حنحتاج لكيكة بسيطة . وممكن تستخدمي اي كيكة معتمدة عندك .
وحنحتاج يا جماعة إلى 3 ألوان من خليط الكيك انا عملت (ابيض بنكهة الفانيليا – شوكلاتة – وبمبة بنكهة الفراولة) هنا في الخليط البمبة استخدمت اللون ده .
وزودت على الخليط معلقتين صغيرين من نكهة الفراولة . وده شكل الازازة
حطيت شوية حلوين علشان عايزة اللون يبقى مركز .
وصبيت عليه جزء من خليط الكيك الابيض .
أختكم في الله بتموت في اللون البمبة ولازم تتابع التطورات بصو يا جماعة هنا بدأ اللون يظهر .
هنا اللون لما بدا يغمق
وهنا شو وصل للون الي انا عايزة بصو على الجمال يا ناس
وهنا الثلاثي المرح جهزين
وحنحتاج لثلاث معالق كل خليط كيكة معلقة لوحدو
هنا يا جماعة حندأ نحط من كل خليط مقدار معلقة واحدة ويبقو جنب بعض بالصوره دي
بصو هنا بدأت الدائرة تكتمل وبنلاحظ بدا يفرد اكتر ويندمج مع بعضو
وده اول دور في الصينية
حندأ نحط دور تاتي بس نحط على كل لون لون مخالف ليه زي كده الصوره التالثة الي جاية هنا اللون الابيض والبمبة بحط معلقة من خليط الشوكولاتة
ونفس الفكرة
وأيضا البمبة
كده الصينية خلصت لاحظوا الألوان والفكرة يا فتوكات اننا ما نحركش خليط الألوان مع بعض زي ما بنعمل في كيك الدوامات او الماربل المخطط .
وهنا صورة أقرب للفكرة
ونخبز الكيكة في فرن مرتفع الحرارة لمدة 10 دقائق وبعد كده نوطي النار على المتوسط ونسبها حوالي النص ساعة أو حسب حجم الصينية الي عندنا وده شكلها بعد ما خرجت من الفرن
وهنا صورة أقرب لشكل الكيكة وهي في لسه في الصنيية
وهنا قلبها علشان أحطها على الشبك لحد ما تبرد فقلت اخد لكم صورة . ده شكل القعر بصو خليط الشوكلاتة والفانيليا واضح ازاي
ودي صورة للجناب بصو اللون موحد وجميل ازاي
وهنا حطتها على الشبك لحد ما تبرد علشان أقطعها
وهنا صوره أقرب بصو على الجمال يا ناس
وهنا بعد ما عملت الشاي وجهزت الصينية حطيت الكيكة في طبق التقديم
ودي صور مختلفت الاوضاع والزوايا لشكل الكيكة قبل ما قطعها
وهنا صور أضوح لقطع كيكة الثلاث ألوان
لو عجبك موضوعي ما تنسيش التقييم:sdgsdgh:
طبعا الموضوع منقول
