وليا عطيته وجه صار لك عله
وبعض العرب ماله سنع لكن حليل
بالضبط كنك لا تعمقت ظله
وبعض العرب من وين ماجيت كوكتيل
في زعمه أنه يفهم الكون كله
وبعض العرب لو هيضك ثرثرة ليل
وبكره ترى ما قال لك شي لله
وبعض العرب ما تصيده ألا مع الذيل
أما بغير الذيل ما أنت بلقله
وبعض العرب تلقاه بالحط و الشيل
أما بغير الشيل والحط زله
وبعض العرب ما غير بندق و دربيل
ومن وين ما هب الهوى جايز له
وبعض العرب يحتاج رفعه وتنزيل
وخله على هالوزنه اللي تعله
وبعض العرب ما هو بحاجه للتحلي
وزنه معك تربط عليه وتحله
وبعض العرب لا بالله ألا تهاويل
مهما عقدت الحبل لازم يحله
كد غربلوه ولكّعوه الرجاجيل
ومن قبل ما يصير الحدث حاسب له
وبعض العرب لا بالله ألا مهيبيل
لو تنصحه يزعل ولا تستظله
وبعض العرب تلقاه بالقول والقيل
يروح مع شله ويرجع لشله
على الهواء ينقل كلامك بتفصيل
أي خبر من حضرتك جايز له
وبعض العرب ناقص ولا يوفي الكيل
ومنه تعاف المدح والطيب كله
وبعض العرب يصلخ وينفخ وهو هريل
وليا بخصته ما تجيه بمحله
وبعض العرب يسلك مع الناس تمثيل
وليا لقاله طيباً يستغله
وبعض العرب من خلقته فيه تشكيل
مسحوب من درج الرجوله سجله
الوقت هذا وقت بزنز وتظليل
ينعاف لا برقت دقه وجله
أطلب من الله العزيز التساهيل
بأمره وعلمه كل عسراً يحله
صل الفروض ويقبلاً التنافيل
وحافظ على حلتك كان لك حله
كانك شجاع حيل حارب اسرائيل
قبل يهود القدس لا تستحله
كلش يهون الا الثلاث الغرابيل
المسكنه ! والمهزله ! والمذله !
عبيرالكلمات وروائع العبارات بعبيرها
مميزه بكل ماينزف به قلمك
كل الشكر لكِ ع المجهود الرآقي
لعمقك جليل التقدير
آرق تحيه لقلبك
آصعب دمعه …. العفو ي بعدي ~ منوره
