وكل سوالفه كنها سوالف نسوان ..
مره يقول (نعالك مو ماركه)
ومره (قماش ثوبك صيني)
وآخر مره قاله
(قلمك رخيص مو زي قلمي ال dior)
فكتب له بقلمه [الرخيص] هذي الأبيات
في جيبي العلوي قلم بأربعه ريال
وأخطّ به مالا يخطّه (ديورك)
هذي علومك،،، كلها عوج وهزال
اسمعني، الله لايجبّر كسورك
فرحان.. تشري ب(ألف وشويه) نعال!
تمشي بك دروب المذله ب شورك
ومفصّل ب (حول الثلاثميه) عقال!
وتحته عقل فارغ سوى من غرورك
يا تافه .. ارخ السمع للي بنقال
وتراه ماهو من دواعي سرورك
اللبس ماعمره ستر عيب رجّال
هذا انت ماتستر خَواك ب قشورك
ومادامك تقيس الأوادم بالأشكال
عندي تساوت غيبتك مع حضورك
رح خاو خاوي مثلك أشبه ب تمثال
يرضي برستيجك ويسعد شعورك
ما اتشرف بمعرفتك ولا انت ف البال
ولا عاد أشوفك عندي ولا بأزورك
مغنيني الله عنك برجالٍ ثقال
مافيهم اللي حب تمثيل دورك
أقلّهم لو شاف تقصير وإهمال
يسد نقصك ما يدوّر قصورك…!!!
تسلم ايدك على جمال مانثرتي من كلمات رائعه
حروف نسجت بمعانها على شاطئ
بحر الشعر الخلاب
فأنا احبت المكوث والتمتع بروعة
قلمك وحبرك الشعري المميز
لكِ مني ورد تستنشق عبق عطرك لحد الاكتفاء
