الوسم: الاماراتية

واللهجات الاماراتية انواع ..::

لهجة اهل البر (البدو) .. باختلاف القبايل البدوية ..

لهجة اهل البحر ..

لهجة الشحوح ..

.
.

ملعوزني = يضايقني ..

يرمس = يتكلم ..

الشبريه = السرير ..

كبت = خزانه الملابس ..

مسيد = مسجد ..

هيه = نعم ( إيه ) ..

بسير = بروح = سأذهب ..

بوش = مجموعه الجمال ( النوق ) .. << و النعم والله .. بوشنا احسن من بوش وحده من الدول الله يذكرها بالخير ..

غرشه = زجاجه ..

موتر = سيارة ..

كشخه = زين او تعبر عن اعجابك بشئ أو جميل .. رائع .. << شي من هالقبيل ..

الدوبي = اللي يكوي الملابس ..

سامان = قشار = أغراض .. << بس نحن ما نقول سامان وايد .. نستعمل قشار و أغراض أكثر من سامان .. لأنها كلمة هنديه و نحن مب ناقصين ..

شرات = مثل ..

وين سايرين= وين رايحين .. أين ذاهبون ..

اخطف عليك = امر عليك ..

ربيع = صديق

ربيعه = صديقه .. << كتبتها خصيصا عشان بنات المنتدى اللي عندي ايميلاتهم .. يوم اقول ربيعه أو ربيعتي لا تسئلوني عن معناها ..

ما تيوز ..؟ = ما تترك ..؟ ما تتأدب ..؟ << تنقال في الاوقات اللي الواحد عمل عمله .. و عادها مرة ثانيه .. يعني ما تتأدب ..؟

خلاف = بعدين .. << مع تفخيم الـ لا .. خلاف ..

أزقر فلان = ناد فلان ..

المزغوده = المخنوقه ..

خاري .. و ..برع = برا .. أو في الخارج ..

بنيه = بنت ..

ماي= ماء ..

يالس = جالس ..

مخده = وساده ..

مَنَز = سرير أطفال ..

وِيَع = ألم ..

حووووووووووه =نوع من أنواع النداء .. << واحد كارهنه أو ما اتطيقه تناديه بحووووه .. انت هييييه ..

خديه = يعنى واحد اهبل مجنون ..

راقد= نايم ..

دختر=مستشفى .. << قبل كننا نستعملها .. الحين مب وايد ..

برنوص= الشرشف ..

الصرمة= النخلة .. << ما نستعملها وايد ..

السحارة=الصندوق .. << ناااادر ما اسمع حد من الاجداد يقول هالكلمه ..

انعتني =ارشدني ..

نعوب=الشخص اللي دايما يعااارض و يقول للعرب لا تروحون لا تسوون لا تعملون ..

طشونه=شويه .. قليل ..

هيد=اصبر ..

سيكل = دراجه هوائيه .. << معروفه هذي على ما اعتقد ..

هلكت= تعبت ..

حوش = ساحة البيت ..

حصير =بساط من السعف ..

وااايد = كثير .. << هالكلمه استعملتها فوق كم مره .. و هذا معناها ..

يهال = أطفال ..

ييب = هات / عطني ..

حذالي / عدالي = جنبي ..

سويج = مفتاح ..

مترووس = ممتليء ..

ينخش = يختبىء ..

كفخه = صفعه .. أو ضربه عاديه و ما تعور .. يعني ضربة دلع ..

لخه = ضربه .. << ما نستعملها وايد ..

الضو = النار ..

شو = ماذا ..

زجام = زكام ..

عسب=عشان ..

جداكم=صوبكم ..

الفريج = الحارة ..

.
.

و اذا في أي كلمة مب واضحة أو ما عرفتوا كيف النطق اتمنى انكم تسئلون .. (=

و ان شاءالله ما اقصر ..

اتمنى انكم تستفيدون ..

أجمل تحيه .. ..

.
.

همسة ..::

الكلمات منقولة من عدة مواقع .. مع الكثيييييرو الكثيييير من التعديل ..

ننتظر جديدك ..

دمتي بود وحب وسـع ــآدهـ ..

..

تقبلي مروري ..