الوسم: الشعب

اخت من السعودية وجدا نقدر ونحترم الشعب الكويتي
شفت موضوع في احدي المنتديات
وهذا دليل على حب وتقدير الشعب السعودي لكم
والله لا يفرق بين ابدا
طبعا الموضوع من موقع سعودي واجد مشهور

اليوم جايبة لكم تقرير اتمنى يعجبكم

دائما نقرا مواضيع ان احنا الكويتين يغيرون منا ناس واجد

والخليجيين مايحبونا

والدوله الفلانيه ضدنا

ومن هالكلام

صحييييييييح بعض الكلام يكون صحيح لكن اكيد انهم فئه قليله

والخليجيين طول عمرهم اخوه لنا ويموتون فتراب الكويت

<< هذي مقدمه عشان اعطيكم فكره عن موضوعي اللي جليبته لكم

.
.

الموضوع

.

.

بالصدفه كنت ماره ع احد المنتديات الخليجيه

لقيت موضوع اسمه ( هذي الكويت صل ع النبي )

وبنقل لكم بعض كلام الاخوان واللي اغلبهم كانوا سعوديين

عندي بنت خال جميله وظريفه وسنعه < لزوم الترفيع قبل نطب فيها
تعشققق الكويت شي مو طبيعععععييي ! اوكي كل احد يحب دوله في حدود المعقول بس هي تعدت مرحلة العشق

الموقف الاول :
مره كنا طالعين من الجامعه وكنا في السياره متسدحييين وهلكانين وخاشييين جوو مع الاغنيه
الا البنت تشهق هذيك الشهقه اللي كأن روحها بتطلع < قسم بالله شكلها كان يشبه هذا الفيس
وانا قمت وانط معاها وانا مدري وش السالفه والف عليها واقول : الحين وش فيك انتي يالمخروشه ؟
وتقول للسواق بسرعه بسسسسرعه وراا السياره اللي قدااااام < محد سفهني ترا
وتلصق في الشباك وتمسك جوالها وتحاول تلتقط صوره وانا مرتاعه قلت شكله صادمنا هذا ولا سارق احد واشوفها تسوي زوم على اللوحه واستوعبت بالاخير انها لوحة الكويت
والرجال يأشر بيده وش تصورون ومير اقمطططططططط واقوم امعطها هي وجوالها واقول للسواق بسرعه للبيت لا يجينا شي بس

الموقف الثااااني :
في العيد الوطني كلنااا متحمسيييين ومتجهزين واعلااام وحوووسه
وقالو الحريم يلا كلنا بنروح في سياره وحده عشان اونس وكيذا
قمنا وركبنا والبنت مسبطه ( مالها حس )
الموهم لما وصلنا المسيره طلعنا الاعلام ونرفرف فيها منا ومنا ( فيس يحرك يدينه )
والا البنت مطلعه علم الكوييت وترفرف فيه بكل وثوق وانشكاح
ونحاول نثنيها عن رايها ونقول يابنت الحلال استخيري ههههههههههه
وهي معيييه ( رافضه ) وتركناها عاد بما اننا عائله ديموقراطيه

الموقف الثالث :
مرره راحت ذي الخبله لامها ومسويه الفتات الجديه
وقالت لامها بفاتحك في موضوع خطيير
امها : خير انشاءالله
هي : يمه انا قررت قرار !! انا ان شاءالله اذا تخرجت بروح اشتغل في الكويت و بحثت وعرفت الاماكن اللي اقدر اتوظف فيها واول مااتخرج برسل لهم اوراقي
امها طبعن سفهتها
هي : احمدو ربكم اني ماقلت بروح ادرس جامعه هناك اعرف انكم بتقولون بزر بس ماعلي منكم والله برووح تراني علمتكم بروح غصب
ومازالت امها سافهتها
وعلى فكره البنت من جدهااا تتكلم والله ومخططه لكل شيييي

الموقف الرابع والاخير :
مره اتفقنا اني اجيهااا
لما وصلت ادق ابيها تفتح والبنت ماااترد
قلت يارب انها ماسحبت علي وراحت مكان ماا < متعوب عليها
الموهم دقيت على شغالتهم وفتحت
وارقى غرفتها وافتح الباب بهزئهااا الا البنت تصييييح وتشاااهق ومير ادور استك لا اغوص من دموع البنت ههههههههههه <
واورح لها يابنت الحلال وش فييييك ؟
ومتنحه في اللاب وتصييييييح
واسحب اللاب بشوف
الا الاقيها مشغله اوبريت
وانا مرتاعه من جدها ذي ولا تستهبل اوكي كلنا نحبه وكذا بس مو لدرجة صياح

<< هذا كان بداية الموضوع من الاخت اللي ذكرت قصة قريبتها

لكن شوفوا الردود

هههههههههههههههه

ياحبيلها .. خلاص لازم نزوجها كويتي .. الله يوفقها يارب
والكويت ياحبيلها مافيها مثلها والله

عادي ياحلوهُ خليها تفلهآ
ويارب جعلهآ تعرس على كويتيُ ، وتاخذني لاخوه
والله انا اشوفه شيء عاديً جدآ جدآ مع انهآ مبالغه حبتينُ
انا احبُ الكويت كذا من ظهرَت على الدنيا وش السببُ وليشَ ماادريُ ، بس مااعرف شيءَ عنهآ
المحبه من اللهَ

الكويت شبابها بعضهم مهتمين بالاناقة لدرجة اوفر وهذا شي يخليها تحب البلد

زي بعض البنات يحبون طريقة الاماراتيين في العارض وهيك فيحبون الامارات

طاير من الفرحه طاير وحشني شوف الكويت
مادري ليه ذكرتها
عادي يمكنها تحب الكويت والله يرزقها تعيش بالكويت
لانها البنيه حالتها صعبه ويمكن ماتشفى من حبها
لانها تحضر الاوبريت و……

الكويت وديرتنا نفس الشيءماهنا فرق
يعني اللهم ان عندهم شوي تحرر اكثر منا
بس الخشش اللي عندهم عندنا
مناخهم نفس مناخنا
يعني متقاربين فكلش الا كانها خقت على ممثل وقالت زوجوني كويتي االلمهم الحب من الله عاد حبت الكويت الله يهنيهم فبعظ

ماشوف فيها شيء… أنا أحب الكويت من الله من دون سبب جذيه..

خليها توسع صدرها.. طالما مو حرام … والكويت أهلنا ومنا و فينا شنو فيها اذا حبت هالديره

يكفي انك انت وساره من الكويت علشان نحب الكويت واهلها

وبعدين الكويت صغيره وكيوت وتنحب بصراحه

صدق البنات انواع الفراغ العاطفي انا اول مره اسمع ان وحده تحب دوله خخخخخخ لاحظ دوله كامله

لكن البنات صراحه من تالي صاروا يحبون كلش ولا استغرب بكره تلقا موضوع عنوانه ( كم اهواك ياحوثي .. ابيع من اجله الدنيا ومافيها )

يقول علي القحطاني في حب الكويت :

كوني كبيره مثل ما انتي كبيره …. ولا يعني ان الكبر في كبر الاجسام

من و أنا صغيره أحب الكويت والله
بس حب بنت خالتك أعظم مني وأنا أصغر منها بسنه
مآ أدري وش السر ؟ ( لا تجون مدرعمين وتقولون تحبين كويتي لا والله ومو شرط اتزوج كويتي لا عاتي )
بس اني احبهم واستانس لشوفتهم سواء هنا بالمنتدى أو بأي مكان من السعودية
وأتمنى أزور الكويت

أمنيتي أروح الكويت

كان معي واحد في الجامعة بيروح الكويت وقلت له أبشر بالخوي بس ما كتب الله نروح..
أحب الكويت وأهلها..
الكويت أقرب دولة خليجية لقلبي – بعد السعودية طبعاً – << خاف من التسفير
أتذكر أيام الأزمة جا يدرس معنا في فصلي طالب كويتي ما أنساه دب و خبل هههههههههه الله يذكره بالخير..

و البنت أكيد أنها حابة لها واحد كويتي فاقعن قليبها زي ما قالت ريبيليوس قيرل..
نحب الكويت ما قلنا لا بس ما توصل أطلع جوالي أصور لوحة سيارة

منهو مثل الكويت ؟؟؟

نخله مداها الفضا ما تنكسر ابداً .. منهو مثل الكويت ..

يحق لها .. لأنها ذوق وتفهم ..

مع اني اشوف ان كثير من الي يحبون الكويت .. بسبب الوسط الفني .. والممثلين .. والمسلسلات ..!

وانا ما اقصد البنت الي تتكلمين عنها لانها حسب علمي تعرف كل شي عنها..

الكويت ديره تنحب بكل مجالاتها .. بناسها .. بسياستها .. بشوارعها .. بكل شي .. كل شي

شهادتي فيها مجروحه ..

وطني الكويت سلمت للمَجدِ … وعلى جبينك طالع السعد
وطني الكويت وطني الكويت … وطني الكويت سلمت المجد
يا مهد آبائي الآولى كتبوا
سفر الخلود فنادت الشهب
الله اكبر .. انهم عرب
طلعت كواكب جنة الخلد
وطني الكويت سلمت للمجد … وعلى جبينك طالع السعد
بوركت يا وطني الكويت لنا
سكنا وعشت على المدى وطنا
يفديك حـر في حماك بنى
صرح الحياة باكرم الأيدي
وطني الكويت سلمت للمجد … وعلى جبينك طالع السعد
وطني الكويت وطني الكويت … وطني الكويت سلمت للمجد
نحميك يا وطني وشاهدنا
صرح الهدى والحق رائدنا
واميرنا للعز قائدُنا
رب الحمية صادق الوعد
وطني الكويت، وطني الكويت … وطني الكويت سلمت للمجد
سامحوني ياهل الكويت اذا كان فيه مغالطه في النشيد ترا من زماااان عنه ..

من اجمل الدول صراحه الكويت لا شعب ولا ثقافه ولا حضاره..ولو الله يفكها من بعض العينات اللي
تعكر جو الكويت انكان طلعت من ارقى الدول ..

ومن مايحب الكويت
لبّى الكويت وأهلها والله

يختي صح هي مزودتها حبتين
بس ازين من انها تحب لها شي ثاني

عآدي خليها تحبها يآرب تزرقها ماتتمنى
الكويت تستآهل منا وفينا
انا يومني بزر كنت احبهم ومسجلة بالمنتدى كرمال عيونهم كل ابوهم
بس الحين الحمدالله عقلت يعني احبهم بس مو زي يومني بزر
الله يهنيها يارب ويسعدها مع زوجها الكويتي <- يارب حقق لها ماتبي تعاطفت معها

وطني حبيبي .. وطني الغالي .. وطني النجم العالي وطني
شعله مضيئه كلمة جريئه .. وطني .. وطني وطني

الله الله يا شمس الحياة .. الكويت الكويت رمز الحياة
الله يا كويت .. يا كويت الله .. الله يا كويت انتي الحياة

^
ان شالله ما يكون فيها غلط

ليتهم يخلون بزرانا يردوودنها بالمدارس ياناس حلوه .. كل شوي اسمعها
اجل حقتنا النايمه

الكويت دوله مسلمه سعوديه وكلنا نحبها والحمد لله مافيه شي لما تحبها ولو كان بالمشاهق
احسن لها كل ماتشاهق تزين الحبال الصوتيه

الكويت
//
هي السعوديه

وشي عادي لما بنت تحب دوله او منقطه او شي معين

مثلي انا احب ديرتنا كثير ومتعصب لها بعد

ما فيها شي خلو الناس يحبون الى يبون ويسووون الى يبون

هي سوت شي حرام ما يرضي الله ورسوله ؟؟
خلاص خلوها في حالها

الكويت الكويت الكويت قلوب من الرياض لين الكويت
سبحان الله انا زيي بنت خالتك احبها من يوم اني بزر ابو عشر سنين لاحد يقول مسلسلات وفناانين لا مدري ماعرف ليش مسلسلاتهم اعيدها مليون مره مااملل

الله لا يلومها في حب الكويت .. من وعينا على هالدنيا وحنا ما نتابع الا مسلسلات و مسرحيات كويتية
و حتى افلام الكرتون في ذيك الفترة كانت اغلبها بأصوات كويتية
صحيح انهم كانو حايقين ام محتوى الكرتون لا من احداث ولا من شخصيات لكن زي العسل على قلوبنا

عارف والله يا الكويتيين لا شفتو ردي بتقعدون تجاملوننا وتقولون انكم حتى انتم كنتو تتابعون مسلسلاتنا
بس طبعا ما حصلتو شي يستاهل المتابعة ..

الكويت

ونعم الدوله كنت احبها بس لما رحت لها زاد حبي لها شعب راقي فعلاً

خالتو تنجن على الكويت بشكل مو طبيعي واهي كبيره مو مراهقه عادي يعني

احس كل انسان لازم يحب دوله غير دولته اما تعجبه حضارتها او تطورها او علمهآ اي شي فيها

اي بنت خالي

عمرها 13

كانت ترسم على يدها وجها علم الكويت .. والناس تحتفل بالعيد الوطني واهي مع الكويت

مرحبـا يا ســور الكـويت العظيــم
درعنــا ما يكسره قوى الســلاح
نـور دولتنـــا من العهــد القديـــم
كيف يغـرب والزعامـــة للصبــاح
دـيرة الأمجــاد تلقاهـــا نعيـــــم
وان وصلها ضايق الصدر استراح
كف ابو ناصر على الكويت غيــم
صرح عال وقف بوجـــه الريــاح
انطــوى في هيبتــه قلب رحيــم
عود عال فـوق مفرود الجنــــاح
ان رضى جنه ومن يزعل جحيـــم
هذي أطباع الرجال أهل الصلاح
من يريد الحلم من راس الحكيـــــم
ومن يريد الموت من روس الرمـاح
ما يضيع العهد من كف الكريــــم
نحمد الله وفقـــه بيد الصبـــــاح

والله هالبنت ذوووووق وتحب ديرة اهل الذووووق

قولي لها اهل الكويت يموتون ع السعوديه
ولا يقر لهم بال الا براحتنا
حب قديم متأصل
منذ الأزل
وأسألوا كل ابو الناس

معذوره شباب الكويت يجننون
أتكلم عن الشكل وليش المضمون

يختي الله لايلومها بحب الكويت هي اول حب بحياتي
والله هالبلد اغلى بلد عندي من بعد السعوديه اهلها ناس راقيه وطيبه
الكويت تستاهل كل الخير والحب

وهـ بس يا لبى الكويت ويا لبى اهلها

الله لا يخلينا من دول الخليج والله يا لهم محبة خاصة من الله كذا

انا جتني فترة من كثر حبي للكويت صاروا اخواني بعض الاحيان يسموني يا الكويتية

بس حالة قريبتس غريبة انا اول مرة اشوف احد يتعلق بدولة لهالدرجة

ان شاء الله تتزوج كويتي يهنيها ويسعدها

الكووويت واهل الكويت على راسي والله شفت الاعضاء الكويتين هنا اتعب وانا اقول ذووق
بما يخص الموضوع انا كنت كذا كنت امووووت في شي اسمه الكويت قبل لاتطور وتصير المكسيك
كنت مافي فناان ولا كومبارس كويتي ماحبيته لدرجه حبيت ابراهيم الصلال
من درجـــة حبي لهم صرت ادخل على منتديات ومواقع كويتيه واحفظ لي كم كلمه علشان وشسمه اذا خطبني كويتي لااني اطلع زينه واعرف اتحجى كويتي
هالحاله قعدت معي يمك سنتين او ثلاثه يعني اغلب حياتي في متوسط احب الكويت بما فيها من ديره وشوارع واوادم

ياكويت …. يحق لك وانا بعد يحق لي …
مغرور بك وانتآ بعد مغرور بي ….

الكويت ,,,
الدولة الوحيدة التي قلمــا تجد من يكرهها ….
الدولة الوحيدة التي يمكن أن تشبهها بالعروس دومــا …
الدولــة الوحيدة التي تراها كافة دول الخليج كالاخت الحنونه ….
الدولة الوحيدة التي أكل من خيرهــا القاصي قبل الداني والصياد قبل الراعي …
الكويت الدولة الوحيدة التي تجتمع فيها أغلب فصائل قبائل الجزيرة العربية وتتفرع منها ونحوها …
الدولة الوحيدة التي يمكن أن أسميها " الدانة "
الكويت …

عندي ثقه تاااااااااامه وقناعه تااااااااااامه

ان الخليجيين الاصيليين يحبووون بعض

لا لا ما يحبون بعض الا يعشقووون بعض

ونحس ان احنا كلنا واحد

لكن للاسف طلعت فئه حديثاً غرضها الاساسي تنشر الفتنه بين دول الخليج وعيالها

والا من عمر واحنا نغني خليجنا واحد … وانا الخليجي وافتخر اني خليجي

والعرب اصلا (بعضهم) يحسدوننا على خليجيتنا

لان في بينا رابط ما انوجد بين دول العالم العربي كلها لا مو العالم العربي الا قولي العالم كله

والله لا يفرقنا وبيعد عنا هالفئه اللي ما غرضها الا الخراب والفتنه

8
8
8

بذمتكم فيه احلا من هالكلام ؟؟!!

اهل السعوديه واهل الكويت وكل اهل الخليج واااحد الله لا يفرقنا ولا يخلينا من بعض

الله لا يحرمنا من مواضيعك المميزة

دمت بخير

معظمنا لا يعلم أن الشعاب المرجانية من الكائنات الحية، ولا يؤمنون بأهميتها البيئية، والقليل فقط من الغواصين و الصيادين الأسماك يعلمون ويدركون الدور الكبير التي تقوم به الشعاب المرجانية في البيئة البحرية. ومن هذا المنطلق ودت ان اشاركم بهذه المعلومات عن هذه المخلوقات الرائعة (الشعاب المرجانية) في البحر الأحمر، متمنياً لكم قرآة ممتعة:

و لا تأخذ كلام العاذل المظلم من العله

احبك عز و لا يلمس خفوقك من سنيني ليل ..

احبك صبح انا ما جيت اهين القلب و اذله

احبك كثر ما قدر كريم الأصل معنى الهيل ..

و احبك كثر ما فاحت على عيون البدو دله

من الآخر تبي تعرف انا و شلون احبك حيل ..