الوسم: المعجزه

متوفر زيت نبتة الشمطري الأصلي الصافي النقي من اي مواد كيميائيه او حافظه وغير مخلوط مع اي زيت اخر , ممتاز للشعر لصحته ولمعانه وحيويته وعلاج مشكلة تساقط الشعر والأهم تطويلة بشكل ملحوظ بإذن الله تعالى…
كما أنه يجب التأكد من عدم وجود فقر الدم أو نقص فيتامين د حتى تتم فعالية الزيت

حبايبي يارب تكونوا بخير دايما يارب
انا انهاردا جبتلكم حاجه حلوه اوي للشعر سمعت عنها وقولت وماله اجربها لاني لقيت ان مكونتها مش فيها حاجه تخوف وجابت نتيجه حلوه اوي مع شعري وقلت افيدكم بيها

المكونات

كريم المعجزة

1- حمام كريم( اى حمام كريم متوفر عندك وعلى فكرة مش شرط يكون غالى لاننا هنضيف عليه اضافات هتخليه احسن من اى حمام كريم غالى وهتشوفوا معايا) انا جبت حمام كريم فاتكا حلو اوي من غير حاجه اصلا وانا بحب استعمله بس كل واحده تختار اللي بتحبه عادي

زيوت اساسيه اجباريها
2-زيت خروع
3-زيت سمسم و زيت زيتون
4- 7 فصوص توم بقشرها
5-حزمه جرجير

مكونات اختياريه

6-جاز (ربع فنجان )

الحوامل والمرضعات بلاش يحطوا جاز
طبعا كلكم عملتوا كدامفزوعةمستفاجأةيا خبر بس مش تقلقوا خالص انا كمان في الأول عملت كدا وبعدين كنت هشيل الجزء دا من الخلطهمش موافقة بس بحكي لمامتي علي اساس ان دا غلطه ممكن او هبل ماما قالت مش عارفه سيبك منها وخلاص بالصدفه كان في واحده عندنا جارتنا قالت ليا الجاز دا حلو اوي للشعر وبيخليه يلمع بطريقه رهيبه وبيتقل الشعر طبعا انا كنت مستفجأه جدا من اللي بتقوله وقلت انا هجربه وامري لله ولو حصلي حاجه مش هيحصلك طيب هعملك كداهونمتخرشمة قالتلي علي ضامنتي طيب والريحه يا حاجه قالت بمجرد ما تغسلي شعرك كويس خلاص بتروح لأنه ريحته بتطير قلت لها اوك استني عليا بس انا بهددك تاني لو حصلي حاجه هكهربك جلا جلا ولما جربته لقيت المفاجأه شعري بقي بيلمع اووووووووووي وتحسيه تقل الضعف بحد تحفههييه هييه
7- زيوت اختياريه أخري

زيت خردل – زيت جنين القمح- زيت جوز الهند
كل مكترتى زيوت كل مكان افيد
اسمعونى بقى كويس فى الخلطه
الاول

الخلطه دى مش من دماغى لوحدى ولا من دماغ اللي كتبها هيا قالت ان في دكتورة كانت قايلاها فى برنامج وقالت ضيفوا اى زيوت على حمام الكريم بتاعكم كلها مفيدة للشعر اى زيوت عندكم وكمان ربع فنجان جاز حتى المذيعه قالت لها جاز قالت ايوة جاز

انا طبعا ضفت التوم علشان الفايدة تبقى اكتر لان التوم زى محنا عارفين مفيد اوى لانبات الشعر وتتقيله بس بصراحه مش ضفت زيت جنين القمح ولا الخردل لانهم مش كانوا متوفرين عندي

نتوكل على الله
هتجيبى حمام الكريم بتاعك وتجيبي علبه كبيره او تاخدي نصه في علبه تانيه علشان تخلطي عليه المقادير وتبقي تحطيها في التلاجه تاخدي منها وقت ما تحبي

1- هتجيبى الجرجير وفصوص التوم فقط وفى الخلاط مع شويه ماء صغيرين خالص علشان ينضربوا بس انا مش حطيت ميه انا حطيت زيت مش فاكره كنت حاطه معاه انهو نوع بس اي حاجه وممكن كلهم علشان يمشوا الجرجير والتوم فى الخلاط واديله ادى فى الخلاط لغايه يبقوا مهروسين كويس
2- هتحطى الخليط اللى فات على حمام الكريم ونقلب

3-هتحطى الزيوت اللى فوق اللى انا كتباها
يعنى بما يعادل 4 معلقه كبيرة من كل زيت (زيتون – خردل -سمسم -خروع -جنين القمح")
4- ربع فنجان الجااااز بما يعادل_(2 معلقه كبيرة جاز)
5 -قلبى كويس جدااا
وتشيليهم فى الثلاجه مش برة اوكى
يتعمل مرة بالاسبوع ويتحط
من ساعتين لتلات ساعات
بصراحه انا أخري ساعه كل واحد تبع ما هو متعود وانا بردوا كنت خايفه من الجاز بس الحمد لله مش حصل حاجه
وكمان جربتها علي شعر أختي وكان وحش اوي وتحسيه مفرود كدا كنت بحس انه خلاص مفيش أمل منه لانه كان مموج وفظيع وكمان ماما قصته لها علشان يتعدل مفيش فايده ولا طول ولا مليلما جربت الخلطه دي بقي حلو اوي وطري ومفرود وبدأ يطول بعد ما كان خلاص مفيش امل وطول كتير عن الاول وبقت مبسوطه به اوياحلى ابتسامة بس كانت بتستعمل خلطه الزيوت كمان زيت كل ما تغسل شعرها تحط منه وكل فتره تلف شعرها طاقيه بالبنس اكيد الكل عارفها والله بقي جميل
كمان والله جربت الخلطه دي علي بنت خالي صغيره لسه في تالته ابتدائي وبعدا ما غسلت شعرها وبسرحلها لقيتها بتحسس علي شعرها وبتقلي شعري تخن وطول يعني طفله حست بفرق في شعرها

طبعا الكل هيقولي طيب وانتي فين من كل دا مش بتقولي جربتيه هقولكم بس براحه مش تزقوا كدا انا جربة عليهم الأول هع هع هع امال يعني اجرب في نفسيالشر كله اجرب علي حد شعره كان ضايع اصلا انا الحمد لله شعري حلو وطويل اوي بس انا ربطاه علي طول لاني كل ما افرده ياخد العين التمام وماما وخلاتي بيقعدوا يزهقوا فيا ويقولولي انتي السبب تستاهلي فبريح نفسي واعمله كحكه بسكر علي طول او اي حاجه بس مربوط وكمان لما بسيبه الاقيه هايش دي مشكلته وغير كدا شعري علشان تقيل ناحل من قدام بدايه شعري راجعه اوي دي اكتر حاجه مضايقاني المهم علشان انا رغيت كتير جدا وهبط جربته علي شعري وبجد ارتحت له جدا بقي شعري طري ومفرود حلو وحسيت بفرق وطبعا كالعاده لما بسيبه بيتبهدل فاأنا جربت بعد بهدله وكان بيقع بطريقه غبيه لقيته بقي حلو ومش بقي بينزل زي الاول الحمد لله

في الأخر بقي علشان عارفه ان في ناس هتسأل علي الريحه ايه اخبارها بمجرد ما تغسليه كويس الريحه بتروح وبيبقي تمام

معلومه صغيره

انا كنت بزور المس اللي كانت بتدرسلي انجليزي طول الدراسه وبتسألني علي فرحي وكدا فقالت ليا اوعي تعملي اي حاجه في شعرك هو حلو مش تبوظيه فبقول لها ان انا بستعمل خلطه الزيوت في الوقت الحالي كويسه وقبلها كنت بستعمل دابر امله راصيه عنه جدا بس السعودي انا مش جربت المصري خالص قالت ليا سيبك من الزيوت واعطتني علبه فزلين للشعر لونها اصفر كدا واسمها نانيس وعلبه كريم فاتيكا قالت ليا استعمليهم حلوين اوي انا مش بحط لبناتي غيرهم وفهلا بناتها شعرهم طري جدا وبيلمه مع ان بنتها الصغير شعرها يعتبر مفيش بس طري اوي ومن وقته بجد وانا بستعملهم من شهرين كدا وبجد هجيب تاني وتالت وعاشر منهم الريحه تحففففففففففففففه من هنا لبكره الاتنين ريحتهم بجد روعه وبتفضل في الشعر لما ماما تحط لخويا الصغير علي شعره منهم اعرف ان في حد تطاول علي حاجتي من الريحه جميله اوي بجد من هنا لبكره وقبلهم كنت بعطر شعري بأي برفيوم عندي ارفع ايدي وارش علي شعري من بعيد كدا بيبقي حلو بس كنت بخاف ينشف شعري وفي ناس بتتحط وكمان جربت يت الياسمين نقطه منه علي الشعر روعه

يايرت اللي يعجبها الموضوع تقيم علشان الكل يستفاد وكمان طمعانه انكم تدعولي دعوه حلوه ان ربنا يحقق ليا كل اللي بتمناه