نطلع الكنافة من الفريزر ونفركها على طول بمعلقتين سكر بودرة وبعدين نسيح من 3 -4 ملاعق سمنة كبار حسب كمية الكنافة ونفركها كويس بالسمنة بايدينا لحد ماتشرب السمنة كويس وتكون بتلمع اوى ,, نجيب القالب بتاعنا لو كان تيفال ماندهنوش بحاجة ونرص طبقة الكنافة ونضغطها كويس بايدينا ونحط طبقة وفيرة من الكاسترد (( انا استعملت البودر الجاهز وحضرته بالطريقة المكتوبة على العلبة لكن خفت السكر للنصف عشان شربات الكنافة تقيل وسكره زيادة ولازم الكاسترد يكون بارد تماما حتى لو تكتل وعمل حت عادى مفيش مشكلة هيدوب فى الفرن وهيبقى طبقة متجانسة )) ونغطى الكاسترد بطبقة تانية من الكنافة ونساويها كويس بايدينا بدون ضغط عشان الكاسترد مايطلعش من الجوانب ونتاكد ان كل طبقة الكاسترد متغطية تماما بالكنافة
وندخلها فرن مسخن مسبقا على 200 لمدة 20 دقيقة لحد مالجوانب تدأ تحمر اطفى الفرن ولعى الشواية وحطيها على ارضية الفرن عشان الطبقة العلوية تستوى والوش يتحمر هتاخد حوالى 5 دقايق كمان وطلعيها اسقيها بالشربات البارد على طول ورشى على الوش مكسرات محمصة مفرومة زى منا عملت
وشربات الكنافة بيكون 2 سكر +1 ماء على النار حتى الغليان وبعدين عصير نص ليمونة واوطى النار واسيبهلحد مايعقد وارفعه من على النار واسيبه يبرد تماما والمفروض اكون مجهزاه قبل مابدأ فى الكنافة
مشكوره غلاتي
شكرا لك
ابداع متواصل
تقبلي مروري وردي
ابداع متواصل
تقبلي مروري وردي
