الوسم: القديمه

*لو عندك فستان طويل وزهقتى منة ممكن تقصية لغاية الركبة والبسية على بنطلون جينز

*لو فستان بكم شيلى الكمام والبسى علية بوليرو جينز
…
*لو بلوزة برضة بكم وزهقتى منها شيلى كمامها وخلها كت او بحمالات والبسى فوقيها بوليرو

*استبدلى الباديهات بالشيميزات اللى كمامها منفوشة

*لو شيميز طويل وشكلة تقليدى جربى تحطى علية حزام

*الشيميزات اللى بكم ممكن ترفعى الكم بتعليقة كدة من جوة والبسى تحتية كم بلون مناسب

*لو بلوزة سادة وبتعرفى تعملى كروشية او اى تطريز ممكن تشتغلي عليها حاجات بسيطة وردات كروشية مثلا هتغير شكلها خالص

*لو بلوزة بزراير ومتعودة تلبسيها مقفولة افتحيها والبسى تحتها بدى بلون مناسب

*غيرى تركيبات الالوان اللى متعودة عليها زى ما قولنا قبل كدة

*غيرى الايشاربات والاكسسوارات لو غيرتى ايشارب او اكسسوار بتاع طقم هتحسى ان كلة بقى جديد

*البنطلونات الجينز القديمة اعمليها شورتات والبسيها فى البيت على البديهات اللى بطلتى تلبسيها وكمان الفساتين القصيرة اللى بحمالات البسيها لوحدها فى البيت

جربو كدة وان شاء الله كلى امل ان الملل يروح واللى عندها افكار تانية ياريت تقولنا عليها