من وين أجيب لعيوني دمعْ… وأبكي لكْ ؟!
لاتسافر.. الماء يموت.. وينشف العصفورْ
والريح تصمُتْ… وذِيبَةْ رَمْلِي تعوي لكْ !
محتاجك أكثرْ من أوقف والسنين: تدورْ
وأكثر من إني تَعَبْ كل ليله أسري لكْ
محتاج أفضفض لقلبك عن ثلاث شهورْ
وعن حلم عاري…. لقى حتفَهْ يغنِّي لكْ !!
كل مانسيتكْ.. ذِكَرْكْ الخاطرالمكسورْ
يا سُخفْ عذري… وياحظّ أضلعي بويلكْ
جرِّب تنام .. بيديكِ… ولا معاكِ غرورْ
عشاني..جرِّب ثواني…. وشفْ شسوِّي لكْ :
بأهديك باب.. ودُعا / خفَّاقْ / شِعْرْ / طيورْ
يمكنّك شوي…… تدري شكثر حبِّي لكْ !
والبارحة… ما هَجَدْتْ ولا حَوَتْني الدُّورْ
ماغيرأشتِّمْ غيابك… وأرجَعْ أشكيلكْ !
بلحالي.. كِنِّي الفقير.. وكِنّ زَعَلْكْ السُّورْ
كل مابغيت أشحذك.. هجَّتْ محاصيلَكْ !
بشويش قل لي:شَسَوِّيْ.. وأجْمَعَ المنثُورْ
بس إنت آمر.. وأنا بهبالي… كلِّيْ لكْ !
ودِّي أكونِكْ.. وإنتكوني.. وبالدّورْ :
أناأحضنَكْ بُنّ.. وإنت تضُمِّني هيلكْ !
ماهو بوقت ل تغلِّي… سيِّدي المَمْطُورْ
بالحُسنْ / .. وأمَّالمسافة تنتخي بخيلكْ !
العُمرْ:دفترْ… وأيام الوصال سطورْ
يا دفتر العُمرْ… لا تحرمني سطري لكْ !
ثلاثة شهور… والوحدة بليَّا شعُورْ..
تهِدّ بي حلم… وأرجع كلِّي أبْنِي لكْ !
لله… قل لي: إذا مَرّيتني ب غرورْ :
من وين أجيب لعيوني دَمعْ.. وأبكي لكْ؟!
من وين أجيب لعيوني دَمعْ.. وأبكي لكْ ؟!
كلمآت قمة في آلجمآآآآل..
مآنحرم من جديدك
تحيآآتي
على الرد الجميل
