الوسم: العتب

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

ليت العتب يكفي واناديك بعتاب
تعالي بنسى واحسب العمر ليله

يمضي معك عمري لياليه بحساب
عقبك حياتي كلها مستحيله

انا عناتي بالهوى سحر واهداب
اسهر واعاني والعنا من يشيله

اسامر الخطوه على درب الاحباب
وامشي لجل وصلك دروب ٍ طويله

ياما عيونك قابلتني بترحاب
وياما سهرتك ياعيون ٍ كحيله

ماكنت اطاوع فيك عاذل وكذاب
والروح لو قدمتها لك قليله

انت الامل ليت الامل فيك ماخاب
خنت العمر مابين يوم ٍ وليله

محال احبك دام جرح الهوى طاب
طيفك في بالي غاب واعلن رحيله

ولكم خالص تحيآتي..