الوسم: الفراشة

تورتة الفراشة من التورتات اللى بيكون شكلها جميل وكمان الاطفال بيحبوها عشان فيها الوان كتير وانا عملتها بطريقة بسيطة

مكونات الكيكة الاسفنجية

نصف كيلو دقيق سبونش جاهز(طبعا دقيق الاسبونش مضاف ليه السكر والبيكنج بودر والمحسن)

6 بيضات كبار

نصف كوب ماء

فانيليا(اختيارى)

مكونات الكريم شانتى للحشو:

ربع كيلو كريم شانتى بودرة خام

نصف كوب لبن بودرة

7 معالق كبيرة سكر بودرة

2 وربع كوب ماء مثلج او حسب مايحتاج الكريم شانتى(وطبعا ممكن نستبدل الماء المثلج واللبن البودرة بلبن حليب بس انا بحب اعمله بالطريقة دى)

وللتزيين:

فارمسيل ملون

ملبس ملون

شوكليت شيبس

كريز

الطريقة

اول شىء انا المرة دى قسمت دقيق الاسبونش لنصفين يعنى هخفق ربع كيلو مع 3 بيضات كبار وربع كوب ماء وهيبقى عندنا كيكتين عشان فيه ناس كتير اشتكت من صعوبة تقسيم الكيكة ل3 شرايح فحبيت انقلكم الفكرة دى هنا التقسيم هيبقى اسهل لأننا هنقسم الكيكة لشريحتين بس طبعا الكلام ده معروف لكل واحدة بتعمل تورتة بس الفكرة دى حلوة للمبتدئات فى التورتات

فى اناء هنحط ربع كيلو دقيق الاسبونش مع البيض والماء والفانيليا

ونخفقهم بالمضرب على اعلى سرعة من مدة 5 ل7 دقايق متواصل وهنلاقى قوامه تكاثف

وهنحط الخليط فى صينية مدهونة مقاس 24

هنخبز الكيك فى فرن مسخن مسبقا انا بخبزه على حرارة هادية بس طبعا كل فرن بيختلف عن التانى ولما نحس ان الكيكة قربت تستوى نختبرها بالشوكة او بالعصا الخشبية من النصف ان طلعت نضيفة مفيهاش عجينة نطلعها من الفرن

ونقلبها على ورق خبز

ونكرر كل الكلام اللى فات مع الربع كيلو التانى من دقيق الاسبونش وهيبقى عندنا كيكتين

ونحطهم فى التلاجة لمدة يوم كامل ونخرجهم تانى يوم ونبدأ نجهز ادواتنا للتقطيع والفرد

وهنقسم كل كيكة لشريحتين زى ماقلنا فى البداية

ونجهز الكريم شانتى ونحشى بيه الكيكة

وطبعا هنحط الكيكتين فوق بعض والنتيجة كيكة مرتفعة وهنقسمها من النصف بالظبط بعد مانغلفها بالكريم شانتى

وحاولت اتخيل شكل الفراشة فقسمت جزء صغير منها من تحت وطبعا قبل مابقسم بقيس بالمسطرة عشان كل المسافات تبقى متساوية

ونغلف الاجزاء اللى متغلفتش منها بالكريم شانتى وبقية الكريم شانتى هنحطله ربع معلقة صغيرة لون طعام برتقالى بودرة ونقطتين ماء ونضربه بالمضرب هيبقى لونه برتقالى او اى لون تانى تختاروه حسب الرغبة وباللون ده هعمل وردات على التورتة وخيوط متساوية من الوردات وبينهم هحط الشوكليت شيبس وفى الجنب هنحط الفارمسيل الملون وفى النص هنحط الكريز والملبس اخترت اللون اللبنى وطبعا التزيين ده حسب الرغبة يعنى ممكن تزينوها بطريقة تانية خالص حسب ماتحبوا

وده شكلها النهائى

وده شكلها من جوة بعد ماقطعتها

يارب موضوعى البسيط ده يكون عجبكم

المكونات• 4 بيض
• ملعقة كبيرة بيكينج باودر
• ملعقة فانيلا
• 3 كوب كبير طحين
• نصف كوب زيت نباتي
• 1 كوب عصير من أي نوع حسب الرغبة
• 2 ملعقة كبيرة حليب بودره
• 3 كوب كريمة جاهزة
• 2 علبة فواكه معلبة
• شوكولاته صغيرة
• فواكه طازجة مثل الكيوي والدراق

توضع فى الفرن على درجة حراره 180 لمده 45 دقيقة.

نتركها تبرد قليل ثم نقلبها ونتركها تبرد تماماثم نحضر الكاستر ويترك يبرد تماما.

تشق التورتة الى طبقتين وتشرب بقليل من ماء الكمبوت أو أى عصيرثم تحشى بالكاسترد وممكن حشوهابأى نوع أخر من الكريمة.

تقطع التورته الى نصفين ونعكس وضعهمابحيث يكون الجزء المقطوع الى الخارج لتعطينا شكل الفراشة.

نخفق الكريم شانتي.

وندهنه عليها ثم نزينها كما في الصورة.

يفضل دهن الفاكهة بالجيلي البارد السايل.
ده الشكل النهائى …