الوسم: المنطقة

اليوم حآبه اتكلم لكم عن العناية الشخصية بالمنطقة الحساسة..
لأهميتهآ و لأني ابد ما شفت اي احد تطرق لهذا الموضوع المهم..

أول شيء: الكل يعرف أهمية الإهتمام بالمنطقة الحساسة ونظافتها, وبنفس الوقت فيه كثير مهملين هالنقطة!
بعضهم بنآت و بعضهم متزوجات..

1/ كيفية العناية الشخصية للمنطقة من غسولات إلى نظافتها ..(فوط يومية, مناديل طريقة للنظافه , ولشد البشرة)

حطي بالك ان المنطقه مكتمه ماتعرض للهواء .. لذلك تلاحظينها لونها غير عن باقي جسمك..
عشآن كذا اتبعي التالي..
عشان تحصلين ع منطقة ناعمه ونظيفه ولونها حلو..

1/ اهتمي دايماً تمسحين المنطقة بالمنديل بعد إنتهائك.. و انصحك كمآن بعدها مسحي المنطقه بالمناديل حقت ال Baby .. انا استخدم تشبز.. مرا تجنن وتعطي ريحة طفوليه نظيفه وماتسبب لك اي حساسيه او اي إلتهابات .. ولا فيها مواد عطره.. انا عني افضلها اكثرك منتجات مناديل..من منتجاتنا _(برايفت , ستيافل, كير فري) او استخدمي اي نوع تفضلينه..
يعطي المنطقة رطوبه و انتعاش حلو وريحة مرا حلوة

2/ إهتمي بإستخدام الفوط الصحية اليومية.. وانا عني افضل _(برايفت)..
مرا ناعمه وحلوة كإستخدام يومي.. بكذا .. تحصلين ع منطقة نظيفه حتى الكيلوت مايتوسخ عليك ..وكل مرا تغيرينها..
بكذا تحافظين ع نظافة المكان وكمان مايكون فيه بكتيريا.. متجمعه او كل شوي تغيرين الكلوت..

3/ طبعاً ماننسى اهم نقطة وهي الغسولات..(لتخلص من الريحه الكريهه بالمنطقه)
في نقاط مرا مهمه احب اذكركم فيها عند إستخدام هذي الغسولات..

1/ يتم تنظيفها من منطقه العانه الى الخلف وذلك لمنع نقل البكتيريا وانتشارها بالمنطقه الحساسة >> دوم احرصوا ع تنظيف المنطقة من الأمام إلى الخلف..مررا مهمه يابنات هالمنطقة..

2/ حطي بالك إستخدام الغسول يكون فقط مرا وحده باليوم .. وثلاث مرات بالاسبوع..
لان كثرتها تضرك.. تقتل البكتيريا النافعه بالمنطقه..
لذلك كوني حريصه ع عدم الاكثار ..منها
وبين فترة وفتره استخدمي..
ملح خشن + المّر مع موية دافيه وغسلي المنطقه
تحسين بإنتعاش فضيع..
او استخدمي واحد منهم..
بشكل عام الملح الخشن جداً ممتاز

3/ عدم استخدام الشامبو او الصابون العادي لانه يسبب جفاف + تسلخات و إلتهابآت
4/ اذا جتك إلتهابات او روائح بشكل مستمر عالجي نفسك اول بأول ولاتهملين المنطقه ابداً..

دوم إحرصي ع إستخدام غسولات صحية وإبعدي كل البعد عن التجارية منها..

أنصحكم بعض افضل الغسولات…

1- لانا بالبابونج جداً حلو للمنطقه ويعطيها رائحه حلوه
2- كير فري -care free
3- غسول الفيمين من أفون..(يمدحونه مرا)
4-غسول سيتيال
5- غسول ليدي فرش
6- البيبي فوم من جونسون
7- سيباميد _(ماركة ألمانيه وناعمه ع المنطقه وحلوة و ريحتها تجنن ع المنطقه )
8-غسول ديو-سيبت ممتاز سعره اعتقد 60او70
لكن ممتاز واقتصادي وشعور بالنظافه غير طبيعي
9–غسول Leocrema جداً رائع و ريحته تهبل</B>تلاقينه بصيدلية النهدي ب 40 ريال…

هديتي((المنطقه,الحساسه)_(لعراي س بس)

1/ عند نكتارغسول اسمه(مجموعة العروسه) خاص روعه… بالفانيلا و التوفي
2/ وعند لاسنزا روائح تسطل بعدفروانه و شوكولا..
3/ عند نكتار بعد غسول بريحة التوت روعه ومع الاستعمال المتكرر يبض المنطقه..
بس حبايب قلبي حاولوا ما تكثرون إستخدامها.. لانها عطريه ..بس اذا تبونها ليله خاصه وهيك شي((المنطقه الحساسه))

نصيحه للعروسه ع الطآير((المنطقه الحساسه))

إستخدمي ماركة فاجيسال الغسول والبودره والسبراي مره نظافه و انتعاش.ولاتنسين مسك العروسه من القرشي خيال لايوصف بس..خفيه بشوية مويه فديتك.
و ممكن تحطين دهن عود شويه بس من فوق .. وبين فخوذك.. >> ع حرارة المنطقة
او حطي شوي من دهن العود او مسك العروس من القرشي ع الكلوت >> ما بأعلق بأترك التعليق لكم((المنطقه الحساسه)),

كمآن ابي اعطيكم نصائح تخلي ريحة إقرزات المنطقه حلوة

1/ دوم اشربي زنجبيل يخلي ريحة جسمك تجنن ويحافظ ع جمال بشرتك وجمال المنطقه
2/ انتبهي لنفسك وقت الدورة الشهرية جداً مهم.. لان عليها يكون اهتمام المنطقة عندك..
3/ سوي دوم نعناع مع موية ورد واشربيه >> عن تجربه يخلي ريحة المنطقة تجنن
يعني بإختصار..
دوم خلي مع مشروباتك الساخنه موية مورد ملعقه صغيرة ونعناع

4/ مثل ما ذكرت لكم المنطقه مكتمه يجب لذلك لبس ملابس داخليه قطنيه بيضاء وتغير الملابس الداخليه مرتين يومياً على الاقل.. او اذا اذا لقيتي فرصه اجلسي بدون الكيلوت..
منها تتهوى المنطقه .. وغير كذا مع الوقت تلاحظين المنطقه ماتكون غامقه او فيها إلتهابات..
لانها لقت متنفس

5/ استخدمي الفوط الصحيه المناسبه لك وقت الدورة الشهريه.. اذا كانت بشرتك حساسه ابعدي عن ألويز لانها تسبب حساسيه .. انا افضل برايفت جداً ناعمه وحلوه ..وخفيفه..

بعد ما انتهينا من أول نقطه.. وهي العناية الشخصيه .. والطرق المناسبه ..

2/ الطريقة الصحيحه والخطيرة لإزالة المنطقة..

يآبنات نصيحة .. ابعدو عن الموس..

والله انه يسود المنطقة ويكثف الشعر

اتبعي طريقتي و ماتندمين..

لازم المنطقة تكون ناشفه نظيفه….

منطقة البكيني والمنطقة العلوية الأمامية..نظفيها بالحلاوة..

أمالشفرتين تحت والمناطق الداخلية نظفيها ..بالموس…

نصائح لمستخدمي الاموآس..

_(استخدمي الامواس النسائية مو الرجاليه انتبهي..

فينوس الوردي
او Bic Soleil موس انا استخدمه لونه وردي يجن يجنن ومايسود لك المنطقة بزيت الصبار وفيتامين اي بين اشفارها مرا حلوه..)

طريقتي: استخدمه ع المنطقة ناشفه بدون رغوه بشكل افقي يعني احرك الموس بشويش.. بدون مويه او صابون او اي شي!

جربوه روعه

الرغوة..

عندك Super max حلاقة نسائي…سعره 5 ريال فقط…وفيه منه عدة روائح ( الافندر والروز) روعه وخيال ريحته وسهولة استخدامه

لاتقولين حلاوة آآي تعور..

سوي مثل ما اقولك..

1/ قصي الشعر.. خليه صغير نوعا ما..

2/ خذي الحلاوة قطعة صغيرة كأنها لبآن .. وأبدي شيلي..

لان اذا كانت الحلاوة كبيرة ..بتألم..
– لتجنب ظهور الحبوب والبثور بعد الحف استخدمي الاسكينول باليمون او اي نوع من انواع الTONER

يعجبني تونر هملايا باليمون

يتم توزيعه بواسطه قطنه

ملاحظه:
واذا تبين ممكن تستخدمين
– الآله –
من افضل الالات لنزع شعر المنطقه الحساسه هي آلة براون

تحتوي على شفره خاصه بالمنطقه الحساسه + قطعه لونها ازرق توضع بالفريزرلمدة ساعتين ثم اخرجيها وضعيها على المنطقه الحساسه فهي تعمل عمل المخدر

هي نوعا ما افضل من الموس.. وممكن تستخدميها لمنطقه العلويه خط البيكيني بدل الموس ..

ممكن كمآن تستخدمين بودرة الاطفآل للمنطقه مرا تجنن… تنشف لك المنطقه..

وتعطي ريحة بيبيز تجنن

وكمان ممكن بعد ماتشيلي استخدمي ..كريم سودو تبع البيبز مرا حلو.. يشيل اي حبوب او تسلخات ويبيض
في نقطة اخيره حآبه اتكلم
وهي الطهارة بالمسك بعد الدورة الشهريه..(كثير يجهلون فائدته ..)

لايجهلكم فوائد المسك الاسود وليس الابيض.. في الطهارة النسائية
وهي وصية الرسول صلى الله عليه وسلم للصحابية حديث عائشة إن امرأة سألت النبي صلى الله عليه وسلم عن غسلها من المحيض ، فأمرها كيف تغتسل ،

قال : ( خذي فرصة من مسك فتطهري بها )،

قالت: كيف أتطهر بها ؟
قال: (( تطهري بها ))
قالت : كيف؟
قال : ( سبحان الله ! تطهري بها ) فجتبذتها إلي ، فقلت تتبعي بها أثر الدم.
أخرجه البخاري
لقد تم مؤخرا اكتشاف أن المسك يقضي على البكتريا ويطهر الرحم من النجاسةوصدق الرسول الكريم صلى الله عليه وسلم
فوائد الأستعمال

أتباع للسنه

يذهب الأفرازات المهبليه والفطريات

يمنع من سرطان الرحم باذن لله
يذهب الحكه والحساسيه
يساعد على الأنجاب وتثبيت الحمل
طريقة الأستعمال

..طريقة استعمال المسك الخاص بالطهارة..الطريقة الصحيحة هي:
وهو (المسك الاسود)المضمون انه اصلي رجاء لاتستخدمون اي مسك قبل التاكد
مع الانتظام عليها ما راح تشوفين اي إلتهابات او اي حكه او اي افرازات.. ابد.. كل شهر عند الاغتسال من الدوره ..بس مهما وصفته ماراح اوفيه حقه وكلمة

روعه …قليل عليه(طهارة ونظافة وشد ورائحة حلوه)

للمتزوجآ:بعد طهاراتك وانتي تستحمين يؤخذ قليل من المسك وينظف بها أثر الدم ( في اخر يوم بالدورة الشهرية اعزكن الله)

الافضل بالاصبع يوضع قطرتين بسيطة ويدخل بفتحة الرحم(داخل المهبل)

اكرمكن الله افضل من قطنه .. عشان مايعلق شي بداخلها ويسبب لك إلتهابات او مخاطر……

..ثم اكملي استحمامك المعتاد ولن تشمي بعد اليوم اي روائح من هذه
المنطقة سوى رائحة المسك الزكية وهي مره في الشهر فقط لايستحب الاكثار لان المسك حار

الكمية ارجوكم لاتكثروا فقط قطره في طرف الاصبع كافية ((هذا للمتزوجا ))

واذا استخدمتيه تحسين بحرقه بسيطه وتزول عالفور ..

فقط اما غير المتزوجات

اي البنات فيمكن استعمال المسك من الخارج فقط مع تخفيفه شوي بالموية الدافيه..ارجوا الحذر والانتباه..مو جوا حبيباتي

تلاقونه عند القرشي السائل

بعد ما انتهينا من الطريقه لإزالة الشعر

/3اهم نقطة نوعا ما.. وهي كيفية الحفاظ ع نعومة وبيآآض المنطقه وشدهآ
1/ اذا حرصتي ع الخطوآت السابقة بشكل مستمر .. راح يبقى لك طريقه وحده وهي الحفاظ ع كل إلي سوتيه ..

وانا بأعطيك عدة طرق وتجآرب

وهو كالتالي:

1/ بإستمرار خذي قطنة و إسكينول باليمون ونظفي المنطقة من فوق و خط البيكيني..

بتنظف لك المنطقة و مع الوقت بتشوفين المنطقة فتحت
2/ هذي خلطة ممتازه استخدميها يومياً تبيض المنطقة وتنعمها .. وتشدها

زيت لوز+ نص كوب ليمون _(طازج اعصريه) + موية ورد

حطيهم بقارورة وقبل ماتنامين مسحي المنطقه مع خط البكيني..

خلال اسبوع الى اسبوعين بتشوفين كيف البياض والنعومه خيآل

3/ ينصحون بكريم مبيض للمنطقة الحساسة وهو Feed
4/ بشكل عام افضل زيوت ممكن تستخدمينها للمنطقة تبيض و تشدها هي زيت الوز او زيت الورد او زيت جنين القمح.. حاولي تدهنين المنطقه بإستمرار لاتهمليها..
5/ فيه خلطة انا استخدمها .. سمعت انها مع الاستمرار تفتح المنطقه ولاتنسي خط البيكيني جداً مهم بنات وهي حبه كريم بيتنوفيت +كريم دوف الوردي..

كريم بيتنوفيت = هو لاثار الحروق او حبوب او إلتهابات..

بس الخلطه نوعا ما حلوه.

6/ الحمام المغربي .. عند عملك الحمام المغربي الخاص بكِ ضعي كميه منه على المنطقه الحساسه من الخارج فقط ثم اغسليه وابتعدي عن دعك المنطقه باليفه

افضل حمام مغربي للجسم والمنطقه الحساسه ( ملعقتين حنا + 3 ملاعق صابون مغربي اسود + مويه دافئه ) ضعيه على جسمك وخاصه المنطقه الحساسه لمدة ربع ساعه ثم قومي بغسله…

هذي طريقه اذا بتستخدمين الحمام المغربي..
جيبي اول شي.._(موية ورد + مقشر بالمشمش او زيت زيتون مع ملح او سكر اي مقشر تفضلينه+ كريم دوف الوردي..)
بعد ما تنتهين من الحمام المغربي للمنطقة. بتكون المسام مفتوحه قشري المنطقه برفق.. وبعدها مرري عليها موية ورد بقطنه.. وبعدها حطي كريم دوف الوردي
شوف النعومه والبياض

التقشير بالحمام المغربي يكون تقريباً مرا بالاسبوع..

7/ ملح اليوكو يجنن .. مع الاستمرار عليه بتشوفين البياض و النعومه
الطريقه :

ملح يوكو+ عصرة ليمون مرا قليل عشان مايربي عليك الخلطه + شوي زيت لوز او اي زيت عندك.. وفركي المنطقه و لاتنسون يا بنات المؤخره..

8/ طبعاً ما ننسى افضل مقشر طبيعي إلي هو زيت زيتون مع ملح وسكر.. او بس ملح.. بس سكر..

بإختصآر: حافظي ع المنطقة بالتقشير والكريم المرطب.

افضل كريمات الترطيب: هي إلي تستخدميها ليدك استخدميها للمنطقه

منها جلوسليد مع ليمون و زيت لوز.. مع الاستمرار بتشوفي المنطقه خيال..

وكمآن .. حابه انصحكم …

فيه مقشرات طبيه ممكن تستخدمينها للمنطقه.

استخدمي:

1/ مقشر رتن اي+ افالون + الكوم

مقشر رتن اي= صحيح مقشر قوي بس يشيل لك الجلد الميت كله والطبقه السوداء كلها

افالون= كله فيتامينات ومبيض

الكوم= منعم للمنطقه

هذي الخلطه لازم تستمري عليها اقل شي شهر الى شهرين وبعدها لاتزيدين..

ملاحظه: في ناس ما يناسبهم رتن آي كل وحده وادرى بشرتها ممكن تستبدله بالمقشر إلي يناسبها

وفيه إلي اخف منها: آكرتين او ديفرين..

وبكذآ..

ياليت اكون وفقت في إختياري للموضع ونال ع إستحسانكم

اشوفكم ع خير

نصيحه :
قال رسول الله صلى الله عليه وسلم في قص الشارب وتقليم الأظفار وحلق العانة ونتف الإبط أن لا نترك أكثر من أربعين يوما ‏.‏ وقال مرة أخرى أربعين ليلة ‏.‏

نتف الابط: وجدوا سبحان الله نوع من الجراثيم لاتخرج الا بالنتف يعني لو حلقتي ماتروح بالعكس تعيش وتكاثر فلنظافة المنطقه نتفها.

حلق العانه:وجدوا ان لو نتفتيها تتفتح المسام وتدخل الجراثيم والاوساخ فتكون مأوى للبكتيرا فلذالك الحلق انظف لها .

وكثير سمعت انو يضر نتف العآنه لانه يسبب اهتزآز للرحم