الوسم: النوتيلا

الطريقه ..
اول شي نجهز القالب المتحرك اللي ينرفع او قالب الجيز كيك اللي ينفتح ..

ونبتدي نقطع الكيك شرايح اقرب للسمك على حسب الارتفاع اللي تحبين

بعد ما رصينا الكيك في القالب نبتدي نشربه بشوية حليب

وهنيييه بعد ماتشربت الكيكه بالحليب

وبعد ما انتهينا من الطبقه الاولى نبتدي نجهز الطبقه الثانيه (طبقة النوتيلا)

وهي عباره عن :
القشطه .. ومن ثم النوتيلا..

وفي مله ثانيه نخلط الدريم ويب مع نص فنجان ماي بااارد جدا ونحركها اللين تغلظ وتستوي كريميه بها الشكل ..
ونحطها على النوتيلا

اللين تستوي مزييييج نصب جزء منها على طبقة الكيك

ونرجع نكرر مره الثانيه نرص طبقه ثانيه من الكيك

ونشربه بالحليب ..

ونحرص انه ماتكون فيه اي فراغاااات في طبقة الكيك..

نحتفظ بمقدار من كريمة النوتيلا ونصب الباقي علييه ونسويه بحيث تكون الطبقه مرتبه ..

نغطي القالب ونغطي الجزء اللي احتفظنا فيه من كريمة النوتيلا ونحطهم في الثلاجه ..

أنا عادة احب اسويها قبل التقديم بيوم .. بس ممكن تخلينها 4 ساعات او أقل قبل التقديم ..

بعد ما تتماسك وقبل التقديم بربع ساعه نطلعها من الثلاجه وتكون بها الشكل ..

نيب كريمة النوتيلا ونغطيبها اطراف الكيكه ..

ونبتدي نزينها ب سائل الكاكاو (هيرشي)

ونقصصها وممكن تزينين الصحن والكيكه مره ثانيه بسائل هيرشي ..

وبـ الـهـنـآآآ والـشـفـآآآ .

كيكة النوتيلا بالكاكاو ..

يالله الردود 🙂

المكونات

مقادير الكيك: 2 كوب طحين – 1 كوب زيت – 1 كوب حليب – 3/4 كوب سكر – 3 بيضات – رشة ملح – ملعقة طعام بيكنغ بودر – رشة فانيلا – الكريمة: 1 دريم ويب – 1 قيمر اوال – فنجان حليب – الكاكو: كوب ونص كاكو نوتيلا – نص كوب كريمة خفق – بودرة كاكو + كاكو مالتيزرز للتزيين طريقة التحضير