صحيت من النوم فجأة
شفت نور غريب!!
المشكلة أن نور الغرفة مسكر
شفت الساعة على 3 ونص الفجر
طيب النور هذا كله من فين؟؟؟
تفاجأت لما شفت يدي نصها بالجدار
طلعتها بسرعة وانا خايف جلست اشوفها
دخلتها مره ثانيه بالجدار تدخل!!
سمعت صوت ضحك
جلست التفت لقيت اخوي نايم!!
قمت من السرير وانا خايف رحت اصحيه
بس ما يرد علي
رحت لغرفة أمي
أحاول أصحي أبوي
أبغى أحد يرد علي ما ردو
رحت لأمي أحاول اصحيها فجأة قامت من النوم!!
هي قامت من النوم بس ما كلمتني
كانت تسمي ‘بسم الله الرحمن الرحيم’ وتكررها
قومت ابوي من النوم قالت له قوم قوم
ابغى اروح اتطمن على الأولاد
أبوي جاوبها باستغراب ‘مش وقته خليني انام وبكرا يصير خير’
لكن باصرارها قام من النوم مستغرب وراحو سوى
جلست أصرخ أمي أبوي
بس محد يرد!!
مسكت ثيابها ابغاها تسمعني
بس ما حست!!
جلست امشي وراها لحد ما وصلت غرفة النوم
دخلو غرفة النوم وشغلو اللمبات
ما كانت تفرق معاي لأن الدنيا منوره أصلا
بس تفاجأت لما شفت شي غريب
شفت جسمي!!
أيوه جسمي انا
جلست أطالع في نفسي لقيتني صرت اثنين
قلت في نفسي مين هذا؟ وكيف هذا يشبهني!!
جلست أضرب في نفسي أبغى أصحى من هذا الحلم الكئيب
لكن ما صحيت
أبوي قال ‘يالله شفتي انهم نايمين خلينا نمشي’
لكن أمي ما هديت راحت عند اللي كان نايم مكاني
قالت محمد قوم محمد قوم رد علي
بس ما يرد!!
حاولت أكثر من مرره وفجأة بدأت دموع أبي تتساقط
أبي القوي الذي لم أرى في حياتي دموعه رأيتها اليوم
بدأ الصراخ يعلو المكان صحى أخي من النوم قال ‘ايش صاير؟’
أمي قالت له وهي تصرخ ‘أخوك مات محمد مات’ وهي تبكي بحرقة
ازداد الصراخ
رحت لأمي قلتلها لا تبكي أنا هنا شوفيني!!
ما في احد بيرد علي ليه
جلست أصرخ أنا موجود شوفو
بس ما في حد بيرد
جلست أصرخ يارب يارب يخلص الحلم اللي انا فيه
سمعت صوت يأتي من بعيد وكان يعلو شيء فشيء
حتى سمعت قوله تعالى:
((لقد كنت في غفلة من هذا فكشفنا عنك غطاءك فبصرك اليوم حديد))
فجأة في اثنين مسكوني بس هما مش من البشر
خفت!!
جلست أصرخ أتركوني أتركوني
أنتو مين؟؟ وايش تبغو؟؟
قالو: ‘أحنا حراسك لحد القبر’
قلت أنا ما مت أنا لسى حي
ليه تودوني القبر أتركوني!!
أنا أحس وأتكلم وأشوف لسى ما مت
ردو علي بابتسامه
قالو ‘عجيب أمركم يالبشر تظنون أن الموت نهاية الحياة ولا تدرون أن ما كنتم
تعيشون فيه هو حلم قصير ينتهي عندما تموتون’
مازالو يسحبون فيني لحد القبر
واحنا بالطريق شفت ناس بتبكي وناس بتضحك وناس بتصرخ
وكل واحد معاه اثنين زي
سألتهم ليه يسو كيذا؟؟
قالو ‘الناس هذول عارفين مصيرهم منهم من كان على ضلال’
قاطعتهم وانا خائف ‘يعني بيروحو النار!!!’
قالو ‘نعم’
وأكملو حديثهم ‘واللي يضحك هذا رايح الجنة’
رديت بسرعة ‘وأنا رايح فين؟؟؟؟؟’
قالو ‘أنت كنت شويه تمشي صح وشويه تمشي خطأ
شويه تتوب وترجع اليوم الثاني تعصي
وما كنت واضح مع نفسك وهتضل كيذا تايه’
قاطعتهم وأنا خائف ‘يعني ايش يعني انا بروح النار’
ردو علي ‘رحمة الله واسعة والرحلة طويلة’
التفت وأنا خايف شفت أهلي أبوي عمي أخواني أقاربي كلهم
كانو حامليني بصندوق رحت لهم ركض قلتلهم ‘ادعو لي’
لكن ما في حد رد علي منهم من كان يبكي ومنهم من كان حزين
رحت لأخوي قلت له انتبه من الدنيا وفتنها لا تغريك
كنت أتمنى لو أنه يسمعني
شدوني الملكين لقبري ونوموني فوق الجسد حقي
شفت ابوي وهو يرمي التراب فوقي
شفت اخواني وهما يرمو التراب
شفت الناس كلها ترمي التراب فوقي
تمنيت لو اني مكانهم في الدنيا
كان تبت
كان صليت الفجر أمس
كان دعيت ربي كل يوم
كان جددت توبتي كل يوم
كان بطلت معاصي
كان استغفرت اكثر
كان سبحت الله أكثر
جلست اصرخ ‘ياناس انتبهو تغركم الدنيا’
تمنيت لو حد يسمعني
فهل سمعتني أنت؟؟؟
– – – – – – –
لكن فيه اخطاء وتشبيهات كثيره
