الوسم: الاقدار

هذي قصة بنت اسمها (العنود)عمرها 20سنه ذات جمال وعيون لوزيةعسلية اوساع وشعر لونه اسود متوسط الطول سنه اولى جامعة،وبنت اسمها (هيفاء)بنت خال العنود وعمرها 19 سنه توها مخلصه ثانوي وبنت ذات جمال اسمر وعيونها اوساع وسود ومسحوبه على فوق شوي وشعرها اسود حرير وناعم.بنات عيلة معروفة و مرموقة بالسعودية.

…..الج الأول زء….

دخلت العنود للمطبخ عشان تتريق وحصلت امها لوحدها قاعده تتريق حبت امها على راسها:صباح الخير يمه
ام حمد:صباح النور حبيبتي ..
العنود:اجل يمه وينهم اخواني؟
ام حمد: يعني وينهم راقدين ماتعرفينهم اخوانك الي قاعد ساهر على الانترنت ولا الي قاعد يلعب بلاي ستايشون لين الساعه 7 الصبح..الا انتي وش عندك صاحية هالحزه؟
العنودوهي تصب لعمرها نسكافيه:لا يمه ولا شي بس انا مواعده هيفاء بالفيصلية عشان نشتري شوية اغراض ناقصتنا للسفرة.
ام حمد:لحين ماخلصتوا اغراضكم ماعد بقى شي على السفرة .
العنود:لا بس اشياء بسيطة مرة يعني انا ناقصني كذا ايشارب وهيفاء ناقصها بنطلون حق وحده من بدلاتها.
ام حمد:انزين لاحد يطول.
العنود:ان شاله اي شي ثاني ؟
ام حمد:سلامتك بامانة اله.
قامت العنود لبست عبايتها واخذت شنطتها وطلعت وفي هذا الوقت هيفاء واقفه عند مدخل الفيصلية الرئيسي تنطر العنود ومتضايقه حدها وقاعده تسبها في نفسها وتقول:معليه فيها الخايسة بتشوف ايش بسوي فيها اقولها الساعه تسع ونص الحين الساعه صارت عشر واهي للحين ماجات،ماشافت الا العنود داخلة من البوابه قاعده ادورلها وعقبها طلعت تليفونها تبي تتصل على هيفاء الا وحدة فارصتها بايدها بقو قامت العنود تصرخ وهي صاره على اسنانها:آآآآآآآآآآي شفيك يالخبلة تفرصيني؟
هيفاء وهي تنوفخ من الزعل:يعني ماتدرين وش فيني…وش عندك متأخرة لهالحزه؟
العنود واهي تفرك مكان الفرصه:ياختي قمت متأخروبعدين كلها الا نص ساعه متأخره …
هيفاء:ايه عادي عندك لانك مومثلي مافطرتي وميته من الجوع…

العنود:طيب كان دقيتي علي وانا اقولك افطري لغاية ماجي.
هيفاء:وانا ايش يعرفني انك بتأخري كذا..
العنود:طيب ياحبيبتي ولا يهمك انا عازمتك على الفطور على حسابي ايش رايك؟
هيفاء واهي شاقه الحلق:صدق؟
العنود:ايه صدق…يله نروح..ها وين خاطرك تفطرين؟
هيفاء:عشانك تاخرت علي نصف ساعه بنفطر في ستار بوكس تعويض لي..
العنود وهي تكشر:اوه بس انا ماحب ستار بوكس ماعندهم شى غير الكروسون والكيك …!
هيفاء وبنظرة تعجب…وش فيك انتي مب انتي الي عازمتني.. وتفرضين علي وش اكل بس ..بس اكلي تبن..
العنود:ياسلام طراره وتشرط ..ياذكيه كنت ابي افطرك في مطعم لبناني يجن ..عنده مقبلات ..فول وحمص وفاصوليا تاكلين اصابعك وراه..
هيفاء:أي اجل ..احسبك بتفطريني همبرغر مع الصبح ..
* * * * * * * * *
وهم قاعدين ياكلون في ساحة المطاعم ..جات هيفاء باكلها من المطعم ما خلت شى في خاطرها خمت الي في المطعم كله ..لعانه في العنود وهي تطالعها بحمق ..العنود: لا مانتي بصاحيه..حشى بتاكلين هذا كله ..اله يقطع بليسك فشلتينا..
هيفاء: وش علي منهم انا ..واله يالعنود من زمان ماطلعت الفيصيليه وتمشيت..
العنود :واله ماحد قالك حابسه عمرك في البيت .. وتذاكرين كنه ماحد عنده ثانويه الا..انت كلهم يدرسون ويطلعون في الweek end !
هيفاء:بس يالعنود كان كل همي في ذاك الوقت اخذ اعلى نسبه ..عشان تقبلني كل الجامعات..على الاقل سجني جاب نتيجه خذيت اعلى نسبه..(98%)
العنود:الي يسمعك يقول بتاخذين الدكتوراه
هيفاء:اجل..انا ناويه اخذ الدكتوراه والماجستيربعد..ليش الي خذوها احسن مني .. العنود:بنشوف يادكتورة زمانك ..بكره اذا جاء حبيب القلب نسينا هالكلام كله .. ولهيت بالعيال..
هيفاء:لاعيوني.. مانخلق الي يخليني انسى دراستي ومستقبلي ..بعدين انا اؤمن بمساواة الرجل والمرأه..
العنود : ياله يادكتوره تاخرنا وماشرينا شى..
(هيفاء بنت طموحه وتحب الدراسه طول عمرها مشتطه حق الامتحانات ,, واذانقصتها علامه ..شغلتها مناحه في البكي..والرومانسيه عندها معدومه ..ولا يهمها الطرف الاخر .. عكس العنود ..حبوبه ومرحه ماخذه الدنيا على هواها وتحب تقرا الروايات الرومانسيه الي يشوفها يقول عنها مغروره بجمالها ..بس هيفاء ماتقل عنها خفة دم وشطانه ودلع..الاثنتين ماخذين حقهم في الدلع ثالث ومثلث………)

يوم خلصت هيفاء من اغراضها قعدت تستنى العنود الي مابينت ..قالت لها انها بتروح هارفي نيكولاس تشتري ايشاربات وبترجع ..ياله هالبنت بتجني..
يوم التفت لقت العنود في وجهها.. وينك طولت ..البنت وجهها معتفس
هيفاء:وش فيك العنود ..؟
العنود :هذا الاخ الي وراي ..جني ماخلاني اتسوق على راحتي.. يطاردني على كبر المجمع..هيفاء بنظرة استغراب هو وشلون شاف وجهك..(لانهم متغشين)
العنود:رفعت الغشوه عشان اشوف الشالات عدل الا هذا الاخ وراي يرقم ..
مارديت عليه قام يلحقني ..ماخلاني اتسوق على راحتي…
هيفاء :وينه,,وينه,,,خل اعلمه وشلون السنع ..
العنود :ياختي خليه ..وش عليك منه الحين بنروح البيت ..هههههههههههههه الحين من جدك وش بتقولين له ..
هيفاء:وش اقوله انت الثانيه ..ارويك سنع الله فيه..بالشبشب على راسه..
العنود:هههههههههههههههههههههه. .يلا السواق عند الباب..
وهم في السيارة قاعدين يسولفون العنود طرا عليها شي
العنود:ايه..هيفاء تدرين من في لندن ؟
هيفاء:من؟
العنود:لا انتي حزري مين؟
هيفاء ونفذ صبرها:اوف اخلصي علينا مب فاضيتلك مين؟
العنود:بيت عمي محمد هناك..
هيفاء:واله معناته الهنوف معهم..واله واحلوت السفرة..
العنود:تدرين والله ان احنا قاطعات ماكلمناها من زمان..
هيفاء:اسكتي لا تقولين حتى انا من زمان ماكلمتها…
العنود وهي تطالعها بخبث:اقولك احنا من طينة وحدة وانتي منتي مصدقة..
هيفاء وهي مصدومه :فال الله ولا فالك انتي تشبهيني….مستحيل
العنود وهي ترد بترفع:قصدك وش جاب القرد تاشرعلى هيفاء عند الغزال تاشر على عمرها…
هيفاء شهقت:انا القرد يالغوريلا…
العنود وهي كاتمة ضحكتها من شكل هيفاء:اذا خاطبك السفهاء قولوا سلاماً:
هيفاء هنا عصبت :انا سفيها ….طيب ياعنيد ان ماوريتك ماأكون انا هيفاء.
العنود وهي ميتة من الضحك:هههههههههه …امزح معك يالخبلة شفيك كذا ماخذتها جد؟
هيفاء:خلاص بتشوفين حتى لو تمزحين ماراح انساها لك..
العنودوهي تتلصق بهيفاء :يله عاد..انا عنوده حبيبتك تزعلين علي…يله.
هيفاء مخطه شي للعنود بس عشان تسكتها رضت
هيفاء:خلاص ..خلاص خلي منك هالتلصق رضينا ..اوكي؟
العنود بنظرة شك:بجد؟
هيفاء:ايه بجد..
العنود رضت وبعدت منها وضلوا يسولفون لغاية ماوصلت هيفاء لبيتها ورجعت للبيت.
………………………… …………
في نفس الوقت بريطانيا فيه شاب سعودي من اكبر عوائل السعودية عمره 25 سنه واسمه فواز يدرس بجامعة السانت هيرست العسكرية بريطانيا مافيه بنت جت لندن بالصيف الا وعاش معها قصة حب واذا خلص الصيف تخلص القصة معه، والبنات ماينلامون فية لان فواز ملفت للانتبه بالمرة لانه طويل وعريض وشعره اسود وعيونه بنية والي محلية اكثر اهي القمزة الي بخدة الايسر ..يعني باختصار هو جميل مب جميل الطلعه بس فيه رجولة طاغية…

كان قاعد بالمحاضرة لما اهتز جيبه فطلعه علشان يشوف مين الي متصل الا اهي وحده من صديقاته وقام ابتسم بسخرية وصك التليفون بوجها ورده بجيبه،فهد صديقة انتبه للحركة الي سواها فواز فاستغرب منه هالحركة فقام همسله علشان الدكتور ماينتبه:فواز وش عندك سكرت الجوال؟
فواز :هذي وحده ماتفهم اني ماعد ابي اسمع صوتها ولا اشوفها…
فهد:اها ..لايكون سارة البنت الكويتية..
فواز:ايه اهي.
فهد وهو يهز راسه:ياخي انت ماتخلي منك هالحركات؟
فواز وهو متنرفز من نفس الاسطوانه:انت ماتسكت من هالسالفه ياخي قلنالك حر…
الا الدكتور يكلمهم وهو زعلان:fahad….fawaz would you pleas be quit!
(فهد…فواز ممكن لو سمحتوا تسكتون)
فهد:sorry Dr
ردوا ينتبهون للمحاضرة

.الج الثاني زء….
في المطار كانت العيلة كلها مجتمعه يعني والدة هيفاء والدها ونفس الشي مع العنود الي كانت مرة متوترة من الرحلة لان بيني وبينكم عنود فيها خوف من الطيارة على كثر مايسافرون بس تخاف،وهيفاء كانت مخطه تخلي الرحلة جهنمية لعنود انتقام لذاك اليوم وهيفاء مب من النوع الي ينسى،فلما اعلنوا بالمايك ان على كل الركاب المتوجهين للند الحضور للبواه رقم 32 عنود انقلب وجها الوان فتمسكت بامها خايفة
عنود:يمه قولي ثاني مرة ايش هو دعاء ركوب الطيارة.
ام حمد:عنود ماله دعوه هالخوف كله سمي بالرحمن.
العنود واهي متنرفزة من برود امها:يمه بنركب الطيارة وانتي لسه ماقلتيلي الدعاء….
ام حمد:سبحان الذي سخر لنا هذا وماكنا له مقرنين وانا الى ربنا لمنقلبون…حفظتيه ؟
العنود :اصلاً انا حافظته بس الخوف خلاني انساه..
حمد اخوها قاعد يطالع امه والعنود الي متمسكه فيها من الخوف يمشون قدامه فقام يبي يخوف العنود شوي.
حمد:يمه…مادريتي؟
ام حمد: لا مادريت ..
حمد:تعرفين ليه تاخرنا…؟
ام حمد:لا والله ليه؟
حمد بخبث:لان الطيارة كانت عطلانه فلما صلحوها نادونا..
العنود هنا التفت على حمد وهي مبقه عيونها :حمد بجد تتكلم؟
هيفاء فهمت حركة حمد فكملت معه:ايه صحيح كلام حمد انا كمان عرفت بس ماحبيت اخوفك.
حمد قمز لهيفاء على العبة الي يلعبونها على العنود:اف نسيت انك تخافين من الطيارة… بس خلاص يالعنود انتي كبرتي على هذا الخوف ..وبعدين الطيارة خلاص صلحوها ..
هيفاء تبتسم بخبث:ايه كلش الي يسمعك يقول الطيارة بطيح علينا..
العنود هنا ماستحملت فطقتها صيحة،وقعدت تقول انا مب راكبة الطيارة وشكلها كان يكسر الخاطر فحزن شكلها هيفاء فقامت قربت منها..
هيفاء:عنوده يالخبلة تبكين …انا وحمد قاعدين نمزح معك الطيارة مافيها شي…
العنود وهي ترفع وجهها الي صاير احمر:يالكذابه .. الحين تكذبون علي عشان اركب الطيارة..
حمد وهو يضحك على اخته:هههههههههههه والله انك سخيفة وما عندك سالفة .. اقولك ترا احنا كنا نمزح معك ويله قومي و خلي منك هالحركات ..
العنود وهي اطالعهم الاثنين بحمق : صدق انكم اسخف ناس قد شفتهم بحياتي…والتفت على هيفاء..وانتي لاتقعدين جمبي بالطيارة فاهمه؟
تركتهم العنود وركبت الطيارة وخلت مها اخت هيفاء تقعد جمبها بالطيارة.
وحمد قعد مع امه وابوها قعد مع خالها ومحمد المسكين قاعد جمب واحد اجنبي وهيفاء يوم شافت ان العنود من جدها ماتبيها راحت وقعدت جمب امها.
هيفاء..وهي قاعده في الطائره تذكر الي صار قبل اسبوعين والي غير مجرى حياتها ..كان اخر شى توقعه..بس هذا نصيبها..كانه صارلها بالامس ..(في ذاك اليوم الي رجعت العنود وهيفاء فيه من السوق..كانت هيفاء قاعده على الماسنجر تكلم رفيقتها ..الا امها داخله عليها ..وجهها يعبر عن شى ..جلست على السرير مقابلتها ..ام فهد:يما هيفاء..ابيك تسمعين كلامي زين وتركزين ولاتكلمين ليمن اخلص كلامي..
هيفاء:خير يما عسى ماشر روعتيني.. ام فهد:خير يايمه مافي الا العافيه بس انت لا تستعجلين هيفاء:تستعجلين وتركزين لا السالفه كبيره.. ام فهد:امس بعد المغرب كانت عندنا خالتك لطيفه وكلمتني في موضوع يخصك .. هيفاء:واله يالبى قلبها والله مشتاقه لها حيل.. بعدين ليش ماقلت لي اجي اسلم عليها ..لحظه لحظه ..قلتي موضوع يخصني..اي موضوع ..؟ ام فهد وهي معصبة:خلصت .. خليني اتكلم ولا تقاطعيني..خالتك جات امس عشان تطلب يدك حق عيال اخوها منصور .. هيفاءوبنظرة خوف :لا مستحيل اخذ تركي ..تركي لا ..لوتفضى الدنيا من الرجاجيل ماخذه .. امها وقفت ومسكتها من كتوفها :من الي قال انك بتاخذين تركي ..وش فيك نسيت نواف اخوه .. هيفاء وبنظرة دهشه: نواف .. امها :أي نواف..نواف الي خطبك وقال انه يبيك من زمان بس استنى لين تخلصي الثانويه ..يقول انه حطاك في باله من يوم كنت صغار ,, ويتمنى اليوم الي تكوني فيه مرته.. هيفاء تطالع امها بنظره حزينه "يما بس انا توني صغيره على الزواج وقدامي مستقبل وطموحات في نفسي اسويها ..والزواج بيعطلها.. ام فهد:لا بس ولا شى ..الولد بخير ونعمه ..ولا تنسين انه من عيال منصور الضاوي ..مستعد يخليك تدرسين في احسن الجامعات وبرع زي ماتمنيتي وكفايه النسب الي بنستحقه من وراه ..كل بنت تتمنى تاخذ من عيال الضاوي..هذه فرصه وماحد يضيعها .. هيفاء وهي حزينة: يما ..بس كذا انت تبعيني ..انا غير عن كل البنات ماتهمني الفلوس والجاه ..انا يهمني اخلاقه تفكيره شلون ..يما نواف مايناسبني.. امها وبنظرة اندهاش:انا ابيعك!!انا ابيع الناس ولا ابيعك.. انت بنتي.. شمعةالبيت انا يا يما اتمنى اليوم الي اشوفك فيه بسعاده في بيت رجلك ,,ونواف لو ماشوف انه يناسبك ماقلت لك اخذيه بعدين لاتنسين هذا ولد اختي .. هيفاء:يما ,,بفكر بس بشرط ..انه ماراح املك عليه الحين بعد ماخلص ثاني سنه جامعه ..بس انا قلت بفكر .. امها وبابتسامه عريضه:استخيري يابنتي وفكري زين لاتستعجلين اخذي راحتك هيفاء:ان شاء الله يما بفكر في الموضوع .. امها وهي تطلع من الغرفه التفت لها:الا هيفاء..وش فيك خفت من طاري تركي ..لا تنسين انه بيصير حماك ولا زم تتعودين عليه.. هيفاء وهي ترتجف : ها أي ..تركي لا يما بس ماتخيلت يوم من الايام انه بياخذني ..وحتى انا مابيه .. ام فهد:ليش وش مسويلك عشان تاخذين منه هذا الموقف ..بالعكس تمنيت انه ياخذك ..بس النصيب..يلا ياحبيبتي ..بخليك تصبحين على خير.. هيفاء:وانت من اهله يالغاليه.. هيفاء اول ماطلعت امها من الغرفه طاحت على السرير من الرجفه الي تسري في جسمها ..قعدت تطالع السقف يارب انا في كابوس ..انا مافكرت في الزواج واذا فكرت ..مب من عيال خالي منصور..(تركي…كل ماسمعت هالاسم كوابيس الماضي ترجع لي ..اوبالاحرى الذكريات الحلوه الي انقلبت فوق حدروصارت ذكريات حزينه للحين من جروحها اعاني وغيرت كل الموازين واولها مشاعري ..تجاه تركي ..الي تغيرت من مشاعرصداقه الى الكره..) ليش يارب ..ليش وش معنىنواف اخو تركي ..كل ماتذكرت وجه امي وفرحتها ارجع اغير راي ..لا لا تصيرين انانيه ..فكري في ابوي وامي..اه تنهدت هيفاء.. في هاليله النوم ماقاربها قعدت تفكر في القرار.. الي بغير مصير حياتها كله.. قامت هيفاء الظهر وهي تحس بثقل بجسمها وبتعب لانها مانامت الا كم ساعه حست انها مافيها حيل تنزل تحت ..الا سمعت الباب يطق عليها.. هيفاء بصوت مبحوح :ادخل .. الاوجه ابوها السموح يطل:صباح الخير ياحلى بنت في الدنيا.. (وفي يده صينية فطور) وهي تطالعه بنظرة صدمه:يبا وش له متعب عمرك تجيب الفطور بنفسك ؟ كان خليت الخادمه تجيبه..ههههههههههههههههههه تصدق ماتخيلت يوم من الايام اشوفك كذا.. ابوها:هههههههههههه ليش مايليق علي اشيل صينيه..وش اسوي ماشوفت وجهك على الفطورالصبح ..قلت اجيبلك الفطوربنفسي.. فيها شى اذا اشتاق اب لبنته.. هيفاء:ههههههههههه لا مافيها شى يالغالي ..بس ماراح اكل الا بشرط ..؟ بوفهد:وشوالشرط….؟ هيفاءوهي تضحك:انك تاكل معي ..لان الاكل معك يابوهيفاءيفتح النفس.. بوفهد:بس هذا ..انت ماتطلبين ..انت تامرين امر..يلا يابنتي سمي بالرحمن واكلي.. بدات هيفاء وابوها..ياكلون بصمت ..حست هيفاءفي نفسها ان ابوها يبي يكلمها عن موضوع امس بس ماعرف شلون يفاتحها .. الجو الي بينهم كان مشحون بالمره ..استنى ابو فهد لمى تخلص هيفاء من فطورها .. ابو فهد :هاخلصت يابنيتي..(هيفاء هزت راسها موافقه)في العافيه يا بنيتي .. هيفاء:اله يعافيك..ها يبا جيتك هنا فيها شى ..شكلك تبي تقولي حاجه.. ابوفهد:أي يبا ..على ماظن امك كلمتك امس ..عن نواف..وجيت اليوم اشوف وش نويت عليه والصراحه ابي اريحك من هواجيسك..الي تفكرين فيها.. هيفاء:هواجيس ..اي هواجيس؟ ابوها:يابنتي انا على خبري فيك من يوم كنت صغيره وانت تفكرين في غيرك قبل نفسك ..وانا اعرف انك ناويه توافقين عليه عشان تفرحين امك .. بس انا جاي اقولك انه مهما كان قرارك احنا راضين فيه واذا رفضتيه راح تكملين دراستك وتاخذين الدكتوراه الي وعدتيني فيها ..اما اذا وافقت عليه راح تفرحينا.. والله راح يوفقك معه ان شاء الله .. هيفاء :مادري وش اقولك يبا انت كذا ريحتني من هم ثقيل .. ابو فهد:لا تقولين شي..بس احذرك اذا بتوافقين عليه وافقي لاسباب تخصك انت مو عشانا ..احنا مانبغي الا سعادتك..يلا انا بخليك تفكرين على راحتك. هيفاء والعبرة خانقتها: يبه ..(ماقدرت تكمل الي تبي تقوله فقامت وضمته).. بو فهدمنصدم:ههههههههههه..الحين ابغيك تفكرين تروحين تبكين..اذا البكى هو الحل كان قلت لك ابكي من زمان.. بس امسحي دموعك لا تخليني ازعل عليك تدرين اني ماقدر عليها.. في هاليلة قرت هيفاء انها توافق بعد تفكير طويل لانها راح تظلم نواف اذا حكمت عليه من خلال اخوه
في حي راقي في الرياض على بعد شارعين من شارع العليا فيلا لفت انتباه الناس بجمال تصاميمها للي كان علىشكل تصميم هندي..كان بيت منصور الضاوي من اكبر التجار في الخليج وسمعته الي تهز السوق هز..الفيلا تكون من ثلاث طوابق ..في الطابق الارضي كانت العمه لطيفه تكلم ام فهد بالتلفون .. العمه لطيفه :صدق الله يبشرك بالخير والله انه هذا احلى خبر سمعته .. ام فهد :واله انه هذه الساعه المباركه الي ناسبناكم فيها.. العمه لطيفه:خل اروح ابشر نواف بيطير من الفرحه.. الا باب الصاله ينفتح ويدخل نواف وهو تعبان من الشغل.. العمه لطيفه ماسكه السماعه:الطيب عند ذكره.. تعال ياولدي ابشرك.. نواف مستغرب:بو وشو عمتي؟ العمه وبفرحه واضحه:هيفاء وافقت عليك ولدي.. نواف مازال مومصدق الي يسمعه:هيفاء وافقت..انافي حلم ولا في علم.. مدت له بسماعة التلفون :وهذه خالتك ام فهد على الخط كلمها باركلها.. كان نواف متحمس خذا السماعه:هلا خالتي ام فهد .. ام فهد:هلا بولدي نواف ..
مبروك مبروك..يولدي..تستاهل ضحك نواف:اله يبارك بعمرك ياخالتي..وش اخباركم..ان شاء الله طيبين.. ام فهد بخبث :وش اخبارنا ولا وش اخبار هيفاء ..عالعموم احنا بخير نواف:هههههههه بالعون سؤالي عنكم عامة ماقصد فيه حد.. بس مادامك جبت طاريها وش اخبار الغاليه .. ام فهد:ههههههه من الحين غاليه..مانت بهين يانواف نواف:واله ياخالتي غلاها بقلبي ماتغير..الاخالتي اذا ماعندك مانع اكلمها ابارك لها.. ام فهد حست بارتباك:ها..اي هيفاء بنتي طالعه لبيت عمتها اذا ردت بخليها تكلمك يلا حبيبي ما اطول عليك سلم على عمتك لطيفه ومع السلامه.. نواف حس بخيبة امل :اله يسلمك نشوفك على خير.. ام فهد حست براحه انها ماكلمها لان هيفاء من يوم وافقت وهي ساكته ماتكلم تمشى مثل الميته حست انها ظلمتها بس ماحد جبرها تاخذه..اله يهديها.. وتقتنع.. سكر فهد السماعه وهو مكتئب..وعمته تطالع فيه.. رفعت راسها له:وش فيك ياولدي اختبصت.. نواف بهدوء :لاولاشى كنت ابي اكلم هيفاءبس طلعت مب موجوده.. العمه لطيفه وفيها ابتسامه:لاحق عليها ان شاء الله الا ماكلمنا اخوك تركي نقول له .. نواف وهوسرحان:أي لازم نقوله خبر مثل هذا لازم يعرفه .. العمه لطيفه:بس اناكل ماكلمته مايمسك الخط شكله مسافر بلاد بعيده.. نواف باهتمام:متى اخر مره كلمتيه.. عمته وهي تفكر:اخر مره قالي انه في اليابان عنده صفقه بعدين بيروح لندن عنده اجازه هناك.. نواف :اجل شكله عاده في اليابان لان الخطوط صعبه من هنا لهناك.. ونواف بينه وبين نفسه يقول وهو يبتسم ابتسامة خبث :وينك ياخوي تسمع هالخبرية…..

بمطار هيثرو كانوا العايلة الكريمة توها واصله وحمد قاعد يدق عل فهد ولد خاله يشوف وينه لانه مواعدهم ياخذهم من المطار التفت على اخته يبي يشوف وش حالها الا وقام ابتسم باستهزاء من شكلها الدرامي هز راسه وراح قعد عند الكافية ينطر فهد.
هيفاء وهي قاعدة قرب العنود وتهويها من كثر ماهي مصفرة ..المسكينة داخت عليهم بالطيارة و كل دقيقه رايحه الحمام وراده في الاخير هيفاء حنت عليها وقعدت جمبها..
العنود تلتفت على هيفاء بتعب :ها السيارة جت ولا لسه؟
هيفاء تناظر صوب حمد وحصلته يشرب كابتشينو ردت للعنود:لا شكلنا مطولين اشوف حمد قاعد بالكافية…
العنود: ياله تصدقين اول مرة ادوخ من الطيارة كذا…
هيفاء تضحك وهي تتذكر شكل العنود: هههههههههههه…بس لو تشوفين شكلك كان متي من الضحك…خسارة ياريت كان عندي كاميرا كان صورتك…ههههههه..
العنود وهي تطالعها بنص عين:تمسخرين حضرتك…اقول اسكتي لا اعطيك كف الحين.
لحظات الا فهد امبين من بين الناس ياشر على محمد قام محمد وفز من مكانه عشان يسلم على فهد:هلا هلا والله بمحمد…
محمد:هلا فهد..شخبارك؟
فهد :واله الحمداله..الا الاهل وينهم ؟
محمد يأشر على مكان ما قاعدين:هناك عند الكراسي…
قام فهد راح لهم واول ماشافته هيفاء طيران بحضنه وفهد يضحك على شكل اخته اول مرة تطلع مشاعرها كذا ولا دايم مناقر معه..
هيفاء:هلا والله بحبيب قلبي فهد..واله لك وحشه..
فهد بأستغراب:هلا فيك …وبعدين ايش هذا الكلام علينا هالحكي ياهيوف..
هيفاء وهي تكشر بوجهه:انا الغبية الي اعبر..والا انت مو وجه كلام حلو…
فهد وهو عيونه على امه:اقول قومي خليني اروح اسلم على الغالية وخر هيفاء وراح حب راسه امه وايدها وهي قعدت تصيح من شافته ام فهدوهي تمثل الزعل :اقول وخر عني توك تحس ان عندك ام ..اعنبوك يالظالم ماتكلمني الا مره بالاسبوع والزيارات من سنه لسنه … فهد وهو يضحك :يما الله يهداك هو علي كيفي ..الدراسه هنا صعبه حتى في الاجازه لازم ندرس ..واذا على المكالمات السكن محدين يوم واحد في الا سبوع نكلم فيه الاهل .. ام فهد ودموعها سيلان على خدها :بس انا امك اوله عليك وابي اسمع صوتك.. فهد بابتسامه:من يلومك يالغاليه …اقطع لسان الي يلومك ..هههههههههه الله يهديك بس ..
بعدها فهد قام وسلم على ابوه وعمته وزوجها وقام يتلفت يدور على حمد وسأل ابو حمد:اجل ابو حمد وينه ولدك…لايكون ماجا معكم؟
الا واحد يرد عليه من وراه:مب على كيفك ماجي.. ياحبيبي هذي لندن ماتفوت..
ضحك فهد والتفت على ولد عمته:هلا والله بالغالي..
حمد:اله يحيك ها يابو عبدالعزيز.. اشوفك نسيتني ولا كنه عندك ولد عمه لا الو ولاشي..
فهد:واله ياحمد انت اعرف بحال الجامعه..
حمد:معذور ..معذور ياولد خالي..
فهدالتفت عليهم وقالهم ياله خلونا نمشي وخذاهم من المطار الى الشقه.. وهم في طريق من المطار رن تلفون هيفاء ومكتوب على الشاشه (توام روحي ) هيفاء وهي مستانسه :هلا والله حبيبي وش اخبارك .. نواف:بخير ياعمري من سمعت صوتك وانابخير ..هابشريني وصلتواحبي .. هيفاء : أي الحمداله وصلنا والاهل يسلمون عليك .. نواف:اله يسلمهم الا من استقبلكم في المطار .. هيفاء باستغراب: وش فيك نسيت فهد اخوي يدرس في لندن .. نواف :اها وين يدرس اخوك .. هيفاء:يدرس في جامعة سانت هيرست العسكريه .. نواف متعجب :اوف اوف مب هين اخوك هذا يدرس في احسن جامعه عسكريه .. هيفاء بفخر: أي وش علبالك ..بعدين جايب نسبه تقبله احسن الجامعات الي يتمناها .. نواف: غريبه اخوك هذا يوم احنا صغار مايلعب ..بدوي كل سوالفه عن البر ودايما يروح مع عمانه المزاين .. (المزاين: مسابقة لاحلى ناقة) هيفاء :ههههههههههههه في هذه معك حق ..انت مادريت بسالفته مع الانجليز ..تصور كان معلق في غرفته في السكن صور الطيور والأبل والحباري ..وش سوى رفيقه في الغرفه طلب ينقلونه غرفه ثانيه نواف:ليش؟؟ هيفاء :هههههههههه يحسب اخوي مجنون عشانه معلق صور حيونات غريبه عليه.. نوافوهويضحك :هههههههه في هذه ماراح الومه اخوك مب صاحي .. هيفاء:يلا حبيبي تامر على شى قربنا نوصل من الشقه .. نواف:احرصي على نفسك ويلا بامان الله حبيبتي .. هيفاء: في حفظه ورعاته يالغالي..
العنود وهي تطالع هيفاء بخبث:يالغالي مرة وحده…متى صار هذا؟
هيفاء وهي تتكلم من جدها :تصدقين يالعنود اول كنت اتهرب من مكالماته ولا عطيته فرصة لكن الحين لما عرفته طلع غير بالمره…
العنود وهي تمعن بهيفاء وتحس انها مانست الموقف الي صار مع تركي :هيفاء لساتك مانسيت الي صار..
هيفاء وهي تناظر العنود:شلون تبيني انسى ..ماقدر انسى ولو ايش يصير ماقدر… هيفاء فتحت دريشة السياره عشان تشم شويةهوا ..كان الجو يجن والهوا يلعب بشعرها وتساقطت خصلات على وجهها الملائكى كان شكلها روعه مثل الرسمه هيفاء كانت سرحانه تذكر الي غير مشاعرها تجاه نواف كانت بعد خطوبتها تهرب من مكالماته..لين اضطرت تواجه الامر الواقع وتكلمه ..وياليتها ماكلمته ..كان كلامه معها حلو ويفهمها من غير ماتكلم خلا قلبها يميل له غصب بعدها شوي شوي تعودت عليه اذا مر يوم وماكلمها تشتاق له بس للاسف ماعصفتها مشاعر الحب الي تسمعها بالافلام قلبها ما يضرب بقوه اذا سمعت صوته بس يمكن عشانها ماتشوفه.. في السياره الاولى كانت فيها عمتهاو اهلها..والسياره الثانيه يسوقه فهد اخوها ماجرها لهم وكانت العنود معاهم ولما التفت لها هيفاء حصلتها في سابع نومه بعد الدوخه الي حاشتها ..وصلوا عمتهم اول لشقتها بعدين راحوا لشقتهم لقوا وجه باسم تعود يستقبلهم كان هذا بواب عمارتهم الايطالي مارشيلو : hello senior salman hello mom بعدين فتح يدينه عشان يضم مها اختها ooh suniorita come here and give mar****oo a hug.. مها اختها مدت ايدينهاتقاطعه مخترعه : no mar****o im now a big girl you cant huge me.. مارشيلو:you always well be my little girl
(لان خلودمن يومها صغيره وهي دلوعة مارشيلودايماً يلعبها والحين بعد سنه كبرت) التفت مارشيلو على هيفاء وهو يضحك:hello suniorita how are you I see you still beautiful. هيفاء وهي تضحك :im fine thank you ابوها :mar****o can you give me the keys مارشيلو برعب :what keys ser? ابوها بعصبيه:the key s of my apartment?mar****lo what happen to you.. مارشيلو..كان منصدم :but I thought the key with fahad ser ابوها:what..? مارشيلو:yes sure. because the Boland family left and didn’t give me any thing. التفت فهد لابوه :لا يبا ماحد عطاني شى ابوفهد :mar****o they cheat on me we don’t have the key مارشيلو وجهه حزين :im sorry ser (ابو فهد ماجر شقته لعائله بولنديه وكل صيف ياخذ الشقه منهم عشان يصيفون فيها..وهالمره خذوا المفتاح معهم..) ام فهد والخوف بادي على وجهها :وش بنسوي الحين يابو فهد .؟ ابو فهدبتفكير:مافي الا نقعد باوتيل لين نلاقي شقه ناجرها او لين يحلها اله.. هيفاء وهي تحس بخيبة امل :بس شقتنا هذه حرام تروح علينا.. ابوفهد:ماراح اسكت عليهم راح ابلغ عليهم الشرطه .. ابو فهد طلع الموبايل من جيبه وكلم نسيبه ابو حمد .. ابو فهد متضايق :مرحبا بو حمد .. ابو حمد:هلا هلا سلمان ها بشرني عسى وصلتوا الشقه ولقيتوها نظيفه .. ابو فهد:أي شقه ياخالد مافي شقه ,,غشونا البولندين وخذوا مفاتيح الشقه..
ابو حمد:لا حول ولا قوة الا باله ..طيب والحل الحين مافيه مفتاح ثاني…
ابوفهد:لا والله ياخوي مافيه ..لكن الحين فهد يتصل على الاوتيل يشفلنا حجز لين مانحصلنا شقة ناجرها..
ابو حمد وهو متضايق:وش هالكلام يابو فهد تروح تسكن في فندق وشقتي موجودة..
ابو فهد:واله ماتقصر يابو حمد.. بس بعد مانبغي نثقل عليك..
ابو حمد يقاطعه:لا والله ماتسكن الا عندنا ..هذا انا حلفت وخلاص انتهى الموضوع…
ابو فهد سكر من ابو حمد وراح بلغ العايلة فانتقلو جميعا لشقة ابو حمد الواقعة في منطقة مايفير..ومحد مستانس من هالفكرة اكثر شي الا ثنتين وانتوا تعرفون مين….
قامت العنود من النوم وكلها نشاط ومستعدة لأول يوم لها بلندن التفت لهيفاء لقتها رايحة بسابع نومه قعدت تضحك وهي تتذكر سهرتهم امس والله انهم مخابيل ولا فيه احد يقعد على السطح ويقعد يغني بانصاص اليالي…هزت راسها وقامت عشان تاخذ شاور وتستعد علشان الطلعة..ولما رجعت لقت هيفاء لساتها نايمة فراحت عشان تقومها…
عنود وهي تهزها:هيوف ياله قومي…هيوف
هيفاء وهي تئن :قومي عني خليني انام…
عنود وهي متنرفزة:هيوف قومي عاد لاتسيرين سخيفة ..عاد ليمن تقومين وتخلصين يبيلك ساعه…ياله قومي.
قامت هيفاء وهي تأف:اوف قمت خلاص ….ارتحتي..
عنود وهي تبتسم:ايه ارتحت ياله اجهزي ولحد يتأخر علي ابي اروح سلفردج..
هيفاء وهي تبق عينها:سلفردج ..وع..طيب خليها هارودز..
العنود وهي تطالعها بنص عيون :انا قلت سلفردج يعني سلفردج..
هيفاء :طيب امرنا لله سلفردج..سلفردج..
قامت هيفاء للحما وعنود نزلت عشان تتفطر،شقتهم عبارة عن طابقين تحتوي على اربع غرف وصالة وغرفة طعام ومطبخ 3 حمامات وتميز الشقة بلونها الابيض..نزلت وحصلت العايلة مجتمعين ومخلصين فطورهم ماعدا اثنين وهم حمد وفهد..
ام حمد:قمتي يمه..
عنود:ايه يمه..فيه فطور؟
ام حمد:ايه على الطاولة حبيبتي..
ام فهد: اجل هيفاء وينها ؟
عنود:الحين بتجي..
راحت العنود تتفطر وبعد شوي الا هيفاء داخلة عليها ولابسة نظارة شمسية العنود استغربت هالشي..
العنود:هيفاء شفيك لابسة نظارة ؟
هيفاء وهي مبرطمه:عيوني متنفخه..
فسخت النظارة عشان توريها العنود ولما شافتها العنود ماستحملت شكلها فقعدت تضحك عليها..
هيفاء وهي تطالعها زعلانه وتعطيها نظرة نارية:تضحكين يالخايسة..
العنود وهي ترد عليها بسخرية:واله ماحد خايس الا انتي وبعدين لاتعطيني هالنظرة اخاف عيونك اتنفخ زيادة..ههههههههه
هيفاء وهي تقلدها:"اخاف عيونك اتنفخ زيادة..ههههههه" بس جاب عاد ويله اخلصي علينا خلينا نروح..
قاموا البنات اخذوا اغراضهم ومصروفهم وطلعوا اخذوا تاكسي وراحو لسلفردج ولما دخلوا دخلوا من بوابة المكياج مكان العنود المفضل قامت العنود تحوس فيه وتشوف المكياج الي يناسبها وتشترية ..هيفاء زهقت من كثر ماهي تمشي وراها .
هيفاء:اسمعي العنود انا بروح قسم الشناط اذا خلصتي دقي علي اوكي؟
العنود:اوكي..ايه ولا تنسين ترى انا عازمة الهنوف على الغدا اليوم..
هيفاء:اوكي..باي
رجعت العنود للمكياج تشوف وتجرب وتشتري ماخلت شي بخاطرها
…………….
فواز الي كان واقف عند بوابة سلفردج الرئيسية وقاعد يدق على فهد وهو مايرد عليه،ارتفع ضغطه صايرله ساعه وهو ينطره ولا جا شكل الاخو نساه ونام،طيب انا ايش الي موقفني هنا خلني ادخل داخل احسن لما دخل عدا قسم العطور وقعد يمشي الا لقا نفسه في قسم المكياج وكان يمشي رايح للدرج الكهربائي لما الفت نظره وحده قاعده تجرب مكياج وتناظر نفسها بالمنظره وكانت لابسه بنطلون جينز وفوقه فستان بربري قصير وايشارب بربري فراح عشان يقط عليها الرقم عل وعسى تتقبله.
العنود وهي تجرب حمره وردية تناسب لون بشرتها البيضا وتطالع نفسها بالمنظرة حست انا احد قاعد يطالعها التفت تشوف مين وتطيح عينها بعين فواز الي اول ماشاف وجهها اهتز بدنه..ياله معقوله يكون فيه بنات بهالجمال الطبيعي للحين
ماكانت حاطه مكياج كثير مثل باقي البنات بس حلوه فقام عطاها وحده من ابتساماته الشهيرة وهو متأكد انها بتأثر فيها وقالها: والله حلوه ولو شتسوين..؟
هنا العنود اتبدل وجهها من ذهول الى البرود والاحتقار عطته نظرة احتقار وصدت منه ومشت وهي قلبها مثل قرع الطبول..
هو انصدم من موقفها وتبدل وجهها الى الاحتقار مافي بنت قد سوت معه كذا من قبل.. هناهو ماستحمل فقام وقط عليها كلمة قبل لاتبتعد كثير:وش حاسبه نفسك من زينك عاد…
العنود وهي لازالت تمشي: صدق انك ولد شوارع وماتربيت..
فواز ماستحمل الي قالته مو مصدق ان احد يقول له هالكلام فقام طلع من القسم وراح للقهوة المغربية بالطابق الاخير وطلبله قهوه وهو مقهورمنها وفجاءة انتبه لشي :انا شلون سكت لها ..شلون خليتها تكلمني كذا..يمكن لانها اول وحده ماعطته وجه.بس معليه بوريها بنت الذين..ماكون فواز العالي ان ماسنعتها..

في نفس الوقت هيفاء كانت تتبضع لما جات العنود وجها معتفس هيفاء حست ان العنود مب طبيعية فخلت الشنطة الي كانت بيدها وراحت لها ..
هيفاء:العنود عسا ماشر اشفيك؟؟
العنود:ماشي بس انا خلصت انتي تبين شي ولا خلينا نروح..
هيفاء حاسه انه في شي :ايه خلصت يله نمشي..
طلعوا من سلفردج وعبروا الشارع وهم قاعدين يمشون قامت هيفاء اقترحت انهم يتغدون بالمطعم الايطالي spegati house الموجود باكسفورد بما انهم مغرمين اكل ايطالي
العنود وافقت معاها وهي للحين متوترة من الي صار لها هو صحيح كان حلو بس هذا مب سب انها تحس بخوف هذي مب اول مرة تتعرض لموقف زي كذا بس دقات قلبها خوفتها.
انتبهت هيفاء لسرحان العنود واستغربت منها توها اليوم كانت مستانسه و تجن..وصلوا المطعم واطلبوا المنيو..قامت العنود ودقت على الهنوف…
الهنوف:الو!
العنود:يامرحبا والله بهالصوت..
الهنوف اعرفتها:عنيد ..اهلين شلونك يالقاطعه..افا اهون عليك كذا تقطعيني لا مو بس انتي وبعد الخايسة بنت خالك..
العنود:السموحه يابنت العم..وبعد انتي تدرين الظروف..
الهنوف:ها متى بتجون لندن والله واحشيني…
العنود وهي تضحك:ههههههههه..طيب تبين تشوفينا
الهنوف:اكيد…وفجاءه شهقت:لا تقولين انتوا بلندن؟
العنود:ههههههه..صح
الهنوف وهي مرة مستانسه:اجل قوليلي وينكم عشان اجيكم؟
العنود احنا بسبغاتي هاوس الي باكسفورد ..بس ها لاحد يتأخر ترى مرة جوعانين..
الهنوف:دقايق وبكون عندكم..

البارت الثاني
*************
#

وفي يوم جديد صحت عبير
وتوضت وصلت ونزلت تحت على طاولة الافطار عاد هالمرة بالحديقه
الجو كان حلو بس بارد شوي واولادها متجمعين حواليها
ومبسوطه بهالشيء وحمد ربها على هذي النعمه الكبيره اللي انعمها الله عليها
سامر: امي انا خلصت فطور والحين الساعه 8 لازم اروح للمدرسه
عبير: ياروح امك صحه على قلبك اوكي بس خلي بسوم وجوري يخلصو وتروح
سامر بإبتسامه : من عيوني يا ماما
عبير وهي تلاعبه : تسلم عيونك يا بطل
بسام وجوري: خلصنا اكل ياماما والحين لازم نروح
عبير: بالعافيه عليكم يا روح الماما..
ودقايق والسواق جاي لهم ينتظرهم ودعوا امهم وراحوا
عبير بحب: الله يحفظكم من كل شر يارب
الا وشوي فرح جايه تحظن امها :ماما احبك
عبير بحنان: وانا اموت فيك
وجلست عبير تلاعب بنوتتها فرح
وكان يطالعهم عامر من البلكونه وابتسم بحب لما يشوفهم يضحكون ويلعبون
بس حزن انه بيسافر عنهم بسبب ظروفه لكن ماحب يقاطع فرحتهم
وطلب من الخدم ترتيب الجناح وتنظيفه وتجهيز شنطة السفر له والطايره الخاصه فيه
وجلس يفكر كيف بيودعها وامس جات من السفر احتار لكن مابيده حيله
وبعد ما خلص كل التجهيزات نزل للطابق الارضي الا وعبير داخله معاها فرح مبسوطين
ونزلت عبير بنتها فرح مستغربه من عامر: هلا عموري ليش كل هذا؟
عامر قرب لصوبها ومسك كتوفها وحاول يفهمها بدون ما تزعل منه: لا ابد يا روحي عندي اشغال ولازم امشي
عبير بين دموعها اللي نزلت اول ماسمعت امشي :يعني بتسافر وتخليني طيب انا امس توي جايه
عامر ضمها يهديها :وش اسوي يا عبير لازم امشي وهالمرة مهمة مو مثل قبل
عبير بحزن وبعدت عنه : الله معك
وفرح تضم ابوها ماتدري انه بيسافر ويتركها :بابا احبك
عامر دمعة عينه لاول مرة: ياروح ابوك انتي الله لايحرمني منك
وبعدت عنه فرح بعد ما ضمته ومشت على بالها بيروح للدوام تبعه
عامر :عبير سامحيني لكن مو بيدي لازم اروح
عبير بحزن قطع قلبها : مسامحتك يا عمري روح وترجع بالسلامه
عامر خانته العبره ومشى يدري انها تعاتبه لكن ما حب يجرحها اكثر
ومشى ..وجلست عبير تبكي او مره تحس بهالشعور الغريب ماتدري ايش هو
لكن دعت له :اللهم اني استودعك روحه فإحفظه لي يارب ..
ودخلت الاصنصير ولقت ورده حمراء وعقد من اللولو مكتوب اسمها
بكت تدري انه منه وتطالع نفسها وتمسح دموعها ليش ابكي لازم اكون قويه
لازم اصبر مهما يكون هذي هي الحياه اما فراق او …سكت ما كملت ودخلت للجناحها
وتفاجأة برتيبه وتنظيفه مع انه مرتب ونظيف من قبل لكن غيراللوك شوي الا البلكونه زي ماهي
لانه فضل تكون مثل ماكانت ابتسم بألم :ياخي فقدتك من اول لي دخله بهالجناح تروح وترجع بالسلامه يا قلبي
وراحت للغرفة النوم ونامت ….

***************

صحت لوليتا بنشاط مو ضعف مثل البارح وصبحتها سلمى
سلمى وهي تحضنها : صباح اللولو يا أميرة
لوليتا بخجل: هلا صباح الخير
سلمى : الحمد لله على السلامه
لوليتا بإبتسامه : الله يسلمك
سلمى بفرح: لولي عندي لك اليوم خبرين حلوين لك
لوليتا بفرح وبإبتسامه: والله بشريني الله يبشرك
سلمى : الاول هو اليوم انك تخرجي من هالمكان اللي انتي فيه
لوليتا: آآه كنت عارفه ما يحتاج
سلمى: اها طيب بقولك الثاني
لوليتا بحماس: يلا ايش هو
سلمى : بشرط كملي فطورك كله ولا تبقي شيء وبعدها بقولك
لوليتا لفت وجهها وبعناد: مابي قلت خلاص مابي فطور
سلمى بحنيه: يا روحي لازم تفطري عشان صحتك ولا ترى مايطلعونك
لوليتا عقدت حواجبها وطيرت عيونها بتعجب: خير ليه هم على كيفهم ؟
سلمى : ايه اجل ليش يطلعونك وانتي تعبانه استحاله تصير
لوليتا بدلع: مابي
سلمى بنفاذ صبر: اقول كلي خلصينا عشان يكتبون لك خروج
لوليتا بإستسلام : اوف طيب
وكملت لوليتا فطورها ..وسلمى تتصفح المجله وشهقت وهي تشوف اسمه
حست برعب لما قرت عنه (يا ويلي اثاريه صادق وانا استغفر الله اعاند وما ادري ايش
يعني لازم اعتذر له ولا لا لالا ما يستاهل اللي سواه ) وسلمى تلفت يم لوليتا تشوفها انتبهت لها
ولا لا وحمدت ربها ان لسه تفطر وسكرة المجله وراحت للوليتا بعد ماخلصت الاكل كله عشان بس تبغى تطلع
لوليتا بنظراتها المعتاده: هاه وش الخبريه الثانيه
سلمى وهي تلتفت لها وتبتسم: الخبريه الثانيه يا روح خالتو انو بكره ان شاء الله نمشي للسعوديه
لوليتا بفرحه ما توسعها قد ايش مبسوطه وهي تضم سلمى: احبك يا احلى خاله في الدنيا واخيرا بروح
سلمى تضحك على شكلها : ايه بنروح وحجزت تذكرتين وحده لي ولك
لوليتا فرحانه : مشكوره يا سوسو والله ماراح انسى فضلك علي
سلمى: خير وش سوينا ماسوينا شي وبعدين انا موغريبه انا خالتك
لوليتا وهي تدور مبسوطه : ادري يا دوبا ههههههه
وطلعت للبلكونه وتستنشق هوا ويداعب شعرها الهوى
بس حزنت لانها بتفارق هواء فرنسا وبردها لكن ايش تسوي اهم شيء اهلها
وحشوها وامها وابوها والعيله كلها وتقول بأعلى صوتها : وحشتووني يا اغلى ناسي
وسمعها احد من الموجودين تحت في الحديقه وظل يناظرها اول مره يشوف شكلها
كذا كانت ملامحها طفوليه وحركاتها لكن عقلها كبير وواعيه وفاهمه وابتسم لما شافها
بحاله زينه وبصحتها وعافيتها وحمد ربه على هالنعمه ..مانتبهت للي يناظرها
حست ان الجو بارد ودخلت داخل ..والا دقائق جاء الدكتور وجلست على السرير
تعدل طرحتها وسألها الدكتور كم سؤال وجاوت وكتب لها خروج
وجهزت نفسها وطلعت هي وسلمى من الغرفه للحديقه تبع المستشفى
ينتظرون السواق اللي وعدهم عند حيقة المستشفى

**********************

.. بالفرنسيه: كيف صحتها ايها الطبيب
الدكتور: الحمد لله انها بخير وخرجت قبل قليل
.. :الحمد لله شكرا لك بإمكانك ان تذهب الى عملك
الدكتور : العفو سيدي ولكن هذا واجبنا
وراح الدكتور للشغله وخرج عبد العزيز من المستشفى وصادفها بالحديقه
وراح لهم : السلام عليكم
سلمى ولوليتا: وعليكم السلام
عبد العزيز : هاه كيفك الحين ان شاء الله احسن
لوليتا : الحمد لله بخير
سلمى : وشلونك يا عبد العزيز عساك بخير
عبد العزيز بإبتسامه : الحمد لله بخير دامكم بخير
سلمى: دوم يارب تكون بخير واسفين على الازعاج لك
لوليتا انزعجت من خالتها اللي قاعده تسولف وسافهتها وقامت لوليتا وصدت عنهم
عبد العزيز ببتسامه: امين وياك لالا عادي ما سوينا الا الواجب علينا يا خاله
سلمى : مشكور وجزاك الله خير يا ولدي
وسلمى تلتفت للوليتا تناديها : يا لولي تعالى هنا وايش فيك رحتي ؟
لوليتا بعصبيه : اذا خلصتوا نادوني زين
سلمى بقهر منها: ليش وش سوى لك عشان تروحين
لوليتا تلتفت لهم: مو محرم لي عشان اجلس
سلمى سكتت ولا ردت لكنها اعتذرت لعبد العزيز من لوليتا
سلمى: اعتذر للتصرفها تراها صغيره وماتعرف
عبد العزيز: مو صغيره يا خاله عشان تقولين كذا هي صادقه باللي تقوله وانا ماني محرم لها
سلمى بثقه : ادري على هالشيء لكن انا اقصد بعمرها
عبد العزيز: ليش شايفتها بزر ؟
سلمى: لا مو بزر لكن لسه عمرها صغير لكن ما شاء الله عليها عقلها كبير
عبد العزيز: الله يخليها لكم ..عبد العزيز يناظر بالوقت :على العموم تأخرت ولازم أمشي عن اذنك
سلمى: اذنك معك ..
وراح عبد العزيز للشركة يساعد ابوه لانهم اليوم ينجزون كل شيء ويسافورن لديرتهم
لوليتا جات بعد ماراح عبد العزيز سكتت سلمى ولا ردة عارفه لو ردة ايش تكون ردة فعلها
وأخذت شمطنتها وراحت ولحقتها سلمى وجاء السواق ياخذهم
وراحوا للبيت ..

*********************

صحت ميسم مفجوعه ومتاخره عن دوامها
ميسم بخوف :ياربي وين انا ومن جابني هنا
وطلعت من الجناح بسرعه وتناظر بالمكان وحمدت ربها انه قصر عمها مو احد غريب
ودخلت اخذت شاور وجهزت نفسها الا وشوي جات الخادمه جهزت لها ملابس
ميسم عقدة حواجبها : لمين هذي ؟
الخدامه: لك ارسلتها المدام أم ماهر
ميسم براحه: اها زين سويت قولي لها مشكوره وجزاها الله خير
الخدامه: اوكي …وطلعت الخدامه من الجناح بعد ماوضعت الملابس
ميسم لبست الملابس وجهزت حالها ونزلت تحت تسلم على مرت عمها
ميسم ببتسامه: السلام عليكم صباح الخير
ام ماهر: اهلين وعليكم السلام صباح النور
ميسم:كيفك ؟
ام ماهر بحنان: الحمد لله بخير اخبارك انتي؟
ميسم بخجل: دوم يارب ..الحمد لله بخير
ام ماهر: تدوم انفاسك يارب
ميسم: امين وياك الا كيف ساره عساها بخير؟
ام ماهر ك الحمد لله بخير وهي لسه نايمه ما صحت
ميسم: الحمد لله ..ميسم تناظر بالساعه : لازم امشي دحين عن اذنك
ام ماهر: وين تورحي تغدي عندنا اليوم ومن بعدها اللي تشوي
ميسم: والله ودي لكن لازم امشي وراي دوام
ام ماهر : الوقت تأخر والحين الساعه 8
ميسم: ادري يا خاله لكن وش اسوي لازم امشي على العموم راح ازوركم ان شاء الله
ام ماهر : اجل يلا ما أأخرك الله معك
ودعت ميسم مرت عمها وخرجت تنظر السواق اللي مسبب لها ازمه
وركبت سيارة مارسيدس اخر موديل سوداء بالعاده تركب بيضاء
السواق: على وين طال عمرك تبغين
ميسم : للمستشفى بسرعه
السواق : تامرين امر ابشري
صدت عنه ميسم ولا ردة وسرحانه وتسترجع اللي مضى البارح
تسأل نفسها وش دخل باسل عندها وتذكرت انه وداها عشان سارة وكذا
ونست انها كانت بالبدايه نايمه هي وسارة بالجناح تبع ماهر
ميسم وهي سرحانه :افف اكره هذا المخلوق مادري كيف يتحمله باسل
بس ما شاء الله عليه وسيم وحلو ومحترم مادري له احس اني اكره ..وتنهد بملل
دقايق وصلت للمستشفى نزلت بسرعه لبست المعطف ومشيت
وكان البنات يطبقون وكان اسمها اخر وحده احمدت ربها انها لحقت عليهم
الدكتور ينادي على اسمها: ميسم
ميسم بتعب من المشي : موجوده
الدكتور يطالع فيها عرف انها بتجي اخر وحده لانها بتتأخر وعشان كذا حط اسمها بالاخير
وطلب منها الدكتور تعقم جرح المريض وسوت اللي طلبه منها ..وتذكرت احداث البارح
لما تعقم سارة وتذكرت ماهر لما يعلمها ………
| ماهر : لالا مو كذا تسوي ..وبدا يعلمها الطريقه الصحيحه للتعقيم
ميسم: اها حلو يعني كذا نعقم حلو اني تعلمت
ماهر اتعجب منها وهو يدري انها الاولى على دفعتها ما شاء الله
وظل يعلمها الطريقه ونجحت في تعقيم جرح سارة
وانبسطت من هالشيء وضمت الساعده لها وهي فرحانه بنجاحها وحمد ربها على هالنعمه |
وابتسم وضحكت ميسم على الاحداث اللي صارت لها وما انتبهت انها تطبق هنا بالمستشقى
الا سمر تقرصها عشان تنتبه على حالها هي وين فيه ..
ميسم صرخت: آآي عورتيني يا سموره
الدكتور عصب من صراخها وهواشها : ميسم بدون ازعاج انتي هنا تتطبقي مو جايه تصرخي يلا كملي شغلك ولا انقصك
شهقت ميسم وسكتت وكملت شغلها وخلصت وجاء الدكتور يقيم شغلها وكانت ممتاز وطريقة
التعقيم صحيحه هي الوحيده اللي اتقنت طريقة التعقيم وعطاها الدرجه الكامله
الدكتور : احسنتي يا ميسم انتي الوحيده طريقتك صح مين علمك على كذا
ميسم مستحيه ما تدري وش تقول وهي تفكر ( اعلم ولا لا اقول انه الدكتور ماهر ولا مين )
احتارت ميسم بس لما شافته جاي لجهتهم سكتت
الدكتور بشك: هاه من علمك يا ميسم ولا غاشه من احد؟
ميسم انقهرت منه لهالدرجه تكون غاشه وماتبي تقول اسمه لكن وش تسوي غصب: االدكتور..
قاطعها ماهر وبكل ثقه وتحدي: انا اللي علمتها الطريقة الصحيحه للتعقيم ومو غاشه ولا شي
ميسم اتفاجأت بجرائته لكن ابتسمت بإنتصار لما الدكتور بيشككها
انقهر الدكتور من ماهر : اها زين سويت على العموم انتهى وقت الدرس يا طالبات
وراح الدكتور مقهور من ميسم وماهر .. وميسم بعد ماراح الدكتور لفت على سمر
تهواشها على اللي سوته : انتي وبعدين معك يا سمر ليش قرصتيني كذا
سمر وهي تضحك وكتفت يدينها: هههه لانك سرحانه ماتحركين مادري وش مشغل بالك لايكون اللي حصل امس
ميسم خجلت منها: اقول عاد انطمي وبلا تدخل مره ثانيه
سمر: اقول احمدي ربك والله كان بينقصك
ميسم طيرت عيونها : بالله الحمد لله انك قرصتيني ولا كان رحت فيها
سمر ببتسامه: هه اقول اخلصي عاد تراني جوعانه مافطرت اليوم
ميسم: ليش لايكون متاخره بعد
سمر وهي تلف عنها: ايه اعديتيني
ميسم وهي تضحك: هههه كما تدين تدان
ميسم ما انتبهت لوجود ماهر عندها بالعاده تسكت ولا تكلم ومشت للكفتيريا عشان سمر
ماهر ابتسم على تصرفتها وقال : مانتي هينه يا ميسم ماشاء الله شاطره وذكيه واخيرا شفتك
بعد مدة طويله وكبرتي اخر مرة شفتها زمان واليوم هنا تطبق في المستشفى يا سبحان الله مغير الاحوال
ومشى ماهر للشغله وهوالمشرف على الاطباء هنا من قبل …

*************************

.. : الوالسلام عليكم يا بنتي
.. : امي وعليكم السلام ياماما وحشتيني
.. : وانا اكثر يابنتي وشلونك عساك بخير
.. : الحمد لله بخير انتي طمنني عن ابوي واخواني وخواتي عساهم بخير
الام وهي تبكي لسماع صوت بنتها : بخير يا بنتي وكلهم يسلمون عليك
.. :يا عمري يا ماما ليه كل هالدموع دموعك غاليه دخليك لاتبكين و الله يسلمهم من كل شر
الام: وش اسوي فقدتك يابنتي مايرتاح قلبي لين اسمع صوتك يا لولي
لوليتا والدموع تملى خدها : وانا اكثر يا يمه هنات خلاص وش بقى وبكره اجيكم ان شاء الله
الام بفرح ماتوسعها للخبر اللي سمعته : صدق الله يبشرك بالعافيه ريحتيني الله يرح قلبك ياروح امك
لولتيا بحزن: ايه يا يمه وان شاء الله بكره جايين
الام: ان شاء الله ترجعين بالسلامه يا روح امك
وجلست لوليتا تسولف مع امها اللي وحشتها وفقدت صوتها كل ليله لكن اليومين اللي مضت ما سمعت صوت امها
وسكرت الموبايل بعد ما ودعت امها وتطمنت عليها وراحت لسلمى بالحديقه اللي تقصص الاشجار
وتزين الحديقه قبل لا يمشون عشان يبقى كل شيء مرتب وحلو ويبقى ذكرى لهم هنا في فرنسا
لوليتا : سلام يا احلى خاله بالدنيا
سلمى بتعجب: هلا وعليكم السلام خير وش فيه ؟
لوليتا ببتسامه: لا ابد بس مامي تسلم عليك
سلمى بشوق لاختها: الله يسلمها كيف حالها
لوليتا: الحمد لله بخير وتنتظرنا بفارغ الصبر
سلمى: الحمد لله وربي وحشتني وه فديتها
لوليتا وهي تدور بالحديقه :واآآهـ قد ايش راح اشتاق لهالمكان وصحباتي
مع اني ما شفتهم قبل يومين لكن ان شاء الله بعد مانخلص من هالاشجار بنروح لهم اودعهم
سلمى وهي بنفس شعور لوليتا: يالله بجد عشان ايام هنا مع انها كانت صعبه لكن الحمدلله سهلها الله
لوليتا : ايو والله ..وهي تتذكر : ايه صح بروح للسوق بأقضي لهلي ولصحباتي من فرنسا
سلمى :وين صحباتك يا دوب اهلك ترى الفلوس ماتكفي
لوليتا بتفكير: عادي باستلف من وحده من صديقاتي وان شاء الله بردها لها
سلمى: ياختي اتركي عنك التسليف مو لازم
لوليتا وهي تلتفت لخالتها: وليش مولازم
سلمى: ماعليك منهم اهم شيء اهلك
لوليتا بعناد : ادري انو اهم شيء اهلي حتى صحباتي مابي ابخل عليهم بنفسهم شيء يبغونه
سلمى ببستسلام من عناد لوليتا: اللي تشوفينه سويه عاد انا قلت اللي عندي وبس
وبعد شوي خلصت سلمى ولوليتا من ترتيب الحديقه وبدلن ملابسهم واخذن تاكسي
وصولهم للمتجر كذا صغير واسعاره مناسبه ..
سلمى ولوليتا بالفرنسيه: مرحبا
العجوزه : اهلا ابنتاي كيف حالكما
سلمى ولوليتا: الحمد لله بخير يا خاله
العجوزه: الحمد لله تفضلا اشتريا
سلمى ولوليتا ببتسامه: شكرا لك
وتفرقن بالعاده سلمى ولوليتا في هالمتجر الصغير
لوليتا راحت لقسم الالعاب عشان تشتري لاخواها الصغير لعبه
وابتسمت لما تشوف الالعاب تتذكر لما كانوا صغار هي وياسر كان فيه محل قريب عندهم
يشتري ويشتريلها وتنبسط كثير ويحبها ويدلعها لكن توفى الله يرحمه
دمعة عيونها لما تذكرتهم ومسحت عيونها وتركتها ومشيت
اما عن سلمى فإشترت للعيله كلها عشان محد يزعل وكذا
وراحت للمحاسبه العجوزه وكانت هذي العجوزه مرة طيبه معاهم وهي مسلمه
بعد كانت مسيحيه ..ودعوها لانه خلاص يسافرن وبكت العجوزه على الخبر اللي سمعته
لكن وعدوها انو يكونوا على تواصل بينهم واهدتهم هديه لهم ويتذكروها وماينسونها
وبعد التوديع راحت لوليتا لصديقاتها اللي وعدتهم انهم يلتقون عند برج ايفيل هناك ويسون

****************************** *

هنا نهاية البارت

البارت الرابع
——–

****************************** ********

حست بكسل مو طبيعي لما نامت الصباح اليوم
وصحت المغرب واخذت شاور ولبست بجامه شتويه الان الجو بارد
ولفت شعرها بربطه ونزلت تحت عند المدفئه تتدفئ وتشرب كوب قهوه
العامل: سيدتي لقد وصلت لك هديه من السيد عامر
ولفت وجهها عبير ورافعه حاجبها :حسناً فلتضعها في جناحي الخاص
العامل: حسناً سيدتي كما تريدين …
استغربت منه عبير علشان ايش يرسل الهديه لكن الهديه ما فتحتها
تفتحها بعدين ..وجلست تتفرج على التلفزيون شوي وبعدين
راحت تتفقد اولادها بنفسها ماتبي الخدم يروحون لهم
دخلت اول شي على جناح سامر
عبير بحب له وحنان وهي تضمه: كيفك حبيبي سمور
سامر بدموعه: بخير يا ماما بس ليش ابوي راح وماودعنا
عبير بحزن عليه: الا ودعكم وانتو نايمين يا حبيبي
سامر وهو يبعد عن امه ويمسح دموعه :اها عشان كذا ان شاء الله يرجع بالسلامه لنا
عبير وهي تبكي: ان شاء الله
سامر يهدي امه : امي بدون دموع لاتبكي ماابي اشوفك تبكين كذا تراه كلها كم يوم ويرجع
عبير وهي تحضن ولدها لانه فيه شبه كبير بأبوه : ان شاء الله يا روح امك
وهدت عبير شوي وجلست مع ولدها شوي
وسامر حكاها اليوم ايش صار معه ومن بعدها توضى وصل ونام
وهو قبل اتعشى لانه في ايطاليا النظام عندهم غير مو عندنا هم عند غروب الشمس تعشون
وينامون ..ومن بعدها تفقدت اولادها الثانين وناموا بسلام الا جوري نامت عندها
وعبير وقفت على البلكونه وتطالع بالخاتم اللي بيدها وابتسمت بحب لصاحب هالخاتم
وجلست تتصفح في النت تقضي وقتها عليه

****************************** **
#
الفراق اسـدل سـتارة القرب والمسرح يدينــه
والدموع ارواح لو طـاحـت لها قدر ومكانــــه
خير الليل وبقـى للـحزن دمــعاتً بعيـنـــــــــه
وانكسر قلب يشوف فرقانه هـدت كيـــــــــانه
انكتب في صدري جدران الزمان قصه حزينه
والوداع يـمد كفه فـراق ويكـسر عنانــــــــــه
كنت اشوف الوقـت ينبت زعـفرانه ياسـمينـه
صرت اشوف اليوم يذبل يا سمينه زعـفـرانه
ينزف الخافـق على ذكـراه تربـت في سنينــه
كل مالذت عـيونـه شـافها في صفحة زمانــه
لو خذاه الوقت واشغال الـزمان جـابـه حنينـه
كيف مايذكر عيـون ضمت الدنـيـا عشـانــــه
نبتعد والشوق يجـمـعنـا ويعـطينا يمينــــــــه
ونتـفرق والغلا باقي ولا يـنزح مكـانــــــــــه
الفراق اسدل سـتار القرب والمسرح يـديـنــه
والـدمـوع لوطـاحت لها قـدر ومكانــــــــــــه