الوسم: الباونتي

كيكة الباونتي اللذيذة جداً من يد سرابيل

اني قللت كمية الزيت والسكر لان بيتنا ما يحبون الحالي واجد ، وطلعت شوي حالية بعد بعطيك المقادير الي ستخدمتها

المقادير :

مقادير الكيكة : 2/1 كأس زيت – 2/1 كأس سكر – كأس و 4/3 كأس طحين يعني كأسين الا ربع طحين فاخر –
ملعقة بينكج بودر – معلقة فانيلا – 4 بيضات – 2/1 كأس حليب سائل – 3 ملاعق كاكاو بودرة .

الطبقة الثانية : 3 كأسات جوز الهند – 6 ملاعق سميد – 2 كأس حليب سائل – 4/1 كأس زيت – 3/1 كأس سكر

الطبقة الثالثة : علبة قشطة – فنجان سكر – ملعقة زبدة – ملعقتين كاكاو بودرة

ههههههههههههههههههه المقادير كثيرة بس سهلة والكيكة راح تعجبك وتبيض الوجه عند ضيوفكم

نجي الحين لخطوات العمل

اول شي راح نحضر الكيكة

اخفق الزيت مع السكر

بعدين نزل البيض وحدة تلو الاخرى ( اخفق بيضة وبعدين اضيف البيضة الثانية )

بعدين اضيف الفانيلا و4 ملاعق حليب سائل

في اناء اخر انخل الطحين والكاكاو البودرة والبيكنج بودر واضيفهم فوق الخليط السابق واحركهم بالملعقة الخشبية
عشان ما اطلع الهواء من الكيكة

ادهن القالب واصب خليط الكيك فيه وادخل الفرن

نجي للطبقة الثانية

اخذ 2 كأس حليب سائل

واضيف عليه 6 ملاعق سميد

واضيف 4/1 كأس زيت

واخر شي اضيف 3 كأسات جوز الهند

واخلي القدر فوق النار واحرك بالخليط لما يصير عندي خلطة غليظة

الحين استوت الكيكة وطلعتها من الفرن ( هني نسيت اصور هههههههه كان عندي شغل كثير وتوهقت في التصوير )

اخذت خليط الطبقة الثانية وخليت فوق الكيكة

بعدين سويت الطبقة الثالثة : اخذت اناء واضيف القشطة + ملعقتين كاكاو بودرة – ملغقة زبدة + فنجان سكر

وحركته بالملعقة وصار عندي صوص شكولاته

اخذت الصوص وخليته فوق الطبقة الثانية الي فوق الكيكة

ودخلتها الثلاجة وطلعتها بعد ساعتين وقطعتها هني المفاجاة واااااااااااااااااااااو طلعت شي رهيب بصراحة وطعمها عجيب

انشاء الله تعجبكم