقدر توصل لها عيني من البحر ..: ايه .. بس ..وايد احبه .. وانته؟؟

ابتسم: حتى انا..قال يغير الموضوع شنهي اكثر بلدة تحبينها؟ ..

ابتسمت بصدق: قطر ..

قال لي وهو يضحك: لالالا اقصد من البلدان الي رحتي لها

ابتسمت: ام .. البحرين اكثر دوله حبيتها ..

قال لي :شمعنى؟

ابتسمت: كانت لي ذكريات حلوة هناك .. وانته؟

ابتسم بأسى : مادري ماذكر ..

مسكت يدة بمواساه: معليه بتذكر شوي شوي ..

ابتسم لي:وشني هي اكثر دوله تكرهينها

قلت بسرعه وباندفاع: لندن .. لندن ..

طالعني مستغرب.. وبعدين قلت ابر: هناك ابوي توفى فيها .. كنت توني مخلصه من ثاني ثانوي .. وابوي كان يتعب بعد ما ابوك .اقصد .. بعد ماعمي اه .. باقه ..

طالعني مستغرب: أي عم؟

بغيت اقول له ابوك .. بس مستحيل اشوه صورة ابوه بنظرة مهما يكون هذا ابوه : م واحد من اعمامي ..

قال لي براءة : ماتذكرين اسمه؟

ابتسمت: ايه ماذكر

ابتسم: عيل انتي نفسي بعد ماتذكرين شي ..

ضحكت وياه وقلت: ايه صح!

قال منصور: انزين م تبين نركب الطراد؟

اول شي خفت بعدين حسيت بمغامرة : اوكي .. ليش لا..

ابتسم وبعدين قال لي : صبري .. قعدي لاتحركين بتصل لسالم بقول له يتفق ويا الريال

غصبت نفسي على الابتسامة .. سالم؟ .. هه .. امحق مشورة .. راح .. وقعدت اتأمل البحر ..

شوي وحسيت بحد واقف ..ماجفته توقعته منصور.. اصلا اكيد منصور ..شوي ولاحظت انه لابس بانطلون كحلي .. بس منصور كان لابس بانطلون ابيض ..

طالعته .. كان ريال ماعرفه .. طالعني وابتسم : من خمس دقايق وانا اجوفج وانتي تطالعين البحر .. شكلج يايه بروحج ..

اشر لي ان محد واقف وياي .. وقفت بروح .. سمعته يقول رقمة .. طنشت .. ولفيت والا انصدمت ب ريال ثاني .. سمعت الريال الاول يقول: ياريتني بداله ..

رفعت عيني جفته منصور .. مسكته من يدة .. كنت خايفه .. ومشينا بنروح لشاليهاتنا: منو هالريال؟

انصدمت من سؤاله بلعت ريجي : ماعرفه

قال باستغراب: عيل ليش واقف هناك؟

قلت له : ماعرف .. ماعرف ..

قال منصور : انزين شرايج نلعب بي اس بي ..

حاولت ابتسم: اوكي ..

دخلنا داخل وانا للحين ماسكة يده .. بعدين هديتها باحراج .. راح الغرفه يدور البي اس بي ويركبه ع التلفزيون .. قطيت نفسي ع الكنبه اهدي من نفسي .. شوي وابتسمت يوم شفته طالع ويهه احمر وينافخ .. سألته: شفيك؟

قال لي بهدوء: مالقيت شريط المصارعه

ضحكت: احسن لاني ماعرف العبه ..

ضحك علي .. وفتحنا البي اس بي وركبناه ..

قعدنا نلعب .. ثنينتنا انبطحنا على الارض وتحتنا المخدة وكل شوي يسبقني منصور وانا اتهاوش وياه ابغي اسبقه : غشاش والله غشاش .. مايصير مايصير

ضحك منصور وقال: لا .. انتي الي غشيتي انا قلت لج ستوب بعدل مخدتي وانتي فتحتيه والحين فزت عليج تقولين غشاش

قلت بعصبيه <مايسوى ترى لعب : لا انته تغشي شلون عيل سبقتني انا كنت سابقتكم غشاش والله غشاش

قال: مافي غشاش ماغشاش .. احنا تشرطنا الي يفوز يتشرط ويقول الي يبيه

فتحت عيوني : لاوالله؟ اصلا المفروض انا الي افوز انته غشيت .. سويت نفسي افكر .. صبر خل احط شروط فوزي

فلعني بالمخدة الي وراه: مب كيفج انا الفايز ..

قلت بعصبيه: انا

منصور: انا والله حتى شوفي .. وراني الغيم ومكتوب ان منصورو الي فايز .. قهر على النهايه يفوز علي

منصور: يالله الحين بتنفذين شروطي

قلت له بعصبيه: تشرط !

طالعني وضحك: نلعب من يديد .. وفاليل ماترقدين بالعرض على السرير بغيت اطيح امس

تفشلت يعني هو الي كان عندي مب المخدات مثل مانا اتوقع .. صج اني .. شقول بس .. غبيه شويه علي .. حسيت ويهي شب ضو : اوكي نلعب قيم يديد

قال لي : بس الي يفوز مايتشرط الحين

وقفت وتخصرت: لاوالله؟ تدري يعني اني بفوز عشان جذي جي تقول

يرني من يدي وقعدني: هاي شرطي

بغيت افلعه .. شكثر شروط كنت افكر اسويهم بمنصور خخخخخخ .. فتحنا القيم وردينا نبطح ونلعب .. تذكرت : تعال انته قلت بتروح تشوف الطراد

ابتسم: ايه صح .. نسيت باجر ولا الي بعده بناخذه ..

قلت وانا العب وياه: اها

قال لي : بس سالم بي يمشي الطراد بدال الهندي لاني ماعرف .. نسيت!

وع .. انا اركب ويا سويلم الطراد خسي .. انا اخوه بالغصب بالعته بعد هو .. ويع من قلب .. احين منصور مابنقول شي ناسي ذاكرته وتصرفاته غير عن قبل يعني ينبلع .. بس سويلم وخي …تذكرت قبل سنة يوم استهزئوا فيني هم الاثنين .. وبمشيتي .. تذكرت اشيا وايدة .. خلت قلبي يشتغل حقد عليهم ..انا انثى مجروحة .. مجروحة .. شتوقعون مني ها؟ والي كان يجرحني ويقطعني لاصغر قطعه هو ريلي الحالي .. شتوقعون .. شتوقعون ..

هديت يد السوني : انا تعبت..

قال لي : لا انا ماتعبت الله يخليج خل نلعب هالقيم

قلت : لا

قال لي بسرعه:الله يخليج الله يخليج

سكت ورضخت ماحب اشوف احد متذل جدامي .. شكثر كنت اتمنى منصور وسالم ينذلون جدامي مثل ماكانو يجروحوني ويذلوني .. بس ماعرف شخصيه منصور اليديدة ماتستاهل اني اذلها ..

كملت لعب وياه .. وماحسيت بنفسي الا وانا راقدة ..

الجزء الخامس
(الحفنه الخامسه)

سلوى

المل محاوطني .. امي كالعادة بيت وحدة من زوجات الوزراء .. وهي هناك .. بغتني اروح وياها .. بس ماقدر احس بنخنق زيادة بروحي مو طايقه شي.. تصدقون احس هالاجازة غير بتكون .. احس بتكون وناسه .. خصوصا ان سروي بتكون ويانا بنفس البيت .. ياي .. والله اكشن .. ياترى سروي شلون عايشه الحين؟ .. عرفت بمرض منصور؟؟ .. شلون تتعامل معاه؟؟؟ .. اوف .. انا اعرف سروي تكره منصور .. اكيد الحين مطينة عيشته .. تعرفون سروي كانت تكره منصور وسالم من صف سادس مادري ليش؟؟؟ وقبل سنة بالضبط كرهها زاد لهم ليش؟ او شالسب ماعرف؟؟ .. وحتى سالم ومنصور يكرهونها كره العمى .. اتذكر شكانو يسون فيها .. اصلا منصور كان يكرهها من صف 3 لان عمتي كانت تلعب سارة .. ومنصور كان متعلق بعمتي بشكل ماتصورونه .. حتى انه كان يحبها اكثر من امي .. اصلا .. اصلا .. يوم توفى يدي .. عمتي انهارت .. واطلعت من بيتنا .. وراحت بيت عمي بو ماجد .. فكان صعب على منصور انه يفارق عمتي بعد ماكانت ساكنه ويانا ويقعد معاها ليل ونهار .. قام يروح بيت عمي .. بس عشان يشوف عمتي .. وكانت المفاجأة ان عمتي بدت تهتم في سارة .. وهالشي الي حس منصور بأن سارة خذت عمتي منه .. بعد ماكان طفلها المفضل صارت سارة مكانه .. هالشي اثر على منصور بشكل كبير .. خصوصا انه كان بدايه مراهقته وانا وسروي كنا للحين صغار .. غمضت عيني على ذيج الذكريات الحلوة .. يوم كنا نختلط ويا عيال عمي ..
بس بعد سنتين يوم رحنا انا وسروي الصف الخامس ماعرف اش صار بس ابوي ماقام يروح لبيت عمي مثل قبل وحتى احنا ماقام يخلينا نروح عندهم ليل نهار مثل ماكنا دايما نروح .. لا قمنا نروح لهم مرتين بالاسبوع ثلاث ساعات .. وبعدين قلت الايام .. وحتى الساعات قلت .. عشان جذي هالشي اثر في نفسنا كلنا .. كنا وايد متعلقين بعمي .. كنا نحبه وايد .. لانه كان وايد طيب .. وايحبنا وايطلعنا .. اه ياعمي .. اه ياعمي .. رحت وانت مريض .. صج ياعمي فقدناك ..
قعدت اصيح .. انا اكثر وحدة كانت تحب عمي .. كنت احبه وايد .. اكثر من أي احد من اخواني .. وهو كان يحبني وايد وابدا مافرق بيني وبين سارة .. عمي كان بنظري ملاك .. مب انسان .. كنت احسه ابداً مايغلط .. دايما يفكر .. وهادي .. ابدا مب متهور .. مايغامر بأي شي .. قمت بهدوء من على سريري .. على عكس الي احسه .. مشيت لدرج .. خيالي .. فتحته سحبت دفتر كبير .. او بالاحرى البوم كبير .. فتحت اول صفحه .. مسحت دموعي .. وضحكت .. كانت صورة ساروه .. وشعرها الكيرلي يتطاير فالهوى .. وحاطة يدها على عينها .. وتصيح .. وخشمها احمر وسلوم ماسك شعرها ويضحك .. ضحكت ههههههه .. مت من الضحك هالصورة ابدا مانساها .. كنا هني بيت يدي .. يوم كلنا كنا عايشين هناك .. امي مادري ليش كانت تكره يدي .. ويوم احنا بالدار كانت تسبه وتلعنه .. وماكنت تداني عمتي ولا حتى خالتي ام سارة .. كانت تكرههم .. وايد .. ماعرف شالسب .. فريت الصفحة .. وجفت صورتي وانا ابتسم براءة وحذاي ثاني وماجد وساروة كانت قاعدة عند ثاني من الجهة الثانيه ومبوزة .. هههههههههههه كان شكل سارة يضحك هههههههههه ياريتكم بس تشوفونه .. يوم كانت صغيرة بالصف الرابع كانت مليانه شوي .. وخدودها صايرين حمر وشعرها كان منسدل وطايح مثل شعر الصينين الي يشوف شعرها وهي عمرها 4 سنين مايصدق ان هاي شعرها .. كان كيرلي بس الحين صاير سيدة.. والي يجوفني قبل مايقول هذي انا كنت .. حلوة .. كنت احلى البنات .. احلى من ساروة واحلى من سلطون(اختي سلطانه) واحلى من غدور (غدير اخت ثاني عيال خاله سارة )
صح كنت مبهدله بس كنت حلوة وايد .. ابتسمت .. وقفت وجفت نفسي بالمنظرة .. للحين حلوة .. بس احس قبل كنت احلى ..

سمعت صوت المؤذن .. قمت من على الارض .. وخليت الالبوم مفتوح ..

رحت توضيت ..وقريت ادعيه الوضوء .. طلعت من الحمام .. فرشت سيادتي .. لبست جلال الصلاة .. وقعدت اقرا سورة يس .. احب هالسورة وايد تشرح نفسي .. صليت وبعدها قعدت اقرا الادعيه الي بعد صلاة الظهر

دعاء تعقيب صلاة الظهر
" اللهم صل على محمد وال محمد .. لا اله الا الله العظيم الحليم .. لا اله الا الله رب العرش الكريم .. الحمدلله رب العالمين .. اللهم اني اسألك موجبات رحمتك .. وعزائم مغفرتك .. والغنيمة من كل بر .. والسلامة من كل اثم .. اللهم لاتدع لي ذنبا الا غفرته .. ولاهما الا فرجته .. ولا سقما الا شفيته .. ولا عيبا الا سترته .. ولا رزقا الا بسطته .. ولا خوفا الا امنته .. ولا سوءا الا صرفته .. ولا حاجة هي لك رضا ولي فيها صلاح الا قضيتها .. يارحم الرحمين .. امين .. يارب العالمين .. (تقول عشر مرات ) بالله اعتصمت وبالله اثق وعلى الله اتوكل ..اللهم ان عظمت ذنوبي فانت اعظم .. وان كبر تفريطي فانت اكبر .. وان دام بهلي فانت اجود .. اللهم اغر لي عظيم ذنوبي بعظيم عفوك .. وكثير تفريطي بظاهر كرمك .. واقمع بخلي بفضل جودك .. اللهم مابنا من نعمه فمنك لا اله الا انت .. استغفرك واتوب اليك "

بعد ماصليت ودعيت وقريت قرأن صكرت سيادتي .. وقمت من عليها .. شوي سمعت دق على الباب .. قلت وانا مستغربه .. :تفضل؟؟

طل علي ويهه الوسيم : شتسوين؟؟

ابتسمت .. يوه .. من زمان مادق علي الباب او حتى تعنى لداري غالبا اشوفه وهو طالع ولا داخل او اوقات على الغدى : تفضل سلوم …

دخل بهدوء وجاف الغرفه باستغراب واعجاب: اوه مغيرة الديكورات ولون حجرتج؟؟

طالعت الغرفه .. مامغيرة شي .. شفيه خرف؟؟ .: مو مغيرة شي .. نفس الاثاث ماغيرته

عقد حياته : امبلا .. كانت غرفتج ورديه .. اجوفها الحين زيتونيه؟؟؟

تذكرت وابتسمت: اوه صباح الخير اخ سالم .. مغيرة الاثاث من سنتين ونص !!

ابتسم : اها .. والله توني ادري

جفته بحزن .. ليش من متى احنا ندري عن بعض؟ .. كل واحد يخش بقلبه وكل واحد هو فمكان والثاني بمكان ثاني .. مع ان يجمعنا بيت واحد .. هه .. ياخسارة .. ياخسارة .. : اها …

طالع سريري .. وقال لي : شكنتي تسوين؟؟؟

هزيت جتفي بمل: ام صليت والحين يايه ايمع الصور

دش غرفتي وصكر الباب .. وتوجه للسري: صور؟؟ .. رفع صورة وحدة : اوه صورنا ههههه

قعد على السرير .. ابتسمت له .. ورحت له وقعدت عنده .. اشرت على الصورة الي بيده : تتذكر هني؟؟

ضحك سالم:ههههههه ايه ايه يوم كنا بالبحر؟؟

ابتسمت: ايه هههههههههههههههههه

ضحك معاي وقال: يوم تسوين روحج منقذه واول ماتدشين فالبحر والماي يلامس ريولج قعدتي تصارخين وتصيحين ههههههههههههههههه

ضحكت:هههههههههههههههه بس عاد بلا طنازة

ضحك سالم .. ورد مسك صورة ثانيه .. كانت صورة عمي ضام سارة الي مسوين شعرها الناعم عجقتين(جديلتين) وخصل كثيرة فارة من شعرها .. وحاطة يدها على عين وحدة .. وشكلها بتصيح .. ولعبتها بيدها ماسكتها باهتمام ونص يد العبه منقصه وبيد سالم .. وعمي بو سارة كان ضام سارة بحنان وهي شكلها تشتكي له عمله سالم فيها

ضحك سالم: هههههههههههه جوفوا جوفوا الدلوعه .. كانو مدلعينها على الفاضي ..

مسكت الصورة : اجوف الصورة .. جفت الصورة وابتسمت .. : كنتوا وايد تحاربونها وتضربونها انته ومنصور .. تذكرون شسويتوا فيها عند البرجة

ابتسم سالم وجنه حاس بتأنيب الضمير: ايه يوم دزيناها انا ومنصور

قلت بحزن على هذيج الايام الحلوة : ههههه كنتو غيورين بس والله حرام عليكم خرعتونا زين ما مات البنيه

ضحك سالم:هههههههه لا تخافين هذي من 7 ارواح

مسك سالم صورة بس ماعرف ليش ملامحه صارت جامده فلع الصورة على الصور وماقدرت اميز أي صورة كان ماسكها .. جفته قام وقال لي بغيض: اذا مايمعتي هالصور وشقتيهم انا بشقهم سامعه ..

طلع من غرفتي ثاير ومعصب ..

اعوذ بالله .. شفيه هذا .. شجاف

مسكت الصور وقعدت ادور عليهم .. لقيت صورة حياة وسالم وسارة وهم يضحكون .. اوه .. امبيه انا شسويت .. حرام علي … كانت صورة حياة وضحكتها ناضخة بحيوية ولمعه عيونها الفرحانه تعطي احساس للواحد بكثر فرحتها ..وسارة تاكل الايس كريم ونص الايسكريم على ويه سالم الي كان يصرخ بانفعال.. امتلت عيني دموع ..ياربي .. صج الانسان عنده ذكريات حزينة واليمة ..

طفرت دمعه من عيني .. انا متى راح اصير قويه لي متى انا ضعيفه وحساسه وعلى كل شي اصيح .. شي راح وانتهى .. من … من اكثر من سنين طويله .. يالله ياسالم شكثر ظلمت في حياتك اشكثر .. مواقف وايد مرت بذاكرتي وماكان مني .. الا اني اصيح بحرارة … يارب تسامحني على الي سويته الحين يارب ..

^^^^^^^^^^^
سارة

فتحت عيني على عيونه الناعسه العسليه .. يالله شكثر حلو لونهم .. لو بظل طول العمر اجوفهم مابشبع من لونهم لونهم غريب عسلي على لون مزوج بحمرة بدايه البؤبؤ ونهايه القزحيه خطوط بنيه فاتحه مخليه عينه لون عسلي صافي نقي .. ابتسمت له .. ادري اني مارقدت ادري اني غفيت .. من التعب ..

انحرجت وقعدت بسرعه وقلت له بحقد: ليش جذي تطالعني؟؟؟

طالعني باستغراب: شلون؟؟؟

سكت وهزيت ريولي بغيض وحاولت اهدي نفسي .. كنت ساكته واطالع بالفراغ

سمعت صوته : سارة تدرين تذكرت منو هذاك الريال الي كان واقف وياج عند البحر

طالعته باستغراب .. أي ريال؟؟ .. ايه .. يوم راح يجوف الطراد .. وخلاني على الحصايه .. صح صح .. تعالو هاي للحين يفكر بذاك الريال؟؟ … صج عقله عقل ياهل اذا جاف شي لازم يسأل مليون مرة لين يعرف ذاك من .. وانا شعرفني .. : من؟؟؟

منصور: اتعرفين اخوي سالم

يستهبل الاخ؟؟ شلون ماعرف اخوه .. حسيت اني احقد عليه بزيادة .. سالم اكرهك .. اكرهك .. بسبك فقدت اغلى ناسي .. : ايه ..

منصور : هاي رفيجة .. تذكرت .. قبل يومين جفته في .. في … ضرب على يبهته .. وقال بيأس : نسيت@@@

والله خوش سويلم مطرش القذارة ربعه يراقبونا والاخ بي باجر عشان الطراد .. لا بالله .. تهنيتي ياسارة ..

قلت : منصور .. مابي اركب الطراد

طالعني : ليش؟ اتخافين؟؟

كنت بقول لا .. بس فضلت اقول : أي ..

عقد حواجبه: اها .. خلاص بقول لسالم

حسيت بالمل يحاوطني .. احين بالله عليكم هاي ثاني مادري ثالث يوم للعروس وهي منحبسه بالشاليه ومب متهنيه ولا تعرف شي .. ياربي والله .. مسكت الجريدة .. قريت شي .. خلاني اصرخ حتى ان منصور نقز ههههههههههههههه .. وطالعني بفجعه .. ضحكت على شكله: ههههههههههههههههههههههه

طالعني بخوف وقلق: شصاير؟؟؟

مت من الضحك : باجر بيعلنون نتايجنا .. ياربي خايفه منصور ..

هههههههههههه الذكي عباله خايفه من حرامي ولا شي .. يه قعد عندي ومسك يدي : لاتخافين سارة اذا صار أي شي بتصل للشرطة

واي ماقدر امسكوني .. شلوه عني بموت:ههههههههههههههههههههههههه ههههههههههههههههههه .. منص ههههههههههههههه منصور انا مب خايفه هههههههههههههههههههههه من شي .. ههههههههه خايفه ههههههه من النتيجة ههههههههههههه

ابتسم منصور بهبل : اها …بس ليش خايفه؟؟

ضحكت ه:ههههههههههه اخاف مايب نسبة حلوة …

منصور: اها …

قلت وانا ابتسم: ادعيلي منصور ايب نسبة حلوة

ابتسم: ايه انزين

حسيته مب فاهم .. ضحكت ضحك هههههههههههههههه .. بعد ماسكت استوعبت انه للحين ماسك يدي … تفشلت .. سحبت يدي بسرعه .. وقفت ..

منصور: مل صح؟؟

ابتسمت ايه صح .. بس شرايك نسوق السيارة على رمل السيلين ..

منصور: من يسوق؟؟

دقيت صدري: افا عليك احم احم معاك المحترفه سارة

منصور باستغراب: اتعرفين اتسوقين؟؟.. شنو يعني محترفه؟؟

ابتسمت بخبال وانا اركض للغرفه : بعدين بقول لك ..

صكرت الباب بالقوة وقفلته فلعت نفسي على السرير وناقزت عليه بوناسه .. مادري ليش حسيت بالفرحة مرة وحدة .. وبسرعه طلعت لي ملابس رياضيه .. بانطلون ابيض سبورت فيه خطين على الجانب اليمين بالون الوردي .. لبست وياه بدي لونه برتقالي فيه اصفر وردي وابيض بالخرابيش وقلوب وحركات خبله..نص كم .. .. جفت نفسي بالمنظرة شكلي كان يضحك ههههههههه .. شلت الشباصه الي ماكان لها داعي لانها كانت بتطيح .. وشعري اغلبيته مفتوح .. يعني مالها فايدة لول .. مشطت وكنت قاعدة اصكر شعري باحكام عشان ماينزل وسبعين مشباص مطلعته جدامي عشان اثبت شعري
سمعت دق الباب وتخرعت وانفتح شعري كله لاني ماقدرت اربطة فتحت الباب كان منصور .. طالعني باستغراب اكيد مستغرب من خبالي مايعرفني اني اموت بالرمل وحركات السيارة عليه ياربي بتخبل .. كل مارفع خصله من شعري تطلع الثانيه تملت .. مسكت شعري بدفاشه .. ماي الا بالتكفخ هههههههههههه

مسكته بالقوه وكنت بربطة باحكام بس منصور مسك شعري وقال لي : تبين اصكره ..

صرخت فويهه يوم جفت شعري طلع من قبضه يدي الصغيرة .. : منصور شسويت .. اوف

جافني منصدم .. وبعدين قال باعتذار : اسف اسف مب قصدي كنت بساعدج .. جنج متوهقه

عقدت حواجبي بعصبيه وضيق .. احين من ساعه وانا احاول اصكره واي هالشيخ وايخرب علي كل شي .. عصبت .. فلعت الشباصه على التسريحه بغيض .. وجفت نفسي بالمنظرة معصبه .. شوي واذبح منصور .. وبلحظة غيض مسكت الشباصه وجفت منصور الي قعد على السرير .. توجهت لعنده بعصبيه ..
وقعدت على الارض وانا ماعطته ظهري وقلت بعصبيه : صكر شعري مثل ماخربته .. الحين

طالعني وجنه متوهق : انزين ..

مديت يدي له بالشباصه .. مسكها وقعد يلملم شعري .. يمسك خصله وتطلع الثانيه .. لانه ناعم وايد وغير هاي قاصته الكوفيرة مدرج عشان جذي كان يطلع

قهرني يوم حاول ايمع شعري وماعرف وقال لي : انزين شلون اصكره ماعرف

عصبت بجد وصرخت عليه : منصور بس الي اتعرفه اتخرب .. خربت حياتي وخربت عيشتي .. وخربت نظامي .. وخرب كل شي حلو بحياتي ..كل شي .. كل شي .. انا اكرهك منصور ..اكرهك

طالعني منصدم .. وقال بأسف : انا اسف ..

طالعني بعتب .. وطلع من الغرفه بسرعه مثل مادخل ..

صرخت بعد ماطلع : احسن فكه

رميت الشباصه بقوةعلى السرير .. وقعدت على السرير .. وغطيت ويهي بيدي .. ونافخت بقوة .. وبعدها بدقايق .. حسيت اني كنت مبالغه بردة فعلي .. صج مايسوى عليه .. امبيه انا شقلت له .. مسكت خدي بندم وعضيت على شفتي السفليه .. انا شقلت شهبت .. لطمت خدي بخفه .. وبسرعه طلعت من الغرفه بدون ماهتم لشكلي او حتى بالشباصه الي تهاوشنا عليها .. اول شي طاحت عيني عليه الصاله .. كانت فاضيه والدرايش مفتوحة والهوى يداعب الستاير يرتفعون دقايق ويخمدون دقيقه .. هالمنظر اثر فيني ذكرني بحياتي المختبصه مرة راكدة ومرات هيجانه .. مرة فرحانه ومرات كثيرة تعيسه .. انا ليش جذي؟؟ ليش جذي حياتي؟؟ .. معقوله انا شخصيتي جذي ماعرف اتصرف ومستعيله وبس .. وفوضويه؟؟ .. تذكرت منصور .. دورت فالمطبخ بالصاله .. بالغرف الثانيه مالقيته ..

فتحت الباب .. طليت .. مالقيته .. رحت للدريشه ازحت الستاير .. بعد ماله اثر .. والبحر هايج على الشاطي ويطغى عليه .. حسيت بالندم والخوف .. وين راح ؟؟ .. ياترى وين راح .. وين وين .. بروحه فاقد ذاكرته .. ومايعرف شي ..

دب بقلبي الرعب .. ومت من الخوف .. اذا صار فيه شي ابدا ماراح اسامح نفسي .. امتلت عيني دموع .. يمكن يغرق .. يمكن ينخطف .. يمكن يدعم .. يمكن يمكن يمكن .. شسوي ياربي شسوي ..

مشيت للبا فتحته .. ورحت بفتح الباب الزجاجي عشان اطلع ادوره .. حاولت افتح الباب طلع مقفول ..

وين راح؟؟ … ليش قفل الباب .. ياحسرتي .. انا شسويت ..

ليش سويت جذي .. ليش؟ ليش؟؟؟

^^^^^^^^^^^^^

لولوة

قاعدة بصمت والظلام محاوطني .. وهاله النور الي منبعثه من بين اطراف الستاير الفخمة منطبعه على جهه وحدة من ويهي .. اجوف الظلام واحس انه يمثل حياتي .. قعدت افكر انا ليش حياتي جذي؟ ليش انا الوحيدة الي مب سعيدة .. ليش على الرغم من اني سعيت للفلوس وحصلت عليها ماحس بسعادة تغمرني .. ليش؟؟ .. مديت يدي للنور .. وسحبتها بسرعه .. شالسخافه الي قاعدة افكر فيها انا؟ .. انا سعيدة سعيدة .. من يقول اني مب سعيدة .. انا عايشه عيشه الملوك .. وبسعادة كبيرة بعد .. هه .. فكرت ازور اهلي .. من زمان مارحت عندهم من 3 اسابيع تقريبا ..

…

تحركت من السرير .. ورحت غرفه الملابس .. وطلعت لي تنورة فخمه بلون الفيروزي .. ومعاها قميص كحلي غامج وفخم مطرز بطرايز بسيطة بس ماعطته فخامة كبيرة .. اول مرة البس شي بهالبساطة .. وبهالالوان .. دايما البس الوان حيوية ومثيرة .. ماحب هالالوان يمكن لانها تذكرني بحياتي السودة .. اوهو … ورديت اقول السودة بالعكس بالعكس مافي حد بقدر سعادتي ..

مشيت مثل الطاوس … وذيل تنورتي الطويله خلاني فعلا احس نفسي مثل الطاوس .. جفت نفسي بالمنظرة .. كحلت عيوني الوسيعه .. وحطيت لي عدسه بلون البحر .. مسكت الاي لاينر وخطيت خط ضعيف من بدايه عيني وبديت اعرضه من النهايه .. طبعا بعد ماوزعت الكريم الاساس الابيض والشدو الكحلي والفيروزي على عيني .. حسيت الكحل الغامج صغر من حجم عيني .. مسحت بدايه عيني وتكحلت بلون ابيض من البدايه.. ونهايته دمجته ويا كحل كحلي .. مشت الماسكرا بنعومه على رموشي القصيرة وطولتهم وعطتهم رونق يبهر العيون .. مسكت الفرشاه ومسحتها بهدوء على خدي طبعت لون مورد صافي لبشرتي البيضه .. مسكت الروج .. وحطيت لون وردي هادي .. زيدته بكميه بسيطة بنفس الون كبرت من حجم شفايفي .. حطيت عليهم لمسه من الجلوس الشفاف خلاهم يبرقون مثل الزجاج الي عليه نور .. مشطت شعري بسرعه ولاني امس كنت مرولته فكان طالع يهبل .. مسكت شباصه صغيرة جمعت فيها قدلتي كلها ورفعتها على شكل نفخة وخليت شعري ينساب بحريه على جتوفي .. جفت نفسي وابتسمت راضيه على شكلي .. مشيت بغرور لين وصلت لصندوق الذهب والالماس .. قعدت ادور على شي فيروزي .. احترت بين ثلاث اطقم لبست واحد منهم كان رهيب .. جفت شكلي مرة اخيرة .. طبعت بوسه فالهوا لنفسي .. لبست عبايتي المفصه .. وشيلتي رميتها باهمال على راسي .. مسكت جوالي .. مالي بارض امسك بيدي شنطة .. ناديت الخدامة تشيل شنطتي .. نزلت على الدري .. والخدامة وراي تشيل شنطة يدي .. وانا انزل بغنج وغرور .. شفت علي قاعد وعاقد حواجبه متضايق .. ابتسمت له باثارة .. وطالعني بانبهار .. لشكلي .. يمكن لانه اول مرة يجوفني بهالون .. نادراً .. مالبس الوان غامجة .. احب الالوان المثيرة العنابي الاحمر اليموني .. دم الغزال اكثر لون احبه .. وعلي يحبه بعد .. ابتسمت له .. قلت للخدامة بخياس نفس: ودي شنطتي في السيارة وقولي للدريول يجيبها عند الباب

ابتسمت لي الخدامة بلطف : اوكي مام

تأفت .. اكره هالخدامة كم مرة قلت لعلي يطرشها بلادها بس هي كاسرة خاطرة على ايش مادري .. عضيت على شفايفي واقتربت من علي وقعدت عنده ..وميلت راسي على جتفه: حبيبي ليش مهموم؟؟

ابتسم علي وعدل خصله شعري الي طالعه من تحت الشيله وغطاها وقال لي : سلامتج مافيني شي .. ها طالعه؟؟ ..

ابتسمت: رايحة ازور امي .. من زمان مازرتهم

ابتسم علي: اها .. الله يحفظج

اشفيه يبي الفكه؟؟ .. فشنو يفكر .. شالي شاغل باله .. معقول بكامل اناقتي وزينتي ماثرته ولا زيدت اهتمامه .. ولا حتى بين اعجابه ولا مدحهه .. حسيت بغيرة كبيرة .. ليش مامدحني .. اكيد حد شاغل باله .. شالي شاغله عني .. وملهيه؟؟ .. طالعت اضافري وتظاهرت بعدم الاهتمام .. : يالله تامر بشي ..

ابتسم بحزن : لا ..

اشفيه ؟؟ ياربي بموت واعرف ايش فيه؟ شلي مغيرة .. لايكون العيوز امه ردت اتحن على سالفه العيال .. اوه من هالعيوز .. متى الله ياخذها ويفكني من اذاها .. قبل لا اقوم من عنده .. مسك يدي .. وباسها .. ماعرف ليش هالشي اثر في نفسي وايد مع انه دوم يحبني ويبوسني على يدي بس ماعرف هالبوسه كان لها طعم وتأثير ثاني على نفسي .. حسيت قلبي بدا يدق اكثر من قبل .. بستة على خده وقلت وانا احس بهالمشاعر بصدق: احبك ..

قمت بسرعه من عنده لاني حسيت الحظة صارت حميمة وانا مابغي احبه .. وازعل اذا فقدته .. ابيه يكون انسان عادي .. عابر في حياتي .. مابي اتأثر بقربه وايد عشان جذي مشيت بسرعه للبواه بدون ماهتم والقي عليه نظرة اخيرة ..

نزلت من على الدري ولقيت الخدامة تسولف ويا الدريول وتضحك.. عصبت وصرخت عليها .. اكرهها ياناس ماطيقها .. : يازفت انتي ادخلي داخل ياأرف الله يقرفج ان شاء الله

طالعتني برعب وبسرعه دخلت داخل .. مسكت بيديني بقوة ومشيت لباب السيارة بعد مافتحاه السايق .. دخلت السيارة وقعدت .. امرته يفتح المكيف والمسجل … اشتغلت اغنيه شبابيه صاخبه .. فتحت الدريشه لين النص .. وفتحت شنطتي الي كانت ماسكتها الخدامة وطلعت المنظرة وقعدت اجوف مكياجي .. ضبطته وزيدت من الجلوس .. وقف السايق عند اكبر مخز حلويات وراح ياخذ الكيكة الي شريتها لبيت ابوي .. طاف شاب .. من عندي وطالعني بانبهار لكن سرعان ماطالعني باحتقار شديد .. وتفل على الارض وهو يمر من صوبي .. قهرني .. حسيته يقصدني بحركته .. الله ياخذه هالحقير .. ان ماوريته شغله بعد .. جا الدريول بعد دقايق ودخل الكيك جدام عنده .. ومشى لبيت ابوي ..

كنت اطالع الشارع بلا هدف رفعت الدريشه العاكسه .. اول ماوصلنا بيت ابوي .. افتريت وطالعت الشارع الرئيسي .. جفت بيت منصور الفخم .. وبسرعه صديت وانا باتسم . عندي بيت يامنصور يماثل بيتك فحجمة ويمكن بيتي اكبر .. اهلك مارضو فيني ليش اني بنت السفير السابق .. والي يعتبر مفلس على الاخر .. غطيت ويهي بشيلتي مابغي اتمشكل ويا بدر اخوي .. امرت السايق ينزل الكيك .. مسكت شنطتي .. ودخلت داخل البيت

جفت بدر بالصاله .. اوف .. تأفت بداخلي .. هذا وقته اشوف هالمعقد هالحزة؟؟ .. سلمت .. وقعدت بعيد .. طلعت لي امي الي لابسه جلابيه تناسب عمرها .. بستها فوق راسها وانا مستنكرة ملابسها .. كم مرة خيطت لها جلاليب يحلمون بيت بو منصور مثلها .. وهي ماتلبسهم ومخليتهم بالخزانة .. اوف تقهرني بملابسها هاي .. تحسني اني يايه من بيئة معدومة .. ابداً ماعندها تلبس <طبعا لولوة تبالغ حبتين

فصخت شيلتي وعبايتي .. طلع بدر لانه كان مشغول حيل .. دخل الدريول وقلت لخدامة بيت ابوي تاخذ من ايده الكيك

امي : يمة لولوة حرام يجوفج الدريول جذي بكامل زينتج وبدون شيله وعبايه يايمة

طالعت امي بتأف : يوه يمة الا هندي .. شعرفه ..؟؟

امي : يايمة هندي يعني مب ريال

وقفت بعصبيه: كل مازورج بتفتحين لي محاظرة وبعدين يمة وبعدين؟؟

كنت بصعد فوق بس خديجة مرت جاسم اخوي نزلت ..لو مانزلت جان مت من المل مع امي .. قعدت عندي .. قالت لي انها عازمة مرت محمد اخو منصور .. حسيتها فرصه اعرف اكثر عن منصور بعد زواجة .. ابتسمت .. خديجة رفيجة شهد زوجة محمد ..

^^^^^^^^^^^

سالم …

قاعد فالكوفي شوب وفكري بعيد بعيد .. ابعد مايمكن انه يوصل تفكيركم له .. طالعت البنات حولي .. اعرف نفسي وسيم واجذب بنات وايد لجوفتي .. بس حسيت بفتور .. مالي بارض لهم .. ولا لسخافتهم .. رن موبايلي .. "لولو " يتصل بك .. اوه شتبي هذي؟ .. بس تدرون الكلبه صارت احلى من قبل بوايد شكل العز الي معيشها ريلها فيه مأثر على شكلها .. جفت فهد ولد خالي .. اقرب صديق لمنصور فالكوفي .. سلمت عليه .. وحسيت سوالفه مله .. حياته روتينيه بين شغله كدكتور .. واهله .. مايعرف لابنات ولا شي .. غبي .. ههههههه .. والله غبي ملاين البنات ايونه عشان يتعالجون .. معقوله ماعجبته ولا وحدة فيهم ولا حتى رقمها
بصراحة ماصدق احسه يسوي نفسه مثالي وهو بعيد عن المثاليه .. هه <كل من يرى الناس بعين طبعه ياسالم

حكيت يبهتي بمل من سوالفه وسوالف رفيجة .. استأذنت عنهم ..

ورحت للكورنيش .. قعدت على السور الي مسوينه على البحر ..وتحتي الحصايات الكبار .. والموج هادي ويلاطم الحصايات بلطف … رن جوالي جفت منصور يتصل بك .. رديت على طول .. قال لي انهم مايبون يروحون بالطراد .. اكيد السوسه مرته مابغت .. هين ياسوير تتحدين ها؟؟ .. الكلبه لو ماصارت حلوة لهالدرجة جان ماناظرتها .. بس احلوت .. احلوت وايد وايد .. بصراحة عجبتني .. ودشت مزاجي بالقو .. بس شكلها مب من النوع الهين .. الي يبي له تلين راس .. ماعليه ياسارة .. ماعليه .. انا لج وانتي لي ..

قرت اني اروح مسعيد وشاليهاته واتسلى فيها

((معلومة عن مسيعيد .. تبعد عن الدوحة حوالي36 كم جنوبا .. سكانها حوالي 1.6 % وبدأ بالزدياد .. وهي منطقه يوجد بها مصانع مختلفه .. الى جانب المنشأت العمرانيه والسياحيه ..شواطئها جميله ذات رمال ناعمه اهتمت بها دوله قطر فاصبحت من اهم المناطق السياحيه في دوله قطر .. <الي يزور قطر لايفوته السيلين ومنطقه مسيعيد .. ))

^^^^^^^^^^^^

سلوى

من المل الي يحاوطني قمت فتحت الكمبيوتر .. وفتحت النت .. فتحت ماسنجري .. لقيت فطوم .. وجفت عندي اضافه .. حطيت اوكي ..

دخلت على فطوم .. وسلمت عليها .. كانت حاطة نك كئيب ..

..::]][[ هلي لاتدفنوني بقبر ولد عمي]][[::..

اهلين سلوي

..اضحك مع الناس كني رايق البال خالي .. والناس تحسدني وانا اموت بسكات

اهلين فطوم .. اخبارج؟؟

..::]][[ هلي لا تدفنوني بقبر ولد عمي]][[::..
زفت ..

.. اضحك مع الناس كني رايق البال خالي .. والناس تحسدني وانا اموت بسكات

افا ليش؟؟

..::]][[ هلي لاتدفنوني بقبر ولد عمي ]][[::..

(طرشت ويه يصيح ) لاتسألين ياسلوى لاتسألين وتزيديني جراح على جراحي

يه شفيها فطوم؟؟ طرشت لها .. شفيج فطيم تحجي خرعتيني؟؟

بس فطيم طلعت .. شفيها فطوم؟؟ شصاير .. ليش تصيح .. خسارة ماعندي رقم جوالها .. واستحي اتصل على البيت .. شسوي؟؟؟ ..

جفت مفتوحة محادثه ثانيه

::فهواج يابنت انا مغرم ::

هلا والله؟؟ ..

استغربت من هذا؟؟ .. او من هذي؟؟

…اضحك مع الناس كني رايق البال خالي .. والناس تحسدني وانا اموت بسكات

اهلين من معاي؟؟

::فهواج يابنت انا مغرم ::

معاج .. مجنون سلوى

.. اضحك مع الناس كني رايق البال خالي .. والناس تحسدني وانا اموت بسكات

عفوا؟؟؟شكلك غلطان

::فهواج يابنت انا مغرم::

لا مب غلطان مب انتي سلوى؟؟

امبيه هذا شعرفه باسمي؟؟ .. اكيد حد يعرفني؟؟ من بيكون؟؟ .. من يطلع؟؟ .. لالالا اكيد وحدة من البنات تستعبط علي

..اضحك مع الناس كني رايق البال خالي .. والناس تحسدني وانا اموت بسكات

بلا سخافه من عاد؟؟

::فهواج يابنت انا مغرم::

قلت لج مجنون سلوى .. مجنونج ياحبي

مت من الخوف لاهاي شكله ريال .. لو بنت من بنات المدرسة ولا شيوم العبيطة بتقول .. خفت .. بديت ارجف .. من هذا الي يعرفني؟؟ .. ويعرف ايميلي .. ويعرف اسمي بعد ..!!

.. اضحك مع الناس وكني رايق البال خالي .. والناس تحسدني وانا اموت بسكات

سو لي ديليت وبلوك

جفته غير النك وحط

::فهواج ياسلوى انا مغرم::

اسف ماقدر .. قلبي مايطاوعني اعطيج ديليت ياقلبي

..اضحك مع الناس وكني رايق البال خالي ..والناس تحسدني وانا اموت بسكات

عيل انا بعطيك بلوك وديليت

::فهواج ياسلوى انا مغرم::

لاعاد سلوى لاتزعليني منج .. خلينا حلوين ويا بعض .. ولا يابنت سلطان بيكون لي تصرف ثاني وياج

دق قلبي بشكل جنوني ..ويدي بدت تعرق .. منو هذا .. وشعرفه فيني .. وشعرفه باسم ابوي .. شيبي فيني؟؟

.. اضحك مع الناس وكني رايق البال خالي .. والناس تحسدني وانا اموت بسكات

شتبي فيني؟؟

::فهواج ياسلوى انا مغرم::

ولا شي .. سمعيني عدل .. اذا سويتي لي بلوك ولا ديليت .. واذا ماجفتج باجر على الساعه 4 العصر صدقيني ياسلوى ان حياتج بتنقلب ليل نهار .. وانا حذرتج ياسلوى ..

..اضحك مع الناس وكني رايق البال خالي .. والناس تحسدني وانا اموت بسكات

شبتسوي مثلا؟؟

عيوني انترست دموع .. منو هذا؟؟ ليش يهدني؟؟ انا شسويت له؟؟ ..

::فهواج ياسلوى انا مغرم::
ابوج الي مسافر لدبي مثلا بطقه اصبع ممكن اوديه بداهيه .. ولا اخوج منصور الي مب داري عن دنياه .. هههه ولا حتى عيال اخوج محمد .. عرفت ان هذول اقرب ناس لج .. لا وغير مرت اخوج .. سارة .. انا مو بس اقدر اخطفها؟؟ .. هه .. انا حتى الاعتداء ممكن الجأ له .. ف انتي فكري لين بكرة الساعه اربع العصر .. اذا جفتج مادخلتي .. معناته انج تحبين انفذ هالمهمه.. واذا دخلتي بعرف انج ماتحبين انهم يتعرضون لامور تعرضهم للجنو

.. اضحك مع الناس وكني رايق البال خالي .. والناس تحيدني وانا اموت بسكات

انته واحد حقير

::فهواج ياسلوى انا مغرم ::

لالالا بلا هالالفاظ .. ولا ترى ازعل .. وزعلي انا جايد .. على فكرة عيال اخوج محمد كأنهم تأخروا فبيت يدهم ام امهم؟؟؟

اندق الباب .. وسمعت الخدامة تقول ان السايق راح لبيت ام شهد وميرة ومنيرة مب هناك .. انصدمت .. يدي تجمدت على الكيبور .. قعدت اصيح .. معقوله هالحقير ينفذ تهديدة ..

بسرعه فتحت المسنجر الي صكرته والبلوك الي حطيته لهالحقير ..

..اضحك مع الناس وكني رايق البال خالي .. والناس تحسدني وانا اموت بسكات ..

شسويت فيهم .. وينهم؟؟

::فهواج ياسلوى انا مغرم::

دقايق ياقلبي ويكونون عندكم بالبيت .. بس هاه .. موعدنا بكرة الساعه اربع .. مجرد كلام على النت ماراح يضرج انتي فكري ..!!

بسرعه طلع من المسنجر .. الله ياخذك يالحقير .. قعجت اصيح بصوت عالي وطلعت بسرعه البيت خالي وهادي .. امي طالعه .. سالم راح الشاليهات .. منصور محد .. محمد فالشغل شهد طالعه بيت رفيجتها .. سلطانه بيت اهلها .. مجود اخوي.. بسرعه ركضت على الدري .. وانا اصرخ بجنون :ماجد

ماجد

ماكان موجود .. لبست شيلتي بسرعه .. وطلعت الحديق اركض .. ودموعي ماليه عيني .. جفت سيارة عند الباب .. نزلو منها ميرة ومنيرة وماجد .. غطيت شفايفي الريال الي كان يسوق السيارة رفع يده يسلم .. وطلع بسرعه .. ركضو اليهال لصوبي وركضت لهم .. ضميتهم ومت من الصياح ..

منو هذا .. شيبي فينا ؟؟ .. شسوي .. شالحل؟؟

معقوله هذا هو نفس الشخص؟؟ لالا مب معقوله هو توه مكلمني مايمديه يوصلهم ويروح واي .. الحقير الكلب .. اكيد له سلطة .. شسويت انا بدنيتي .. ليش جذي ليش؟؟

^^^^^^^^^^

سارة ..

قاعدة على السرير واحاتي .. رايحة يايه .. صار اليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته ..
هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي ..

رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة

رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟

خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟

الطرف الثاني : لا ابد تلاقينه بعد ساعه ساعتين بالكثير عندج … هالكثر تحبينه ؟؟

شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه … يمكن الجيران ولا شي؟؟ ..

قعدت انتظر وانتظر وانتظر

شوي

الا اجوف سالم

طفوله متأخرة)
سارة ..

قاعدة على السرير واحاتي .. رايحة يايه .. صار اليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته ..
هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي ..

رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة

رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟

خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟

الطرف الثاني : لا ابد تلاقينه بعد ساعه ساعتين بالكثير عندج … هالكثر تحبينه ؟؟

شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه … يمكن الجيران ولا شي؟؟ ..

قعدت انتظر وانتظر وانتظر

شوي

الا اجوف سالم …

بسرعه ركضت لغرفه النوم انتبهت على شكلي .. شكلي بجد يخرع .. كان وحدة طالعه من القبر .. عيوني حمرة .. لان ولا دمعه نزلت منهم للحين مصرات يبقون بعيوني .. لبست شيلتي .. وعبايتي .. طلعت جفت سالم مسترخي بقعدته على الكرسي وماسك الكنترول ويفرفر بالتلفزيون .. شلون دخل ؟؟ الباب كان مقفول؟؟ .. ياربي صج باتين انا ..

شوي والا اشوف منصور يقول للخدامة تودي عصير لسالم .. فتحت عيني بكبرها .. منصور .. منصور .. منصور رد نفس ماهو مامتغير فيه شي غير نظرة الانكسار والالم بويهه .. بسرعه دخلت حجرتي .. الحمدلله .. الحمدلله .. مافيه شي ولاجان ماسامحت نفسي ابداً .. قعدت على السرير .. وقعدت افكر .. اذا كان ويا سالم .. من الي رد علي؟؟.. وين راحو .. وليش تأخروا؟؟ .. اسئله وايدة كانت بالي .. بس ماعندي لها أي جواب .. حسيت المكان هادي برع بعد ماكان فيه صوت التيلفزيون .. مسكت شيلتي للاحتيط .. وطلعت برع .. لقيت منصور قاعد بروحه وريله مدودة على الطاوله الي جدام .. ويطالع التلفزيون بهدوء ..

شكله يكسر الخاطر .. والله حسيت نفسي مب بس نذله الا انذل من الانذال ..انا شلون جي عاملته .. والله حرام .. تسحبت بهدوء لعنده .. وانا خايفه من ردت فعله .. اما تكون رجعت له ذاكرته .. والله مب بس يلعن خيري .. حتى القبر مابيستقبلني .. مسكت اعصابي وقعدت عنده ناديته بصوت منخفض : منصور

مادري ليش احبالي الصوتيه مب راضيه تتحرك عشان يطلع صوتي .. امتلت عيني دموع لما ماشفت منه أي ردة فعل .. انزين انا غلطت ويت اعتذر ليش جذي يسوي؟؟ .. مسكت يده ابغي اجذب انتياهه من التيلفزيون .. طالعني بعيون فارغه متسائله .. ماقدرت اتحجى .. انجبيت من سرحت بعيونه العسليه .. انتبهت بعد ثانيه انه يطالعني مستغرب .. ويمكن حاقد .. قال لي بصمت : مشكورة سارة .. كان على بالي انج تحبيني .. بس طلعت الحقيقه انج تكرهيني .. انزين روحي بيتكم اذا ماتحبيني ليش قاعدة عندي؟ ..

طالعت فيه .. اتأكد هذا منصور؟ .. شنو يبني ارد بيتنا .. شكله عرف معنا اكرهك .. صديت عنه حسيت عيونه العسليه تلومني .. مشيت بسرعه .. وتحركت للغرفه .. انبطحت على السرير بعد مالبست بجامتي الي كانت عبارة عن بانطلون طويل ذهبي وقميص وسيع ذهبي .. انبطحت .. وظليت اجوف السقف .. وافكاري مشوشه .. انتظرته اي .. اعرف انه يخاف يرقد بروحه .. ساعه ساعتين .. طول؟؟ .. وينه

طلعت برع الغرفه .. جفته على حالته .. ريله امدة على الطاوله وجسمة مسترخي على الكرسي .. ويد وحدة على بطنة والثانيه على يبهته .. رجعت غرفتي .. شكله مايبغي يرقد

انبطحت .. وصكرت عيني ابغي انام .. بس في شي بداخلي مو مخليني انام .. اوف .. وبعدين .. ظليت اتقلب واتقلب واتقلب على الفراش .. احس جسمي تعبان وقلبي تعبان وعيني تعبانه .. ابغي ارقد بس مب قادرة .. قعدت بيأس وانا انافخ واتنهد تنهيدة طويله .. جفت الساعه لقيتها 2 ونص الفير .. بال من الساعه 12 وانا للحين اتقلب .. طلعت برع الغرفه .. جفت منصور على حالته .. رحت بتكلم وياه .. او على الاقل اغير القناة واقعد وياه نجوف شي عدل بدل الاخيار الي كان حاطها سالم قبله ..

قعدت حذاه على نفس الكرسي بس باخر الكرسي .. وقعدت افكر واعدل افكاري بأيش بابدأ وبأيش بانتهي .. اول شي بقول له اني كنت معصبه من شعري لاني عارفه هو اشكثر ناعم ومايتصكر بسهوله وشكثر اعاني منه يوم بصكره عشان جذي انقهرت منه يوم خرب علي .. طالعت بويهه وقلت : منصور انا بجد اس

سكت .. جفت عيونه الوسيعه مغمضه بهدوء .. ويده مرتاحة على يبهته .. ويده الثانيه مسترخيه على بطنه وعقده حواجبه تدل على انه مب راضي بنومته او نومته مب عدله .. هزيت يدة بهدوء .. ماقام .. ناديته يقوم .. بعد ماقام .. تخرعت .. بسرعه قعدت عنده .. وهزيته بقوة .. منصور .. منصور … بعد مايرد .. تخرعت حسيت اني بصير مينونة .. ليش مايرد … انترست عيوني دموع .. هو زعلان عشان جي مايرد .. ولا مريض .. ولا اشفيه .. قربت يدي لصدرة اليمين وقعدت ادور على نبضه وحده بس تقول لي انه عايش .. مافي ولانبضه .. دمعتين طاحو من عيني اليسار وتبعتهم دمعه من عيني اليمين .. تذكرت ان القلب موجود باليسار مب باليمين ارتاح قلبي ودورت على نبضات قلبه حسيت فيهم منتظمين .. وتوني احس انه يتنفس .. من الخوف والتوتر ماحسيت بأي شي … رديت اصحيه .. منصور … منصور

بس ابداً مايرد .. بصراحة عصبت .. وخفت افقد اعصابي .. هزيتة بقوة كبيرة .. بعد لا مجيب .. قعدت احركه واهزة بقوة .. بعدها جفت عيونه الوسيعه مفتوحة ولون عينه العسلي .. ارتحت .. قلت له : منصور روح ارقد بالدار بتعب وانته راقد هني ..

طالعني بهدوء .. وهز راسه بطاعه والنوم لازال يغلبه .. قام من الكرسي ومشى ومرة وحدة صدم بالطاوله .. ركضت لعنده .. مسكت يده .. ومشيته وياي خطوه بخطوه وياه .. لاحظت انه يعرج .. شفيه؟؟ .. ماكان يمشي طبيعي مثل كل يوم .. قلت له يبدل وينام .. طالعني بتعب .. وهز راسه .. طلعت من الغرفه عشان يبدل .. دخلت لقته ماسك ريله وعرجته واضحه .. ساعدته يقعد … كان يتأوه وهو يقعد .. لهالدرجة تعورة ريله .. من شنو تعورة .. كنت بسأله بس حسيته تعبان ومايقدر يتحجى .. ساعدته ينسدح .. وريله اليسار كانت تعورة وايد .. طلعت من الغرفه تاركته وهو يطالعها .. رحت سويت له كمادات حارة .. وخذت له ادول .. ودورت على دهن ادهن فيه ريله الي تعوره .. كنت انا خبيرة بالتدليك لان ابوي كان دايما يتعب علينا من ريله لان عضله ريله اليمين كانت خفيفه .. دخلت الغرفه لقيته منبطح على المكان المعفوس الي كنت منبطحه فيه .. يافشلتي ماعرف انبطح مثل الاوادم والناس لازم اخرب ..مديت له الادول .. خذاه من يدي ومسك الماي الي بيدي وشرب منه بعد مابلع الحبه .. قال من دون نفس : شكرا

مارديت عليه وظليت اطالع ملامحهه المتضايقه .. قلت بمحاوله اني ارجعه مثل قبل : رفع بانطلونك بمسد ريلك اذا تعورك يهالدرجة ..

مسك ريله اليسار وقال بعناد: مابي .. ير الكمادة بدفاشه من يدي .. وحطاها على ريله تأوة شوي .. وبعدين تلحف ..

رفعت الفراش عنه منصور بلا عناد ..

قال بعناد: قلت لج مابي

طنشته وقعدت على طرف السرير .. مسكت ركبتة اليسار وحاولت ارفع البانطلون لركبته وكانت يدة الكبيرة تمنعني .. رفعت يده وقلت له بحزن: منصور لاتعاند ..

قال بعصبيه: انتي مايخصج

رفعت البانطلون مرة وحدة وهالني الي جفته صرخت بسرعه وانا اجوف التشقات الكبيرة الي بريله والدم الي متجمد عليها .. يدي ارتجفت .. وقفت من هول صدمتي .. وظليت اطالعه وعيوني تصب دموع .. طالعته جفته يطالعني بقهر .. وغطى ريله وكأنه شي مشوه مايبغي احد يشوفه .. وخجلان منه .. تأوه وهو ينبطح من يديد .. وحط الفراش على ريله يغطيها مب قادر يحركها .. مب قادر حتى يغطيها بانطلونه .. ركضت بسرعه برع وسويت له كمادة باردة بدل الكمادة الحارة الي سويتها … جبت معاي مطهر .. قربت من عنده .. وقعدت على الارض .. هي مب من تخصات العلمي حتى تعرف اشلون تتعامل مع جروح مثل هذي لكن عندها خبرة في التطهير .. مسكت القطنه وبلتها بخفه بالمطهر .. من جاف منصور المطهر ارتعب .. وصرخ عليها : مابغي مابغي ..

سارة : لا منصور لازم

منصور قال بخوف : مابي يعور مابي ..

سارة عضت على شفايفها شلون تتعامل معاه .. طاحت دمعه مالحة من عينها اليسار .. منصور .. حرام عليك بتلتهب ريلك ..

منصور هز راسه بعدم اقتناع: مابي

سارة مابالت بحجيه وبسرعه حركت المطهر على ريله وهو تأوة بالم وانفجاع من جرأتها بعد يدها بسرعه .. :قلت لج مابي

صرخت عليه وانا تصيح من الدم الي تفجر بريله لانه حط عليه شي حار ..:منصور حرام عليك .. قعدت اصيح حسيت اني السب فهالشي .. سكت هو .. وانا كنت امسح بالمطهر على ريله كنت اسرق النظر له بين الثانيه .. واجوفه عاقد حواجبه بقوة وعيونه مصكرهم وماسك فخذه ويرص عليه بقوة .. بعد ما خلصت من المطهر لفيتهم بشاش وفوق الشاش حطيت الكمادات الباردة قلت بجنون : منصور ليش ماقلت لي؟؟ .. (طالعته وعيوني مليانه دموع) كنت بتنزف اكثر لو حطيت عليه شي حار ..

كان ساكت ويطالعني بعدين حرك نفسه بينبطح من يديد .. ساعدته .. وانبطح .. قال لي اصكر اليت لانه يبي يرقد صكرت اليت .. قعدت على السرير .. وانا عيوني تدور عليه .. لقيت حركته ساكنه .. مرت نص ساعه .. لقيته غاط بنومة فتحت الابجورة وخفت على اضائتها فصارت تبعث نور خفيف .. قعدت عنده .. ولحفته .. كان نايم بكل هدوء وبراءة .. ترددت وانا امد يدي لشعره .. لمست شعره وحسيت بخشونته .. ذكرتني برجولته الطاغيه .. الي يشوفه يتوقع انه رجل بمعنى الكلمة ورجولته طاغيه .. لكن اذا تحجى وياه وقعد معاه يعرف لاي مدى وصلت حالته .. سمعته يهمس ب : ل و ..ل و .. ل ت خل ي ن ي … ان ا .. م ,, آآه ..آآه

كان يهذي وايد مافهمت منه شي .. واهاته تعور قلبي .. مادري ليش قعدت اصيح .. بس فرغت كل شي بداخلي كان مكبوت .. طلعت من الغرفه .. لاني حسيت باختناق فيها .. طلعت جفت الدريشه كانت مصكرة .. شكل الخدامة صكرتها .. حسيت باليوم يعصر معدتي .. بس اصريت اني اعاقب نفسي عشان ماعيد اجرح منصور .. كفايه الي قلته .. بس ليش سوا جذي بريله معقوله يكون مقهور وسوا جذي بنفسه .. معقوله يأذي نفسه ؟؟ .. باقي يومين ونرجع لهم البيت .. اول مانرجع لازم اروح لدكتوره النفسي .. لازم يخبرني عن حالته قبل والحين .. لازم ..

فتحت الدريشه .. هب الهوا وتلاعب بخصلات شعري الناعمه .. كرهت شعري .. يمكن لانه هو السب بكل شي .. ويمكن نفسيتي الي كانت مضغوطة بشكل كبير كبير .. قعدت اتأمل اليل .. من الدريشه .. وفعلا الهوا كان حلو ويريح الاعصاب .. اول مرة فالصيف يكون الجو جذي حلو ومعتدل .. يمكن لان احنا صوب البحر؟؟ .. رنت الساعه وتخرعت جفت الساعه كانت 3 ونص الفير .. بعد ربع ساعه بيأذن .. فرفرت في التيلفزيون .. استقريت على مسلسل مصري كنت اتابعه من زمان .. انبطحت على الكنبه .. وقعدت اجوفه .. اذن .. قمت وقصرت على المسلسل .. رحت غرفتي توضيت وصليت .. رحت لعند منصور .. حاولت اقومة للصلاة بس ماقام .. خليته يرتاح واذا قام بيصليها قضاء .. يارب الله مايعاقبني بس انا قومته وهو تعبان .. قعدت عنده .. مسحت على راسه وشعره .. مسكين يامنصور .. مسكين ..

طلعت من الغرفه .. قعدت على الكنبه .. وظليت افر في القنوات لين استقريت على قناة انجليزيه .. رقدت وانا مب حاسه بنفسي ..

^^^^^^^^^^^^^

"لعبه الشيطان "

سالم ..

قاعد على سريري وافكر .. شكلها كان محزن .. عيونها حمرة .. شعرها الناعم مفتوح محاوط ويهها .. اول مرة اشوف شعر بنعومته .. تمنيت لو امسكه ..على الرغم من القلق الي كان مرسوم بويهها الا انه كان مثير وجذاب .. صكرت عيوني وصورتها مطبوعه فيها .. رن جوالي خرب علي خلوتي فيها .. جفت المتصل سارة رديت عليها وانا اتخيلها سارة الي بالي .. اه ياسارة اه .. ياريتني مارديت ابوي وخذتج .. ولاياخذج منصور .. سرحت وظلت تناديني

:حبيبي .. سالم …؟؟

فكرت وتخيلت اسمي يوم تنطقه سارة شلون بيكون اه ياسارة سرقتي تفكيري وعقلي .. صكرت من عند سارة وظليت افكر بسارة مرت منصور .. ياليت بس مارديت ابوي ياليت ..

يات فكرة على بالي

فزيت من فراشي .. وبسرعه رحت لغرفه سلوى .. جفتها نايمة بكل هدوء .. دورت على البوم صورها .. حست الغرفه … ماعرف وين حاطته .. اخر شي لقيته بواحد من الادراج كان الدرج خيالي وعجيب وحلو .. كانه صندوق محمل بذكرياتنا وحتى العابنا .. ياحلوج ياسلوى .. بسرعه فتح الالبوم خذيت صور متنوعه بدون مانتبه لها وتركيزي مركز على حركات سلوى خايف تقوم وتشوفني .. صكرت الالبوم وحطيته بهدوء مكانه بس طبعا الدرج تعفس … دعيت ربي ماتنتبه له .. رحت لعندها .. بستها على راسها .. وهمست لها : فدتيني وايد ياسلوى احبج

طلعت من غرفتها ودخلت غرفتي .. حطيت صورها تحت مخدتي .. ورحت لجناح منصور كان جناحه بعيد .. وكان بطرف بعيد جداً .. دخلت الجناح كان بالوان حيويه حلوة .. دخلت غرفتهم الرئيسيه .. جفتهم مبخرين ومرتبين الغرفه .. كانو ناثرين الورود المجففه على السرير الي كان فخم بالون الؤلؤي .. انقهرت وقمت بكل عصبيه وثيران نثرت الورود على الارض وبكل غيض تمنيت اشق الشراشف المغطيه .. رحت للكبت بجنون ودورت على شي من ملابسها .. كانت الاغلبيه اثواب منصور .. فتحت الكبت الثاني .. جفته متروس ملابس .. مسكت لي قميص اصفر يوصل لنص الساق كان معلق ويا جينز برمود فاتح .. يريت هاي البس .. ومسكت بجامة لونها برتقالي قصيرة يمكن توصل لثلاث ارباع الساق يريتهم وتحركت بسرعه طالع من قسمهم تارك فوضى على الارض والسرير .. وملابس سارة الي طاحت على الارض .. وابواب الكبتات مفتوحة .. طلعت بحذر من جناحهم .. ورحت لجناحي قفلته بسرعه .. ودخلت حجرتي

نثرت اغراضها .. وصورها .. وانا اتخيلها عندي .. شميت ريحه ملابسها .. مسكت بجامتها .. ورحت على السرير .. خليت البيجامه عندي .. وصورتها بيدي .. غفيت على صورتها وهي تضحك مع ثاني وسلوى و و حياة وشعرها مفتوح وضرسها الي بالفك السفلي منكسر ..

^^^^^^^^^^^^^^^
يوم يديد .. واشراقه امل .. وبصيص من خيوط العنكبوت .. نقطع هالخيوط باضافرنا بشراسه .. ندعي الحلم .. واحنا ندوس عليه بكعب عالي ونهرسه بالارض ..

لولوة

طلعت من المستشفى وانا احس بارهاق .. وعلي نظرته خاليه من أي معنى .. دخلنا السيارة .. قعدت .. صج ان مستشفيات الحكومة لو تقعدين على الموعد للساعه 12 ماتخلصين من الزحمة .. اوف .. جريت الغشوه من على راسي .. ونافخت .. حطيت وجه المكيف علي .. طالعت علي لقيته سرحان ويده للحين على مفتاح السيارة بعد مافتحها .. حسيت بالذنب .. مسكين هو يبغي عيال .. وانا ابلع بحبوب منع الحمل .. هه .. للحين صغيرة ايش ابغي بالعيال وبلوتهم؟؟

:علي شفيك؟؟وين سرحت فيه؟؟

طالعني بنظرة فارغه ..: لا بس كنت افكر بكلام الكتورة .. معقوله من بدينا ناخذ العلاج وانتي ماقمتي تتحسني؟

ارتبكت .. العلاج؟؟ اوه .. انا حتى ماعرف وين حاطة دوى العلاج عشان افرغه قبل لا انكشف ..اول مابرد البيت بفرغ العلبه .. قلت وانا امثل اني مخنوقه: يعني انا شبيدي اسويه وماسويته؟ علاج وتعالجنا .. يعني شسوي اكثر ..

رصيت على عيوني .. وغطيتها .. شهقت شهقتين بعدين صحت .. تبون الصج كنت اصيح من صجي .. مب تمنثيل .. ماكنت اصيح عشان ماحملت للحين لا .. كنت اصيح على نفسي .. اصيح سعادتي .. اصيح حياتي .. اصيح مشاعري الي للحين ماقدرت اوجهها الوجة المناسبه .. علي صج طيب ومافي احسن منه .. بس مو قادرة مو قادرة ..

طالعني علي بأمل وهو متوقع اني اصيح على اني ماحملت : معليه حبيبتي .. احنا جربنا العلاج هني .. ونقدر نجربه برع .. العلم تطور .. كل ثانيه يكتشفون حلول يديدة .. لاتخافين صدقيني بنيب عيال

طالعته .. ماعرف ليش كسر خاطري وايد .. يداريني .. ويخاف علي .. ويراضيني .. وانا ايش سويت له ايش؟ ليش مو قادرة احبه؟؟ ليش يوم احسه بياخذ غيري اطير الدنيا واقعدها .. ويوم هو بجنبي احس بنفور .. ومشاعر سطحيه عاديه باتجهاهه صح احبه بس كأخ عمري ماحبيته كزوج .. مب قادرة اتقبله .. ليش انا جذي ليش؟؟ ..

تعبت .. تعبت وانا اعيش الصراعات تعبت وانا اعيش الاهمال .. تعبت وانا ادور احضان دافيه وانا متربيه بحضن دافي .. تعبت ادور الحنان بقلوب باردة .. ليش ماقدر على فرقاه .. ليش ماقدر على فراق غيرة بنفس الوقت .. ليش اغار يوم اجوف اهتمام الشباب بعض البنات وهم يهملوني .. ليش اغار من حب علي لامل .. ليش احقد على امل .. ليش احقد على كل خواته .. ليش ماحب امه الصدر الحنون .. ليش .. ليش؟؟

حياتي كلها اسئله محيرة .. انا ليش جذي؟؟

رن تيلفوني .. وارتبكت .. لايكون حد .. مابغيت افتح شنطتي .. بس علي قال لي : ردي؟؟؟

فتحت الشنطة بربكة وخوف .. وتوتر شديد .. لو انه كشفني .. شبيكون مصيري .. هالمرة دموعي نزلت غصب عني .. لو طلقني .. انا شلون بعيش بدونه شلون؟؟ .. انا ماقدر اعيش بدونة انا صح ماحبه .. بس بعد ماحب حياتي بدونه .. ليش هالتناقض ليش؟؟ ..

فتحت الشنطة جفت المتصل " امل " حمدت ربي مليون مرة .. الحمدلله .. الحمدلله .. ماطلع لي حد ثاني ..

قال علي : منو؟ ليش ماتردين

رديت بحبور: امل .. مو قادرة ارد عليها .. اخاف تحس اني كنت اصيح ..

ابتسم لي علي بمواساه ..وهو الي يحتاج من يواسيه .. ماعرف ليش شديت على يده .. كنت محتاجه لهاليد ياعلي يوم كنت صغيرة عمري18 سنة .. كنت محتاجتها توجهني يوم رافجت مشاعل .. كنت محتاجتها يوم يوم .. صحت .. وانا اتذكر هذاك اليوم .. يوم عمري مارح انساه .. ابدا ابدا .. اليوم الذكريات تلعب فيني لعب .. مب قادرة اجمع .. لحسن حظي ان السيارة مخفيه ولا جان انفضحت .. معقوله لولوة القويه المغرورة الي ماتهزها شعره تصيح اليوم .. تصيح!!.. حاولت اقوي نفسي .. مابي اكون ضعيفه جدام أي مخلوق .. حتى علي .. مسحت دموعي بقسوه ..

لفيت ويهي عن علي وعطيته ظهري وانا اتأمل البحر الي وقف عنده علي .. شلون ماحسيت ان علي تحرك ويابني هني .. معقوله الذكريات خذتني لبعيد لبعيد ..

بعد ساعه او ساعتين مرت .. من بعد ذكرياتي الاليمة .. والحلوة .. افتريت لعلي .. لقيت يطالع البحر بهموم .. وعيونه تبرق بحزن .. مسكت يده .. وتأسفت: انا اسفه ..

…

ابتسم يكابر الجرح الكبير الي بقلبه .. ومسح على شيلتي : ماعليج .. مسك يدي .. املنا بالله كبير ..

تغيرت ملامحهه الجامدة لبشوشه ..: شرايج نروح نتغدى (جاف ساعته المرصعه بالالماس ) تأخر الوقت نروح نتغدى بأي مطعم؟؟

كل مرة يسألني وياخذ راي بالمطاعم الي نروحها بس هالمرة ابتسمت له: لا .. انته اختار وانا بي وياك

جفته يفكر : شرايج نروح مطعم كنت اروح له بمراهقتي ؟؟

تحمست: اوكي؟؟

حرك السيارة .. وظليت اطالع الاحياء الي يدشها عشان يوصل للمطع ..

^^^^^^^^^^^

"الدنيا لعبه قدر .. تحركنا بخيوط وهميه .. مرة تفرحنا .. ومرات تبكينا "

قاعده بكل توتر على المسنجر .. خايفه .. مرتبكة .. ولخوفها .. قعدت قبل الوقت الي حداه لها بساعه كامله .. تفكر وتخط .. ايش بتقول وعلى ايش ناويه

لسوء حظي دخل قبل الموعد بساعه .. ياني انقهرت .. ودي اذبحه واقصص لحمة بضروسي ..

"سحر حبك جنن جنوني "

هلا بقلبي

"الدنيا لعبه قدر .. تحركنا بخيوط وهميه"

وبعدين يعني بلا هالالفاظ!

"سحر حبك جنن جنوني"

نمشي .. شخبارج؟؟

قهرني .. الي يجوفه ولا يعرفه يعرف الخير؟؟ ..

"الدنيا لعبه قدر .. تحركنا بخيوط وهميه"

اخلص اشتبي مني؟ .. ليش قايل لي ادش؟

"سحر حبك جنن جنوني "

توء توء توء الي اعرفه انج رقيقه .. شالي قلبج دفشه؟ .. صرتي شيماء وانا مادري؟؟

توسعت عيني بكبرها .. اكيد حد وياي بالمدرسة .. اكيد .. بس ليش يحقد علي لهالدرجة اوه قصدي تحقد علي .. اشتبي مني؟ .. شسويت لها .. انا مسالمة مالي دخل بحد بالمدرسة .. ولا اذيت حد ولا اذكر اني جرحت حد .. منو هذي؟ .. وشالي بيدها تسويه؟؟ .. معقوله يكون لها نفوذ كبير ؟؟… بس شلون اتأكد .. امس هدتني بسارة وميرة ومنيرة .. ومنصور .. منصور ! شلون نسيته .. ياربي .. لازم اتصل على سارة واعرف بطريقه غير مباشرة عنهم ..

"الدنيا لعبه قدر .. تحركنا بخيوط وهميه "

لا صرت سعودوه ..

اذا اعرفت سعودوه معناته انها وياي بالمدرسة .. واتعرفني زين .. زين مازين .. ولا من وين لها هالاخبار والمعلومات .. من بنته .. واخت من ؟؟ .. وبنت عم من؟؟ ..

" سحر حبك جنن جنوني "

هههههههه حلوة قالو لي عن سعود الي وياكم بالمدرسة .. ياربي ياسلوى اكتشفت انج خفيفه دم بعد .. مع ان قالو لي انج عمليه وجادة في اغلب الاحيان

قالو له ؟؟ .. يعني مب ويانا بالمدرسة .. زين من طرف من؟؟ .. لازم اعرف

" الدنيا لعبه قدر .. تحركنا بخيوط وهميه"

من طرف من انته؟؟

" سحر حبك جنن جنوني "

ماتعرفينها .. بس هي تعرفج .. ام تقدرين تقولين .. عجبتيني .. وحبيت اعرف كل شي عنج!

عجبته؟ ليش الاخ من متى المعرفه؟ حتى اعجبه؟؟ .. ياربي شالسالفه مو قادرة افهم او استوعب .. احس نفسي بفلم هندي ؟ .. الاخ قاعد ويهد بارواح الناس .. ليش مصخرة الدنيا؟؟ .. مافيها قوانين .. ولا عقوبات؟؟ ..< ياسلوى في ناس قلوبهم متحجرة مايهمهم احد اهم شي مرادهم الي يوصلون له .. وفي امثال كثيرة جدامج .. والاهم بعد وياج بنفس البيت ليتج تاخذين العبرة ..وماتكونين غشيمة وتضحين بكل الغوالي

قرت اطنشه .. لاني حسيت انه يكذب علي .. مستحيل انسان يقدر يأذي انسان ماسوى له أي شي ؟؟ يعني احنا مو قاعدين بغابه .. ولا بزمن الكهوف .. حتى بذيج القرون ماسو نفس الحين ..

قلت بلا مبالاه

" الدنيا لعبه قدر .. تحركنا بخيوط وهميه "

اها .. ومن عرفتني عشان تنعجب فيني؟؟

"سحر حبك جنن جنوني "

ام جفتج .. وعجبتيني .. م تقدرين تقولين تصادفنا بفيلاجيو .. دعمتي قريب لي بالغلط .. جفتج من بعيد وعجبني احترامج وشخصيتج .. م .. وشكلج طبعا

شنو هالقله الادب شنو هذا يغازل بطريقه غير مباشرة يعني؟؟ .. وبعدين ماذكر اني دعمت حد بفيلاجيو .. شنو هذا يستهبل علي ولا يستهبل؟؟ ..

" الدنيا لعبه قدر .. تحركنا بخيوط وهميه"

شكلك شارب شي ولا مغلط ..

"سحر حبك جنن جنوني "

شارب حبج ياحبي هههههههههههههههههههههههههههههه هههههههههههه

الق…. الو…. قل…. ح…. كل كلمات الدنيا الحقيرة شويه عليه

صكيته بلوك .. وقعدت اسولف ويا رفيجاتي مب مهتمه لتهديدة .. فجأة نقزت وتذكرت ان نتايجنا بتطلع اليوم باليل .. وباجر الصبح بيعلنون عنها بالجريدة ..

فتحت موقع الوزارة وقعدت عليه انتظر يعلنون وقت النتايج .. من بين انشغالي .. انتبهت على 5 رسايل لي على المسنجر .. اكيد شيوم لانها قالت لي بتطرش لي الصور الي طلبتهم منها "صور فساتين سهرات "

^^^^^^^^^^^^^^^^^

" خيوط الفجر تعطينا امل باشراقه جديدة بحياتنا"

قمت من الصبح متأمل خير هالمرة .. تمنيت الدكتورة تقول لنا ان لولوة حالتها تحسنت .. وحالة رحمها تقدمت عشان تقدر تحمل .. انا ماعرف ليش للحين ماحملت .. صار لنا سنة .. وشهرين .. وهي للحين ماحملت .. ماكانت مقتنعه بالحمل .. بس اقنعتها قبل 4 اشهر .. ومن هالاربع شهور واحنا نحاول عشان تتقدم حالة رحمها .. ويتقبل .. وتقدر تحمل .. بس للاسف .. حالتها تزيد اكثر عن اليوم قبله .. شالسب ماعرف .. السب مجهول … والدكتور محتارة ويانا .. كنت شاك اول الايام انها ماتاخذ العلاج .. بس يحليلها ظلمتها طلعت تاخذه قبل لا انبه عليها حتى .. يالله متى بايب عيال ؟ .. يحملون اسمي .. واشلهم بيدي .. ابوسهم .. واحبهم .. اشتغل عشانهم .. وابذل كل طاقتي عشان اوفر لهم الفلوس .. مابخليهم محتاجين لشي .. مابعيشهم الحياة الي عشتها انا بدون اب .. مع زوج اب قاسي ظالم .. ابداً ماراح اعيشهم الي عشته ولا بخليهم يذوقون الي ذقته .. ولا بعامل امهم مثل ماكان يعامل زوج امي .. كان قاسي علي وعلى امي وايد .. كان يمسيها بضرب ويصبحها بكف .. للحين كنت اذكر يوم كنت اقعد بزايه الغرفه اغطي ويهي واسمح لعيوني تشوفه بكل وحشيه يضرب امي .. وكنت كل ماقرب واضربه .. يفلعني على الطوفه لين ماتنهار قواي الضعيفه جدامة .. بس يوم كبرت .. عرفت شلون اخذ حق امي وحقي منه .. تطلقت امي منه بعد 9 سنين من العذاب .. كانت اول سنتين اكثر السنين الي عشنا انا وهي تايهين .. هي انجبرت تاخذه .. وانا انجبرت اني اكون صبي عنده .. بعد ما كبروا خواتي الي منه .. طلق امي .. لانه شبع منها .. وتزوج وحدة ايطاليه .. وتزوج فوقها .. بلدهم مايسمح ان الرجل يتزوج فوق مرته .. بهدلته وبهدلت عيشته دخلته السجون وجرجرته من محكمة لمحكمه .. كنت للحين بعمر ال 12 سنة .. وبعدها ماقمت اسأل عنه .. اشتغلت بشركة ابوي .. كنت ادرس النهار .. والعصر اداوم بالشغل .. تعلمت اصول الشغل .. وتعلمت من ابوي شلون احترم موظفيني .. لان احترامي لهم .. يخليهم يحترموني .. ياليت عندي ولد ولا بنت .. اصبح عليهم قبل لا اروح الشغل .. اوديهم الروضه .. واخذهم من المدرسة .. وافرح فيهم لاكبروا جدام عيني .. وركضوا يلعبون .. بلعبهم بالالعاب .. مابحرمهم من طفولتهم .. بوفر لهم كل سبل العيش والراحة .. وبعلمهم على النظام .. والدين .. باهتم في مشاكلهم وبسمعها … مابخليهم ينظلمون ابداً وانا عايش .. ولا بخليهم يعرفون معنى الضيم الي عشته ..

رحنا المستشفى .. وانا متأمل .. لكن كلام الدكتور حبطني وايد .. وايد .. صعب انك متأمل وتخيل .. وتمنى .. تقوم وتمسي بأمل .. واخر شي تلقى هالامل مجرد وسيله لجذب الالم .. الامل والالم .. من نفس الحروف .. ابداً ماتختلف الحروف .. لكن الترتيب غير .. والي غير الترتيب غير المعاني الي تحملها كلا من الكلمتين .. ياه .. مابتحسون بشعوري .. الا يوم تفقدون الامل ويحل محله الالم .. الالم .. مسكينة لولوة .. اكيد بتحس بالذنب .. ماحبيت احسها بالذنب وانها ماقدر تحق امنيتي .. حاولت اتساهل معاها .. مابغي اظلمها .. او اجرحها .. خصوصا اني احبها .. هي ارق انسانه عرفتها بحياتي .. مثل النسيم .. عرفتها من اخوها بدر .. مرة شفتها معاه بالسيارة .. طبعا ماشفت ويهها لانها متغشيه .. بس قدرت المح تشكيله ويهها الدائري الابيض وعيونها الوسيعه بحجم متوسط .. وقسمها الصغير .. بتقاسيم شفايف صغيرة بلون التوت .. اعجبتني .. ولان اخوها بدر مافيه من احترامه والتزامة قرت .. اناسبه .. وانا فخور بنسبه .. مافي مثل اخلاق بدر .. صحيح .. في اشياء بلولوة كثير ماتعجبني .. بس احاول اغير فيها بالسياسه .. لاني لو تعاملت مع لولوة بعصبيه وبقوة بتمرد احسها قطوة جميله .. خذتها للبحر تغير من نفسيتها التعبانه .. حسيت بالذنب .. وضميري انبني .. ماكانت تبغي تجي للمستشفى اليوم وكأنها حاسه .. ياليتني ماجبتها ولا جرحت احساسها ..

سألتها عن مكان نتغدى فيه .. وقالت لي المكان الي يعجبني .. فرحت وايد .. لاني بجد حسيت انها المرة الي بتساعدني بمحنتي اذا طحت فيها .. ولامرة خذلتني .. كنت باخذها لمطعم كنت اروحة بمراهقتي .. بس غيرت راي .. حسيتها مابتقبل المطعم .. لانه بسيط .. ومتواضع .. . خذتها لمطعم هندي فخم .. اكله لذيذ " رويال تندور" من اشهر المطاعم الهنديه .. المعروفه بشكلها الجميل المتناسق .. يجذب انظار الي جاينه .. بتشكيله هنديه .. وبخدمه متازة .. ماعدا الشي المزعج المكيف ماكان بارد .. يمكن لانه طلبنا اكل حار عشان جذي نحس بالحر .. كان غدانا مصحوب بعض الحجي البسيط .. احتراماً لنعمه الله .. بعدها .. قرت اخذها ادورها شوي على الكورنيش ..الي يعتبر من اجمل ملامح السياحة في قطر .. حيث الرصيف المعتدل الحجم .. واشجار النخيل الي تزين الكورنيش غير الحشيش الاخضر الي مغطي الارض .. ولا نسمات الهوا الي يوم تلاطم وجهك تخليك تحس بانتعاش .. ولا البحر الوسيع الي يستقبل هموم الدنيا كلها ..ولا العمارات الي تحاوط البحر .. تعطيه نور يبهر الانظار خصوصا باليل .. الكورنيش ولا احلى باليل والنهار " بصراحة كورنيش الدوحة بدون مجامله احلى كورنيش بالخليج لان قطر اهتمت من سنين طويله بالكورنيش .. واعتبرته عنصر سياحي .. غير المطاعم الي بنتها على جانب الكورنيش "

تغيرت نفسيه لولوة بسرعه .. وحسيت بفرحة .. لاني قدرت اغير من نفسيتها ..

^^^^^^^^
(صراع مع الحياة)

…: شو بلاج ؟؟

…: ماشي .. اريد ايلس اروحي

.. : شو الي صاير زين خب

صرخت عليها بانفعال : اقولج ماشي ماشي .. شو ماتفهمين انتي؟ .. كيف تريديني افهمج؟؟

..حاولت تهديها وهي تضمها: خلاص خلاص بس لاتصيحين

صرخت عليها : كيف ماتبغيني اصيح .. وانا .. وانا مطلقه ..

وقفت بسرعه وتركت يدها الصغيرة : شو؟؟؟ .. مطلقه ؟؟ .. حمدوه انتي شو يالسه تخرفين؟؟؟

صاحت حمده وهي تغطي ويهها وتقول : ماعرف شو يالي صاير فيه .. خذت عقله البنانيه .. ماعاد يباني .. عافني ياعفرا عافني ..

دمعت عين عفرا على حال ربيعتها وبنت عمها حمدة .. معقوله وحدة بعمر الزهور بمثل عمر حمدة تتطلق .. وبدون سب ؟؟ .. مستحيل : حمدوه خبريني .. شو يالي صاير

صاحت حمدة وخبرتها كل شي صار

وكان هناك زوجين من الاذن تسمعهم .. وفتحت عيونها بكل وسعه .. حمدة اتطلقت؟؟؟ .. كيف!!! .. ظلت هالزوجين من الاذن تسمع الي صار .. وبعدها احساس اوحى له بان الغرفه هدت .. وبسرعه تجاوز المر .. طالع برع .. والصدمة راسمة ملامح وجهه

^^^^^^^^^^^^^^^

"فرحة النجاح لها طعم ثاني "

قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني ..

حكت عيوني .. وهاي الحركة دوم اسويها اول ماقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟

رد علي بهدوءه : زينة

قرت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعان شنو مافي ريوق؟؟

توجهت لغرفه النوم وانا اقول : اكيد في ..

دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف ..

طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله ..

رجعت الصاله وفرشت السفره .. ورحت ايب صحون الفطور وياي ليلي .. ودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتعب ريلك ومابتطيب ..

قال لي باهمال: عادي؟؟

قلت له بعصبيه: لا بتعورك ..

بس عاندني وقعد .. اوف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك ..

قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ ..

قال وهو يغير السالفه: مبروك؟؟

طالعته مستغربه : مبروك؟ .. على شنو؟؟؟

قال لي وهو يأشر على الجريدة : نجحتي

فتحت عيني بفجعه وقلت مب مصدقه: لا .. لتقول؟؟ صج؟؟ كم يبت

ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟

ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت ..

ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!!

الحفنه الخامسه
..الجزءالثاني من الحفنه الخامسه..

..** ذكريات الماضي وجروح ال ح اضر **.
.نهايه ذاك الجزء كانت غلطة وهاي انا اعدلها .. السموحة منكم بالغلط!!

كالعادة من اول مايات هني وهي يالعب بلي ستيشن ويا منصور يا تتمشى يا منخمدة .. والحين هي بوضع يديد .. قاعدة وتحاتي النتايج .. شوي وتصيح .. مو قادرة ترقد .. قاعدة على السرير .. وتقلب يمين ويسار .. متى تشرق الشمس .. صكرت عيونها .. وردت فتحتهم …

"سارة"
فتحت عيوني وظليت اتأمل فالسقف .. وانا شوي واموت من المحاتاه .. ياربي .. لو عندي لاب توب .. ولا لو فيه نت .. جان ارتزيت على موقع الوزارة من امس .. ياترى نجحت؟؟ .. انا انا متأكدة من نفسي فالعربي والانجليزي مزفته حدي .. لا والي يقهر الطلاب في القاء الصحفي يقولون سهله الامتحانات .. سهله طل بعينهم …يريت شعري بتوتر .. صج .. الثانويه العامة .. مب بس ينتنا .. الا طلعتنا لقمة الينون ..

قمت من السرير بعد ماضربت يدي يد منصور .. تخرعت .. خفته يقوم ويهاوشني .. يوه .. طقيت جبهتي .. نسيت انه مايعرف شي عن الدنيا .. بعد ماستقرت ريلي على الارض .. تحركت على اصابيع ريلي ..وصلت للبا .. فتحته وطلعت .. شدتني الاضواء الي برع .. رحت فتحت الدريشه وقفت على طرفها .. الهوا كان حلو .. مع انه في لفحه حرارة .. ابتسمت .. ظليت اطالع الظلمة مع هاله النور البرتقاليه من اليتات ..سبحت افكاري لبعيد لبعيد …غمضت عيوني وانا ابتسم ويمر مثل هالموقف بالي

كنت واقفه عند دريشة شاليهنا واليل خيم .. والكل رقود .. كنت واقفه عند دريشة الصاله واجوف برع .. ماحسيت الا بضربه على جتفي .. وصرخت من الخوف .. فتحت عيني على ثاني الي ماسك حلجة ويأشر لي عشان اسكت
طالعته: اي خرعتني

ضحك: شتسوين هالحزة؟

طالعت برع : الجو بارد

ثاني يدزني: اجوف وخري ملتصقه بالدريشه تقولين لزقه اهو

مسكت ذراعي: يالدفش كسرت يدي

ثاني بعد ماوقف مكاني: أي والله الهوى بارد .. اشرايج نطلع برع نتمشى

قلت بسرعه وبدون تفكير: الله يالله يالله خل نروح

ضحك: يالمخبله .. انزين روحي نادي مريوم وحيوت

اشرت بيدي بعدم اهتمام : مريوم منخمدة وحيوت قاعدة تكتب

طالعني بغباء:شنو ماشبعت دراسه ياين نغير جو احنا مو تدرس

ضحكت عليه : لالالا تكتب فدفترها مب تدرس

طالعني بنفس نظرته العبيطة: شتكتب ذي؟

قلت بغباء: اشدراني؟ ماسألتها

هز يده: والله مصخرة .. ماعطينا اجازة وهذي تكتب حشا يالحمصيشن

ضحكت: أي والله شكلها مشتاقه للمدرسة. امش امش نطلع … خل نروح صوب البحر

ضحك: الله حلاته نجوف ابوج هناك

ضحكت بخوف: هههههههه بيخليني قتيله البحر

ضحك وقال: وانا المسكين بعد بصير قتيل البحر

ضحكنا واحنا ماندري شمعناة الي نقوله بس جذي نألف

:يالله يالله نروح

طلعنا واحنا نمشي شوي شوي .. صرخت يوم حسيت شي على جتفي : يمه

ثاني: ماجافو الحراميه يبوقون جافوهم يتحاسبون .. يالغبيه بتفضحينا بيدرون ان احنا برع ..

التفت للي مسك جتفي وضربته: خرعتيني حسبي الله على ابليسج

ضحكت حياة : شتسون بروحكم؟ اعترفوا اعترفوا اعترفوا

قلت لها بعبط: نغازل

ثاني: بتين ويانا ولا لاء؟

حياة: امبلا امبلا بجي .. بس صبروا وين عبود قال لي انه ينطركم برع

قلت لثنوي: انته قايل لعبود؟

ثاني: ايه قلت له بخرعج واذا تبين تين ويانا بنروح

هزيت راسي بفهم: انزين يالله يالله خل نروح بتطلع الشمس

حيوت جافت ساعتها: بوه باقي ساعتين على صلاة الفير وينج وين ماتطلع الشمس

قلت بعيله: يالله بنروح نحط ريلنا فالبحر

حيوت بوناسه: وناسه

صرخت وياها: اكشن

ضربنا ثاني كل وحدة على راسها: يالفضيحه .. مانبيكم انجلعوا داخل لابركتن فيكم من بنات

حيوت: ثنوي يالخايس احترمني اكبر منك ها .. تبي زف ساروة

تخصرت : لا والله؟

سحبتني ومشينا وياهم .. صوب البحر .. جفنا عبود قاعدة ويسمع شله قعدنا عنده .. بس انا رحت للبحر وحطيت ريلي فيه صرخت بوناسه:ياي من زمان ماياين هني

جى عبود لصوبي: ان شاء الله يقوم ابوج ويزفج زف ونضحك عليج

بوزت: انته ماتحبني كله تدعي علي

ضحك علي وقال: احسن حلاته نجوفج تصيحين

قلت بقهر: عبود

عبود وهو يضحك: تذكرين شكثر كنتي صياحه وانتي صغيرة .. بال من زمان ماجايفج تصيحين

تخصرت: والله انا عودة انزين عمري 14 سنة مب صغيرة عشان اصيح

ماحسيت الا بشي على ريلي .. قعدت اصرخ: عقرب عاضني .. عقرب …

ياو كلهم صوبي وانا متجمدة بمكاني واصيح

حيوت متخرعه وثنوي متوهق وعبود يصرخ علي عشان اتحرك

وانا ميتة من الصياح طلعت من البحر بمساعدة حيوت وعبود .. وقعدوني على الرمل .. وانا للحين ماسكة ويهي واصيح ..

ثنوي ميت من الضحك .. وحتى عبود .. كرهتهم .. انا عاضني عقرب وهم يضحكون .. والله كرهتهم .. مسكت الرمل الي تحت يدي ورميته عليهم .. :ان شاء الله يعضكم .. ان شاءالله يعضكم ..

رجعت اكمل صياحي

ثنوي وهو يضحك: يالذكيه هاي سمج صغار بس عضتهم ماتعور يالجذابه وبعدين هاي طحالب متعلبج على ريلج .. والا اذا عقرب تقدرين تمشين انتي

عبود ضرب كف ثنوي وقعدو يضحكون .. وانا اصيح .. وحيوت محتارة تضحك ولا تصيح

:جذابين جذابين العقرب عضني واهئ

عبود: والله ؟ .. لو صج عاضج بينزل دم وبتدوخين وبتسخنين

حسيت اني دايخة : اكا دخت .. عضني عضني

ضحك ثاني بالقوة .. وعبود وياه .. وهالمرة شاركتهم حيوت بالضحك .. حيوت: تتخيلن يالغبيه

قعدت اكمل صياحي : ان شاء الله يعضكم وتموتون .. وان شاء الله يعوركم

ثنوي قاعد جدامي وميت ضحك .. وعبود راكع وهو يضحك .. اما حيوت فكانت تضحك وهي تراويني الطحالب .. يوم جفت الطحالب تفشلت .. وكملت صياحي وانا اركض للشاليه الي مأجرينه وانا ميتة صياح.. عبود يصارخ: اخيرا جفناج تصيحين يالصياحه؟

قلت وانا متفشله ودموعي تطيح من بعيد: ان شاء الله يعضكم.. مالت عليك ان شاء الله يعظك يابو شلاخ

وركضت للشاليه اكمل صياحي

ابتسمت على هالذكرى .. والله ايام .. ماتنعاد .. هالموقف صار يوم ابوي كان حي .. اخ يابوي .. مسكت طرف الدريشه وانا اتذكر عبود وحيوت ..وثنوي وهواشنا .. كنت احب ثنوي اكثر من عبود بوايد … ليش مادري مع انهم نفس الشخصيه تقريبا بس ثاني كان عندي غير …

^^^^^^^^^^

"لولوة"

اجوف صورة علي الي معلقه بالطوفه وانا وياه نبتسم واسأل نفسي بشنو قصر؟..اكل..لا..شرب..لا…لبس.. لا.. مطاعم..لا…سفرات..لا…مجوهرا ت..لا..هدايا…لا …عيل ليش مب متقبلته .. ليش ماحس بحب اتجاهه .. انا مانكر ان في شي بقلبي يتحرك يوم اجوفه .. بس مايهزني .. ماحس اني احبه .. ليش؟؟ …انا ليش ماعندي شي بحياتي؟ .. كل شي متوفر لي بس مو قادرة احس بطعم كل هالاشياء .. ليش الكل مستانس الا انا؟؟ .. ليش علي مايهتم فيني وايد ليش؟؟

رن تلفوني .. كانت امل.. اخت علي تذكرونها؟
اوف من وين طلعت لي هذي بعد؟
رديت:هلا والله؟

امل :اهلين .. اخبارج لولو؟

ابتسمت: بخير والله .. انتي اخبارج علومج؟؟

صديت عن صورتي وصورته .. وجفت نفسي بالمرايه .. عدلت مسكرتي .. وغمجت جلوسي..وانا اسمعها: تمام .. لولو .. ابي استشيرج بشي؟

توقفت عن تعديل روجي: قولي اسمعج ..

امل : لولو .. انا …

لاحظت ترددها ؟؟..شفيها .. لايكون صاير شي؟… يارب امها فيها شي هالعله .. مادانيها..قلت بحنان مصطنع: خير؟.. خرعتيني

امل بسرعه: لا خير .. >بتردد> .. بس .. انا … يعني .. اه

قعدت على السرير .. ولعبت بشعر علي ..:اسمعج..

امل ..:مشغوله انتي اليوم؟

جفت علي فتح عينه: لا .. امري؟

امل : ام .. تقدرين تمرين بيتنا .. ابيج بشغله ضروريه..

عقدت حياتي .. لا الا بيتكم .. ويه .. :لا اشرايج انتي تين بيتي من زمان مازرتينا..

بعد فترة قصيرة : اوكي …يكون احسن عشان مايسمعوني خواتي؟؟

شسالفه شكلها مسويه مصيبه .. طالعني علي بعد ماتمد :من؟؟

ابتسمت :اختك ..رديت اكلم امل ..زين عيل انطرج ..

قالت بسرعه: علي بيكون موجود؟؟؟

ابتسمت ..شكل السالفه جد؟…:لا .. معزوم اليوم على عرس..

تنهدت براحه: اوكي .. يالله اجوفج العصر

ابتسمت من ورا قلبي : اوكي ..

صكرت من عندها .. وقلت لعلي: صباح الخير؟؟

ابتسم وازال الخصله الي على عيوني :صباح النور لاغلى لولوة بالكون

ابتسمت حسيت بانتعاش من مدحه .. معقوله علي يحبني وايد .. ابتسمت بفرح: يالله قوم وراك شغل ..

قعد بكسل على السرير وقال لي : غريبه قايمة اليوم من وهل؟ .. العادة المنبه يقومني؟

ابتسمت بحماس: لاني عازمتك على الريوق ..

ابتسم: زين .. بس مانتأخر ساعه10 عندي اجتماع مهم ..

بوزت: لا.. حبيبي .. الساعه 9 نروح .. مابيكفي الوقت ..

قال لي بأسف :حبيبتي والله الاجتماع مهم .. استعدل بقعدته .. مب حلوة اطنشهم ..

سويت نفسي زعلانه: يعني انا ماستاهل تطنشهم عشاني؟

مسح على شعري: حبيبي هذي ارزاق ناس وارزاقنا .. مرة ثانيه اوكيه؟

هالمرة زعلت من جد : زين ..

قام من الفراش وتوجه للحما .. عكر مزاجي .. اكره هالصفه في علي .. اذا عنده اجتماع او شغل .. مايفرط فيه .. حتى لو عشاني … يالولو انتي فرطتي بشي عشان علي؟ .. جاوبي نفسج بالاول

رد صوت بداخلي : ايه انا ضحيت بمنصور عشان علي

رد عليه صوت ثاني: ضحيتي؟؟ هه انتي تقصين على من انا افهمج واعرف ليش خذتي علي

رد صوت ثاني عليه :ايه ضحيت .. ضحيت بالاحساس الحلو الي حسيته ويا منصور عشان علي

رد الصوت الاول : لا .. لتقولين كنتي تحبينه .. كنتي حابه انج الاولى فحياة ريال ماعمره تعرف على بنت

رد الصوت الثاني: لا انتي مب فاهمه انا ش ابغي

حسيت بصداع .. مسكت راسي .. بس تعبت .. تعبت ..

^^^^^^^^^^^^

"سلوى"

صحيت من نومي وانا دايخة على رنة تلفوني رديت بصوتي المبحوح من النوم :الو؟

الطرف الثاني:احلى الو ..من احلى صوت

عقدت حياتي.. من هاي؟ .. اكيد سلوم :ابي ارقد بعدين بعدين

سمعت صوت ضحكة .. استعدلت .. وقعدت على السرير .. منو الفاضي الي متصل هالحزة؟ .. طالعت الشاشه .. رقم غريب؟ …حطيت عند اذني وقلت باستغراب: نعم من تبي اخوي؟

سمعت صوت ضحكة:هههههههه .. تعجبيني ..

طالعت الشاشه باستغراب؟..:عفوا؟ تكلمني؟

قال بقله ادب: تصبحين على خير يازوجة المستقبل هههههههههههههههههههههههههههههه هههه

كنت برد عليه بس صكر بويهي .. من هذا قليل الادب الي جي يقول لي .. صكرت التلفون .. ورديت برقد .. بس ماجاتني النومة .. من هذا؟ ..اكيد مغلط عباله خطيبته .. ابتسمت .. مسكين مايدري اني مب خطيبته .. رقدت .. ورد تلفوني رن من يديد رديت بتعب:الو؟

سمعت صوتها المتوتر: للحين ماقمتي الساعه صارت 9 ونص .. روحي جوفي النتايج طلعوها ولا لاء ..

فزيت من فراشي .. يالله شلون نسيت …النتايج اليوم ..

قلت بسرعه: اوكي اوكي سروي بدخل وبجوف عطيني رقم جلوسج ..

سجلت الرقم بسرعه بالورقه .. وسيدة نطيت على كرسي .. فتحت الاب توب .. واستغرق من وقتي 10 دقايق الا وانا داشه موقع الوزارة .. وقريت خبر اصعقني …بكل بساطه اجلو يوم اعلان النتايج وباجر بينزلونه .. شنو انقهرت .. كان ودي اكسر الاب توب .. وكان ودي احطم موقع الوزارة .. السخيفين .. والله مايحسون فينا .. احنا نحاتي .. وهم بكل برودة اعصاب كاتبين نعتذر .. مالت عليكم وعلى اعتذاركم … توء .. اوف .. شاليوم النحس ..

اتصلت لسروي .. مرة .. مرتين .. ثلاث .. اربع ..خمس .. ماردت .. شفيها ذي بعد ماردت … ياربي .. طرشت لها مسج وقلت لها فيه انهم اخروا يوم اعلان النتايج وبكرة النتايج …بصراحة قهر .. يعني كفايه من اسبوعين واحنا نتظر النتيجة .. قبل ثلاث ايام كان فيه عطل بالموقع … وقبله باسبوع للحين ماجمعو الدرجات .. شنو هاي .. اوف .. والله ان احنا متنا من المحاتاه … حتى وزنا نزل ..

تنهدت بضيج .. ودشيت الحمام .. غسلت ويهي .. واسناني .. وبدلت ملابسي ب بانطلون جينز كحلي مطرزة اطرافه بالذهبي .. وبدي ذهبي وابيض واسود يدة توصل لثلاث ارباع اليد .. توجهت للتسريحة … مشطت شعري وسحيته .. مسكت شريطة ذهبيه رفعت فيها شعري ذيل حصان .. ومسكت خصل طويله من قذلتي ورفعتهم ب شباصة ذهبيه… تعطرت .. ونزلت ..

مشيت على الدري بهدوء .. طليت من الدري على المسبح .. الدري كان يطل بصوب على المسبح .. وعلى الدري فيه نفس مساحة كبيرة تفصل بين الدري الي تحت والي فوق … حاطين فيها نفس قعدة .. طوفت القعده مع اني احب اقعد هناك … نزلت ويدي تلامس درابزين الدري .. طالعت سالم قاعد وبيده الجريدة .. وميرة ومنيرة يتابعون فلم بالتلفزيون بينما اخوهم الصغير وحمودي قاعدين يلعبون سيارات .. وسلطانه تتحجى بالتيلفون … نزلت .. سلمت ع الكل .. قعدت عند سالم واشرت ع الشنطة الي محطوطة عنده: بتسافر؟

سالم ينزل انظارة من على الجريدة:ايه ..ابتسم بويهي بشاشه وقال: يه يه يه الكشخة شالكشخة .. ماقدر ماقدر على اختي الكشيخة

ضحكت بانحراج : هههههه سلوم بس

ضحك سالم وباس خدي:ياعيني على الي يستحون .. مبروك النجاح يا بطة

فتحت عيني بكبرها: اشدراك اني نجحت؟؟؟

ابتسم سالم: عند واحد بالوزارة اعرفه وقال لي اسمج مو من ضمن الرسوب

تعلقت فيه بفرح وقلت بامل: انزين وكم نسبتي؟

ضحك وقال: بال وايد متحمسه

صرخت بانفعال وضحكة:يالله كم

قال لي وهو يبعدني: اشفيج متحرقصه .. مادري ماقال لي نسبتج بس قال انج من ضمن النجاحين

صرخت بوناسه:ياقلبي عليك ياسلوم فديتك .. بستة بالقوة .. وركضت لسلطون وصرخت وانا اقول لها بوناسه: سلطا ان نجحت نجحت

سلطانه بفرحة: صج .. مبروك مبروك .. كم يبتي حبيبتي…

ابتسمت وبستها: الله يبارك فيج .. مادري بس سلوم يقول اني نجحت

سلطانه: اهم شي ناجحه ..
ضحكت بفرح ودموعي تنزل على خدي: سلطان والله ماتوقعت انجح مزفته بالعلوم والانجليزي

سلطانه بغيض: يعلج ساقطة كم مرة قلت لج لاتقولين لي سلطان ها

شهقت: فال الله ولا فالج .. ويه عادي ادلعج وه

سلطانه بعصبيه: ماحب هالدلع

ابتسمت بمصلحه: خلاص ولايهمج يابعد جبدي .. تلصقت فيها .. يالله قومي ريقيني على حسابج ..

سلطانه تدزني: وانا اقول ليش لاصقه جي تبين شي ها

ضحكت :بشر ساروه

ضحكت علي: مخبل انتي وياها

ركضت لداري مستانسه بخبر ساروه اني نجحت

^^^^^^^^^^^^

"هل الامارات سامحوني ماعرف اتقن اللغه الاماراتيه بس كان لازم اتكون عايله منكم عاد اذا غلطت سو روحكم ماقريتوا خخخخخ"

مادانيها مادانيها اشلون تباني اميه ارمسها .. ماحبها .. اوف .. :امايه لو تبانا بتصل مايبالها

ام سعيد : عذوب لاتينيني كفايه اخوج .. اتصلي ابها وخبريها انها معزومة

شلون تباني افهمها؟ ..كيف نعزم ربيعه روضه ع عرس ربيعتها ياربي؟: هب متصله ؟..اروحي مادانيها .. وغير هاه .. انترست عينيه دموع .. اميه كيف بنسوي حفله الملجة من يديد لسعيد ..انزينه وحرمته؟؟

ام سعيد: علها النفاذ الي ماتسمع الرمسه مسودة الويه .. الحينه خل نشوف شو بتسوي

اوف شو هالحياة كل شي بالغصيبه: اميه .. رواضي ماتستاهل

اميه بغيض: روضوج بسبعة خيازرين .. اجوف اتصلي ابها ..

رن موبايلي .. وكان هالشي المنقذ .. سرت غرفتيه بسرعه … كانت "روضه" حرمة سعيد الي متصله .. رديت عليها ..

يالي صوتها التعبان ..:اشحالج عذوب؟

كتمت صيحتيه .. والله ان روضه شيخة الحريم وماتستاهل الي بيصير الها .. كيف هانت ع سعيد كيف؟؟ ..:بخير .. انتي اشحالج .؟؟

قالت بصوت مخنوق: الحمدلله .. عذبه تقدرين اتين عندي اليوم؟؟

حليلج ياروضه ماتدرين ان سعيد جاد ومن صدقه بيتزوج .. الله ياخذج ياشمسه انتي ربيعه انتي؟ ..صحت: رواضي سامحينيه والله اني ماكنت ادري عن شي

روضه بحزن: ادري عذبه .. غناتيه مايبالها سماح .. حصل خير .. شو بتين ولا بعدج؟

صحت بانهيار .. كيف روضه مستحمله .. كيف .. صدق انج ياروضه قويه .. لو انا .. كان من زمان انهرت .. ماعشت الي عشتيه .. :هيه يايتنج ..

روضه: خلاص اترياج

صكرت من عندها ويلست اصيح .. روضه صدق صدق ماتستاهل .. كيف يصير جذه .. كيف .. سمعت دق ع الباب رحت فتحته

منصور:مرحبا الس ….قطع رمسته يوم شافني اصيح .. اشو بلاج عذوب؟

صحت من خاطريه : روضه كاسرتن قلبيه كيف اتهون ع سعيد يسوي ابها جذي

لوى عليه منصور : عذوب اخوج سعيد وانتي عارفتنه وهي راضيه ليش انتيه محتشرة

شفته وقلت بصياح: انته ماتعرف رواضي .. رواضي تكتم بقبلها مابتقول لاحد عن الي بخاطرها ..

منصور: دام ها رمستج عيل سمعي ابويه مارضى ايوز سعيد الا اذا وافقت روضه .. وروضه ماقالت لاء .. يعني هي راضيه

بيخبلني هذا بيخبلني .. : شو تباها تقول يعني لا .. وليش سعيد بياخذ برمستها؟

منصور بحنيه: دامج عارفه ان سعيد يالي براسه بيسويه ليش تبجينه؟

قلت له :ماصيح عليه اصيح ع روضه .. منصور بذمتك رواضي تستاهل؟؟؟

نزل راسه منصور وقال: محد"ن" بداري شو بلاهم وليش يبا يتزوج سعيد .. ماتعرفين يمكن عنده مبر ..

صرخت بعصبيه: سعيد طول عمره اناني ومايفكر الا بعمره .. الحينه شو ناقصنها روضه؟ جمال وجميله ..اخلاق؟؟ماشي شرات اخلاق روضه .. عيال ويابتله بدال الواحد اثنين توم ..

لوى عليه: عذوب هدي هدي .. انتي وايد منفعله

يلست اصيح .. مسكينة رواضي مسكينة ..

^^^^^^^^^^^

"سارة"

ياربي ..اعصابي تلفانه .. من امس مب راقدة .. واخر شي .. نعتذر .. صج صج .. بغيت اذبحهم .. شسوي باعتذارهم الحين؟ ها؟؟ .. والله يخلون الطلاب يفقدون اعصابهم .. طاحت عيني بعيون عسليه صافيه .. اوف هاي شقومة بعد .. اوف

ابتسم لي: صباح الخير

رديت بدون نفس: اهلين

ماتحجى وياي .. ظل ساكت .. جنه ينتظرني اتحجى … وانا اخلاقي واصله لخشمي .. مب فاضيه لسخافته ..اهز ريلي بتوتر .. وافكاري تروح يمين .. ويسار .. وهو يطالعني .. جني تلفزيون ..اوف .. شفيه؟؟ .. طالعته بعصبيه

قال لي برائه: انتي معصبه؟

لا ياشيخ صباح الخير .. : شتجوف؟؟؟

شكله انحرج وسكت .. احسن بعد .. اوف

سرحت بعيد لنفس هالموقف ..

كان قاعد ومعصب وعيونه العسليه تدور فبيتنا .. دشيت وانا اضحك واعدل شيلتي واكلم مرام : ايه ايه .. طالعت فيه .. فريت حلجي يمين ويسار علامة اني متضايقه من شيفه ويهه … وهو نفس الشي ماقصر بنظراته الحقيرة .. طالعني من فوق لتحت .. وصد ..

دش ابوي .. فاضطريت اني اتحجى وياه: شلونك منصور

رد علي بخياس نفس: زين ….فر ويهه للجه الثانيه

ويه مالت عليك وعلى ويهك الي يقول ميتة فيك .. هه مالت ..

ابوي : هلا هلا بسارونة .. تعالي يبة ..

ابتسمت من كل قلبي: هلا فيك باباتي .. شلونك؟؟

جفت منصور ويهه يدل انه منقرف .. طلعت لساني بحررة له .. وفريت ويهي عنه هالمقرف ..

ابتسم ابوي بس مالاحظ حركتي ولا جان ذبحني .. ابوي مايحب هالحركات الي اسويها لسلوم ومنصور بس يقهروني ماطيقهم .. :عمتج تسأل عنج

تبنج ويه منصور وهو يطالع ابوي باهتمام .. ادري ان منصور يعز عمتي وايد فحبيت اقهره: فديتها عمتوه شلونها؟ متى بيون من الامارات …

ابتسم ابوي وهو يمسح على شيلتي ..:قالت انها بعد يومين يايتنا ..

قلت بحره: بتقعد بيت عمي بو محمد؟؟؟<بومنصور

ابتسم: عيالها بيقعدون هناك هي بتي بيتنا

التفت لمنصور بانتصار ولميت ابوي : هني نحبها اكثر هي بعد

حسيت منصور شوي ويموت .. احسن افتك من ويهه النحس : يالله عمي استأذن

ابوي قال لي :انزين يبة هذا هو الملف الي يبغيه ابوك ..وانتي ياسارة وصلي ولد عمج وتعالي

قلت بقهر: يدل الباب..

طالعني ابوي .. فرحت مقهورة اوصله .. وهو طالع قلت له : عمتي ماعادت تبيكم ..
الي كنت اقصده ماتبيك بس حطيت الجمع

طالعني باحتقار: لو تعرف معدنج مابغتج

قلت اقهره: لاتعرفني .. عاشت ويانا 10 سنين(مدت العشر عشان اقهره مثل مايقهرني بوايد اشياء) .. معقوله ماعرفت معدني للحين؟

قال لي بخياس نفس: لا للحين مادرت يالمسترجله

عصبت عليه .. اكره هالكلمة .. تنقال لي وايد .. وخصوصا منه : انا مب مسترجله تحجى عدل وياي

ضحك باستهزاء : يعني لو تدلعتي مرة ولا مرتين عند ابوج بتقنعينا انج مب مسترجله .. يابابا روحي عدلي مشيتج اول بعدين قولي مب مسترجله .. ولا في بنيه تلبس هالبس؟؟ ..

عصبت .. صكرت الباب بويهه .. وركضت غرفتي اصيح .. كنت لابسة بانطلون زيتوني جيشي … وعليه قميص لونه اصفر باهت يليق على البانطلون عليه نقوش بسيطة بالون الزيتوني ..

اكرهك منصور اكررهك .. كرهي لمنصور كان يزيد .. وكرهت عيال عمي بعد ماتوفى ابوي .. حتى سلوى قلبت عليها وماكنت اتقبل منها أي شي .. بس بعدها باسبوع كلمتني مرام .. وهدتني .. وقالت لي ان سلوى مالها ذنب بالي صار ..

تدرون انا للحين مب قادرة اتقبل ولاحد من عيال عمي منصور ماغير سلوي وسلطانه وبس ويمكن مجود اخوهم الصغير ولا الباقي احسهم نسخة مصغرة من ابوهم .. وامهم بعد ..

انتبهت من ذكرياتي على يد منصور الي تلوح جدام عيني : اشفيج صرتي صمخة اكلمج

صرخت عليه: منصور بعد عني انته ماتفهم .. كم مرة اقول لك اكررهك

تحركت .. وجفته يتحرك بعرجة .. كسر خاطري .. نسيت انه مجروح بركبته .. رحت عنده ..مسكن ريله .. بس بعد يدي بهدوء .. وقام بيطلع من الشاليه .. بس رحت لغرفتي لبست شيلتي وعباتي .. وطلعت اتمشى وياه .. ابداَ ماقال شي .. حسيت بالذنب .. انا شلون جذي اعامله .. قعد على الرمل مجابل البحر .. قعدت احذاه … كان يطالع البحر .. ويطالع اخر نقطة فيه .. صديت عنه .. وانا احس بالذنب ودموعي باطراف رموشي .. بس كنت احاول اكون قويه .. انا شلون جي عاملته .. لالالا احسن احسن .. انتي شنو نسيتي شسو فيج .. ذوقيه من الي ذقتيه منه ..

صوت ثاني : لو كان فيج خير جان ذوقتيه من الي ذوقاج وهو صاحي مب مريض

الصوت الاول: وهم ليش ذوقوني اياه وانا ياهله .. ياهله صغيرة .. ليش جي كانو يعاملوني .. كرهوني بكل شي فيني .. بملامحي .. بنفسي .. بمشيتي .. بكل شي ..

الصوت الثاني : انتي بعد كنتي تتليعن ..

الصوت الاول: ماكنت اسوي جي الا لاني ابي اطلع حرتي منهم

الصوت الثاني:والحين هو مريض مايخصج منه

الصوت الاول: لا هاي فرصتج .. استغليها

الصوت الثاني: لا لتسمعين حجيه .. هو يقص عليج .. انتي ترضين جي تسوين بواحد ياهل ومريض؟

الصوت الاول: لاتسمعين حجيه هو .. سمعي الي اقولج عليه .. لو رد بذاكرته ماراح تقدرين تنتقمين منه .. انتقمي منه الحين ..

الصوت الثاني : الحياة مب بس انتقام

الصوت الاول: اسكت انت

الصوت الثاني: انته الي اسكت .. انته جشع

الصوت الاول: وانته غبي .. تسامح الي يغلطون عليك .. باجر ياكلونك باسنانهم

الصوت الثاني: لا بيتذكرون معاملتي لهم وبيندمون

الصوت الاول: انته تعيش بالاحلام .. من من الي سوا نفسهم ندم؟ .. من تحسف؟ .. خيالك واسع

الصوت الثاني: لا لكل قوي نهايه وكل قوي في الي اقوى منه

الصوت الاول: مافي اضعف منك .. انته تعيش بعالم غير عالمنا

الصوت الثاني: لو انك تفكر بطريقتي .. والكل يفكر مثل مافكر انا .. جان عشنا بسلام

الصوت الاول؟: سلام؟؟ .. السلام مب احنا الي نخلقه

الصوت الثاني: لا .. بيدنا ان احنا نخلقه …بس احنا اصرينا ان مانخلقه .. الغلط من البشر

الصوت الاول: اقولك اسكت بذبحك

الصوت الثاني: ماتقدر لان كلامي صح

مسكت راسي .. ياربي شنو هالصراع الي اعيشه .. انتقم ولا لاء .. انتقم؟؟ .. طالعت منصور .. وعيونه البريئه .. لالالال … هو ياهل .. وليش ماتنقمين الي سوه يكفيج طول العمر ..جفته ماسك ريله سألته: للحين تعورك؟؟

ابتسم:لا مب وايد؟!!!

سكت .. وانا بعد سكت .. ماعندنا شي نقوله .. شنقول؟؟ .. قلت انهي الحوار: منصور بروح ارقد من امس مب راقدة

هز راسه .. ومشيت عنه للشاليه

^^^^^^^^^^

"حمدة"

عفرا الوحيدة الي تعرف شو فيه وليش انا بيت ابويه .. بعد ماتزوج خالد مايا .. وانا ماعدت ويلست هناك .. رجعت بيت ابويه .. بيت ابويه الي ضمني 25 سنة مابيقدر يضمني العمر الباقي؟؟ .. امايه متوفيه .. وابويه هو الوحيد الي بقا لنا بالدنيا … شو اسوي ماعرف .. اخاف اخبره .. ابويه عصبي.. وممكن يسوي كل شي ..

نزلت تحت .. ويلست صبحت ع ابويه .. ويلست ع سفرة الريوق .. مالي خاطر ل شي .. وعيوني ذبلانه هب فايجة ل ولا شي .. رن موبايلي وكان خالد ارتعبت .. شو يبا هاه .. ويدام ابويه .. خفت .. رديت بهدوء لان نظرات ابويه كانت متسائله :الو ..

ياني صوته :اشحالج

صدق انه قوي عين .. ويسأل عن حالي بعد الي سواه :شوتبا؟

قالي بصوت ذوبني:سامحيني ..غناتي ..حمدوه

مارديت عليه .. دموعي الوحيدة كانت جوابي:بعد ماطلقتني ل شو متصل

ابويه من سمع الخبر وقف ع حيله وصرخ من قلبه: شو…

جسد ابويه تهاوى ع الارض .. صرخت .. ابويه ابويه .. سمعت حس خالد وهو يقول لي :بلاج؟ ..

صحت:ابويه .. خالد دخيلك تعال .. ابويه بيموت

خالد : ياينج

ربعت لعند ابوي وماكان يتنفس .. صحت .. مت من الصياح وانا اهزه .. واصرخ : ابوي .. ابوي.. ياربي شو هالمصايب يالي تتحاذف عليه من كل صوب ..

^^^^^^

"فرحة النجاح لها طعم ثاني "

قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني ..

حكت عيوني .. وهاي الحركة دوم اسويها اول ماقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟

رد علي بهدوءه : زينة

قرت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعان شنو مافي ريوق؟؟

توجهت لغرفه النوم وانا اقول : اكيد في ..

دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف ..

طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله ..

رجعت الصاله وفرشت السفره .. ورحت ايب صحون الفطور وياي ليلي .. ودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتعب ريلك ومابتطيب ..

قال لي باهمال: عادي؟؟

قلت له بعصبيه: لا بتعورك ..

بس عاندني وقعد .. اوف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك ..

قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ ..

قال وهو يغير السالفه: مبروك؟؟

طالعته مستغربه : مبروك؟ .. على شنو؟؟؟

قال لي وهو يأشر على الجريدة : نجحتي

فتحت عيني بفجعه وقلت مب مصدقه: لا .. لتقول؟؟ صج؟؟ كم يبت

ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟

ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت ..

ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!!

وناسه نجحت نجحت .. لميت منصور بالقوة .. وهو يضحك علي .. كنت مستانسه .. توقعت اني ارسب بالانجليزي ولا العربي .. شوي ولا رن موبايل منصور كان ماجد وامي يباركون لي .. وقالو لي انهم عازمينا على مطعم .. اساسا بعد باجر هو اخر يوم لنا بالشاليه وبعده بنرجع البيت ..

:منصور بنلم كل اغراضنا وخلاص بنرد .. ياي نجحت

منصور باسني:مبروك

قلت بفرحة :الله يبارك فيك

بعد ماقمت من مكاني حسيت باحراج .. مسكت خدي .. وبسرعه رحت الم عفيستي .. عشان بنرد البيت هناك ياوناستي

رجعت الصاله وقلت لمنصور: معليش اتصل لرفيجاتي وابارك لهم

هز راسه.. وسحبت الجريدة من يدة.. وركضت للغرفه .. جفت نتايجهم واستانست لهم .. طبعا انا زدت كنت جايبه ذاك الفصل 92 والحين93 نعمه اما سلوي نزلت كانت 98 والحين 97

اتصلت لهم وباركت لهم .. وبعدين بديت الم اغراضي .. لان باجر بنرد البيت .. احسن .. هني مل .. لميت اغراض منصور بعد

طلعت جفته يعرج .. قلت له بتساؤل: منصور شلون تعورت

قعد على الكرسي وشكله باذل مجهود كبير : سارة ..

قعدت عنده: هم؟؟؟

طالعته جفته يطالعني بعيونه البريئه .. :منصور فيك شي

؟؟

هز راسه ب لا ..ابتسم .. ابتسمت له ..بس بعدين قال بتردد: سارة ليش عصبتي علي امس؟؟؟

كانت ملامحهه مترددة

قلت بأسف: كنت متوترة .. عشان النتايج

سألني:انتي كم عمرج؟؟

ضحكت: احم انا كبيرة عمري18 وبعد كمن شهر بندش ال19

ابتسم:وانا؟

رفعت عيني للسقف وانا اعد على اصابيعي ..:م .. يمكن 26 ولا 25 سنة

ابتسم وسوا نفس حركتي .. دزيته: يالقلاد

ضحك

وبعدها قعدنا نجوف مسرحيه "لولاكي"

^^^^^
"لولوة"

كانت امل قاعدة وتهز ريلها متوترة .. قلت لها .. : امول حياتي شفيج قلقتيني !!

طالعتني بتوتر .. وقالت : لولوة .. انا بدش بالموضوع .. لاني .. ماعرف اقول مقدمات .. بس تأكدي .. (نزلت راسها) اني ماخترتج .. الا لاني اثق برايج .. واحب مشورتج .. (شقيت الحلج .. اول مرة ادري ان امول هالكثر تعزني ياقلبي عليها) انا ..

قلت اشجعها بعد مامسكت يدها.. : ايه حبيبتي شفيج؟؟ ..

طالعتني للحظة ورجعت نزلت عيونها .. تخرعت: اشصاير؟؟؟

رفعت عينها المليانه دموع .. :لولو اوعديني اول انج ماتقولين لاحد

قلت بصدق: وعد مب قايله لحد عن الشي تبينه .. شنو خرعتيني امول

امل غطت ويها وصاحت

تخرعت مهما يكون هذي امول الوحيدة الي احبها من خوات علي .. شفيها اتصيح.. قمت من كرسي وقعدت على نفس كرسيها وضميت جتفها بخفه : شفيج امول شصاير؟؟؟

طالعتني وهي ميتة من الصياح : انا … انا

مامداها تقول الي تبيه الا ويرن جوالي .. قلت لها :لحظة علي يتصل

اتعلقت فيني وقالت لي: بليز لايرجع … ابغي افضفض لج .. وابي مشورتج

صياحها القوي ماطمني .. بس قلت : اوكي .. اوكي ..

طلعت اكلم علي وانا احاتي .. شفيها امول .. ليش جي تصيح بهالقوه ..

..::]][[ الحفنه السادسه ]][[::..
" انا اغرق .. هل من منقذ؟ "
"لولوة"

كانت امل قاعدة وتهز ريلها متوترة .. قلت لها .. : امول حياتي شفيج قلقتيني !!

طالعتني بتوتر .. وقالت : لولوة .. انا بدش بالموضوع .. لاني .. ماعرف اقول مقدمات .. بس تأكدي .. (نزلت راسها) اني ماخترتج .. الا لاني اثق برايج .. واحب مشورتج .. (شقيت الحلج .. اول مرة ادري ان امول هالكثر تعزني ياقلبي عليها) انا ..

قلت اشجعها بعد مامسكت يدها.. : ايه حبيبتي شفيج؟؟ ..

طالعتني للحظة ورجعت نزلت عيونها .. تخرعت: اشصاير؟؟؟

رفعت عينها المليانه دموع .. :لولو اوعديني اول انج ماتقولين لاحد

قلت بصدق: وعد مب قايله لحد عن الشي تبينه .. شنو خرعتيني امول

امل غطت ويها وصاحت

تخرعت مهما يكون هذي امول الوحيدة الي احبها من خوات علي .. شفيها اتصيح.. قمت من كرسي وقعدت على نفس كرسيها وضميت جتفها بخفه : شفيج امول شصاير؟؟؟

طالعتني وهي ميتة من الصياح : انا … انا

مامداها تقول الي تبيه الا ويرن جوالي .. قلت لها :لحظة علي يتصل

اتعلقت فيني وقالت لي: بليز لايرجع … ابغي افضفض لج .. وابي مشورتج

صياحها القوي ماطمني .. بس قلت : اوكي .. اوكي ..

طلعت اكلم علي وانا احاتي .. شفيها امول .. ليش جي تصيح بهالقوه ..

اكيد فيها شي .. وشي جايد بعد .. لازم اعرف

مانتبهت للي اقوله ..: ها؟؟ ..

علي بهدوء:حياتي شفيج ؟؟

ابتسمت باحراج: عمري امل هني الحين اكلمك بعدين اوكي؟ ..سمعت صوت انفاسه وظل ساكت..ف سألت بقلق : بتأخر اليوم ..

حسيته يحك يبهته وهو يتثاوب ويقول : خاطري ارجع الحين بس للحين ماخلصت اشغالي غير هاي بحظر عرس واحد من الربع .. تثاوب بتعب .. خاطري اطنش كل شي وارد ارقد بس ماينفع

قلت : يعطيك العافيه .. حبيبي تأخرت على امل

علي: خلاص حبيبي روحي لها .. مع اني ودي اسولف وياج .. اشتقت ..

ابتسمت بحلاوة .. كلماته حستني باهميتي عنده .. :اوكي باي

صكرت من عنده .. وانا اطالع الموبايل بسرحان .. يالله مو وقتي .. حطيت يدي على رقبتي وانا ارجع لامل الي القلق انرسم فملامحها : ها راجع؟؟

ابتسمت: لا بيتأخر .. شتشربين ..

سكت بحيرة .. وقالت / اي شي بارد ..

طالعتها وانا حاسه انها يايه بموضوع كبير .. بتوهقني وياها ,, : تحجى امل .. اتصلت للخدامه وقلت لها تيب 2 عصير مانجا

قالت امل : .. بس ماطيح من عينج؟؟ ..

رفعت حاجب .. فيها طيحة من العين ؟؟!! .. : لا تكلمي ..

قالت بهدوء مخيف : عندي رفيجه .. وياي بالكلاس .. اسمها نجلا .. مرة كنت اكلمها ع المسن ..

رفعت حواجبي .. شهالمقدمات ؟؟ …طريقه كلامها عن رفيجتها ذكرتني "مشاعل" هي الي دلتني ع الطريج الشين .. ياه .. كملت امل وهي تنزل راسها : عطتني موقع .. وقالت لي ادخل .. كنت مترددة .. خايفه ..
دشيت (رفعت راسها وطالعتني .. وانطقت بكلمة خلتني برهه افكر ) الجات .. نزلت راسها .. وكملت .. دشيت .. اول ثلاث ايام .. كنت ادخل بس ماتكلم .. بس اقرا الكلام .. مرة ياتني رساله خاصه .. كانت من واحد .. اسمه " برق قطر " >>هذا مجرد اسم من خيالي لا له صله من الواقع .. واذا صادف وجود هالاسم ف انا اعتذر من صاحب النك لاني استخدمته وهالشخص مب مقصود وحتى اسم امل !!

^^^^^^^^^^

"امل "

كنت اتذكر ادق التفاصيل .. وكنها صايرة قبل دقيقه .. صكرت عيني وانا استعيد الي صار بيني وبينه ..

برق قطر :
السلام عليكم ..

Without name
وعليكم السلام؟

برق قطر
شخبارج؟؟

Without name
بخير؟؟

برق قطر
انا بخير تسلمين على السؤال

فترة صمت ..

برق قطر
ممكن دقايق من وقتج شوي؟

Without name
تفضل/تفضلي؟

برق قطر
تفضل .. من فترة اجوفج تدشين بس ماتكلمين ..

Without name
صح .. بس ادش اقرا الكلام .. تقضيه وقت !!

برق قطر
اها .. اوكي ممكن طلب؟؟

Without name
تفضل؟

برق قطر
انتي ليش جذي تتحجين من طرف خشمج اطر من عندج انا؟

Without name
اتكلمني؟

برق قطر
لا اكلم الي وراج .. من غيرج الي اكلمه؟

Without name
انا ماكلمت حد بدون نفس؟؟

برق قطر
انتي يديدة هني صح؟

Without name
ايه

برق قطر
اها ..

Without name
اوكي انا بطلع ..

برق قطر
اجوفج باجر؟؟

Without name
ماعرف .. يمكن ..

برق قطر
اوكي لاني ابي اقولج شي مهم ..

Without name
شنو؟

برق قطر
بقولج باجر ..

Without name
اوكي .. باي

برق قطر
الله يحفظج يالغاليه .. لاتطولين الغيبه

صكرت من عنده .. وقلبي يدق بالقوة .. اشلون انا كلمت واحد .. اشلون ..اليوم الثاني جفت نفسي منجبره ادش ليش ماعرف .. وبكل ينون .. كنت ادور نك نيمه .. بس ماكان اون لاين ..تميت اقزر وقتي .. اقرا السوالف .. ماقص عليج .. ماكان يشدني الحجي وايد .. لان اتصير هوشات ..وايد .. شوي .. ويدخل .. برق قطر .. حسيت اني ابي اكلمه .. بس تميت ساكته .. طرش لي رساله يسألني عن اخباري .. وفنفس الوقت ياتني رساله من شخص ثاني .. بس مارديت ع الشخص الثاني .. بعدها قالي برق قطر : انتي من قطر صح؟؟

قلت له : ايه

برق قطر
ايه اجوفج فالقسم الخاص بقطر .. اليوم محد فالقسم ..

ماكنت اعرف ش ارد بس قلت اختصر : ايه ..
مر الوقت بسوالف عاديه بسيطة مؤدبه .. مرت ايام .. وانا كل يوم ادخل اكلمه .. تعلقت فيه .. كان يقهرني شي فيه .. كنت يوم اكلم حد موجود بالقسم يتضايق ويقعد يهاوشني بالرسايل الخاصه .. اول الايام كنت احس ان هالشي تدخل شخصي فيني .. بس بعدها حبيت هالطبع فيه .. كان يعصب يعصب اذا شافني كلمت حد حتى لو كانت بنت … حسيته يحبني .. ويغار علي .. زاد تعلقي فيه وايد .. طلب مني مرتين الايميل ..بس كنت اردة فكل مرة .. كان يعصب علي واحسه بيقلب الجات فوق راسي .. بس يهدا .. كنت من اتأخر ثانيه بالرد عليه يشك فيني .. انتي من تكلمين ؟؟ .. اتعبني اسلوبه .. كان يحسني اني وحدة رخيصه ممكن تكلم اي احد .. كرهته .. يومين مادخلت بسبه اسلوبه وشكه فيني .. بس يوم دخلت اليوم الثالث انهل علي بالاسئله وكنه خايف علي .. فرحت اشكثر .. قال لي انه مايبي يجوفني فالجات مرة ثانيه .. انصدمت .. كانت صدمتي كبيرة .. لكنه عطاني ايميله .. وبدون شعور مني ضفته عندي ع المسن .. عاتبني وحلفني مادخل الجات مرة ثانيه .. وانا بكل طاعه طاوعته … رفعت عيني للولة وانا امسح دموعي الي كانت انهار تروي خدي : احبه يالولوة احبه .. شسوي .. احبه .. يبغي رقمي بس مب قادره اعطيه .. انصحيني يالولوة .. انصحيني .. احبه احبه احبه .. مب قادرة اتخلى عنه .. حاولت .. حاولت وايد .. قطعت النت اسابيع كثيرة بس كنت ارد واضعف وافتح ايميلي الي سويته بس عشان اكلمه .. ايميل محد يعرفه الا هو .. شسوي يالولوة .. محتارة انا .. محتارة …رديت اغطي ويهي واصيح بضعف

^^^^^^^^^^^^^^

"سلوى "

قاعدة فالمكتبه انتظر ابوي الي راح يجوفني وهو مطول ويمعن النظر .. توترت .. شسالفه .. ليش جذي يجوفني .. خرعني .. اكيد الموضوع خطير .. رفعت راسي وقلت لابوي بطيبه: هلا يبه امرني؟؟

ابتسم ابوي ابتسامه صادقه .. حنونة .. نادراً ,. ماجوفها .. مادري ليش خفت .. مب من عادة ابوي يبتسم جذي .. قمت العب بطرف قميصي .. وانا خايفه .. والف فكرة وفكرة فبالي .. لين ماتكلم وهو يسند ظهره على الكرسي الجلد الضخم الفاخر ..: سلوى ..انا بتدي بالموضوع بدون مقدمات .. انتي ياما كنت تحلمين تدرسين برع … صح ..!!

لمعت عيني بفرحه .. يعني ابوي اخيرا اقتنع .. بيسفرني .. قلت بفرحه فاضحه: بتخليني اكمل دراستي فكندا صح .. صح ..

نقزت من مكاني مستانسه وضميته بقوه وبسته على راسه .. : مشكور ياحبيبي يابوي .. ركضت طايرة بروح غرفتي بس ناداني .. التفت له وانا ميتة فرح : لبيه

ابتسم ابوي: سلوى يبه الي اعرفه انج عاقله اشفيج جذي؟؟ حتى ماخليتيني اكمل كلامي ..

ابتسمت بفرح : ليش يبا في مفاجأة اكثر من هالمفاجأة .. وابتسمت بصدق

ابتسم ابوي وهو يومأ براسه : ايه يبه .. تعالي تعالي قعدي ..

مشيت وانا احس اني اطير وقعدت مرة ثانيه .. وانا افكر بالمفاجأة الثانيه .. اكيد انه بيخلي سروي تروح تدرس وياي .. ندرس ويا بعض .. الله حلم .. ولا احلى .. لا مب حلم حقيقه واقعيه .. ابتسمت بكل حماس : وهذاني قعدت

نزل ابوي انظارة وهو يقول ,,: ماخليتني اكمل .. انا بخليج تسافرين تدرسين برع بس على شرط …!!

عقدت حواجبي .. وانا اقول بحيرة :موافقه … (يوم طالعني ابوي .. سكت افكر ) شرط؟؟ .. شرط شنو !!

ابتسم ابوي .. : في واحد متقدم لج .. هو رايح يكمل الماجستير .. ويبغيج حليله ؟؟ وبجذي .. تتزوجينه .. وتكملين دراستج برع …

طالعته مب فاهمه …رددت وراه مثل البغبغاء : اتزوجه؟ …

طالعني بشكل جاد : ايه تتزوجينه .. انا موافق عليه .. هو خطباج من اسبوع .. بس انا اسبوعي كان مزدحم .. ونسيت الموضوع .. اليوم تذكرته .. ها يا سلوى .. تبغين فيصل ولا لاء ؟؟؟ ..

دق قلبي بسرعه كبيرة .. وحسيت بدمي كله يتيمع بويهي .. اتزوج ؟ .. بس انا صغيرة .. ومب مستعده مسؤليه زواج وعفسه !! : يبه انا صغيرة !!

طالعني ابوي بعصبيه ساكنه : سلوى … انا مابي اغصبج .. لكن انج تقولين صغيره ولا كبيرة .. هالكلام مايمشي عندي .. واذا تبين دراسه فالخارج .. عطيتج انا الحل .. اما اطرشج تدرسين بروحج .. ف لا … لا .. لا … ولا تفكرين اني راح اسمح بهالشي ؟؟. بنتي تسافر بروحها عشان تدرس .. خوش خوش ..

سكت شوي .. وانا منصدمه .. وكمل بعدها بلين اول مرة احس فيه: يايبه .,, فكري زين .. حبيبتي .. انتي الحين مب صغيره ماشاءالله بتدشين العشرين بعد سنه ولا سنتين .. شالفرق اذا تزوجتي الحين ولا بعد سنتين .. ؟ وبعدين هذي فرصه وياتج من السما .. اذا تبين تكملين دراستج بالخارج .. ها يبه .. شقلتي ..؟؟ …

سكت .. محتارة .. ومنصدمة .. ابوي شكله طابخ الطبخه وناجبها .. ماينتظر راي .. شكله مصر على هالزواج ..!! .. يبيلي افكر .. مب عارفه شسوي؟؟ .. ش اختار ؟؟ …

ظليت ساكته صامته الافكار توديني يمين ويسار .. مب عارفه .. شنو الي اقره .. ابوي سكت شوي وقال : فيصل رفيج اخوج .. ريال والنعم فيه ؟.. دارس ف لندن .. ورايح يكمل دراسته .. هو بن ال ؛؛؛؛؛؛؛ .. ولد وزير ..(من سمعت انه ولد وزير ين ينوني .. والعفاريت الي فالدنيا كلها قامت تتناقز جدامي بعد؟ بعد اتزوج واحد له خص بالمراكز بعد؟ راح اعيش حياة خاليه من المشاعر خاليه من كل شي لا حرام حرام .. مابي مابي .. كنت اترجى ابوي بعيني عشان يرفض لكنه كمل ) وراهي .. بيعيشج احسن عيشه .. نفس عيشتج فبيت ابوج .. واحسن .. ماراح يقصر عليج بشي .. وغير هاي هو رفيج اخوج .. واحنا عارفينه عدل .. كان ايجي بيتنا قبل اذا تذكرينه …!!

عصرت ذاكرتي الصغيره .. اتذكر شكله ولا لمحه منه .. كان طيب ولا لا؟؟ … بس ذاكرتي كأنها عجزت عن ذكر شخص بهالاسم .. آها ولد وزير عشان جذي رضى فيه ؟؟!

هزيت راسي بيأس : ماتذكره ..

قال ابوي وهو يقوم من على كرسيه متوجه للبا : فكري عدل

طلع وخلاني حايرة .. في دوامه التفكير .. مب عارفه افرح؟ احزن؟ استانس؟؟ اكتئب؟؟ اشلون جافني؟؟ خطبني خطوبه تقليديه؟؟ ولا ؟؟ .. يعرف شكلي ولا ؟؟؟ .. ماتذكر حد باسم فيصل ماذكر؟!!

^^^^^^^^^^^^^^^
"علي"

كنت ويا لولوة فالمطعم .. خلصنا العشا .. وراحت هي الحمام .. طلبت ايسكريم لنا .. يعني نحلي .. جفتها طلعت من الحمام وهي تبتسم وتعدل شنطتها بس تضايقت وايد وايد يوم جفتها رادة وحاطه الروج .. كم مرة قلت لها ..ماتسمع الحجي .. تقول كل الناس جذي تسوي .. كم مرة اقنعها .. انا مابي اجبرها انا ابيها تسوي جي من نفسها حتى تهده باقتناع ..

قعدت وهي تحط الشنطة بدلع ع الطاوله .. ابتسمت لها بضيج ..

وهي ابتسمت : حياتي .. بنمشي؟؟

قلت بضيج: لا .. بس ابتسمت حتى ماضيج خلقها

قلت وانا اطالعها تطالع المنظرة الصغيرة .. وتردها بالشنطة .. تضايقت من حركتها : لولوة انا مب قلت لج لا تحطين روج يوم تطلعين وياي وبدوني؟

تأفت وبرطمت وهي تقول بدلع : حبيبي .. خلاص خلاص .. اخر مرة .. وابتسمت بدلع .. بس لاتزعل ..

قلت : كل مرة تقولين نفس الحجي .. تنهدت بقهر ..

قالت بدلع: نو نو هالمله اخل مله (هالمرة اخر مرة ) واشرت لي باصبعها مثل اليهال

ابتسمت بحنان .. مسكت يدها .. ونسيت ان احنا بمطعم .. : مشتاق اجوف ولدنا او بنتنا .. اشرايج نسافر الخارج .. ن ت ع ا ل ج >كنت مركز في ويهها وانا انطق اخر كلمه؟

يتبع ..

التكمله ..

كشرت واعقدت حواجبها .. طالعت شنطتها ولعبت فالسلسله الي معلق فيها شعار Lv .. وقالت لي : اذا الله راد ..

خفت اني جرحت شعورها :ماتبين تاكلين؟؟

هزت راسها ومسكت القبشه (القفشه).. وابتدت تحوس فالايسكريم .. ابتسمت وانا اتخيل عيالنا .. آآآه متى اي ذاك اليوم .. متى؟؟

^^^^^^^^^^^
"سارة "

اليوم هو اخر يوم لنا هني .. وباجر بنرد البيت .. ياني مشتاقه لامي .. ياني مشتاقه لمرام ويسفوه حبيب قلبي .. ياني مشتاقه لسلوي .. رفيجاتي .. واشتقت حق مجود اخوي .. لاء مجود اخوي لاء .. بعد ماخيب ظني انا خلاص ماقمت اشتاق له .. اي ماقمت اشتاق له

يمعت اغراضي من الصبح بس بقت شنطة منصور الي الحين كنت ارتبها .. بس تبون الصج احم احم شنطته ارتب من شنطتي بوايد ..يعني لو تجوفون شنطتي تعرفون اني وحدة ام العفسات .. اما شنطته كانت مرتبه .. ماغير كم ثوب الي حطيتهم انا فالشنطة وطبقتهم مب تقولون مب مرتبه .. لالا طبقتهم بس عاد لا تجوفون ترتيبي لانه ترتيب عزوبي خخخ .. صج صج انا عمري ماعرفت ارتب شي مثل الاوادم دايم امي فديتها كانت ترتب لي .. جفت الساعه .. الحين 8 باليل .. اوف مل .. طلعت .. لقيت منصور منسدح ع الارض وماد ريوله على كبت التلفزيون .. وبيدة يد السوني .. رحت عنده وحطيت المخدة ورا ظهري ومديت يدي للسوني الي يلعب فيه .. احب العوزة واعصبه ماعرف ليش .. جفته عصب وصرخ علي : ساروة يبيه

لاوالله قام ايصرخ وايسب بعد وايكسر الاسامي طلع له لسان بعد .. قربت لعنده وانا امسك اذنه|::اشقلت يالدب؟؟ من ساروه هاذي ها؟؟

ضحك وهو يبعد يدي بسهوله بالنسبه ليدة الكبيرة : للحين دوري ماخلصت ..

فتحت اكمل العبه وانا طنشته … ماحسيت الا بصرخته الي خلتني انقز فمكاني … ير من يدي يد السوني ورد ينسدح ويلعب .. يريت يد السوني منه .. بس يراه هو هالمرة بالقوة وصرخ علي : اقعددي

صوته كان عالي : لا تصرخ !

طالعني بعيون مغتاظه ورد يلعب .. اما انا فابتسمت بيني وبين نفسي .. احب اخليه يعصب رن التيلفون .. مشيت متكاسله له رديت : الو …

الطرف الثاني :………………………..

عقدت حياتي وقلت : الو؟؟؟

بس ماردو؟؟ .. بس اسمع صوت انفاس قويه .. :من معاي؟؟

بعد مافيه رد :…………….

بعدت السماعه عن اذني وطالعتها مستغربه ..وبعدها رديتها لمكانها .. تحركت خطوتين .. بس رجع التلفون يرن .. رديت : الو ؟؟؟ …

نفسها الانفاس العاليه بس الي اسمعها … استغربت وقلت / بتحجون ولا لاء؟؟؟

بس ماردو .. صكرت

فكرت اقول لمنصور عن الفكرة الي طرت بالي ..

رحت لمنصور وقلت له : منصور شوي تعال ابي اقولك شي

منصور كان منسدح ومب مهتم: قولي قولي اسمع

رحت وقفت عند راسه : لا صكر العبه بقولك شي مهم ..

طالعني بعيونه العسليه : انزين ترا اسمعج ..

بعدت عيوني عن عيونه .. لانها تجذبني بشكل كبير .. عيونه حلوة وايد .. ولونها احلى واحلى .. يوم اجوفهم اضيع فدوامه لونهم العجيب :لا يالله صكر العبه

طالعني بنعاس ومد يده لي ظليت دقايق مثل البلهه اجوف يده وبعدها مديت يدي ليده اشد عليها عشان يقوم .. بس من غبائي ماكتشفت انه هو الي يرني طحت عليه ضرب خشمي جتفه مسكت خشمي بألم وقلت بالم وقهر: احين ابي اقومك تقوم تطيحني

ضحك منصور وهو اصلا شكله انصدم اني طحت:"انا شدراني انتي جي خفيفه .. كمل براءة .. وي انتي بيبي

قلت : اوكي يالله قوم .. قمت وانا ارتب ثيابي .. مد يده من يديد .. وانا تجتفت : قوم بروحك البيبي ماتقوم حد .. كنت بمشي بس يده الي منعتني

منصور بخبث: اذا ماقومتيني بطيحج

فتحت عيني بوسعها: يالملعون

ضحك بالقوة .. ابتسمت وانا امسك يده وايرها بكل قوتي : يالله قوم اوف ثقيل ماشاءالله

بعد ماستوى فوقفته مد يدة على جتوفي وقربني له .. ارتبكت .. وقلبي طاح بطني .. حسيت ان بطني يعورني وايد .. بس سكت ماتحجيت .. قعدنا ع الكرسي

وهو حط يده على خده المليان شوي ويدة الثانيه يسندها على فخذه: شنو تبين بس خليتيني اصكر العبه

شكله كان برئ : ام منصور ..

طالعني : هم

فهيت وانا اطالع عيونه .. هالانسان جميل جميل .. لا يقاوم بصراحه .. نزلت عيوني وانا احتقر افكاري من متى يهمني لشكل … :منصور شسم الدكتور الي تروح له ؟؟

بعد فترة هدوء رفعت راسي له جفته يطالعني بلاهه : اي دكتور؟؟

سكت .. اشلون افهمه الحين .. مسكت يده وانا احثه ع الحجي ..: حبيبي منصور يوم كنت انت اصغيرون اشوي كنت اتروح حق دكتور ماتذكر شسم الدكتور … طالعته برجاء يمكن يفهمني .. كان يعالجك شوي

بس للاسف ويهه كان اكبر جواب : ماتذكر !! انا كنت مريض!!!

هديت يده بيأس .. وانا افكر يوم نرجع .. افتش ف اوراقه او اوراق عمي او اسأل سلوي !! ..طالعته وقلت : ايه شوي

هالمرة هو الي مسك يدي انحرجت لاني اكتشفت اني مسكت يده وانا مب داريه عن نفسي: كنت مريض !! ليش؟؟ شنو كان فيني؟؟

طالعته بعطف وانا اجوف حالته .. في اخس عن جذي يامنصور؟ ..: ولاشي بس كنت تعبان !!

طالعني براءة: من شنو؟؟

حاولت اشل يدي من يده بس هو ضغط عليها وهو يصر: من شنو ساره

تلخبطت ماعرفت شقول له .. انت مريض نفساني .. ماراح يفهمني .. وحتى لو فهم راح ينحبط .. بس يمكن هالشي يساعده على انه يتذكر؟؟ .. مب عارفه شسوي اخاف اقول له واندم عقب .. خله لبعدين تأتأت وانا ادور على جذبه فمخي: ا ا ا ا ا .. ا كنت احم .. كنت طايح من من دري البيت وتعورت .. لمعت عيني من الي قلته .. ايه طحت من دري بيتكم وتعورت .. ودوك المستشفى ..

طالعني بتفهم وهو يهز راسه : تعورت وايد؟

بلعت ريجي من جذبتي: ها ؟.,, ايه ايه اقصد لا لا ماتعورت وايد شوي بس

طالعني بتفهم : عيل ليش تبين اتعرفين الدكتور

صدمني سؤاله صج ان اليهال يسألون اسأله كثيرة ومن ضمنها اسأله ذكيه ظليت اطالعه هالمرة مفهيه من سؤاله :…………………..

حرك منصور يدة جدام ويهي وانا للحين منصدمة .. حط يده على خدي وهو يهزه: ساروة شفيج ..

بلعت ريجي وانا اصحى على نفسي .. رديت لورا شوي .. وكان قد هد يدي .. حضنت يدي فحظني وقلت: ها لا مافيني شي .. كنت ابي اعرف دكتورك عشان .. عشان … عشان شسمه .. ا … اي ابي اسأله عن ريلك الي تعورت .؟.. وعشان الهيه عن الاسأله .. اشرت على ريله .. اجوف صارت احسن ولا لاء؟؟؟

ابتسم وهو يراويني ريله بحماس: جوفي صار يابس الدم الحين مايعور ..

هزيت راسي بغباء وانا اجوف ريله .. ما وعيت الا وهو يلمني: مشكورة

ابتسمت باحراج: العفو حياك الله

قال بزعل: يعني خليتيني اصكر العبه عشان هالسؤال جان قلتي لي وانا العب .. جفته عصب وهو ينفخ

ضحكت .. ماعرف ليش الالعاب الالكترونيه تخلي الانسان يصير عصبي وعدواني وهو يلعبها **
ابتسمت: يعني الحين زعلان؟؟ ..

قال بعصبيه : ايه انزين ..

دزيت جتفه: يالله زين احسن كل شوي ناقز لنا تبي تلعب ياخي ملتنا

طالعني بدهشه وقال بعصبيه: عيل شاسوي؟

قلت بمكر: خم الحوش

وبسرعه قمت باشرد بس انتبه على حركتي ويراني من يديني طحت ع الكنبه وهو ثبتني بيدينه .. تخرعت عيونه كانت جدام عيوني وماسك يديني بالقوة شوي ويعصرهم لايكون عباله يدي ليمون يبي يعصرهم؟؟ ..قلت بالم: اي ترا عورتني

قال بمكر طفولي: اخم الحوش ها؟؟

فتحت عيني جني مب عارفه الي قلته: لالا من قال؟ من هذا دلني عليه بس .. عديم الذوق هاي الي يخلي الشيخ منصور يخم الحوش له له له مايصير مايصير

قال براءة وهو يأشر علي : انتي الي قلتي

فتحت عيني بانفجاع: انا متى؟؟؟

قال براءة: توة توة قلتي

قلت بمكر: متى انا ماقلت انت تتخيل

عصب :انتي الي قلتي انا ماتخيلت

صراحه خوفني ويهه وهو بهالقرب وملامحه الخشنه الوسيمة قريبه مني جذي حاولت افج يدي من يدينه القويه : يالله عاد خلني اروح

عصرني زيادة بيدينه قلت بالم: اي شعبالك انا ليمون تبي تعصرني اي والله يعور !!

طالعني بمكر: تبين اخليج؟؟

قلت وامري لله: ايه؟

ابتسم بانتصار: تلعبين وياي قيم يديد

لاعت جبدي من العب بس شسوي مغلوب على امري: انزين .. خلاص هد يدي بلعب وياك …

ابتعد عني وهو يطالعني كأنه يتأكد اذا اجذب عليه او بلعب وياه .. وقتها بس حسيت بموقفنا .. توني احس بالموقف .. دق قلبي بقوة .. كنت مرتبكة ..وايد .. ومن راح يفتح السوني ركضت بالقوه للغرفه .. صكرت الباب وراي وانا اسمع دقات منصور على الباب .. يدي كانت على قلبي .. وانا احاول اهدي تنفسي ..

**حقائق
((إنه غزو من نوع جديد، ليس غزوًا عسكريًا ولكنه غزو فكري وعقدي، غزو كمبيوتري سيطر على عقول أبنائنا وشبابنا وفتياتنا من خلال ما يسمى بألعاب الكمبيوتر التي حملت إلى فلذات أكبادنا عادات وثقافات بل وعقائد مخالفة للإسلام.
ولكن في الوقت الذي ارتفعت أصوات الباحثين والتربوين والمختصين محذرة من الآثار الكارثية لهذه الألعاب الإلكترونية على أبنائنا، ازدادت معدلات تدفقها إلى أسواقنا بدرجة لايجدي معها الصراخ، حتى أصبح المشتري نفسيه في حيرة، فأي شيء يختار من وسط هذا الكم المعروض؟.
أسباب الإدمان:
قبل أن نعرض لآثار هذه الألعاب على ناشئتنا لابد من التعرف على أسباب تعلقهم بها وإدمانهم عليها وجعلهم مشدودين لها، مشدوهين أمامها:
وأول هذه الأسباب هو عامل الإثارة؛ فهذه الألعاب تبلغ القمة والغاية في الرسوم والألوان وسعة الخيال، وقمة المغامرة.
ثانيًا: وجود عنصر المنافسة: وهذا يكاد يكون في جميع العبات؛ إذ هو روحها وعامل الجذب فيها كسباقات السيارات والدراجات النارية، أو كبطل يحاول التخلص من مجموعة أشرار، أو عابث يحاول التخلص من أيدي رجال الشرطة، أو تائه في الأدغال يحارب الحيوانات المتوحشة؛ فالاعب يعيش دور المسابقة والمنافسة؛ إما بينه وبين بشر آخرين، أو بينه وبين وحوش تحاول القضاء عليه، ولذلك فهو يعيش الحدث بكل حواسه.
ثالثًا: الواقعية: ليس في القصة أو العبة ولكن في الإيحاء بالواقعية، وذلك من خلال تصوير الأماكن وتراتبية الأحداث، فتارة تعيش في الأدغال، أو في تخوم الجبال، أو في الفضاء، أو حتى في الأوحال؛ فتأخذ العبة الاعب من واقعه إلى واقعها، وتنتقل به قلبيًا وذهنيًا حتى لا يشعر بمن معه أو حوله.
رابعًا: شخصية البطل: فهي تصور البطل محور القصة بحيث يتعلق به الاعب ويتمثله في أثناء العبة، بل وبعدها، وذلك بإلباسه صفة البطولة والقوة أو الفكاهة والمتعة، فيتفاعل معه الاعب ولا يريد تركه.
خامسًا: عدم وجود البديل الصالح: فمازالت دولنا متخلفة في هذه الصناعة، فلا يجد الناشئ بديلاً يسد مسد هذه الألعاب. والوقت عنده فارغ يحتاج أن يملأه بشيء، ولاشك أن من يخير بين إنتاجنا وإنتاج الغرب سيختار الثانية حتمًا.
الآثار:
من الإنصاف أن نقول إن هذه الألعاب – أو بعضها على الأقل – تفيد الطفل أو الناشئ في بعض الجوانب كالذكاء، والجرأة، وسرعة البديهة، والتفكير، مع سعة الأفق في بعض الألعاب.
بيد أن هذه الألعاب حين تتخطى مرحلة اللهو لتصل إلى مرحلة الإدمان، يكون لها آثار خطيرة يمكن وصفها بأنها كارثية، وهذا ما أثبته الدراسات العملية البحتة، والتي نشرت في أنحاء العالم، وهو ما حمل أطباء وعلماء تربية ومسؤولين، بل وسياسين إلى رفع صيحات التحذير والانتباه، وقدم أحد أعضاء مجلس الشيوخ الأمريكي اقتراحًا بمنع تداول أفلام الفيديو والألعاب الإلكترونية السيئة والمخلة، نظرًا لتأثيرها السلبي في تكوين شخصية المشاهد حالاً ومستقبلاً. بل وفي أمريكا قانون يسمى "غرامة سليفر" يعاقب من يسمح للأحداث والقاصرين بمشاهدة أو مارسة الألعاب السيئة.
لقد حملت هذه الألعاب إلينا الأمراض التي عانى منها أبناء صانعيها في الغرب، وزادت على ذلك أمراضًا تختص بدينا وعقيدتنا وعاداتنا وتقاليدنا وأخلاقنا، فصانعوا هذه الألعاب يحملون ثقافات وعقائد واهتمامات وأفكارًا مخالفة للإسلام وعقيدة أهله، ولذلك كانت آثارها علينا أسوأ، وعاقبتها علينا أوخم، ونتائجها على أبنائنا أعظم.. ومن هذه الآثار:
أولاً: الأثر العقدي:
1- ترسيخ مبادئ الشرك والكفر: باعتقاد وجود قوي مع الله، وإظهار قوى خارقة لا يقدر عليها، أو بطل لا يمكن قتله ولا يموت، أو توقف نجاة العالم على شخصية بطل العبة الذي يأتي بأمور ليست في مقدورات البشر.
2- محبة الكفار والتشبه بهم: عن طريق محبة شخصيات أبطال هذه الألعاب ومحاكاة حركاتهم وملابسهم، وقد رأينا من يلبس السلاسل وقلائد العنق، ومن يمشي بالباس القصير في الشوارع وهذا من أثر هذه الألعاب.
3- التعلق برموز الكفر: في كثير من هذه الألعاب يظهر تقديس الأحبار والرهبان وعباد بوذا، وكثير من أبطال هذه الألعاب يلبس الصليب، وفي كرة القدم يثلثون عند دخول الملعب وإحراز الأهداف، وفي بعض الألعاب يلزمك الحصول على الصليب ليزيد من فرص حياتك أو إعطاء عمر جديد أوطاقة جديدة. وهذا يجعل الاعب ينتظر الصليب ويهفو قلبه إليه في بعض مراحل العبة.. ولا يخفى أثر ذلك على عقيدة أبنائنا.
وهناك آثار أخرى كالتعدي على الغيب، والاعتقاد في الأبراج والنجوم؛ كما في لعبة (ذا باونسر). حيث توجد فتاة تجلب الحظ والمال لكل من تقابله.
الأثر الديني:
1- تضيع الأوقات والصلوات: فهذه الألعاب تجتذب الاعبين وتغريهم بالجلوس أمامها ساعات طوال، وكلما انتهى من مستوى أو مرحلة ينتقل إلى مرحلة أخرى ومستوى جديد وأشد إثارة وجاذبية؛ بحيث يصعب على الاعب أن يتركها ليقوم ولو إلى الصلاة، فيؤخر الصلاة عن موعدها ثم بعد ذلك شيئًا فشيئًا يتركها.
2- عقوق الوالدين وقطيعة الرحم: فمدمن هذه الألعاب لا يحب تركها، ويتمنى أن لو بقي ساعات النهار كلها أمام الجهاز، ولا يتململ من ذلك، بل يضيق بمجالسة الناس حتى يهجرهم إلى الألعاب ما يحمله على عدم طاعة والديه وعدم الاستجابة لأوامرهما، بغية ألاينقطع عن هذه الألعاب.
3- الدعوة إلى الرذيلة: من خلال مناظر العري التي لا تكاد تخلو منها لعبة من العبات، والمراقب يكاد يجزم أن هذا أمر مقصود حيث تحشر صور العاريات حشرًّا حتى في سباقات السيارات ومباريات المصارعة يحملن الافتات شبه عاريات. وهناك بعض الألعاب أبطالها نساء وهن غالبًا أيضًا عاريات، وفي إحدى العبات كلما اجتاز الاعب مرحلة تظهر له امرأة تخلع جزءًا من ملابسها حتى إذا بلغ المرحلة الأخيرة تكون قد تجردت من ثيابها تمامًا. هذا عدا ما يظهر في هذه الألعاب من مشاهد منكرة كالقبلات، أو مباريات المصارعة بين الجنسين، والإيحاءات الفاضحة التي تثير غرائز الشباب وتدعوهم إلى الفاحشة.
4- عشق الموسيقى: إذ قلما يخلو منها برنامج من هذه البرامج، بل هناك ألعاب وضعت خصيصًا لتعليم الشباب الموسيقى، كما في لعبة (فب ريبون)، أو لعبات كالسامبا، وروك إن ميجا، ولا يخفى تحريم سماع الموسيقى في شريعة الإسلام.
5- التعلق بالجنس الآخر: فكثير من الألعاب تدور حول فتاة تتمتع بجمال فائق وإغراء شديد، ومنها ما يكون دور الاعب إنقاذ فتاة، اختطفها شرير أو عصابة أشرار، وهذا يوجه أنظار المراهقين والشباب بل والكبار إلى الاهتمام بالجنس الآخر وإيقاد نار الغرائز والشهوات لديهم.
الآثار الطبية والنفسية:
لا شك أن الجلوس أمام شاشات الألعاب لفترات طويلة يؤدي إلى أضرار صحية بالغة:
أولها: الإصابة بانحناء الظهر نتيجة الجلوس على هيئة واحدة لساعات عديدة يوميًا.
ثانيًا: ضعف البصر نتيجة للتعرض للإشعات الضارة.
ثالثًا: التأثيرات الضارة على الدماغ: فقد حذر الدكتور فنسنت ماتيوس – أستاذ التصوير بالأشعة في جامعة إنديانا – من مخاطر هذه الألعاب على الدماغ، ودعا الدكتور البريطاني جافين كليري إلى كتابة تحذيرات على هذه المنتجات بعد أن وقف هو ومجموعة أطباء ومختصين على إصابات وحالات مرضية عديدة.
رابعًا: الإصابة باضطراب وتوتر الأعصاب:وهذا بسب الإثارة المستمرة والشد العصبي الذي يعيشه الاعب، وكذلك لاشتمال كثير من الألعاب على مناظر مخيفة، كمشاهد المقابر ودخول مشرحة الأموات ورؤية الجثث، كما في بعض الألعاب. وقد نشرت الدكتورة البريطانية ديانا ماك المتخصة في طب الأطفال مقالاً في مجلة "سكوتش ميدكال جورنال" دعت فيه أولياء الأمور إلى الانتباه إلى خطورة الألعاب الإلكترونية على صحة أبنائهم النفسية والبدنية والأخلاقية والاجتماعية، وقالت: إنها لاحظت من خلال معالجتها للأطفال أن الذين يقضون الساعات الطوال في مشاهدة هذه الألعاب يعانون من مرض التوتر المتكرر وأوجاع في الرأس والأطراف بصورة واضحة.
الأثر الاجتماعي:
(1) تنامي روح العزلة لدى الأطفال: فهذه الألعاب تتيح للاعب أن يلعب بمفرده، فيجلس مدا طويلة دون أن يحتاج إلى صديق ما ينمي عنده روح الانعزالية والانطاوئية وعدم التعاون ورفض الآخر.
(2) ازدياد ظاهرة العنف: لأن معظم هذه الألعاب مبني على الضرب والفتك والقسوة، ويعيش الاعب والمشاهد هذه المواقف ما يحمله على تقليد تلك السلوكيات.. وقد اشتكى كثير من الآباء السلوكيات العدوانية لأبنائهم واعتدائهم على إخوانهم بالضرب المبرح أحيانًا نتيجة لتقمصهم شخصيات هذه الألعاب. كما وأن تقليد السائقين في بعض سباقات السيارات يؤدي في بعض الأحيان إلى وقوع حوادث قد تكون كارثية.
(3) التخلف الدراسي: لانشغال الأولاد في الألعاب وقتل الوقت فيها، وعدم وجود مساحة زمنية للمذاكرة والدراسة، هذا مع الإرهاق الشديد الناتج عن هذه الألعاب ما يستنفذ طاقة الناشئة وربما يدمر مستقبلهم العملي والدراسي.
وسائل العلاج
ومع الاعتراف بحجم المشكلة وبعد معرفة آثارها مع الاعتراف بأهميتها في ذات الوقت كان لابد من البحث عن حلول مناسبة وسائل للعلاج. ونحن نرى أن من بين هذه الوسائل:

أولا: إيجاد البدائل: وهذه مسألة هامة، وذلك بدعم هذه الصناعة بحيث تصبح منافسًا إسلاميًا، والارتفاع بمستوى إنتاجنا ليكون جذابًا ومرغوبًا لدى فئات شبابنا وناشئتنا، ودعوة رؤوس الأموال في الاستثمار في هذا الجانب لدرء مفاسد المنتج الغربي أو غير الإسلامي عمومًا.
ثانيا: تصحيح مفاهيم الناشئة: بإعادة صياغة الأولويات، وأن الإنسان خلق لأمر أكبر من العب، وهو عبادة الله التي ينبغي أن تصرف فيها الأوقات، وقيادة العالم التي لا تتأتي إلا بالجد والاجتهاد، والعلم والحرص على الأوقات، وأن اللهو إنما هو إجمام للنفس وراحة للقلب، فلا يأخذ حيزًا زمنيًا كبيرًا ولا وقتًا من العمر طويلاً، فالعمر أغلى من أن يضيع في مثل هذه الألعاب.
ثالثا: شغل الناشئة بما يفيد: فالفراغ هو الذي يحملهم للبحث عن شيء يصرفون فيه وقتهم، ولو كان الشاب أو الفتاة مشغولاً في شيء نافع لما صرف همته، ولما تعلق قلبه بهذه العب؛ كما قال الأول:
أتاني هواها قبل أن أعرف الهوى .. … .. فصادف قلبًا خاليًا فتمكنا
ونفسك إن لم تشغلها بالحق شغلتك بالباطل.
رابعا: المراقبة والتوجيه: فالواقع يدل على ضعف البديل، وعلى الإقبال الشديد من أبنائنا على هذه الألعاب فصار من المتحتم على أولياء الأمور معرفة ما يلعب به أبناؤهم وما يشاهده فلذات أكبادهم، ولا مانع من الجلوس معهم ولو مرة أثناء العب للاطلع والاطمئنان، فإذا وجد خل عولج بالتوجيه والنصح، وإن كان يصعب علاجه أخرجت العبة كليًا حماية لأبنائنا وصيانة لدين وخلق أجيالنا، وحفظًا لمستقبل أمتنا.
إن أحدًا لا ينكر أهمية العب بالنسبة للأولاد والناشئة، ومدى حاجتهم إلى تفريغ الطاقات المخزونة لديهم، وأن هذا ضرورة بالنسبة لهم كضرورة الطعام والشراب والنوم، ولكن على الجانب الآخر لا يستطيع أحد أن ينكر حتمية توجيه هذه الطاقة فيما يعود بالنفع على الأولاد جسميًا وعصبيًا ونفسيًا وعلميًا، أو على الأقل لا يعود بالضر عليهم في ذاتهم أو في مستقبل أمهم. )))

^^^^^^^^^^^^^
"سالم"

اخ على صوتها العذب .. الحين الواحد يقدر ينام .. تقلبت على فراشي .. مسكت الصورة .. كانت تصيح وشكلها يكسر الخاطر .. خشمها احمر .. عيونها حمر واجفانها حمر .. شعرها المبهدل .. لعبتها الي ماسكتها بيد .. ويدها الثانيه على عينها .. ياناس اتين .. صكرت عيوني وانا اتنفس بعمق .. تقلبت على السرير مرات ومرات .. ماياتني النودة ..

طلعت من غرفتي .. قرت اروح جناحهم .. بس ماقدرت في شي منعني بس وشو مادري … تأفت بضيج ..
رديت دخلت حجرتي .. لبست لي ثوب .. وتعطرت .. احترت البس كاب ولا غترة .. بس فالاخير استقرت يدي على غترتي وعقالي ..

لبستهم وانا مستعيل .. بس شكلي شنو طلع رهيب .. طبعا بدون شي اقط الطير .. اشلون لا كشخت .؟ ..

طلعت بغرور من الغرفه .. واستعيلت وانا انزل من على الدري .. سمعت حس ناعم ..

: سالم ؟

تأفت بداخلي قلت وانا ماعطيها ظهري : نعم ؟؟

سمعتها تكمل: بتطلع؟؟

قلت فخاطري"ياصبر ايوب .. واشحقه تسالين زوجتي موصيتج علي اوف؟ " : اي .. باي ..

نزلت اسرع من قبل وانا اسمعها تنادي .. بصوت منخفض .. بس انا اسرعت .. مب فاضي حق التحقيق .. اوف

طلعت قعدت ادور فالشوارع بلا هدف .. يات فبالي سارة .. قرت اروح اجوفهم .. اذا محتاجين شي ولاماشيات .. بعد تعرفون .. منصور مايدري عن الدنيا .. ولازم احد يمر عليهم ع الاقل يتطمن عليهم <كفو ؟

وصلت الشاليهات وانا هلكان تعب .. ويوعان فنفس الوقت .. دخلت الشاليه .. جفت منصور وساره قاعدين ع الزوليه الي فارشينها .. ومندمجين ويا بعض .. ضحك وسوالف .. انبطت جبدي .. تنحنحت بصوت عالي .. طالعتني سارة .. وعدلت شيلتها وعيونها تشع استغراب وكره

قام منصور وسلم علي .. قعدت احذاه

: اشلونج سارة …..؟

ردت : بخير !

حسيتها ترد من طرف خشمها .. خلتني اعصب اكثر .. يعني حق منصور الريج الحلو .. وانا مطنقره تردين بخياس نفس؟؟ .. لكن هين ياسارة ..دواج عندي ..

كملت وهي تجوفني بلا مبالاه: وانت ؟!

ابتسمت فداخلي .. ورديت : بخير ..؟!

تذكرت انهم كانو ناوين يطلعون الطراد بس غيرت رايها الشعشبونه سارة .. اشحقه العناد والمغايض .. جان رضيتي الله يخسج .. مشتاق لج وانتي ماتحسين !

: الا مابتروحون البحر؟؟

كنت موجه كلامي لسارة بس الملقوف منصور هو الي رد : احنا فالشاليه .. يعني صوب البحر .. اشفيك انت ماتعرف؟

انبطت جبدي منه .. خله يسكت ابرك .. اصلا من قال اني كلمته .. صدقوني لو اني مو راص على يدي جان مداني كفخته ..

قلت اصح بغيض : اقصد تدورون فالبحر بالطراد

؟؟

رد منصور : اي ؟؟ .. التفت على سارة .. انتي تبين تدورين بالطراد؟؟

كانت هي تطالع الجهه الثانيه .. يعني ماعطتنا نص جسمها .. صج قليله ادب .. زين قولي ضيف .. اقوم اضيفه شي .. مب ماعطتني سابعتج ! ..سمعتها تقول : لا مابي !

سكت ماعرف شقول .. ابيها تتحجى .. وهي ماتبي تطالع ويهي .. تصدقون اول مرة اشك فجمالي .. اول مرة اشك بنفسي .. ساروة هالعله ليش ماتطالعني .. ليش مب مهتمه لوجودي .. ليش؟ .. وانا اهتم بوجودها .. وانا الي تهمني .. حسبي الله على ابليسج من بنت .. يومج ضيعتي علومي .. !!

سكت مب عارف شاقول : تعشيتو؟؟ ..

قال منصور وهو يصفق بيدة على انهم كلو من زمان .: من زمان .. صح؟

ردت : صح !

هدوني عليها .. ودي اعضها عض هالادميه .. اكسرها تكسر .. تبط الجبد تقهر .. شنو هالانسانه الباردة البليدة !! ..
تنهدت بضيج .. سمعتها تقول :تفضل سالم اشرب جايك؟ بيبرد ؟!ولا مب قد المقام

انتبهت ان منصور مقرب استكانه جاي"شاي" حقي .. والله مانتبهت .. وين انتبه وهي وياي على نفس الزوليه .. انا زين ماذبت فمكاني ..

مسكت الاستكانه بارتباك ! : لا اشدعوه يابنت العم .. مافي بينا مقامات؟

طالعتني بدهشه واستغراب .. جنها تقول .. من متى؟؟ .. نسينا ماكلينا؟ ..

بس انا ماهمتني .. جفت صحون كيك .. و3 اكياس من انواع الحب المختلفه .. ودله الجاي والقهوه ودله ثانيه اتوقع انها جاي كرك .. ياحبي للكر .. شربت شوي من الجاي ؟.. وكان متروس شكرر .. حتى اني ماقدرت اكمله ..: منصور انت جم قبشه شكر حاط؟ الاستكانه كلها

قال براءة: لا بس خمس قبشات

عصبت : نعم؟

قال : انته ماتحب ويا شكر وايد؟؟ .. مادري انزين اسف حرك شعره الي شكله طولان شوي ومضايقه .. سارو تشربه جذي عبالي انت بعد تحب وايد شكر !! …

مدام سارة تحبه .. يالله امري لله اشربه ! .. شربت شوي .. وبعدين صبيت عليه جاي زيادة حتى يخف السكر الي فيه .. جفت سارة تقدم لي صحن .. وكان فيه انواع الحلويات والكيك البني الي جفته مساع .. كليت شوي من الكيك .. لان شكله صراحة يغري .. : من مسويه هالكيك؟؟

قال منصور بابتسامه: انا .. والتفت على سارة وهو يقول : لا تخافين بقول ان انتي بعد سويتي وياي .. وعلمتيني ..

انبطت جبدي .. ياريتني ماسألت .. شالي بلاني وخلاني اسأل صج اني احب التعب حق نفسي .. اخ ياسارة .. اخوي صاير قريب وايد منج .. وياخوفي من هالقرب .. ياخوفي

…………….

لا تلوم الزمن تقول ماله امان وخاين

الغدر والخيانه ما تجيك الا من الحبايب

ويا صحبي ثقتك لا تحطها باي كاين

طعنات الظهر ابطالها الاهل والقرايب

توفي لهم وقدرك عندهم دوم هاين

لا نخيت اطيبهم ردك من الباب خايب

يا عونة الله من وقت عصيب وشاين

وسود الفعايل اصبح حتى القلب شايب

يغرونك بمسعول الكلام وكذبهم باين

ما نفعوك فعز ضيقك وانت بالهم ذايب

لا جيتهم تطلب الحق صار الكل داين

وش يفيد الكلام دام اله فابينهم غايب

شاب راسي واحسن بالموت لي حاين

وانا بعيوني اشد في جنه بساتيني خرايب

ما ينفعك لوحكت بقصتك كل المدائن

لا تبدلت الحقائق اصبحت المبادئ غرايب

((لشاعر مجهول ماعرفت اسمه ))

"علي"

الصفعه الي تجيك وانت مب فاهم صعبه قويه .. انا كنت اتوقع لولوة مسكينه مكسور خاطرها .. تبي طفل يملي حياتها مثلي بالضبط .. بس هالعلبه شنهي؟؟ .. شنهي هالورقه المصحوبه .. ليش الصيدلي قال لي انها

"حبوب منع الحمل" ..

"تمة الحفنه السادسه"
" حبيبتي الخائنه .. كيف قتلتيني؟ .."

لا تلوم الزمن تقول ماله امان وخاين
الغدر والخيانه ما تجيك الا من الحبايب

ويا صحبي ثقتك لا تحطها باي كاين
طعنات الظهر ابطالها الاهل والقرايب

توفي لهم وقدرك عندهم دوم هاين
لا نخيت اطيبهم ردك من الباب خايب

يا عونة الله من وقت عصيب وشاين
وسود الفعايل اصبح حتى القلب شايب

يغرونك بمسعول الكلام وكذبهم باين
ما نفعوك فعز ضيقك وانت بالهم ذايب

لا جيتهم تطلب الحق صار الكل داين
وش يفيد الكلام دام اله فابينهم غايب

شاب راسي واحسن بالموت لي حاين
وانا بعيوني اشد في جنه بساتيني خرايب

ما ينفعك لوحكت بقصتك كل المدائن
لا تبدلت الحقائق اصبحت المبادئ غرايب

((لشاعر مجهول ماعرفت اسمه ))

"علي"

الصفعه الي تجيك وانت مب فاهم صعبه قويه .. انا كنت اتوقع لولوة مسكينه مكسور خاطرها .. تبي طفل يملي حياتها مثلي بالضبط .. بس هالعلبه شنهي؟؟ .. شنهي هالورقه المصحوبه .. ليش الصيدلي قال لي انها

"حبوب منع الحمل" ..
"منع الحمل"

ترددت في صدى افكاره الباهته .. سنين العذاب .. مرت جدامه مثل الشريط ..
" جوزتك مابتحملش.. مافيش عيب فيك ولا فيها .. بس مابتحملش؟ .. حنا بنئدر نعالجك ونعالجها .. ماتخافش يابني دي مسأله وئت " …

" ياولدي مرت سنه ونص على زواجكم متى افرح بولدكم؟؟ " ..

"علوي حبيبي لاتلعوزة .. ان شاء الله بيك الي يلعوزك مثل ماتعلوز ولدي " …

" ئالوه انا ئلوه؟؟ "

"انتي احلى من كل بنات الكون "

" ئتى بنتكم<حتى بنتكم؟" ..

" مافيش تقدم خالص" ..

" اشرايك يمه تتزوج تيب لك ولد يحمل اسمك؟"

" يمة مرتي تقدر تحمل بس هالشي بيد الله "

" علي اشرايك تسافر تتعالجون برع؟ " ..

" انا ماحب مرتك واحسن انها ماتحمل .. تزوج عليها .. صدقني يانك تيب ياهل" ..

" مريم " …

" انزين هذا الصج " …

" حبيبي انا .. ش بيدي؟ .. ك ك ل الي بيدي س سويته؟ وشهقت بصياح .. ان انا هالشي مب مب بيدي !! " ..

" دي حالتها بتراجع اوي؟ .. يامدام انتي موتأكدة انك بتاخدي العلاج كويس؟" ..

" حبيبي خذتي علاج" ..

" حبيبي توني ماخذته .. ويصير انسى هالشي؟؟ " ..

" علي اليوم انت مارحت السوق ويا مرتك؟؟؟"

" لا كنت بالاجتماع!!" ..

" كاني لمحت وحدة تشبهها .. عبالي انتو " ..

" لا لولو بيبت ابوها اليوم" ..

" ها يمة بشر اشقالو اليوم فموعدكم"

"يمه نفس الحجي " ..

" ماعليه ياحبيبي .. الياي احسن ان شاء الله " …

" صباح الخير .. خذتي علاج حياتي؟" ..

" علي خلاص والله لاعت جبدي .. اخذه اخذه .. بس وش الفايده؟؟ " ..

" امك اليوم كانت تنغزني بالحجي .. يعني انا اول وحدة بالكون ماتجيب عيال"

"ماعليه حبيبتي .. امسحيها بويهي ..بس امي مشتاقه لحفيد "

" وعيال خواتك مب احفاد .."

"لولوة مايحتاي الصراخ " ..

" انا تعبت منك ومنهم كلهم كلهم "

" انا صابر عليها يا جاسم .. خايف على مشاعرها .. هي بعد تتمنى تصير ام "

" علي انت تتمنى ولد ليش ماتزوج واذا هي صج تحبك راح ترضى تجوف عيالك حتى لو من غيرها "

" جاسم انت شتقول؟؟؟ ..

صكرت عيوني اقطع هالشريط من الذكريات المؤلمة .. ومن صكرتها تردد صوتها فبالي .. فتحته على علبه الحبوب … فلعتها بقوة على الارض وبكل ينون رحت مندفع لدرجها … جفت اداوي العلاج للشهر الي راح .. مثل ماهي .. محد ماسكهم .. محد لامسهم … طاحت دمعه يتيمه من عيني بألم .. الحقيرة .. الجذابه …

رن تيلفوني ؟.. طلعته .. بس ماكان تيلفوني … كان تيلفون حد ثاني؟؟ .. دورت على الصوت .. لقيته تلفون طايح تحت السرير ..

رفعته وانا ارد .. انصدمت من سيل المشاعر المتدفقه : هلا حياتي .. مساء الورد والفل لاحلى لولو في الارض .. لاصفى لولو على الارض .. لاحلى لولو من احلى بحر .. شخبار حبي اليوم؟

بدون ماحس تدافقت كلمات لاذعه اول مرة تظهر مني:يابن ال***** .. يال***** يال****** … من وين عرفت هال*****

جاني صوته مفعم بالضيق: احترم نفسك يال****** .. وهالحثاله عرفتها من الستي من وين اعرفها غير من الاسواق؟؟؟

صكرت من عنده .. ودمعه وحيده نزلت من عيني .. انا .. انا يالولوة .. تلعبين فيني؟ .. انا يالولوة؟ انا .؟!؟دمعه حملت كل حبي وطاحت خلاص .. طاحت .. دمعه كبريائي المجروح .. وكرامتي الي انجرحت .. وظهري الي انطعن ..

انفتح الباب وطلت لولوة بكل غنج وروجها الاحمر منعكس بحمره عيني .. مشيت بكل هدوء عكس براكيني ..

ابتسمت: حبيبي عشا !!

طالعتها بقسوة: حبيبي !!!… اي حبيب فينا ..؟!

طالعتني بصدمة وكانها مب مستوعبه: اي حبيب؟؟

يريتها من شعرها : ورويتها الجوال: ارقام من هذي؟؟؟

فتحت عينها الكبيرة … : هذا هذا مب جوالي … انتفضت بسرعه كبيرة وهي تقول : هذا جوال جوال امل .. امل اختك .. اهي جوالها

صرخت وانا اجر شعرها : جب امل انظف منج ومن طوايفج .. ليش يالولوة .. ليش؟ .. وش الي نقص عليج؟؟ .. كل شي وفرته لج .. كل شي .. وهذا جزاتي؟؟.. تذكرين الايام الي كنتي تنامين وانتي ميته خوف تصيحين؟ .. تذكرينها؟ اكيد … كنت انا اسهر على راحتج .. خايف تقومين مفزوعه من يديد ماتلقين حظني يدفيج .. تذكرين يالولوة .. ايامج الاولى؟ .. تذكرين احلامج؟؟ .. تذكرين ايامنا .. تذكرين ايام باريس ولندن .. ولا ايطاليا .. ليش يالولوة ليش .. جريت شعرها بكل قهر .. فشنو قصرت؟؟ وفيت لج .. ورمح الخيانه جزاتي؟؟؟

بعض البشر لامن حشمته طمع فيك
وبعض البشر لامن جفيته يودك
وبعض البشر يتعب على شان يرضيك
واغلى من اخوانه بقلبه يعدك
وياصاحبي هالحين بانت خوافيك
علقتي مابين مزحك وجدك
وش جاك مني ياعشيري وانا اخيك
قبل امس انا صاحبك واليوم ندك
لاضاق صدرك من عنا وقتنا اجيك
واشوف دمعات الغلا فوق خدك
والحين تظلمني وانا منك وفيك
بكل احترام اقول ياخوي حدك
ثمن كلامك ياعسى الله يهديك
لاصار ماي الوجه يعجز يردك
ثوب الردى ياصاحبي مايقديك
الثوب لاثوبك ولا القد قدك
انا اول انسانٍ اذا ضقت يبجيك
حتى ولا اذكر يوم وقفت ضدك
اليا انجرح قلبك واجيلك واداويك
بس اذبحن هالقلب طعنات يدك
ماتذكر اني بالوفا كنت اجازيك
وانته تجازيني بظلمك وصدك
لكن خلاص اليوم والله مابيك
النفس طابت سو ماهوبودك
الطعنه الي من ورى الظهر تنهيك
وشلون لاجاتك من الي يودك
لاواهني يوم انا اموت بيديك
ذابح وتبكي من ذبحته بيدك
(الشاعر ماعرفه ايضا )

صرخت علي: انا ماخنتك .. انا .. انا احبك ..

طالعتها باستهزاء وانا اضحك بالم : هههههههههههه تحبيني؟ .. ليش انتي تعرفين تحبين؟ .. رميتها بكل قوه على الطوفه .. رحت لجانب الغرفه اما هي طاحت ع الارض وهي تصيح بصوت عالي وهي مغطيه ويهها : حبيبي تعرفين هاي حبوب وشو؟ .. رفعت ويهها المأساوي وانا اجر شعرها اجبرها تشوفني .. ابتسمت بألم وانا اقول لها : هذا هو حلمي الي هدمتيه؟ .. هذا هو الامل الي دستيه بريلج بكل قسوة ؟؟ .. اختفت ابتسامتي .. وطاحت دمعه ثانيه .. جفتي الواحد ويوم يحلم ويحلم ويحلم .. حلمه يفوق السحاب ؟اشرت على نقطه بعيدة للسقف وصفقت وانا اشر ع الارض .. وفجاة يطيح من اعلى قمه ؟؟ .. هذا انا الحين .. هذا انا .. صرخت فويهها .. اشسويت انا عشان تجازيني جذي؟ .. ماحبيتيني .. ماجبرتج تحبيني .. بس تخونيني .. وتخدعيني .. تخليني لعبه بين يدينج القذرة .. لا … لا …

مدت يدها تترجاني وهي تمسح ويهي : والله احبك .. احبك .. اه .. شعري … تعورني .. علي انا لولوة اشفيك علي .. شهقت بألم .. اه

بعدت يدها بقوة عني .. مسكت ذقنها بقوة وانا اعصره بيديني وهي تغمض عينها بالم : اعرف انج لولوة .. لولوة الي خلتني لعبه بيدينها الثنتين .. اوهمتني بحبها .. وحنينها واشتياقها .. اوهمتني انها تحلم باحلامي .. وهي ترتغد من حظني لحظن ثاني؟ .. قلت بالم ماقدرت اخفيه … ياترى كم حضن استقبلج يامرتي العزيزة؟؟ … كم حظن طلعتي من عنده ولماج حظني الوفي؟؟ … كم مرة كلمتي ريال ورديتي تخربين نقاوة كلامي وياج؟؟؟ … كم مرة طلعنا فيها وكنت متفقه مع غيري تجابلينه؟؟؟ … بعدت يدي بقذارة عنها : الحين يالولوة تشلين عبايتج وشيلتج وتروحين بيت اهلج

صرخت بهستيريا حتى اني خفت عليها وهي تقول : لا بيت هلي لا … تكفى ياعلي تكفى

التفت لها : تكفين انتي يالولوة .. لاتلوثين بيتي اكثر من لوثه .. طلعي برع .. انتي طالق

مستحيلة انّي أرجع وأرضى ثاني مستحيلة
منهو يرضى بالخيانةيعني خونيني عشاني
خلي بالك من كلامي أنا شيخ(ن)وابن عيلة
يعني أنك تلعبي بي وتطعنيني في مكاني
وتستغلي الوضع كله في حلاتك ياجميلة
ما هو يعني مره أولى أتكر ليّه ثاني
وأني سامحتك في ذيكي يوم جيتيني ذليلة
يعني وقحة والله وقحة لعنبوكي مامداني
شهر واحد من خيانة لي خيانة يا أصيلة
والقضية حيل أكبر من خيانة في ثواني
تستغلي فيّه طيبي يوم بارحتك في ليله
قلتلك هالله بأخويه راس مالي في زماني
وقلت هالله في عنودي مادريت أنك عليلة
يعني جرئة في ردودك ما غويته هو غواني
يعني الغاية في عينك هي مبر للوسيلة
أنا مابي أشرح أكثر أستحي أكتب ماجاني
بس خسارة فيك لحظة من ليالينا الطويلة
يوم مكنتك بقلبي وأنتي قلبك ما صفاني
يوم حبيتك لنفسي وأعتبرتك لي خليلة
وشلتك بعيني أمانة وأصطفيتك في حناني
بعتي حبي في جنونك ياجنون ما أخيلة
وينهو جنونك قبلها ما رأيته في الأماني
يوم كان الحضن حضني رحتي تختاري بديلة
ما كأن الزوج زوجِك وما كأن الحب حاني
خذتي من غدرك مسارك يلي أنفاسك طويلة
من عرفتك وأنا دايم حرقة أدموعي تعصاني
وهذا قلبي ما تشافى من عرفتك في غليلة
لو طلقت لساني مره ماعتقتك من لساني
وفيه أتحدى جوابك بس فشيلة بس فشيلة
الحشيمة ماهي لجلك الحشيمة بس عشاني
وأهيه كلمة ورد غطاها وأنتي تسطفلي فنيلة
أنتي طالق!!أنتي طالق ومنهو جابك جاب ثاني

شعر: لحظة وتمر
صرخه هزت البيت .. وهي تركض لي : لالا .. انت تجذب .. انت لا يمكن تطلقني .. انت تحبني .. هزتني بكل قوة بيدينها وشعرها يتناثر وراها : انا لولوة مستحيل تطلقني انت مب ريلي مب ريلي

بعدتها وانا اصرخ فويها: ريلج المغفل الي كنتي تلعبين من وراه .. راح .. مات .. ماله وجود … لاتوقعين يرد لج .. لانه عافج .. كره خداعج .. ظهره الكبير الي عطاج اياه سند ماعاد يتحمل طعنه اكبر من طعناتج .. لولوة.. شلي شيلتج وعبايتج واظهري .. وقبل لا انسى .. مالج حق تاخذين اي شي موجود غير هالتلفون .. لانه من فلوسج .. وتفضلي اطلعي برع

هزت راسها بقوة وبعناد قالت : مب طالعه مب طالعه

صكرت عيوني وانا اقول : انتي طالق .. طالق … بعدي عن ويهي لانج محرمة علي من هالحظة

مسكت جتوفي تهزني بعدت يدها بكل قسوة .. وانا اعطيها ظهري

قالت لي بالم: وين اروح؟؟

قلت بغيض: المكان الي خذتج منه .. بترجعين له ..

صاحت : شقول لهم ؟؟ ريلي طلقني؟ …

صكرت عيني بكل الم .. وانا احارب دموعي الغزيرة الي تفجرت فيني .. : قولي لهم الحقيقه

قالت لولوة بخوف: بيذبحني بدر بيذبحني ..

المتني كلمتها .. تخاف من اخوها؟ .. وماخافت مني؟؟ .. ماخافت على مشاعري؟ .. ماكنت اهمها .. ماكنت اعني لها اي شي سوى لعبه حصلت عليها وملكتها .. ملت منها وغيرتها .. حسيت عيوني حاره ..: لج خمس دقايق تلبسين عبايتج وتطلعين ولا بيكون لي موقف ثاني …

يات جدامي وهي تصيح منهاره : كله منك .. كل الي صار منك .. حاولت احبك ماقدرت .. حاولت اتقبلك بعد ماقدرت .. مب مشكلتي اني ماقدرت احبك كزوج؟ … انته الي ماقدرت تحب نفسك لي .. انت السب في ضياعي انت السب .. كنت ادور المشاعر الحلوة فيك .. كنت تتجاهلني ايام طويله .. طول اليوم اقعد وحيدة بروحي .. ماعندي ونيس ولا انيس .. وانت طول اليوم بشغلك .. مشغول عني .. شتبغيني اسوي؟ .. اتصل فيك .. حياتي انا مشغول اكلمج بعدين … شسوي يعني؟ ؟؟؟ حياتي كانت فراغ وياك وبدونك … ماحس اني فقدتك ولا اشتقت لك .. ماعطيتني مجال حتى اشتاق لك ..

صرخت اقطع كلامها وانا اهزها واهز مشاعري معاها : انا ؟ .. انا عطيتج قلبي .. سلمته لج هديه .. حطيته امانه تحفظينها عندج .. لكن ماعرفت انج على حفظ الامانه خوانه .. انا اشتغلت اضعاف مضاعفه عشان اوفر لج الي تحتاجينه .. فلوس وسفر سيارات عزايم .. سهرات الماس وذهب .. ماكنت ابغيج اقل من الي تروحين لهم .. ماكنت ابي احسج بانج اقل من بنات الوزير والشيوخ الي تماشينهم .. سويتج شيخه قلبي وملكتج قانونه .. مادريت انج ماتسوين ظفر دريولي .. كنتي بروحج؟ .. طول اليوم .. ليش ماحملتي؟ .. ليش ماجبتي الونيس لج؟ .. ليش ماكملتي دراستج الي ياما حثيتج على تكملتها … نسيتي ياناكرة المعروف .. نسيتي؟ .. على العموم انا مب جاي اعدد مزاياي لج .. وانتي عارفتها زين .. انا مب جاي اتمن عليج .. يابنت الناس .. خذي سترج .. وطلعي من بيتي .. ماعاد يبغيج بيتي .. واذا قلبي للحين يحبج مستعد اني اتبرع به للي بغه ولا احتاج في يوم لدقه تنبض باسمج .. شرايني الي بها دمي ويا اسمج .. بابترع لها للي بغها ان شاء الله لو كافر بس اتخلص من اسمج الي يمر بكل خلايا جسمي .. مستعد ابتر شرايني من اصلهم حتى مايجري اسمج ويا دمي .. مستعد امحق ذاكرتي واسحقها .. مستعد احرق اوراقي واخليها رماد ولا تحتوي اسمج .. سكنتي قلبي سنين .. وش الي خذته؟؟ طعنه السكين… هذا جزاتي؟ .. لكن وش اقول ؟ .. الي خان هله بيخونك فيوم .. روحي .. تنهدت بتعب روحي يابنت الناس .. الله يستر عليج .. روحي الرب يرعاج الي خلق مثلج خلق مليون شرواج

عفا الله عن خطا غدر الخناجر و الضلوع ابطال
باسامح و اترك تحت الظلام الحالك لحالك
دخيلك وفر دموعك ترى هدر الدموع اذلال
و ترى ما فيه احد يصبر مثل صبري بغربالك
انا عيب علي انقض كلامي و الرجال افعال
و اذا قلت اقطع حبالك تراني بقطع حبالك
عشان اكسب هدب عينك تجرعت العذاب اشكال
و ليتك تراف بحالي علشان اراف بحالك
مسوي في حياتي شي مايذكر و لا ينقال
حشا حتى العدو و اهو العدو ما يعمل اعمالك
تمسيني على الهم و تصبحني على الغربال
تقلطني فناجيلك و تقصر عني دلالك
تحملت التعب لاجلك و انا حملي يهد جبال
رحلت من العذاب و ما وقفت الا على جالك
علامك كلما اجيك متواضع جيتني تختال
معاك اليا متى باصبر و صبري معك يحلى لك
مثل ما اقبلت لعيونك لزوم تلدلي باقبال
و مثل ما قد حشمتك حس و احشم قلبي اشوالك
انا محد بجابرني اساير معك هالمنوال
ترى ماني تبيع لك و لاني اصغر عيالك
انا حبيت اعشقك نبض و مشاعر ما اعشقك تمثال
انا جيت اسكنك و احياك و ابقى فيك وابقى لك
انا جيت اب ظمى عاشق تعب يطرد سراب الال
انا جيت استفز رضاك من فرقاك و الجا لك
انا ما همت بك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك و ادوس برجلي ظلالك
تبعتك و العرب تتبع رعود البارق الهمال
و انا شفت المطر يتبعك في حلك و ترحالك
كأن الي خلق حسنك خلقني مع جسدك ظلال
و صرت اقرب جسد يمشي معك باقفاك و اقبالك
ابي قلبك يحس انه فقد بمحبته رجال
ملكته من هدب عين و خسرت ارضاه باهمالك
صحيح ان الفراق اقسى ولكن الوصال محال
و انا صعب على ارضي غرورك و اضعف قبالك
بعد ما حقت عيني فبعدك للرقاد امال
اعود للسهر يا خوي فال الله و لا فالك
بدل نظرتك فيني و اجي لك كل يوم بحال
باكون اقرب من ثيابك عليك و لا اتهيالك
بالمك و انثرك و اجمعك و ارجع انثرك باهمال
باخونك و ازعلك و ارضيك و ازعل منك وارضى لك
ابرسم بالثرى وجهك و ابدفن صورتك برمال
ابشكي للعرب فرقاك و اضحك عند عذالك
ابهديك الوصال فراق و اهديك الفراق وصال
با سوي مثل ما اشوفك تسوي و افعل افعالك
عشان تعرف من فينا الزعول و من وسيع البال
ابيك تذوق فنجالي و انا باذوق فنجالك
نصيحه و احتفظ فيها قصر معك الزمن او طال
ابي تسمع كلامي زين و تحطه على بالك
اذا حبك هبال اطفال لك عندي هبال اطفال
و لا و ابشر بعد بهبال حب ما هو بهبالك
و اذا قصدك تهين اسمي عشان تشمت العذال
حشا لا انته و لا غيرك و لا عشره من اشكالك

(حامد زيد)
تحركت لانها كانت واقفه متصنمه ودموعها الغزيرة تحفر قلبي قبل تحفر خدها .. توجهت لغرفه الملابس .. جريت عبايتها وشيلتها ورجعت لها كانت وقفتها اليمه كسيرة .. ودموعها تصب من عيونها صب هه وكأنها بتحس بفراقي؟ .. ماهو عندها كله واحد.. ليش الدموع عيل؟؟ .. اشكثر عورني قلبي .. انا بالنسبه لها لو كنت موجود ولا غايب واحد .. ياريتني كنت اصمخ ياريتني كنت فاقد الحواس .. ولا عرفت هالشي ياريت ..

فلعت العبايه عليها .. وطلعت من الغرفه .. شوي ولحقتني وشيلتها على جتفها تحركت بسرعه وانا انزل تحت واقول بصوت جهوري: تستري ..

ركضت وراي وهي تقول : علي خل نتفاهم .. ارجوك ..

كنت انزل الدري بخطوات واسعه .. واتجاوز ثلاث دريات : مافي تفاهم بيني وبينج

صاحت بصوت عالي: ارجوك لاتفضحني بدر والله يذبحني .. الموت شوي يكون عليه .. الله يخليك علي .. الله يخليك

التفت عليها :انتي تستاهلين الموت ..

قاطعتني وهي تقول اذبحني عيل انت .. بس لا تقول لبدر الله يخليك .. انزلت لريولي وهي تقول الله يخليك ..

صياحها قطع قلبي .. وقفتها بقسوة : الي ربيتي عندهم سنين .. بيربونج من يديد

ضمتني بقوة وهي تقول : علي الله يخليلك تبي تذبحني اذبحني انت .. تبيني اموت .. موتني انت .. بس لا توديني لبدر الله يخلي لك امك .. اذا لهم معزة عندك …

طالعتها بحسرة وانا اكظم غيضي : امشي يالولوة .. امشي ..

صاحت بصوت عالي وهي تهز راسها بالرفض .. ماكان بيدي حيله غير اني جريتها من ذراعها باقوى شي عندي وطلعتها من الباب .. ولانها كانت متعلقه فيديني بعدتها بقسوة حتى انها طاحت ع الارض .. ومن صكرت باب البيت سمعت ضربات ايدينها الهزيله وهي تصيح وتصرخ وتأسف

تنهدت ودمعه اليمه تحرق عيوني .. مهب راضيه تنزل وتريحني .. اتصلت بالسايق وامرته ياخذ لولوة وحدة من الخدامات لبيت ابوها بعد ماتهون علي اخليها نصايف اليالي تدور بروحها فالشوارع انا بعد انسان ..

>ونعم الرجل<

^^^^^^^^^^^^^^^^^^^
"هل الامارات … << بتكلم بالقطري لاني ماجيد حجيكم بالضبط فالسموحة منكم "
" روضه "

للحين مب متخيله ان سعيد خلاص .. من صجه بيتزوج غيري .. تابعت بنظري حمدان وحمده الي يالسين يلعبون بالتركيب .. يلست حذال سعيد .. ومالقى بال عليه حتى ولا خطف نظرة ..

حسيت بدمعه تلمع بوسط اهدابي .. مديت له استكانه الجاهي مسكها بدون مايطالعني .. رديت اطالع عيالي .. ماقدرت اطلب الطلاق من كتله الجماد الي حذالي .. ماقدرت .. اشلون الته عيالي .؟..اشلون اضيعهم واشتهم من بينا .. ركضت لي حمده وهي تقول : ماما ..

طالعتها وانا مبتسمه بحنيه وماسكه دموعي لاضمها واصيح بانفجار: عيوني ..

تقربت مني بتود وقعدت بحظني .. ونفس الوقت حمدان يا لعندي وقعد ع ريلي الثانيه .. قال حمدان: حمدوه اسكتي انا الي بتحجى انا الريال

ابتسمت وانا امسح على شعره الناعم : اشتبون تقولون حبايبي؟ .؟.

طالعت حمده الي كانت امبوزة .. وتطالع حمدان بغيض: اقول؟

حمدان مد يده بعدوانيه لشعر اخته : انا الريال انا الي بتكلم …

طالعته بصدمه: ماما .. ليش جذي تسوي باختك؟؟(بعدت يده وانا امسح على شعر حمدوه وافركه لها وحبيت راسها ) ترا ماحبك؟

حمده اطالعته بدمعه وحيدة وبعدها دفنت راسها بصدري .. ابتسمت بحنيه وانا ابوسها واهمس لها باذنها: حبيبتي لاتزعلين حمدان يلعب وياج .. مايقصد .. صح حمدان

هز حمدان راسه بالموافقه .. حمده مسكت دمعتها وماسمحت لها تنزل .. حسيتها تمثلني .. اه ياحمده .. التفت لحمدان : نخلي حمده تقول الي انت تبيه عشان ماتزعل؟

ضيق حمدان عينه وعبس بويهه بس هز راسه بالموافقه .. اما حمده فشكل زعلها كان جايد عشان جذي بعدت ويها وهي تقول: حمدان بيقول انا مابي اقول شي

انفجرت ملامح حمدان براحه: ماما صج ابوي بيتزوج …؟

فهالحظات كنت غافله عن سعيد الي يسترق السمع لنا .. بس من سمعت كلماته لا اراديا التفت لسعيد الي كان يطالع عياله بصدمه …

طالعت حمده ابوها وعيونها متروسه دموع : بابا صح كلام حمدان؟ صح هو يكذب ؟

بلعت ريجي .. وجفت عيالي وعيونهم المشته .. توقعت سعيد بينكر جدامهم ويأملهم مثل مانا متأمله بنفي هالزواج : لا غناتي .. حمدان مايكذب .. ان

طالعته مصدومة من جرأته كيف يخبر عياله؟ مايدري انه بيعقدهم ؟ .. بيدمرهم .. استمريت اشوفه وعيوني تدمع بدون احساس مني .. ماكنت اشوف شي غير سعيد وهو يتحجى مع عياله ويكلمهم .. كنت احس اني بعالم ثاني .. يدور فيني .. يظلم .. تحركت من مكاني وانا ماسكة حمدان الي يصيح مع حمده .. مسكتهم وانا رايحة على الدري .. وبكل الم الدنيا حسيت اني الحين استوعب طعنته .. ماكنت داريه انه صادق بزواجه وراح يتمه .. كنت اسمعه يكلم بنت بس كنت اسكت اقول باجر يتعدل .. بس شكلي غلطت وايد وايد ..

عتبت الدري .. التفت لسعيد .. الي فر ويهه عن عياله وكانه مش مهتم .. يطالع التلفزيون .. تخطيت اول عتبه والثانيه والثالثة والرابعه ..والعاشره .. بس ماقدرت اكمل .. دارت الدنيا فيني زود .. وغمضت عيوني واستسلمت لسواد الدنيا .. وماسمعت غير ارتطام راسي بالارض .. فتحت عيوني على صوت صراخ حمدان وبكا حمده .. وسعيد الي ربع صوبي .. غمضت عيوني من يديد مستسلمه لكتله السواد
…………………..

" سارة"

قمت من النوم وانا احس بتعب ..وعيوني تحرقني لان اليت كان مبطل .. تثاوبت وانا اتمد لاخر طرف فيني .. جفت منصور قاعد ع القنفه .. ويقرا بتركيز .. هذا متى قام؟؟ .. كنت باعصب واقوله ليش فتح اليت بس اجلتها لين ماطلع من الحمام ..طلعت من الحمام مروقه .. جفت منصور مندمج .. اي صح قلت بهاوشه .. بس يالله خيرها بغيرها ..

عقدت حياتي .. اوه شكله مندمج فشي خطير .. حتى ماحس اني طلعت .. مشيت على اطراف اصابيعي ومن استقريت وراه بالضبط انحنيت لعنده اذنه وصرخت : بو و

نقز منصور متخرع اما انا مت من الضحك قعدت عنده وانا ميته من الضحك اما هو صرخ علي ويهه مستوي احمر من الاحراج : اي خرعتيني .. اتعرفين ان بطني قام يعورني يوم صرختي

من كمل جملته تسدحت من الضحك عليه الفاظ انما ايه ههههههههههههه ضحك هو وياي ..
بعدين سكت وانا اقول له : يالله قوم بنيمع قشنا .. عشان اليوم بنرجع ..قام وياي .. رحنا المطبخ .. تريقنا .. كانت ليلي مجهزة الريوق .. يحليلها والله .. راحت مساعه مع السواق .. احنا بيمرنا مجود اخوي .. اي اي اتوقع ؟
تذكرت نقزة منصور ورديت اضحك:ههههههههه

رفع منصور راسه عن الصحن الي كان يطالعه : اشفيج

من طالعت ويهه .. تخيل لي ملامحهه المتخرعه .. رديت اضحك بصوت اعلى :ههههههههههاي

عقد حياته .. وحاولت اكتم ضحكتي .. قلت وانا مبتسمه : شكنت تقرا مساعه

طالع السقف وبعدين عقد حياته وقال وهو ماد بوزه شبرين: لا تقعدين تضحكين علي .. ادري تضحكين علي … هني بطيتها ضحك ههههههههههه

صد للجهة الثانيه وانا حاولت اسكت .:هههه .. لا صج صج ههه .. شكنت تقرا؟؟

قال بزعل: مادري .. قريت العنوان بس .. الباقي خطه اصغير ! ..

ابتسمت وسكت عنه .. كمل : اتعرفين الاستاذ شيقول؟

طالعته مستغربه : اي استاذ؟؟ وشيقول؟؟؟

طالعني مستغرب : الاستاذ الاستاذ؟ .. ماتعرفينه؟؟

هزيت راسي بالنفي .. قال يكمل : الي يدرسنا؟؟

طالعته يدرسهم؟؟ .. معلومه يديدة منصور يدرس؟؟ :انته تدرس
؟؟

رد علي بحماس: اي .. فالمدرسة ؟؟ انتي ماتدرسين؟؟

ضحكت وانا اقول: امبلا .. بروح الجامعه

طالعني بدهشه وقال لي : بال انتي اكبيرة يعني؟؟ .. اشلون اتزوج انا وحدة فالجامعه وانا بالمدرسة؟؟ ايصير؟

هزيت راسي بأي وانا احس بالم بداخلي .. احسه يابها ع الجرح .. والله !! .. سكت .. بس ياني فضول : شسم المدرسة؟؟

هز جتفه بمعنى مادري: مادري .. تبين اسأل محمد؟؟

(لتذكير محمد اخو منصور الكبير)

عقدت حياتي : اشدخل محمد .. انته الي تروح ولا محمد؟؟

طق يبهته علامه النسيان او الخطأ : لاء .. انا الي اروح .. بس امحمد هو الي ايوديني ..! اشفيج انتي ماتعرفين شي .. كله ماتعرفين ماتعرفين !!

ابتسمت على جنب وقلت بيني وبين نفسي : بعد يهاوش الاخ

كملت اكل .. وهو كمل كلام: بس تدرين رفيجي .. يقول يحيك بتزوج .. هو بعد اكبير .. بس مادرس قبل .. اتعرفين ليش؟؟

قلت بدون اهتمام : ليش؟؟

قال براءة : لان .. صبري احمدوه هو الاخو الاكبير فالبيت .. انزين .. وامه عيوزة وايد وماعنده ابو .. عشان جي هو كان يشتغل .. والحين يدرس ويانا .. !فهمتي؟

هزيت راسي .. وانا اصلا مادري شقال بس ابي يخلص .. منصور صاير هذار ..

سمعته يكمل : انزين ماقلتي لي اشقال لنا المدرس؟؟

ياليل : اشقال؟؟

جفته وهو يقلد المدرس .. ويصكر نص عيونه : يا شباب .. انتو ايش؟ .. بهايم ولاك شو عام درس انا؟ .. (قاطع كلامه الاردني .. وهو يرد يتحجى بحماس ) تدرين احمدوه شسوا؟ عصب .. قولي ليش؟؟

طالعته بمل: ليش بعد؟

كمل بحماس : لانه ؟.. اتعرفين شنو يعني بهايم؟ انا ماكنت اعرف ا بس بعدين احمدوه رفيجي .. قال لي .. يعني سبه انتي ماتعرفين .. هاي كلام اولاد .. البنات مايقولون جي عشان جي ماتعرفين انتي صح ..

تأفت بداخلي وطالعت الساعه ..قمت وقلت
بسرعه : يالله يالله .. امش نروح نلم اغراضنا ..

طالع اكله وبعدين طالع اكلي : انتي ليش كليتي كل اكلج قبلي؟ .. انا ماكل الا يوم انتي تاكلين .. انتي وايد حسودة اوف منج @

فتحت عيوني على كبرها وبعدها مت من الضحك .. والله منصور حركات بعد ..

بعد ساعتين .. انصدمت ان الي بي ياخذنا هو سالم .. مب اخوي .. اوف وبعدين مع هالسالم .. لوع جبدي!

^^^^^^^^^^

"حمدة"
"قبل ثلاث شهور"
ساندة ايدي على راسي وقاعدة على كرسي الانتظار الي برى الغرفه .. حسيت بدفا حذالي .. رفعت عيني .. كان خالد … ماستحملت الا وانا احضنه واصيح واشكي له : راح .. راح ومانتظرني ..

حسيت بيد تشدني رفعت راسي .. كان حميد .. ماستغربت تواجده بس من شفت عفرا .. عفدت عليها اصيح .. : عفاري ابوي راح .. عفاري .. عفاري ماخذاني وياه .. راح وخلاني .. خلاني لمنو؟؟ ؟. . مالي حد ياعفرا .. عفاري هو انصدم .. ماتوقع اني اني انفصل .. عفاري .. عفاري .. انا يتيمه .. عفاري تيتمت من يديد .. ماليه حد .. عفاري ابويه راح ورا امايه .. عفاري ماليه سند .. عفاري ..

قاطعتني عفرا وهي تصيح : شو هالكلام يا حمدة .. عيل احنا وين رحنا ياحمده؟ احنا عيال عمج يا حمدة ؟؟احنا وياج احنا اهلج ..

صحت بحرقه: بس ماعاد اشوف ابوي من يديد .. ماعاد احظنه .. ماعاد المسه بين يديني ياعفرا .. ماعاد اقبل راسه .. ماعاد افرحه واعطيه دواه .. عفاري كله مني .. انا ماعتنيت فيه عدل انا بسبابي .. انا الي ذبحته انا ياعفاري انا … اه يابوي .. قولي لهم ابي اشوفه .. ابي اضمه اخر مرة .. ابي اخذه بحضني .. ابيه يسامحني .. انا انا مالي غيره والله ياعفاري .. ضميتها انشج بقوة .. مب قادرة اعبر لها عن الي بقلبي

سمعت حميد يستغفر بصوت عالي وهو ينهر خالد ويروغه .. شفت خالد يطالعني بانكسار .. غمضت عيوني اكمل نشيجي .. حتى انت ياخالد حتى انت ماعدت لي .. محد بقا لي .. محد محد…

بقيت وحيدة وحيدة .. لا لي سند ولا والي .. ولا زوج .. ولا حد .. الا عيال عمي اليتامى ..

غمضت عيوني ع صوت حميد الحازم : حمده !!! .. امشي طالعي عمي .. لان ورانا الدفن ..

طالعت قسوته وصحت بصوت عالي وانا اتبع مسراه .. بس غمضت عيني بقوة يوم شفت جسد ابوي مد على السرير الابيض .. دارت فيني الدنيا وانا احس بالموت .. كرهت الموت الي خطف هلي كلهم مني .. حسيت بروح الموت فهالحجرة .. تماسكت ودمعتي تطيح انهار على خدي .. منظر ابوي فجعني … مسكت يده التمس دفئه بس صقيعه الجمني .. !!

نهايه الحفنه السادسه ..

..::]][[ الحفنه السابعه ]][[::..

(شهامه رجل )
..

يالي علينا تشتكي طول ليلك
………. ياما سهرنا ماشكينا لك اليل

ياما تحملنا عذابك وميلك
………. وياما زرعنا مارجينا محاصيل

دامك تقول إن الجفاء هد حيلك
………. هذا الجفاء يالي تظنه تعاليل

منول أنت الروح منهو بديلك
………. عن هالخطايا كنت أشبهك باسهيل

من يوم شفت العين ظاقت بشيلك
………. عذرتها شافت من أيامك الويل

ماعاد تخدعني بشلال ليلك
………. لا عاد من حبٍ ولا عاد من ليل
..
"لشاعر المرحوم : عبدالله بن عبدالعزيز العليوي "

"علي"

طالعت بدر بهدوء وانا ارد : بدر انت تعرف الحياه الزوجيه .. وانا ماقدر اكمل ويا اختك .. انا اسف بس هالشي مب بيدي .. مافي بينا وسيله تفاهم حاولنا نجح هالزواج بس مافيه فايده (قلت من ورا قلبي) غير ان اختك ماتجيب عيال .. انا ماتركتها بس عشان هالسب بس التفاهم بينا صاير معدوم يابدر ..

هز بدر راسه بتفهم .. وحسيته يغلي من الغيض/: يعني لولوة مامسويه شي ؟؟

انكرت بهدوء: لا .. لايابدر لا ..

مستحيل اتكلم وافضحها .. مستحيل اهين نفسي .. مستحيل انا مارضاها على نفسي فكل الاحوال ,.. ولا ارضى بنظرة شفقه ولا حتى انهم يجوفوني بنظرة ضعف .. صحيح انا طيب .. وهالشي غلطه فيني وحلفت ماعيدها واثق فكل الي حولي ..مستحيل اذل نفسي بهالطريقه المهينه .. نفسي ماترخص ..نفسي عزيزة ..

قام بدر من مكانه: عيل انا اترخص .. وحتى لو تطلقتو يا علي نظل ربع قبل مانكون نسايب

رتبت على كتفه وانا ايده :وين يابدر تو الناس ياريال.. اكيد يابوعلي ..

قال بدر بصراحة : والله وراي مشاوير وايدة .. خبرك اشتغل فشركه يديده ؟؟ وضغوط عليها

هزيت راسي : بالتوفيق ان شاء الله .. ومثل ماقلت نظل ربع ياريال ..استسمح لنا من الاهل
!
هز راسه بدر وهو يقول : مامن قصور من صوبك … انته الي اسمحلنا ..

ابتسمت بتمثيل وانا امثل الاحراج .. اه يا لولوة .. اسبوع صار لي على فرقاج .. غمضت عيني وانا اذكر البيت بدونها .. قسمنا بدونها .. فراشنا .. كل شي كل شي جمعني فيها .. يألمني الحين … خواتي كلهم انصدمو من الي صار .. وخصوصا امل ..

طلع بدر .. وصلته .. ورديت .. رجعت البيت .. لوحدتي .. وذكرياتي .. وياها .. ليش انتي يالولوة؟ ليش؟ بس ابغي افهم ليش؟

طلعت من البيت .. وتوجهت بدون حاسيه للبحر ..
قعدت ع الصخره العودة .. كان صباح اصفر..وبحر هايج ..وذكرى تت<noSymbl%D1CF> فبالي ..منظرها وهي تصيح منهاره : كله منك

كله منك ..
.. كل الي صار منك ..منك .. منك منك ..منك

حاولت احبك ماقدرت .. ماقدرت .. ماقدرت ..
حاولت اتقبلك بعد ماقدرت .. مب مشكلتي اني ماقدرت احبك كزوج؟ … مب مشكلتي اني ماقدرت احبك كزوج .. احبك كزوج ..
انته الي ماقدرت تحب نفسك لي .. انت السب في ضياعي انت السب ..انت .. انت السب .. انت ..
كنت ادور المشاعر الحلوة فيك .. كنت تتجاهلني ايام طويله .. طول اليوم اقعد وحيدة بروحي .. ماعندي ونيس ولا انيس .. وانت طول اليوم بشغلك .. مشغول عني .. شتبغيني اسوي؟ .. اتصل فيك .. حياتي انا مشغول اكلمج بعدين … شسوي يعني؟ ؟؟؟ حياتي كانت فراغ وياك وبدونك …حياتي كانت فراغ ويام وبدونك .. وياك وبدونك .. وياك وبدونك .. وياك وبدونك .. وياك وبدونك ..

ماحس اني فقدتك ولا اشتقت لك .. ماعطيتني مجال حتى اشتاق لك ..
ماعطيتني مجال حتى اشتاق لك ..

كله منك .. كل الي صار منك ..

حاولت احبك .. ماقدرت .. ماقدرت احبك كزوج .. انت السب .. انت السب .. حياتي وياك وبدونك كانت فراغ .. ماحس اني فقدتك .. ولا حتى اشتقت لك .. ماعطيتني مجال حتى اشتاق لك

صرخت وانا اسد اذني واغمض عيني بالم كبير وشكلها يرتسم على امواج البحر وهي تبتسم وهي تضحك وهي خجلانه وهي تتدلع وهي تصيح ..:ب س اكرهج اكرهج اكرهج بعدي عني بعدي عن حياتي كفايه كفايه كفايه ..

بعد مانطقت بهاي الكلمات جفت نفسي اتنفس بقوة اخذ نفس قوي وصدري يهبط ويعلى .. يهبط ويعلى ؟…تلفت يمين يسار .. الحمدلله البحر كان هادي .. وصدى صوتي .. ماوصل لاحد لانه محد كان موجود لحسن حظي .. حطيت يدي على ويهي امسح حبيبات العرق الي متلصقه بجبيني .. هديت نفسي .. اشلون جذي انا صرخت .. بس حسيت بارتياح نسبي .. تنهدت .. انا لازم انسى لولوة وذكرياتي وياها .. لازم ..

…….

"سالم "

كنت اراقب حركاتها من اول مايتهم .. سلمت علي من غير نفس وهالشي قهرني .. والي فقع مرارتي انها تكلم منصور وتضحك وياه .. ولا كأنهم يكرهون بعض .. قرت .. يوم نرجع بيتنا .. اخبر منصور عن كرهه لساروة .. مستحيل اخليها تحبه .. مستحيل .. غمضت عيوني وانا تدور براسي ذكرياتي مع حياة ..

"لعب لعبه الحب فوقع فيها"

تذكر ايامه وسنينه .. وكيف مثل عشقه وهيامه فبنت عمته .. وكيف كان يدور حوالينها .. كان يستغل كل صدفه تجمعهم حتى يبين حبه"المزيف" مايعرف ليش كان يحب يلعب فقلوب البنات ..هل هاي هوايه؟ والا رغبه في ان يكون موقع اهتمام؟ .. في احد الايام

سارة وحياة وسلوى .. يتمشون فالمزرعه .. كان راكب خيله ويتمشى .. جافهم هناك .. فركض بالخيل حتى يخرع ساره وسلوى لانهم يخافون من الخيل .. ماجفت غير غبرة سارة وسلوى .. ضحكت عليهم وانا اقرب من حياه الي بعد امبين انها خايفه بس مب وايد ..

..:هلا هلا

حياه وهي تطالع الشيرة: اهلين ..!

ابتسمت وانا اجوفها تطالعني بخجل طفيف : شالاخبار؟

ضحكت وهي تأشر بصبعها النحيف على الغلامتين الي يركضون: جوفهم اخبارهم تضحك

ابتسمت على ضحكتها الرقيقه ومثلت الغرام وانا اقول لها: ياحلوها ضحكتج

استحت ونزلت عيونها .. اشرت ع الخيل: اشرايج تركبينه؟

انفتحت عينها بانفجاع .. كتمت ضحكتي يوم مثلت انه عادي وماتخاف: لا ويع بيوصخني

ابتسمت بخبث وانا اقرب بالحصان منها: افا الحصان ويع؟؟

فتحت عينها وتمت تطالعني .. ضحكت بصوت عالي وقلت لها بصدق: عيونج وايد حلوة ولونهم اين

ارفعت عيونها لي ونزلتها بخجل ورموشها الطويله ترفرف على خدها الندي الابيض : شكرا .. احرجتني هههه

ضحكت بخجل تخف توترها .. اما انا ابتسمت بخبث .. قرت العب في مشاعرها المرهفه هزيت يدي باني رايح: يالله رايح انا .. افتريت بالخيل .. وهي تتابعني وانا متأكد من هالشي .. التفت وانا اوقف الخيل عن المشي ..: حياه .. نسيت اقولج شي عن المخبلتين ,, واشرت على ساروة وسلوى الي اختفو من جدامنا وبقينا انا وهي بروحنا

ابتسمت حياه بنعومة : شنو؟ شفيهم ..

طالعت عيونها المتحمسه .. سكت .. قلبي عورني على برائتها .. بس ابتسمت بخبث: قربي ..

قربت بكل براءه وصرت اطل عليها من فوق الحصان وهي ماسكة الجام تنتظرني اقول الي ابيه .. فجأة .. نزلت مستوى راسي لها همست: احبج ..

تحركت بسهوله جدامها وهي تطالعني بصدمة ابد مالتفت لها وانا راجع للشبا .. تركتها وسط حيرتها ..

رفرفرت الذكرى بعيوني وكأنها صايره امس .. بدون قصد مني رفعت عيني للمنظرة وجفت ساره .. يالله ياسارة اشكثر تشبهينها اشكثر.. ركزت فالطريج اهرب من ساره وذكرى ساره بس غصب عني سرحت فالايام الي كانت تجمعني بيني وبين حياه اه ياحياه .. تذكرت اليوم الي اعترفت لي بحبها .. وقتها دق قلبي دق غير طبيعي .. والي عور قلبي .. اني كنت اقص عليها .. وانا ابد ماكن لها مشاعر .. ابتسمت لها وقتها وقلت لها : وانا بعد.. تذكرت يوم عرفت عن خطبتها من غيري ساعتها ثرت وعصبت وقلبت الدنيا على روسهم مع اني ماحبيت حياة بس حبيت ان في بنيه صادقه تحبني .. غير الي كنت احاجيهم .. كنت احس حياة صادقه معاي .. صحيح ماكنت احبها .. بس ما كنت ابغيها لغيري .. كانت هالفكرة اتيني ..

تنهدت بقوة .. واصطدمت عيني بعينين غامجه اغمج من عيون حياة العسليه المخضره .. تذكرت عيونها الوزيه الواسعه .. ورموشها الطويله وخدودها الموردة وخشمها الصغير ولا شفايفها المليانه بلون الرمان .. وجسمها الفاتن .. كانت احلا بنت مرت على خيالي .. كانت اصدق واصفى بنت .. كانت الزهرة اليانعه الي كنت اقطف اوراق عمرها وانثرها مع تيجانها وسيقانها مرميه على الشارع .. مشاعري كانت هيجانه .. تذكرت حادثها .. كنت انا وهي طالعين بعد زواجنا ب شهرين.. كنت مستعيل هاليوم .. وهي زعلانه مني بس ابدا مب مبينه تحاول ترضيني وانا اتكبر عليها .. بدل انا الي ارضيها هي الي ترضيني .. فجأة اختفى صوتها .. وروحها الطيبه تناديني .. ودموعها الي تطفح من عينها والدم السايل مع دموعها والزجاج الي منكسر ويهها الصافي كانت تشوبه دماء عروقها .. لحظات واختفت من عيني .. بسب تهور مني .. انتهت بسب سرعتي .. انتهت وانا افكر بغيرها .. انتهت وهي ترضيني .. انتهت وهي تصيح .. انتهت وهي تلهث باسمي وبحبي .. راحت .. راحت ..

تجمعت الدموع بعيوني حمدت ربي ان نظارتي علي .. وقفت عند محطة البترول .. طلعت من السيارة .. حسيت اني مخنوق .. ذكرى حياة للحين تعذبني .. بس يوم راحت بس .. عرفت اشكثر كنت احبها واعزها .. كنت احبها اموت فيها بس اكابر … كانت تحاول تهدم الحواجز بيني وبينها وانا ابني اضخم حاجز اضخم من الي يسبقه .. فالنهايه ماجتمعت طيبتها عشان تمحي خبثي .. تركتني .. تركتني وراحت .. دمعه طفرت من عيني .. وانا امسحها بطرف صبعي .. تنفسي كان سريع سريع .. مب عارف اشلون اصبر نفسي .. اه يا حياه

………..

نسم علينا الهوى ..
من مفرأ الوادي
ياهوى دخل الهوى ..
خدني على بلادي ..
نسم علينا الهوا ..
من مفرأ الوادي
ياهوى دخل الهوى..
خدني على بلادي..
ياهوى ياهوى ..
يالي طاير بالهوى
في من ترى بطائه وصورة
خدني لعندون ياهوى
فزاعنه يائلبي ..
تكبر بيها الغربيه
ماتعرفني بلادي ..
خدني .. خدني ..
خدني على بلادي ..

نسم علينا الهوا .. من مفرأ الوادي..
ياهوى .. دخل الهوى .. خدني على بلادي ..

شو بينا.. شو بينا
ياحبيبي شو بينا ..
كنت وكنا ..
بتظلو عنا .. وافترئنا شو بينا
شو بينا .. شو بينا
كنت وكنا وبظلو عنا وافترئنا شو بينا..
وبعدا الشمس بتبكي
ع الباب ومابتحكي ..
تحكي هوا بلادي .. خدني .. خدني
خدني على بلادي

ونسم علينا الهوا من مفرأ الوادي .. ياهوى دخل الهوى خدني على بلادي ..
نسم علينا الهوا من مفرأ الوادي .. ياهوى دخل الهوى خدني على بلادي..

(فيروز)
خسارة خلصت الاغنيه .. احب هالاغنيه مع انها قديمة قديمة قديمة بس تعجبني وايد .. سمعت صوته يقول لي : سارة صوتج وايد حلو .. انتي تحبين هالاغنيه؟؟؟

طالعته منحرجة : ا .. شكرا .. ويع صوتي خايس بس هالاغنيه احبها وايد ..

ابتسمت وانا اصكر عيني .. تذكرت ثاني .. شكثر كنا نتهاوش على هالاغنيه .. هو يكرهها وانا احبها .. من يسمعها يصكرها ولا يغني وياها بصوته الي ينرفز .. ويخرب علي الاغنيه ؟.. تذكرت يوم كان يمرني يوم انا وحياتو نروح المدرسه .. كنا نسمعها الصبح .. وهو السخيف كان يخرب علينا .. كنا انا وثنوي نتفق على حيوت ونلعوزها وساعات ينقع فيني خيانه ويوقف بصف حيوت .. والله ايام حلوة مستحيل ترد .. لان حياة توفت .. ولان … ثاني خ ط ب ..وانا ت زوج ت

انتبهت على صوت قوي .. فتحت عيني بخوف .. جفته سالم داش وهو يصكر الباب ويرد يسوق .. كانت ملامحه حزينة .. ليش ياترى؟؟ .. الي اعرفه سويلم ماعنده مشاعر فيه شي يزعله ولا يفرحه ذيه؟ هاي مافيه مشاعر كتله من الجماد …حتى الكرسي يحس بس هو ماتوقع .. ومنصور .. رفعت عيني لمنصور الي يتابع الطرقات .. حتى انت يامنصور حتى انت .. اكرهكم ..لازلت اكرهكم .. صكرت عيني بألم .. اصعب ايامي كانت بصحبه هالاثنين .. ولازالت .. والي يدل الحين انا وياهم عروس بكفنها الابيض وشاحها الاسود الي يمثل حياتها وياهم …بس نقاء البياض اكيد راح ينعكس على براءة منصور وصحبه سلوى .. تذكرت حياة .. اشلون حبت هالانسان البارد؟؟ اذكر اليالي الي كانت تدفن ويها بالمخدة تصيح .. ولا تدفن نفسها بالكتابه .. كانت وايد متعلقه فيه لدرجة ان سوت له دفتر خاص .. خاص تكتب فيه بس مواقفها وياه .. وهالدفتر ع ند س الم
انتبهت لاغنيه فيروز

انا لحبيبي وحبيبي الي
ياعصفورة بيضا لابئى تسألي
لايعتب حدا … ولايزعل حدا
انا لحبيبي وحبيبي ل الي
وحبيبي الي ..
حبيبي ندهلي وئلي الشتيه راح
ورجعت اليماميه بزهرة التفاح
وانا على بابي
ندي والصباح .. وبعيونك ربيعي نور روحي لي
انا لحبيبي وحبيبي الي ..
لايعتب حدا .. ولايزعل حدا .. انا لحبيبي .. وحبيبي الي ..
وندهني حبيبي .. جيت بلا سؤال
ومن نومي سرئني من راحة البال
وانا على دربوه ودربوه على الجمال
ياشمس المحبه حكايتنا اغزلي
انا لحبيبي وحبيبي الي
ياعصفورة بيضا لا بئى تسألي
لايعتب حدا .. ولايزعل حدا .. انا لحبيبي وحبيبي الي
وحبيبي الي
صكر سالم المسجل بعنف وقف بريك قوي بغينا نروح فيها .. مسكت نفسي .. وانا ميته خوف .. اشفيه هذا ين؟؟ …هديت من قلبي وانا اذكر الله وميته خوف ماخليت ايه ماحافظتها الا وقلتها وطبعا نسيت وايد ايات من الخوف ..ويه سالم كان مخطوف … انا خفت خفت .. اشصاير .. لايكون صاير شي فبيتنا .. حطيت يدي على قلبي اهدي نبضاته وانا خايفه .. وصدري ضايق .. جفت منصور الي كان معقد حواجبه وعيونه العسليه تتابع ويه سالم .. مشت السيارة بهدوء بعد هالموقف … والحان الموسيقى اختفت بعد ماكان يصدح باغاني فيروز الحبيبه .. عبرنا شوارع .. وطرقات وانا تفكيري شاغلني .. ياترى شصاير؟ .. ليش سالم ويهه مقلوب .. معقوله صاير شي؟؟ واخيرا بان بيتهم اقصد القصر وقلبي بدت نبضاته تهدى برجفه
"عذبه"
صكرت من سلوى وانا متحمسه موت على يتهم .. صحيح هذا العرس نحس وماحبيته بس الشي الي حلو فيه انه بيجمعنا مرة ثانيه انا وعيال خوالي .. كنت متحمسه وانا اجهز الفواله .. دخل منصور .. وايهته

منصور: يه يه اجوف الويه منور

ابتسمت بفرح: تدري عيال خوالي ياين؟؟

ابتسم منصور بساطه: والله ؟ .. خوش خبر .,.وليش فرحانه هالكثر

ابتسمت بشطانه: صراحة مشتاقه لايامي مع سوير وسلوي وحيوت .. ا فتحت عيني على وسعها .. اشلون نطقت بهالكلام .. واي عليك ياخوي

نزل راسه وسكت خفت خفت .. انا ايش سويت بغبائي .. حطيت يدي على كتفه ومن انتبه من سرحانه مشى بهدوء للدري بيصعد فوق .. انحرجت .. مو كفايه انه انحرم منها بعد اي ازيد الجرح واذكره كفايه فقدها للابد كفايه معاد صارت له ..

توجهت للمطبخ وانا مقره اني اصعد بعدين لمنصور : امي

شافتني اميه بعصبيه: ماتشوفيني ارمس؟ …

تنهدت بضيج : اوف .. اباج بسالفه ضروريه ..

اشرتلي بشو؟؟

قلت بحماس: صكري صكري بخبرج ..

عصبت وطنشتني .. طفشت .. رحت الصاله بعد ماطمنت ع الجيز كيك ..

رن التيلفون ابتسمت اكيد ساروه عرفت ويايه بتبارك .. رديت بحماس: مرحبا ؟؟

ياني صوت متوتر: عذابي وين انتي؟

قلت بغباء:بالبيت؟

قال بعدم صبر: في حد حذاج؟؟

هزيت راسي بالنفي وكأنه يجوفني وبعدها تذكرت وقلت : لا .. (بجفاف) شتبي؟

سعيد بغبنه: بمرج بعد ربع ساعه كوني جاهزة

قلت بعناد: ليش؟

سعيد بقله صبر: بلا اسئله مالها داعي

قلت بعناد وتكبر: مابي اي وياك

سعيد: بلا عناد عذوب روضه تعبانه

شهقت بقوة : شو؟؟؟

سعيد:: يايج

قلت بدون تفكير: دقايق واجهز ..

ركضت فوق بسرعه ولبست شيلتي وعبايتي وبسرعه نزلت تحت سمعت هرن سيارة سعيد وبسرعه ركضت لبرع بدون ماعطي لامي خبر كنت مستعيله وعقلي مب وياي ركبت السيارة وقلت بلهفه حتى اني ماسلمت: بلاها رواضي؟

اطالعني سعيد بكأبه: تعبانه شوي ..

هزيت راسي وانا اقول: ادري بش شو فيها بالضبط؟؟

ملامح سعيد ماكانت واضحه وهو ينقل لي الصاعقه: روضه طاحت من على الدري و و … فقدت حملها وعندها كسر فالايد و و ………………………… ……و الحوض ..!!

فتحت عيني بدهشه .. روضه حامل؟ وفقدت حملها؟؟ و كسر فالحوض .. كسر !!! نطقت بهمس: كيف؟

……….

"سلوى"

قاعدة بحيرة على الكرسي افكر بكلام ابوي .. اتزوج؟ .. بس انا صغيره؟؟افكر بكلامي مع عذوب .. نصحتني اتزوجه منها ادرس ومنها اتزوج .. بس مب عارفه .. خايفه .. مترددة ..اخاف مانجح فهالزواج .. اخاف افشل .. اخاف اعاني مثل سارة .. معقوله الي بتزوجه مابيكون حب من قبل؟؟
يمكن حب؟ وعاش قصه حب مثل منصور؟ .. يمكن انه زواج تقليدي؟ يمكن زواج مصلحه؟ .. يمكن يمكن .. مسكت راسي لاني بديت اصدع سمعت اصوات هرن تعلا .. اكيد وصلو ..

طلعت وانصدمت بحظن يلمني بقوة صحت بتأثر: ساروة حياتي وحشتيني وحشتيني وحشتيني وحشتيني وحشتيني وحشتيني ..

ساروه كانت ساكته وتلمني بقوة وهمست اخيرا : وانا وايد وايد وايد وحشتوني .. ضربتني وهي تبعدني : بس بتصيحيني الحين

ضحكت وانا امسح دموعي واجوف منصور متكتف ويطالعنا باستغراب ..رحت لعنده وبسته وشكله استحى .. ولانه استحى فانا استحيت بعد : الحمدلله على سلامتكم والله البيت بدونكم مل .. سروي يالله وياي ..

ضحكت ساروة وهي تقول: يالله يالله ..

ضحكت وانا اتذكر سالفه زواجي وانا اقول باكتئاب: عندي لج سالفه

فتحت عينها باثاره: حلفي يالله اقرب حجرة

ضحكت على خبالها .. ومشينا واحنا مستانسين وقفني سؤال ساره : عيل وين اهل البيت؟؟

توترت: ا .. امي يايه .. وابوي بالشركة .. وشهد بيت ابوها .. ماكنا ندري انكم بتيون سلوم توه يقول .. وسلطون بالطريج

سكت وكأنها تفكر شوي .. وبعدها ابتسمت هي بحماس: سلطانه يايه؟؟ ياعيني وحشتني ام عيون عسليه

طقيتها: نعم يعني انا مب عاجبتج

ساروه بالم: اي يالدفاشه ماتعرفين اني تزوجت صرت ركيكه ماستحمل اي شي .. رمشت بعيونها بدلع

ضحكت وهي كملت ضحك وياي بعدها قالت : بدل وبيج اوكي؟؟

ابتسمت بمكر : هالله هالله فاخوي مب تتعبينه اعرفج

طالعتني بتفهي: انجلعي زين ..

وطلعت .. ضحكت بسعادة .. شوي ويات سلطانه اختي .. سلطانه: وينها عيل الي كل ماتصل تتسبح حشا عفنت بالحمام

ضحكت وضحكت معاها : مادري عنها عاجبها الحمام هناك بتصور وياه

ضحكت سلطانه: الا اقول سلوي

ابتسمت: هيلا(هلا) >>كلمة السر بيني وبين سوير

سلطانه: انتو للحين مع دفاشه الفاظكم

قلت وانا اوقف بفخر : وبنستمر

ضحكت عليها وعلى ملامحها المعقودة : شتبين حياتي <<يعني اني ناعمه حيل

سلطانه طالعتني بقهر: اقول ردي سلوي ابرك جنه الا خانقينج مب قادرة تنطقين

فطست ضحك:ههههههههههههههه احين من الدفش ها؟

سلطانه: وينها ذي رقدت؟

طالعت ساعتي: اي والله جنها تأخرت صار لها ساعه ونص ؟؟

سلطانه: امشي نروح لها

ابتسمت وانا اصح لها: لالالا نشن هجوم عليها

ضحكت سلطانه: سلوي احسج متخبله؟

ضحكت: والله عشان ساروة ردت رديت لخبالي .. رحنا لغرفه ساروه .. كانت ساروة مايله ع الباب ومنصور واقف جدامها وكانو يتحجون ..

ابتسمت واستحيت يوم جفتهم جي .. وسلطانه صفرت بصوت قوي شوي .. التفتو لنا.. وابتسم منصور لسلطانه وسلطانه راحت لهم وسلمت عليهم وقعدت تقط نغزات وساروة تجوفها وتسبها بهمس وانا اضحك .. بعدين تذكرت الموضوع الي ابوي يبي اقوله راي بعد باجر .. ياربي .. اختفت ابتسامتي وانا افكر ..

اما منصور فكان مب فاهم شي من نغزات سلطون وكل ماتقول شي … يفتح تحقيق وياها … يعني شنو ؟؟ .. شنو معنى هالكلمه … زين انتي تكلميني ولا تكلمين سارة؟ .. انزين انتي ليش تضحكين؟ ويوم سلطون ترد عليه وتكلم ساروه تغمز لها وتضحك بخبث يرد منصور انا ماقلت شي ايضحك؟؟ ……الخ؟

………..

"لولوة"
لماذا لا نعرف قيمة من نحبّ إلا حين يغادرون ..؟؟

كم هو صعب على الانسان ان يتقبل
فكره فقدان عزيز على قلبه
… فعلا موقف صعب ومؤلم …

^^ .. أن تفقد أحد ..^^
تجربه لا تستطيع اختصارها ولا الهروب منها ..
فهي غصة أبديه .. فضلٌت السكنى في وسط الحلق ..

^^ .. أن تفقد أحد ..^^
يعني انه كتب عليك وللأبد أن تتحمل طعم الصبار والتي تنبت على شفتيك ..
وأن تكحل عينيك بالملح كل صباح ..
وأن تحمل الشتاء ب داخلك في عز الصيف ..

^^ .. أن تفقد أحد ..^^
معناه .. أن تقوم بإعادة طباعة الحروف التي سقطت من كتاب الأجل ..
وأن تحاول التكيف مع وضع قلبك الجديد الذي أصبح مربع الشكل ..

^^ .. أن تفقد أحد ..^^
يعني التأقلم مع سماع صوت الريح في وسط السكون ..
وأن تبتسم ملء شفتيك وأنت تعمّد بالنار في عزّ الهجير ..

^^ .. أن تفقد أحد ..^^
معناه .. إن الحزن قد قام بسرقة ثلاثة أرباع روحك ..
وأن غصن الشجره التي ترتاح عندها من عناء رحلة التحليق قد كسر ..
وأن الضمأ استعبدك وأنت في وسط نبع ماء ..
وأن تقتنع أخيرا بأن اليل لا لون له ..

^^ .. أن تفقد أحد ..^^
يعني أنك أضعت الدرب الذي يؤدي إلى طرق نفس الباب ..
وأن أجمل كتاب لديك لن تستطيع قراءته مره أخرى ..

^^ .. أن تفقد أحد ..^^
معناه ..ان تنام كل ليله على نصل الذكرى .. المزروع في يمين خاصرتك ..
ومعناه .. أن تشرب اللامعنى حتى الثماله ..
ومعناه ..أن تستسلم وسط الحروب الدائره بين الوقت والساعة ..

^^ .. أن تفقد أحد ..^^
معناه ..ان فصل الربيع قد ترك الزهور لفصل الخريف ..
ويأتي فصل الخريف ل يحتل قلبك وبقية حياتك ..

^^ .. أن تفقد أحد ..^^
معناه ..ان تكون العين بلا فائده ..
حين تستيقظ ولا ترى من تحب أمامك ..

لماذا لا نعرف قيمة من نحبّ إلا حين يغادرون ..؟؟
لماذا نتعلق ب أي شي منهم .. بعد رحيلهم ..؟؟

لكن .. ستبقى ذكراهم في قلوبنا
وستبقى اقلامهم في ذاكرتنا

صكرت عيوني ابلع غصه كبيره ..علي .. علي ستر علي .. ابد ماخبر بدر .. صحت بقوة ندمانه اه ياعلي .. شكثر شكثر حملتك مسؤليات .. معقوله ماقال لبدر؟ اكيد قاله الي سويته شي مب هين والله عارفه .. الحين الحين بس حسيت بنجاستي ..الحين حسيت باحتقاري لنفسي ..الحين بس تذكرت الريال الي تفل حذالي وكأنه يتفل علي .. حسيت اني قذره ماستاهل روح علي الطاهره .. لو قاله علي جان ذبحني .. جان نتفني وطلعها من عيوني .. فتحت عيوني بانفجاع وانا ارسم بالي شكلي اذا بدر درا وش بيسوي فيني .. مت من الخوف بديت ارتجف بشكل مب طبيعي ..
تذكرت حياتي ويا علي .. شلون كان يعزني ومقدرني ومرفعني.. كل شي كان متوفر لي .. حتى الحظن الدافي واليد الحنون .. صكرت عيوني وصحت بندم .. سمعت دق على الباب كانت امي : يمة غدى ..

صحت بقهر:/مابي شي مابي شي انتو ماتفهمون

سمعت امي تستعين بالله .. دفنت روحي بمخدتي وانا اصيح بقهر .. اكيد الحين خواته شمتانين فيني .. اكيد انه مايبيني .. اكيد ماراح يرجعني .. ليش ليش ليش

انا احبك .. احبك
بس توني انتبه
توني انتبه اني احبه
توني بس اعرف هو وشو بالنسبه لي

لالالا انا ماحبه
انا بس تعودت عليه وعلى دلاله
صحت بيأس انا محتاجته محتاجه له وايد وايد

رن تلفوني وركضت مثل المينونة برد على علي .. بس للاسف كان "خلودي"

رجعت اصيح بصوت اعلى… مب مهتم .. بكمل الحين اسبوع وهو للحين ماتصل ولا سأل عني ليش ليش .. اتصلت فيه بهستيريا .. من تلفون غرفتي ..

رن ورن ورن ورن ورن ..
ومامن مجيب
لكن رديت اتصل .. ياني صوت هادي .. : الو …؟

صحت وانا اقول : علي … علي ..

قاطعني وهو يقول باستنكار : انتي ؟؟ … انتي شتبغين ؟؟ عافج الخاطر .. خلاص انتي لج حياتج يامرة وانا لي حياتي …

صحت وانا اقول : اسمع….

صرخ علي وقال : لولوة .. مابيني وبينج شي .. الحين انا طليقج تعرفين شمعنى هالكلمه؟؟…

صحت وانا اقول : عل ..

قال لي بصوته الواثق الحزين .. :

خل نفترق تكفين .. و إحنا عزيزين
مدام قلبك صار ( قاسي و جاحد ) !

ماكنت لك [ واحد ] أساوي ملاين ؟
وشلون خنتيني على شان [ واحد ] !

الحين .. وش بعد الخيانه و بعدين ؟
شفتك معاه بعيني واله شاهد !

و مدام ( قلبك ) قادر يحب شخصين
ماهي غريبه .. لو تحبين { واجد } !

تقولين لي : راشد ! ب إسمي تغلطين
وتنادينه : علي ليه هو إسمه : راشد !

مثلك يشوف الحُب لعبه وتخمين ،
ومثلي يحب ، وعنده الحُب خالد !

إنتي الوحيده وسط قلبي ، وتدرين ..
ما فيه [ غيرك ] داخل القلب قاعد !

كتبت " أشعاري " لأنك : ب تقرين ،
وإلا شعوري من ه الأبيات زاهد !

يالله ، فمان اله ما أبي تردين
إنتي { خطايا } والخطا منّي – وارد

إنسانه حلوه صح .. بس ، ما تحسين !
وطبيعي [ قلبي ] من – جروحك . يباعد ..

صيري ف مكاني وشوفي شنهو تسوين ؟
يالي في قلبك [ شوق ] الأحباب ، بارد !

رايح أنا .. ولا تسأليني على وين ..
منّي لك أقرَب صار " كوكب عطارد " !!
صحت بانهيار وانا اسمع كلماته .. معقوله هذا علي .. لا لا .. علي مب قاسي جذي .. لا .. حرام عليك حرام ..
رميت التلفون بكل قهر على الطوفه وتفتفت جدام عيني .. صحت بضياع وانا اغطي ويهي وذكرياتي مع علي تهاجمني بقوة سمعت ضرب متالي ع الباب .. وصوت بدر يهز الاركان .. ارتجفت .. سمعته يصارخ ويسب .. كنت اطالع الباب مرعوبه لاول مرة .. صحيح كنت احس بخوف طفيف من بدر .. لكن احسه الحين وحش بيكسر الباب ويكسرني فوق الباب

حسيت الباب يتحرك .. مدري هو صج يتحرك ولا انا من الخوف قمت اتخيل ..

سمعت تهديدة اني اذا مافتحت الباب وفتحاه هو ماراح القى خير

مت من الصياح .. غطيت ويهي .. انا اشسويت .. انا غبيه غبيه .. اشلون مافكرت بهالشي .. اشلون

ارتجفت وانا افتح الباب .. طالعني بدر بعصبيه دز الباب حتى ضرب الطوفه بالقو ورد مرة ثانيه دخل بدر ..
وكان النور من وراه معطيه شكل ايخرع .. حسيت بخوف غير طبيعي .. مسكني من شعري .. وقال لي بعصبيه : تحجي يالحقيرة .. اشسويتي للريال

ايقنت ان علي ماقال له شي .. ولا كان ذبحني .. ارتجفت وانا اتخيل اشلون راح اموت .. حسيت بصيلات شعري بتقطع وهو يشد عليهم .. تحجي اقول لج .. لولوة

صرخت وانا اصيح : ماسويت شي .. ماسويت شي

دخلت امي على هالمنظر .. وصرخت على بدر يهدني .. وبدر كان معصب: خلني اربيها هالك *** انا تنزلين لي راسي "وقف عقلي من التفكير .. درى ؟؟ .. درى اني اكلم؟؟ .. واذا درى اني اطلع .. و و و .. " دزاني ع السرير بقوة ..

وهجم علي وبيده المخده بيخنقني .. مت من الرعب .. حسيت كل عرج فعيوني وجسمي طلع ينبض بقوة .. صرخت : يماه .. يماه .. بعدوه عني .. صحت بقهر

اما بدر فصفقني طراق حسيته خلخل مخي .. : تحجي .. شمسويه الا خليتي الريال يطفش ويطلقج؟؟ ها؟؟ الي اعرفه صبور .. ويتحمل كل شي .. اخلصي علي … تكلمي .. كان ساد ويهي بالمخدة وانا اتعافر تحت يدينه القويه

صرخت من اعماقي : آآآآآآآآآآآآآه

رفع المخدة .. وصطرني على خدي من يديد .. مسكت خدي وانا اصيح بقهر : مو من حقك تضربني وانت مب عارف شس

كف قوي سكتني .. صحت زيادة .. طالعت امي الي تترجاه وتيره يطلع وياها ويهدي

وقف بعصبيه .. ورفع صبعه يحلف : وقسم بالله يا لولوة وهذاني احلف بالله .. ان عرفت ان لج يد ودخل بالي صار .. صدقيني بتمنين الموت على الي تجوفينه

تفل على السرير عندي : تفو عليج من بنت ..

سمعت صياح امي وهي تهديه : واشعليك من بنتي .. يمكن شي صاير بينهم .. يمه لولوة تحجي .. انتي مسويه شي

هزيت راسي بعنف وشعري الناعم يتمايل يمين ويسار معاي .. هزيت راسي بقوة وانا خايفه .. هذا وهو مادرى عيل لو درى اشبيصير؟؟

شهقاتي وصلت للسما من خوفي وصياحي القوي