الوسم: الدعاء

إزيكم يا بنوتات عاملين إيه؟

انا مش بعرف اكتب مواضيع بس ححاول أوصل لكم اللي حاسة بيه

وأقرأوا للنهاية عشان في مفأجاة في اخر كام سطر

الموضوع بدأ

يوم الثلاثاء مش ال فات لا ال قبله لما اتصل اهل العريس وقالوا إحنا هنيجي إن شاء الله يوم السبت

يوم الجمعة استحميت هههههههه وظبطت الظبابيط

وعملت الشقة

يلا بقا ماحدش واخد منها حاجة

المهم المفروض الناس دول كانوا ميعادهم بعد العصر

قمت من النوم تعبانة قوووووي مش عارفة ليه

ماما تقولي مالك اقولها تعبانة بس مش عارفة من إيه؟

العصر أذن صليت العصر ودعيت ربنا ييسر أموري لاني لخمة وبتكسف قوي

فضلنا قاعدين منتظرين

لحد قبل المغرب بنص ساعة

الناس ما جوش ولا اتصلوا

!!!!!!!!

ادايقت قوي لاني مش بحب ال مش بيحترم مواعيده

اتصلوا بينا

أمي ردت

قالوا لها إحنا أسفين حصل كذا كذا مش هنقدر نيجي ( معليش عاوزة اقول إيه السبب)

أمي قفلت السكة قالت لي قالوا مش هييجوا عشان …….

أول كلمة قلتها

الحمد لله

بس في داخلي كنت مدايقة قوي بس راضية بقضاء الله

فضلت قاعدة وقلت خير بس قلتها يا ماما الناس دول مش هييجوا تاني

قالت لي ليه؟

قلت لها أكيد اتشائموا مني بسبب ال حصل

قالت لي لا والله إزاي يعني ده راجل ملتحي وملتزم عمره ما يتشائم

قلت لها هتشوفي يا ماما

جات أمي الله يسامحها عاوزة تتصل بالناس قلت لها لا يعني لا

هيقولوا دي بتتصل عشان نخلوهم ييجوا تاني

قالت لي والله أبداً بس نطمن عليهم

قلت لها إنتي حرة

وفعلا الست كلمت ماما وحش قوي قوي قووووووي

ماما طبعاً إدايقت قوي وقالت لي فعلا مش هيجوا تاني الست كلمتني وحش قوي

قلت لها مش قلت لك ما تتصليش وبتاع

المهم صليت العشاء ونمت

قومت قبل الفجر بساعة وربع

وتبتدي حكايتي من هنا

قعدت ع الكمبيوتر

وكان أهلي كلهم نايمين

قعدت أعيط قووووووووووي

لان شيء يجرح أي بنت طبعا ونتوا عارفين انها تترفض من برا برا كده
وما تقولوش اني مكبرة الموضوع ونا اصلا بطبعي حساسة قوي ومش يحس بشيء زي ده الا واحدة تمر بنفس الموقف ربنا ما يكتبها علي حد

وخصوصا اني بيتقدم لي عرسان كتير قوووووووووي وكل المواضيع مش بتم

فنا كنت زهقت قووووووووي والله العظيم

دخلت (……………) حبيبتي

وكتبت موضوع فيه الكلام ال فوق وال حصل وكنت هطلب منكم انكم تقفوا جنبي لاني كنت مخنوقة قوووي وبعيط

وعارفة انكوا مش هتتخلوا عني

بس قلت في نفسي

يا بت ونتي يعني بتشتكي للبنات وربك موجود؟!

ده احن عليكي من أبوكي وأمك

قمت اتوضيت ولبست لبس الصلاة

ووقفت بين إيدين ربنا

وقلت

الله أكبر

وبدات أقرأ هكتب لكم كل أيه وتحتها أحساسي ونا بقرأها

(الْحَمْدُ لِلَّهِ رَبِّ الْعَالَمِينَ )

والله يارب انا مش معترضة علي امرك أبداً أبداً نا بس زعلانة قوي ومجروحة كمان

(الرَّحْمَنِ الرَّحِيمِ)

حسيت ان ربنا بيقولي انا ارحم الراحمين واحن عليكي من نفسك

(مَالِكِ يَوْمِ الدِّينِ)
(إِيَّاكَ نَعْبُدُ وَإِيَّاكَ نَسْتَعِينُ)

إنت يارب من أستعين به في جبر كسر خاطري وفي أموري كلها

(اهدِنَا الصِّرَاطَ الْمُسْتَقِيمَ)

يارب إهدني

إلي أخر السورة

ثم والله والله لا شعورياً

لاقيت نفسي بقرأ بسورة

الضحي

وبدأت أقرأ

(وَالضُّحَى . وَاللَّيْلِ إِذَا سَجَى)
(مَا وَدَّعَكَ رَبُّكَ وَمَا قَلَى)

حسيت إن ربنا بيقول لي يا فلانة انا لا تركتك ولا كرهتك انا معك ( لاني كنت بقول يارب انت شايفني وحشة قوي كده كل واحد ملتزم تبعدني عنه )

(وَلَلآخِرَةُ خَيْرٌ لَّكَ مِنَ الأُولَى)

هعطيك يا فلانة في الأخرة
الجنة أحلي بكتير
بتبكي علي دنيا فانية
ومش بتبكي علي الأخرة

(وَلَسَوْفَ يُعْطِيكَ رَبُّكَ فَتَرْضَى)

يااااااااه
الأية دي كررتيها كتير وبكيت قوووووي
حسيت ربنا بيقولي
انا هعطيك ومش بس هعطيك
لا انا هرضيكِ وترضي عن هذا العطاء

(أَلَمْ يَجِدْكَ يَتِيمًا فَآوَى)

انا أوجدت لك أب وأم يرعوكي ويلبوا كل أحتياجاتك

(وَوَجَدَكَ ضَالًّا فَهَدَى)

انا هديتك يا فلانة هديتك إليا
انتي ال كنتي لحد الثانوية العامة بشعرك وببنطلونات وبديهات
منيت عليكي بالهداية والزي الشرعي والقرب مني منيت عليكي بالإلتزام

(وَوَجَدَكَ عَائِلا فَأَغْنَى . فَأَمَّا الْيَتِيمَ فَلا تَقْهَرْ . وَأَمَّا السَّائِلَ فَلا تَنْهَرْ)
(وَأَمَّا بِنِعْمَةِ رَبِّكَ فَحَدِّثْ)

وانا يا فلانة نعمي عليكي لا تعد ولا تحصي
وزعلانة عشان شيء واحد حرمتك منه؟

—————–

يااااااااااااه
مهما أكتب شعوري مش هعرف أوصله ليكم

وبعدين ركعت

سبحان ربي العظيم

وقلت دعاء الركوع أول مرة أحس بيه كده

سبوح قدوس رب الملائكة والروح
اللهم لك ركعت
وبك امنت
ولك أسلمت
خشع لك سمعي وبصري ودمي ولحمي وعظمي

رفعت من الركوع

سمع الله لمن حمده

ربنا ولك الحمد
ملء السموات وملء الأرض وملء ما بينهما وملء ما شئت من شيئ بعيد
اللهم لا مانع لما اعطيت ولا معطي لما منعنت
وقعدت اكررها اكتر من مرة
انت المعطي وانت المانع يا الله

وبعدين سجدت

يااااااه

علي الراحة ال حسيت بيها

فضلت اقول دعاء واحد بس

اللهم أجبر كسر خاطري وقر عيني

كررت الدعاء في السجدة دي ونا ببكي قووووووووووي

وقلبي مكسور قوووووووووي

والله والله والله

رفعت من السجدة ونا قلبي مطمئن ومعدش ببكي
ولا زعلانة
وبقول في نفسي
هو إيه ال مزعلني؟
والله ولا كان في حاجة حصلت
وحسيت ان ربنا استجاب دعائي في لحظتها

وكملت الصلاة وسلمت

وقعدت ادعي نفسي الدعاء

اللهم أجبر كسر خاطري وقر عيني

وإمبارح الأحد في عريس تاني إتصل وهيحددوا ميعاد وييجوا ان شاء الله

وكأن ربنا بيعوضني عن العريس الأولاني

(وَلَسَوْفَ يُعْطِيكَ رَبُّكَ فَتَرْضَى)

فعلا ربنا رحيم

انا اتعلمت كتير قوي

اتعلمت عمري ما اشتكي همي لبشر مش هيفديني

وازاي اشكي لبشر وربي موجود

ربي حبيبي

ربي ارحم علي من نفسي

ياااااااااااااا

انا بحبك قووووي يارب

اوعي اوعي اوعي

تبعدي عن ربنا ولا تشتكي همك لغير الله

قيام الليل نعمة من نعم ربنا علينا بجد

نفسك في حاجة اطلبي من ربنا مش تطلبي من العباد

ربك حبيبك أحن عليكي من نفسك

انا طولت عليكواااااا قووووووووي

بس انا بجد نفسي الكل يقرأ قصتي وخصوصا اصحاب قسم المحتارة

اوعي أبداً تتخلي عن سلاحك

نعم سلاحك

فالدعاء هو سلاح المؤمن

وجزاكم الله خيراً

والسلام عليكم ورحمة الله وبركاته

بحبكم في الله

..

..

..

1-فريصة الفجر والعصر

{لن يلج النار احد صلى قبل طلوع الشمس و قبل غروبها}

2- الحرص على صلاة الجماعة

{من صلى اربعين يوما في جماعة يدرك التكبيرة الاولى كتب له براءتان :

براءة من النار …. وبراءة من النفاق } رواه الترمذي

3- الصدقة

{من استطاع منكم ان يستتر من النار ولو بشق تمرة فليفعل } متفق عليه

4- سنة الظهر

{من يحافظ على اربع ركعات قبل الظهر واربع بعدها حرمه الله على النار }رواه احمد وداوود والترمذي

5- الجهاد

{من اغبرت قدماه في سبيل الله فهما حرام على النار } رواه الترمذي وصححه الالباني

6- حسن الخلق

{من كان هينا لينا قريبا حرمه الله على النار } رواه الحاكم

7- فقدان الذرية

{لايموت لاحد من المسلمين ثلاثة من الولد فتمسه النار الا تحلة القسم } صحيح المسند

8- تحرير الرقاب

{ومن اعتق رقبة مؤمنة كانت فداءه من النار } متفق عليه

9- الصيام

{الصيام جنة وحصن حصين من النار } رواه النسائي

10- دعوة رمضانية

{لله تبارك وتعالى عتقاء في كل يوم وليلة يعني رمضان وان لكل مسلم في كل يوم

و ليلة دعوة مستجابة }رواه البزار

11- يوم عرفة

{ما من يوم اكثر من ان يعتق فيه عبيدا من النار من يوم عرفة } رواه مسلم

12- البكاء من خشية الله

{لا يلج النار رجل بكى من خشية الله حتى يعود اللبن في الضرع

ولا يجتمع غبار في سبيل الله ودخان النار في منخري مسلم ابدا } رواه الترمذي

13- الحراسة في سبيل الله

{عينان لا تمسهما النار .. عين بكت من خشية الله وعين باتت

تحرس في سبيل الله } رواه الترمذي

14- صيام التطوع

{مامن عبد يصوم في سبيل الله تعالى الا باعد الله بذلك اليوم

وجهه عن النار سبعين خريفا } متفق عليه

قال تعالى :_( ومن احسن قولا ممن دعا الى الله وعمل صالحا وقال اني من المسلمين )

1-الدعاء طاعة لله وامتثال أمره قال عز وجل(وادعوه مخلصين له الدين).

2-السلامة من الكبر قال تعالى(وقال ربكم ادعوني أستجب لكم إن الذين يستكبرون عن عبادتي سيدخلون جهنم داخرين).

3- الدعاء عبادة .قال عليه السلام_الدعاء هو العبادة_

4-الدعاء أكرم شئ على الله قال عليه السلام_ليس شئ أكرم على الله عز وجل من الدعاء_

5-الدعاء محبوب لله.قال عليه السلام_سلوا الله من فضله فإن الله يحب أن يُسأل_

6-الدعاء سبب لانشراح الصدر. قال الشاعر:
واني لأدعو الله والأمر ضيّق علي فما ينفك أن يتفرجا
ورب فتى ضاقت عليه وجوهه أصاب له في دعوة الله مخرجا

7-الدعاء سبب لدفع غضب الله. قال عليه السلام_من لم يسأل الله يغضب عليه_
وقال الشاعر:
لا تسألن بني آدم حاجة وسل الذي أبوابه لا تحجب
الله يغضب إن تركت سؤاله وبني آدم حين يُسأل يغضب

8-الدعاء دليل على التوكل على الله.

9-الدعاء وسيلة لكبر النفس وعلو الهمة.

10-الدعاء سلامة من العجز ودليل على الكياسة. قال عليه السلام_أعجز الناس من عجز عن الدعاء وأبخل الناس من بخل بالسلام_

11-ثمرة الدعاء مضمونة بإذن الله.قال عليه السلام_ما من أحد يدعو بدعاء إلا آتاه الله ماسأل أو كف عنه سوء مثله ما لم يدع بإثم أو قطيعة رحم_ وفي حديث_وإما أن يدخرها له في الآخرة_

12-الدعاء سبب لدفع البلاء قبل نزوله..قال عليه السلام_ولا يرد القدر إلا الدعاء_

13- الدعاء سبب لرفع البلاء بعد نزوله.قال عليه السلام_إن الدعاء ينفع مما نزل ومما لم ينزل فعليكم عباد الله بالدعاء_

14-الدعاء مفزع المظلومين وملجأ المستضعفين.
قال الإمام الشافعي:
ورب ظلوم قد كفيت بحربه فأوقعه المقدور أيّ وقوع
فما كان لي الإسلام إلاتعبدا وأدعية لاتُتقى بدروع
وحسبك أن ينجو الظلوم وخلفه سهام دعاء من قسيّ ركوع
مريشة بالهدب من كل ساهر منهلة أطرافها بدموع
وقال:
أتهزأ بالدعاء وتزدريه وما تدري بما صنع الدعاء
سهام الليل لا تخطي ولكن له أمد وللأمد انقضاء

15-الدعاء دليل على الإيمان بالله والاعتراف له بالربوبية والألوهية والأسماء والصفات.
من آداب الدعاء…الثناء على الله…..الأقرار بالذنب….التضرع الخشوع الرغبة الرهبة……العزم والجزم في الدعاء والمسألة…….الإلحاح بالدعاء…….. في كل الأحوال…..تجنب الدعاء على النفس والأهل والمال…استقبال القبلة……رفع الأيدي في الدعاء….السواك…تقديم عمل صالح بين يدي الدعاء…..الوضوء….الغرض جميل وحسن….البكاء حال الدعاء….اظهارالشكوى والإفتقار الى الله….اختيار جوامع الدعاءومحاسن الكلام…..يبدأ الداعي بنفسه ثم أهله وأخوانه المسلمين…….خفض الصوت والإسرار بالدعاء…..عدم التكلف بالسجع……اختيار الاسم والصفة المناسب للدعاء.تأمين المستمع….سؤال الله الصغيرة والكبيرة….

الوقت والمكان والزمان والوضع المناسب لقبول الدعاء
ليلة القدر….جوف الليل وقت السحر…دبر الصلوات المكتوبة….بين الأذان والإقامة…..عند النداء للصلوات المكتوبة……..عند الزحف……..عند نزول المطر….ساعة من الليل…..الساعة التي في يوم الجمعة….. عند شرب ماء زمزم……في السجود……يوم عرفة……بعد الوضوء….عند قراءة الفاتحة …..بعد الركوع وقول ربنا ولك الحمد حمدا كثيرا طيبا مباركا فيه……عند التأمين في الصلاة…….بعد الصلاة على النبي….مع صياح الديكة…..عند اقبال القلب …..عند رقة القلب…..عند الدعاء ب(لاإله إلا أنت سبحانك إني كنت من الظالمين)….دعاء المسلم للمسل بظهر الغيب…دعوة الناس بعد وفاة الميت….دعوة المضطر …..دعوة المظلوم….دعوة الوالد لولده…..أوعليه…..دعوة المسافر …دعوة الصائم….دعاء الولد الصالح لوالديه….الدعاء بعد زوال الشمس قبل الظهر….عند الصفا….عند المروة…..عند المشعر الحرام…..بعد رمي الجمرة الصغرى والوسطى…..دعاء الغازي في سبيل الله….دعاء الحاج….دعاء المعتمر….الدعاء عند المريض..

قال شاعر:
وسارية لم تسر في الأرض تبتغي محلا ولم يقطع بها البيد قاطع
سرت حيث لم تسر الركاب ولم تُنخ لورد ولم يقصر لها القيد مانع
تحل وراء الليل والليل ساقط بأرواقه فيه سمير وهاجع
تفتّح أبواب السماء ودونها إذا قرع الأبواب منهن قارع
إذا أوفدت لم يردد الله وفدها على إهلها والله راءِ وسامع
وإني لأرجو الله حتى كأني أرى بجميل الظن ما الله صانع

الشكر الجزيل لكل م مرّ بعبيره من هنا