الوسم: الجزء

من وقفت .. الكل تم يطالعها يتريونها ترمس وخصوصا ام سيف وعايشه ..
عفراء: هاااا قلتي طلبات .. اوكي انا بقولج شو طلباتي .. اتشوفون هالبيت الي انا فييه ترى ابغي مثله حقي بروحي .. وانا اهلي امعوديني كل سنه اصيف في مكان .. ومهري مب اقل من 500 الف .. ومالبس غير الفساتين والبدل الغاليه .. هااا شو رايكم؟؟؟؟؟؟
الكل انصدم بعد ماخلصت عفراء كلامها وخصوصا ميثه مااتوقعت اربيعتها جي تسوي او اتفكر جيه وطبعا اسماء وشيماء كانوا متوقعين هالشي
ام سيف: والله يا بنتي نحن ما نقدر على كل هاا
ام احمد: لا لا ماعليكم منها اكيد اتسولف
عفراء: لا امي مااسولف واذا انتوا ماتقدرون على هااا كله ليش يايين بيتنا دورولكم وحده ترضى بولدكم وتكون على قد حالها او تكون من مستواكم
ام احمد: عفرااء؟؟؟؟؟؟؟ عيييييييييب
عفراء: امي انا مب ياهل جدامج اتقولين لي عيب انا اعرف مصلحتي
وتسير فوق وما تعطيهم اي اهميه
عايشه: امييي يالله خلنا نسير
ام احمد: ما عليه يا ام سيف سامحينا والله ماادري شو اقولكم مستحيه فشلتنا
ام سيف: ما عليه يا ام احمد ما يحتاي تقولين شي بنتج ما قصرت
ميثه: ما علييه خالوه سامحوها عفراء
ام سيف: الله يسامحها يا بنتي .. يالله نشي يا عايشه خلنا نروح

………………………… …………

اول مادش خليفه عليهم الصاله دشت عبير داخل حجرتها وهو على طول لحقها بس اهني ام خليفه هي الي ادخلت ووقفت جدامه وما خلته يدش عليها ..
ام خليفه: وين ساير
خليفه: خليني ادش عليها عشان مره ثانيه تحترمني وانا داش مب تدخل حجرتها على طول
ام خليفه: وانت الي سويت فيهااا مب شويه ضربتها لين ماقالت بس شو رايح تزيدها الحين يالله البنت الي فيها كافيها
خليفه: تستاهل عشان مره ثانيه مااتسوي جيه في حرمتي من يوم مايت وهي كارهتنها ماادري ليش حتى انتي يا امي
ام خليفه: ليش هي مااتقولك شو تسوي فينا والا نحن مابنكرهها من دون سبب
خليفه: والله ماتقول عنكم الا كل خير بس انتوا الي ماادري ليش تكرهونها
ام خليفه: هي لازم جدامك جيه اتقول تراك مااتعرف من وراك شو تسوي فينا المهم انا مره ثانيه لا لي شغل فيها ولا شي كلما رمستني بسكت ومابرد عليها مثل ما يقولون الباب الي يجيك منه الريح سده واستريح
خليفه: هي يكون احسن بعد فديتها سارت عند ربيعتها الحين والا كنت مشتاقلها
ام خليفه: كل هالكشخه عند ربيعتها والله جنها سايره عرس
خليفه: ما علييه امي عشان مايقولون بعد مرت خليفه ماتعرف تكشخ
ام خليفه: تكشخ بس مب جيه
خليفه: ما عليه خلها تسوي الي خاطرها فييه محد له خص فيها
ام خليفه: كيفك والله

((قولوووووولي شو سويتوا شو استوى معاكم )) بعد ماردوا ام سيف وعايشه من بيت قوم بواحمد وسيف مب طايع يودرهم الا ويقولونله شو سووا وهم كله ساكتين ..الولد كان فرحان وحرام يكدرون بخاطره الحين ..
سيف: اميي الله يخليج قوليلي بس شو قالوا .. عواااااش انتي ارمسي انا اعرفج اختي ومااهون عليج اتخليني جيه احاتي
عايشه: الصراحه عفراء ماتنفعلك والف وحده تتمناك
الكلمات الي قالتها عفراء نزلت مثل الصاعقه على سيف
سيف: كيف يعني
ام سيف: شو بعد كيف يعني .. يعني خلااص يا ولدي البنت هاي بالذات نحن مانباها حقك وانت واحد على قد حالك ماعندك املاك وقصور عشان تاخذها والف وحده تتمناك ..
سيف: ههههههههه امي انتي شو اتقولين اكيد تسولفين انا ادري يالله عاد اعترفوا ها اكيد مقلب من مقالبج انتي عاشوووو انا اعرفج زين ام المقالب
عايشه: حاسه فيك يا اخوي بس هذا هو الصج انت تقدر اتيبلها بيت مثل بيتهم؟؟؟ تقدر تدفع لها 500الف مهر؟؟ لا طبعا ما تقدر
ام سيف: هييه يا ولدي انت من وين لك وهاي شكلها ماتبي ريال تبغي بيزاته بس وانت الف وحده تتمناك
سيف: وحده غير عفراء!!!!!!!!.. مستحيييييييييييل امي مستحييييييييييل .. ويدش حجرته وهو منهااااار نفسيا .. اتنش ام سيف تروح وراه
عايشه: تعالي امي وين رايحه
ام سيف: اسير اشوف ولدي عن يسوي بنفسه شي
عايشه: لا امي تعالي قعدي سيف ما بيسوي شي خليه يرتاح ما ينلام من بعد هالعمر ساير يخطب له وحده ومارضت فييه اكيد جي بيسوي
ام سيف: خلااص بقعد بس والله مب هاين علي اخليه جيه
عايشه: ما عليه بينسى بش شفتي ميثه بنت غانم امي حلييها يت لنا لين الباب وتمت تسولف معانا
ام سيف: والنعم فيها ميثه بنت اصول واهلها ناس طيبيين بس نحن الي قصرنا معاهم وماقمنا نزورهم من بعد وفاة ابوها الله يرحمه
عايشه: هي اتصدقين امي يبالنا جيه يوم نزورهم حسيتها بنت حبوبه وطيبه
ام سيف: هي صدقج يا بنتي

عفراء يالسه في حجرتها وحست انه هم وانزاح عنها وعلى طول اتصلت في موزه … بس ماردت عليها طبعا مشغوله ويا ربيعها .. بعد مرور دقايق اتصلت فيها ميثه ..
عفراء: الووو
ميثه: هلا عفراء
عفراء: اهليين
ميثه: اشحالج
عفراء: الحمدالله اشحالج انتي
ميثه: بخير .. نتي ويا ويهج وايد مستانسه باللي سويتيه اليوم
عفراء: هي عيل شو تبيني اسوي اقولهم حيكم الله وانا موافقه باللي تبونه هاي طلباتي اذا يبون حياهم الله واذا لا طز
ميثه: ماكنت اتوقعج جيه يا عفراء
عفراء: والله عاد انا جيه واتعرفين انج قهرتيني واقفه ابفصفهم ولا جني انا ربيعتج
ميثه: ترى وياهم حق الصراحه انتي مصختيها وياهم
عفراء: والله انتي الي قمتي تمصخينها في الكلام جان خطبوج انتي عيل دام انج تدافعين عنهم جيه وبترضين في اللي يبونه
ميثه: انتي شو تقولين عفرووو انتي ليش متغيره علي الصراحه انا مصدومه فيج
عفراء: وانا الصاجه ليش ما يوا يخطبونج انتي عيل اكيد لاني احلى منج وانا ادري انج تغارين مني
ميثه: الله يسامحج يا عفراء
عفراء: اقول باي باي عندي خط ثاني ..
ميثه: بااي
واكيييد الي في الخط الثاني هي موزه ..

((فشلتيييينا .. حسبي الله عليج))
اليوم الثاني الصبح كانت ام احمد عند عفراء ومعصبه عليها
عفراء: امييييييييي لو سمحتي لا تتدخليين هذي حياتي وانا حره فيها
ام احمد: وليش يوم رمسج ابوج قلتي انج موافقه .. يعني بس كنتي تبينهم ايون وتسمعينهم هالكلام
عفراء: والله ما قلت اني مو موافقه انا قلت هاي شروطي
ام احمد: هيي تراج اتعرفين انهم ما يقدرون على كل هاا
عفراء: والله عاد يقدرون ما يقدرون ها مب شغلي المهم الي ييبيني انا هاي شروطي
يدش عليهم بو احمد وهوو معصب
بو احمد: صج ما تستحيين على ويهج .. هاا كلام اتقوليينه حق ناس انعرفهم وييرانا من زمان
عفراء: محد له خص فيني هاي انا وهاا اسلوبي وبعدين انا ما قلت شي
بو احمد: انتي فضحتينااا .. الحين وين اودي ويهي من سيف حسبي الله عليج من بنت
عفراء: اوووووووه ابويه خلااص عاد انا هالولد ماابغيه
بو احمد: عيل جان قلتيلي هالكلام من قبل
ام احمد: خلااص يا راشد خلها بكيفها بعد مايستوي نغصب البنت على واحد ماتبيه
بو احمد: حسبي الله عليج يا عفروو حسبي الله عليج
ويطلعون ام احمد وبو احمد من عندهاا ..
عفراء: افففففف فكه انا خل اتصل في موزووه اعرف اخبارها احسن .. وتاخذ تلفونها وتتصل في موزه ..
موزه: صبااح الخير
عفراء: صباح النور ..عاش من سمع هالصوت
موزه: عاشت ايامج حبيبتي انتي وينج امس دقيتلج مارديتي
عفراء: هي ترى اول ماكنت برد سكرتي بعدين قلت برقد يمكن مشغوله
موزه: هييه تعرفين امس اتعشيت في اضخم مطعم واشتريتلي بعد طقم الماس
عفراء: يا سلااااام منو قدج وويا امنوا؟؟
موزه: ويا ريلي طبعا ..
وعفراء: وييي يا حسره علينا
موزه: ليييييش؟؟
عفراء: مادريتي امس شو صار .. كانوا يايين يخطبوني قوم ييرانا اتعرفين شو سويت فيهم ههههههه
موزه: شووووووووو؟؟
عفراء: قلتلهم ابغي ولدكم ييلسني في بيت مثل بيتنا ومهري مب اقل من 500 الف و كل سنه ابغي اصيف في مكان ههههههههه
موزه: هههههههه هي جيييييييه ابغيييج انزين وبعدين رضوا والا لا
عفراء: ههههههههه لا انا اصلا عرفت انهم مايقدرون على كل هاا ولدهم على قد حاله وانا الي بييني لازم يكون تاجر مب واحد مثل هذا يعيش على راتب الحكومه لا وهذا غير انه يصرف على اهله بعد
موزه: هي والله زين سويتي فيهم ان شاء الله بييج واحد احسن منه ويحققلج كل الي خاطرج فيه
عفراء: ان شاء الله ..
………………………… …………

بعد مرور اسبوع …
حالة سيف تزاداد مأساه يوم ورا اليوم .. كله قاعد في حجرته ونادر مايطلع منها وهالاسبوع موول ماداوم .. والاكل بالغصب ياكله طبعا مااتحن عليه امه .. عاد اليوم ربيعه حمد يااي يخفف عنه موول ماقصر معاه طوال الاسبوع الي طاف ..
حمد: هاا سيف شخبارك اليوم
سيف: مثل مانت شايف لا جديد
حمد: حرام عليك يا سيف الي تسويه في نفسك .. ويهك شاحب ومصفر وضعفان حق شو كل هااا بدل الوحده الف والله هي الخسرانه
سيف: بس يا حمد بس
حمد: لاااا مو بس انت بتذبح عمرج جيه حتى الدوام ماقمت اتييه المدير معطنك انذار وقالي باجر اذا مادوام بفصله..
سيف: خله يفصلني حق شو ابغي اشتغل لا ابغي اتزوج ولا شي
حمد: انت شو تقووووووول؟؟؟ واهلك؟؟؟؟ منو بيصرف عليهم وان شاء الله بتتزوج وبتلقى الي تقدرك مب شرات هااي
وهم قاعدين يرمسون اتدش عليهم ام سيف ..
ام سيف: هلااا ولدي حمد اشحالك واشحال الاهل
حمد: الحمدالله يا خالتي كلهم بخير
ام سيف: الحمدالله..سيف امي شحالك
سيف: زين
ام سيف: كلمه ياولدي يا حمد لا طايع ياكل مثل الناس ولا يطلع من هالحجره الي حابس روحه فيها
حمد: اقوله يا خالتي بس مايسمع الكلام
سيف: انتوا لو تخلوني بروحي انا برتاح
ام سيف: لا مابنخليك بروحك هي نخليك بروحك عشان تذبح عمرك .. والله مايسوى الي تسوييه يا ولدي وانا من باجر بخطبلك شيخة البنات
سيف ((بعصبيه)): امييييي لو يبتي هالطاري على لسانج مره ثانيه بطلع من البيت ولا برد
حمد: سيف اشفيييك هدي اعصابك يا ريااال خالتي ماقالت شي وهي الصاجه
ام سيف: خله يا ولدي خله انا مااقول الا الله يسامح الي كان السبب .. وتطلع من الحجره
حمد: الحين انت مستانس من الي سويته الحين شو ذنبها هاي المسكينه امك خاطرها تفرح فيك شرات كل الامهات
سيف: ارجوووك يا حمد لا تخلني اعصب انا الي فيني كافيني
حمد: اييك راي .. قوم قوم
سيف: وييين اقووووم
حمد: انت قوم وياي وخلااص
سيف: ليش اقوووم
حمد: قوم بنظهر
سيف: لاااا انا مابظهر
حمد: لا بتظهر اذا كان لي خاطر عندك
سيف: افففف وين تبانا نروح بس
حمد: اي مكان بس انت قوم معاي الحين
سيف: خلااص شورتك وهداية الله …

في بيت قوم بو خليفه كانوا قاعدين ام خليفه الي لين الحين متلعوزه ويا موزه .. اما عبير فاليوم كان اول يوم دوامها في التقنيه وكانت قاعده في الصاله ترمس عايشه ..
عبير: عااد اتصدقين احلى شي كلاسنا اليوم موول ماكان فييه حد الا كمن بنت تميت اسولف معاهم لين ماملوا خخخخ بس انتي ليش ماييتي صوبنا
عايشه: هههههههه ادريبج وايد ترمسين تمللييين الواحد .. عاد انا مووول مافضيت اليوم اتصدقين والله درسونا لانه وايد بنات كانوا يايين وطبعا نصهن شاردات خخخ
عبير: وييييييييييييييييييو يحلييييييييلكم
عايشه: هههههههه صخي انزين بتشوفين باجر اذا مادرسوكم
عبير: ههههههه المهم انه اليوم كنا فاضين ..
وهي كانت ترمس ويا عايشه في التلفون اتدش عليهم موزه وهي كاشخه بعابيتها وشيلتها .. شكلها بتطلع ..
موزه: ويا امنوا ترمسين
عبير: لحظه شوي .. وانتي اشلج
موزه: لا ترمسيني جيه والا بتندمين
عبير: اقولج عايشه بدقلج بعدين
عايشه: اففففف هاي لين الحين جيه
عبير: هههه هي يالله باي
عايشه: باي
عبير: نعم شو تبين
موزه: ههههههههههه ماابغي شي بس جيه حبيت استهبل
عبير: ……………..
موزه: هاااااا يا ام الدويس شو تسوين
ام خليفه: لاحول ولا قوة الا بالله .. انتي مو تبين تطلعين يالله شو تترين
موزه: هي اكيد بطلع عيل بجابل ويوهكم .. هههههه اووه نسيت اروايكم شو لابسه اليوم .. وهي تفتح عبايتها .. كانت لابسه قميص قصير وتنوره قصيره وكانت حاطه هالمكياج الغامج الي لايق عليها .. عاد اليوم طلعتها غييرطلعتها مع عفرراء وهاي مب أول مره تطلع معاها .. خلال الاسبوع الي طاف طالعين مع بعض كذا مره .. ههههههههههه عشان تعرفين انه ولدج معطيني حريتي ويخليني البس الي ابغييييه
ام خليفه: افصخي العباه احسن بعد لابستلي هالقصير ليش
موزه: طول عمرج بتميين غبيه يا عموووتي .. يرن تلفونها .. ههههههههههه بااااااااااي
طبعا اتعرف انه الي عالتلفون عفراء وعلى طول تسير صوب الباب ..
عبير: افففففففففف فكه .. امييي انا خلاااااااااص مليييييييت ابغي اطلع من البيت والسبه هييي
ام خليفه: ماعليه يا امي استحملي عشان خاطر اخوج بس
عبير: بس استحملت بما فيه الكفايه خلااص مليييييييييييت
ويدش عليهم خليفه ..
خليفه: سلام عليكم
عبير لين الحين ماخذه خاطرها على اخوها وماقامت ترمس معاه شرات قبل طبعا خليفه ولا هامنه كله يتأمر عليها وبس
عبير + ام خليفه: وعليكم السلام
خليفه على طول يسير يحب راس امها
خليفه: امي اشحالج
ام خليفه: انا بخيرر فديتك انت اشحالك
خليفه: الحمدالله بخير يا اميي .. عبيرووو سيري سويلي جاي
عبير تنش من غير ماتقول ولا كلمه
ام خليفه: يا ولدي ليش تعاملها هاي اختك الوحيده
خليفه: كيف تبيني اعاملها
ام خليفه: شرات مايعامل اخو اخته
خليفه: والله عاد انا اشوف انه عالتعامل ينفع وياها
ام خليفه: الله يعين هالبنت عليكم بس
خليفه: المهم امي وين موزه؟؟
ام خليفه: طلعت معقوله ماقالتلك؟؟
خليفه: لا فديتها مايحتاي تقول اصلا انا مرخصنها من دون ماتقول
ام خليفه: زين زين

………………………… ………

في ستي سنتر عيمان وبالتحديد في ستار بكس كانن قاعدات عفراء وموزه الي كانت قاعده ومبطله عبايتها وعاقه شيلتها .. وطالبين لهم كابتشينو وجيز كيك
عفراء: وانتي ريلج يخليج تلبسين جيه
موزه: هي اكييييد اقولج معطيني حريتي والبس الي ابغييه
عفراء: انزين موزووه غطي ريلوج بعاباتج مب حلوه جيه جدام الناس
موزه: سيري لااااا والله عادي .. وانتي ليش يالسه جيه بطلي عباتج وعقي شيلتج يالله عيل تكشخين عالفاضي
عفراء: لاا لاالا اسمحيلي انا مااقدر
موزه: اوووه عفاااري يالله عاد بطلي عباتج وخلي شيلتج عجتفج
عفراء: بس اخاف حد يشوفني من اهليي ترى بيلعنون خيري
موزه: اشفيج انتي محد بيشوفج يالله ماتشوفينا قاعدين اخر شي
وتسوي عفراء الي قالت عليه موزه ..
موزه: هي الحين تعيبييييني حرام هالجمال كله تخشينه طلعيه للناس خله يشوفون
عفراء: ماادري يا موزه بس انا خايفه
موزه: لا تخافين ولا شي دام انا وياج ..
وهم قاعدين يرمسوون اييون اثنين من الشباب صوبهم ويقعدون يمبهم ..

يا ترى منو هذيلاااااااا؟؟؟