وميزة الريجيم دى الوحيدة ان انتى اللى بتفديه من وزنك صعب انك تزيديه تانى مهما رجعتى تاكلى اكلك عادى يعنى سهل فى تثبيت الزون
بسم الله الرحمن الرحيم نبدا
اولا هذا الريجيم هو متغير يعنى مش بتمشى على نظام غذائى علطول لا هو بيتغير كل اسبوع وهنبدا باول عشر ايام يلا هاتى الورقة والقلم
الفطار فى العشر ايام ثابت كوب زبادى وخيارة اوجزرة او قته زائد كوب شاى اخضر طبعا الزبادى منزوع الدسم ومحلى بسكر الريجيم او من غير سكر خالص وسكر الريجيم هو الدايت سويت طبعا طبعا قبل كل وجبه نشرب ماء وبكمية كبيرة قدر المستطاعاثنا الاكل ممنوع شرب الماء نهائيا بعد الاكل اشرب شويه فقط للمساعدة على الهضم
مابين الفطار والغدا ثمرة فاكهة والممنوعات منها (المانجو _التين_العنب_البلح)وتكون الثمرة بحجم قبضة اليد والمسموحات هما (برتقال_يوسفى_تفاح_كمثرى_جوافة _موز_بطيخ_شمام_اناناس-ولو مشمش او خوخ يبقى ثمرتين)
وجبة الغدا
طبعا المية قبل الوجبة اساسى وبقدر المستطاع تناول يعتبر الغدا ثابت بردة بس فية تغيرات بسيطة فى الاكل اولا وقبل الوجبه طبق سلطة عليه كل الوان الخضروات بالاضافة الى الكمون والخل وزيت الزيتون وليمون لرفع معدل حرق الدهون فى الجسموبعد ذلك نتجه الى البروتين وهو اختيارات يااما قطعة لحم حوالى 100 جرام او ربع فرخة طبعا من جلد او دهن وكله مسلوق فى مسلوق او عدد 2 سمكه وسط مشوى طبعاوممنوع المقلى او المحمر واذا لم يتواجد اى شى من البدائل اللى فاتت دى ممكن نبدلها بحاجة تانية مثل بياض بيضة مسلوقة او 3 ملاعق تونة دايت او تونة عادية مصفاة من الزيت او 3 ملاعق فول بدون زيت او سمنه بس نضيف عليه ليمون وكمون او 3 ملاعق خضار سوتيه يعنى نى فى نى هذا بالنسبة للغدا طول العشر ايام
ما بين الغدا والعشا ثمرة فاكهة بنفس المواصفات والممنوعات السابقة
العشا ثابت طول العشر ايام وهو ثمرة فاكهة بنفس المواصفات التى سبق ذكرها وكوب زبادى منزوع الدسم وكوب شاى اخضر محلى بالدايت سويت
كدة احنا خلصنا من العشر ايام الاولين بعد كده ياجماعه وهو اليوم الحادى عشر قبل ما ندخل فى الاسبوع التانى اليوم دة بيبقى يوم فرى تقدرى تاكلى فية كل اللى انتى عايزاة وباى كمية وفى اى وقت افرحووا بقا اخدتو يوم فرى اهو هههههههههه بس الحلويات والبيبسى والشيبسى والحاجات دى نتذوق منها بس فى اليوم ده مش ناكل يعنى
نيجى بقا للاسبوع اللى بعدة وطبعا الريجيم هيتغير وهيبقى اقسى من اللى فات وطبعا الرز والمكرونة والعيش ممنوعين فى ايام الريجيم نهائيا ولا حتى تدوقى فى اليوم الفرى بس
اليوم الاول
الفطار ثابت طول الاسبوع وهو ثمرة فاكهة واحدة كما ذكرت لكم قبل ذلك بالمسموح والممنوع اثناء الدايت مع كوب شاى اخضر والشاى الاخضر ثابت فى الفطار والعشا
الغدااليوم الاول
طبق سلطة يوجد به جميع انواع الخضار
اليوم التانى
اربع معالق خضار سوتية
اليوم التالت
شريحة لحم 100 جرام بدون دهن اوزيت
اليوم الرابع
ربع فرحة بدون دهن او جلد مشويه او مسلوقة
اليوم الخامس
عدد 2 سمكه صغيرة او سمكه واحدة كبيرة مشويه
اليوم السادس
3 ملاعق تونة دايت
اليوم السابع
بياض بيضة مسلوقة
انا قلتلكم انه قاسى يابنات بس والله النتائج مبهرة الحمد لله
نيجى للعشا بقا
اليوم الاول
كوب زبادى منزوع الدسم
اليوم التانى
3 معالق فول بالليمون والكمون وزيت الزيتون والخل
اليوم التالت
بياض بيضة مسلوقة
اليوم الرابع
قطعة جبن قريش
اليوم الخامس
طبقة سلطة يحتوى على كل انواع الخضار الممكنه
اليوم السادس
كوب زبادى منزع الدسم
اليوم السابع
كوب شاى بلبن محلى بالدايت سويت
ويوجد ملحوظة طبية اجبارية ما بين كل وجبة ووجبة من 4 الى 5 ساعات ولازم لازم العشا يكون قبل الساعة 10 مساء
بعد الاسبوع دة هناخد يوم فرى بنفس المواصفات السابقة
وهنيجى للاسبوع اللى بعدة وهنبدا فى ريجيم كيميائى يعنى نوع واحد من الاكل او الفاكهة واول اسبوع هو ريجيم الفاكهة
اليوم الاول
ثمرتين برتقال او كمثرى فى الافطار والغدا
العشا
2 ثمرة موز
اليوم التانى
2 تفاحة فى الفطار والغدا
العشا
2 ثمرة موز
اليوم التالت
ثمرتين برتقال او كمثرى فى الفطار والغدا والعشا يعنى كل وجبة ثمرتين
اليوم الرابع
3 ثمرات موز فى كل وجبة الفطار والغدا والعشا
اليوم الخامس
سلطة فواكه طوال اليوم (تفاح _موز_برتقال_فراولة_كمثرى) بمقدار حجم ثمرتين فاكهه
اليوم السادس
ثمرة تين فى الافطار او ثمرة كمثرى او تفاح او برتقال
و2 ثمرة موز فى الغدا والعشا
اليوم السابع
ثمرتين برتقال او كمثرى او تفاح طوال اليوم فى كل وجبه
كدة الاسبوع خلص هناخد يوم فرى بنفس المواصفات السابقة
وهناخد الاسبوع اللى بعدة وهو كيميائى بردة اسبوع الخيار
الاسبوع كله خيارتين فى كل وجبة
وبعد الاسبوع دة هناخد يوم فرى بردة وطبعا انتوا عارفين المواصفات
الاسبوع اللى بعدة ودة اخر اسبوع وهو
اسبوع الزبادى الاسبوع كوب زبادى فى كل وجبة
انا بقا اكتفيت لهذا القدر من الريجيم نزلت عليه من 15 الى 20 كيلو بس ياجماعة اللى يطبقوا صح بدون تغير اى شى فيه
وممكن تكملى تاخدى اسبوع سلطة كمان تنزلى علية كمان شوية بس فبلة تاخدى يوم فرى وياااااااااااااااااااااااااااا ااااااااااااااااااااااااااارب افيدكم والله ياجماعة تجربتى اى نعم هى قاسية شوية بس ياجماعة حلم الرشاقة مش سهل ابدااااااااااااااا الوصول الية والله انا تعبت جدا فى الريجيم دة وتعبت اكتر فى توصيله ليكم دلوقتى واتمنى التقييم المميز لانى تعبت خااااااااااااااااااااااااااااا اااااااااااااااااااااااااااااا ااااااااالص اتمنى لكم الافادة ومفيش واحدة تيجى تقولى منقوووووووول هضربها
