والله يابنات جربت خلطه هيا بالاصل للغاليه حور الجنان بس انا اضفت عليها من عندي شوية مكونات وكانت النتيجه فتاكه روعه من كثر ماني مبسوطه قلت لازم اقولكم عليها والله بتحصلون على بشره بيضا بمعنى الكلمه وكان عندي كلف على خدودي ماراح اكذب عليكم واقول اختفى لكن خف بنسبه 80 % وانا لي الان اسبوع مستمره عليها وعقبال مايروح تماما لكن البياض والنعومه بتلاحظوه من ثاني يوم واو الله يابنات لما تلمسي بشرتك كانه تلمسي مخمل ,,,,,,,,
نجي للخلطه
م كبيره جلسوليد + م متوسطه نشا + بياض بيضه = هذه الخلطه الاساسيه تبع حور الجنان
انا اضفت من عندي =
م متوسطه بروكسيد الاعشاب + ملعقه كبيره لوز حلو
الطريقه :
نخلط المكونات انا استخدم شوكه بلاستك واقطها (ارميها ) كان عندي علبه جلسوليد فاضيه عبيت الخلطه فيها واحطها في الثلاجه انتبهي تطلع من الثلاجه الا لما تستخدميها ورجعيه على طول علشان فيها بيض بالنسبه للريحه مافيها ريحة بيض ابد ابد وهذه لها اسبوع عندي بالثلاجه ماخربت ابد .
الاستخدام :
قبل ماتنامي اغسلي وجهك بصابونه مبيضه انا شخصيا استخدم صابونه البايا روعه المهم بعد ماتغسلي بشرتك روحي للمطبخ وافتحي ثلاجتك طلعي خلطتك وادهني وجهك ورقبتك وكفوفك والي تبين …
واول ماتصحي اغسلي بشرتك بصابونة البايا ونشفيها زين ثم استخدمي مرطبك الخاص انا استخدم اولاي بالتوت مره رهيب .
صدقوني يابنات اذا جربتوا هالخلطه زي ما انا كتبتها راح تشوفوا بياض خيال .
نجي للاسئلة المتوقعه :
هل تمقرص ؟ نعم تمقرص ثواني اول استخدام لكن بعدين مافيه شئ (تمقرص يعني تحسي بشرتك تحك )
كم نسبه البروكسيد ؟ 6 % بالميه ابو غطاء ذهبي مش بنفسجي .
متى تبين النتائج ؟ البياض والنعومه تلاحظيه من ثاني يوم اما الصفاء بعد اسبوع انا لاحظت الكلف الي بوجهي خف بعد اسبوع .
هل يستخدم للحامل ؟ ممكن لو استخدمت الخلطه الاساسيه تبع حور الجنان يعني بدون اضافة البروكسيد . اما غير كذا نو وي ( مستحيل ) ,,
ملاحظه :
لما تحطوة في الثلاجه بعد يوم راح تنفش عادي مار اح يقل من فاعليته .
ادعولي
