الفطائر والبقسماط من مطبخي

وبعدما تركناها تختمر أصبح هذا شكلها لاحظو الفرق وكيف الحجم تضاعف :

وبكدة أصبحت العجينة جاهزة للإستعمال ، نعجن تاني العجينة علشان الهواء يخرج منها ثم نفردها علي سطح مرشوش بالدقيق نفردها بإستخدام النشابة ودا شكل النشابة اللي إستخدمتها :

نفرد العجينة ثم نقوم بتقطيعها بأي شكل دوائر أو قلوب أو مثلثات ونضع اللحمة المفرومة المعصجة داخلها وعليها الجبنة الموزاريلا أو نحشوها بالكبدة الإسكندراني وبيبقي طعمها روعة أو نحشوها بالجبنة الفيتا أو المثلثات والجبنة الموزاريلا ونغلقها بضم الطرفين جيدا والضغط عليهم جيدا بأطراف الأطابع حتي لا تتفتح أثناء تسويتها بالفرن ، ونضع الفطائر في صينية مدهونة بالزيت ثم ندهنها بالبيض والحليب والسمنة ونرش عليها السمسم ودا شكلها بعد ما حشوتها وزينتها بالسمسم :

ونضعها في فرن حار علي أعلي درجة حرارة في الفرن الكهرباء أنا أسويها علي درجة حرارة 250 درجة مئوية ويكون الفرن ساخن مسبقا وتأخذ داخل الفرن حوالي 10 دقائق إلي 12 دقيقة وهذه هي النتيجة :

طبعا الفطيرة اللي إحمرت شوية زيادة كان بسبب إني لم أفرغها من الهواء قبل ما أغلقها ودي ملحوظة مهمة جدا يجب أن نضغط عليها حتي لا يظل الهواء بداخلها وتحترق . ( معذرة لأني لم أستطع أن أصور كل خطوة بالتفصيل وذلك بسبب بناتي الحلوين هاجر وآلاء هداهن الله فإلتمسوا لي العذر ) ، وبالهناء والشفاء أتمني تكون عجبتكم وتدعولي مش تدعوا عليا

والآن مع البقسماط :
من نفس العجينة نأخد قطعة طولية ونبرمها جيدا علي شكل حبل طويل بس يكون رقيق لأن العجينة بتفرد شوية في الفرن وبعد ما نبرمها بقسمها إلي أصابع طولية مثل البقسماط الجاهز ونضعها في صينية مدهونة بالزيت ، وندهنها بالحليب والسمن والبيض ونرش عليها السمسم وهذا شكلها :

ثم نضعها في فرن هادئ جدا حتي يتحمص ويكون مقرمش وبتاخد في الفرن حوالي 20 دقيقة وهذا
الشكل النهائي للبقسماط :