صديقاتى الغاليات كنت عملت قبل كده مقلوبه الفراخ بس للاسف الصور منزلتش قولت اعمل كلاكيت تانى مره علشان الحبايب
المقادير
دجاج حسب العدد حوالى دجاجتين مقطعه ارباع ومغسوله بالملح والدقيق ونتبلها كويس بالبهارات المشكله والملح والفلفل
بصل مقطع شرايح -ثوم مفروم -جنزبيل مفروم- جزر مقطع حلقات
زهره مقطعه الى زهرات ومسلوقه ونحمرها -باذنجان مقطع شرايح ونحمره -بطاطس مقطعه شرايح ونحمرها
التوابل
ملح-فلفل اسود- قرفه -كركم -كارى -بهارات مشكله-قرنفل-حبهان- لومى مطحون
الطريقه
اولا الفراخ بعد ماتبلناها كويس نحطها فى حله تيفال على النار ونضع البصل عليها ومعلقتين سمن ونقلبها شويه على النار ثم نضيف الثوم والجنزبيل ونتركها على نار هادئه لحد ماتقرب تستوى شويه
وبعدين نبدا نتبل الزهره والباذنجان والبطاطس بعد ماقليناهم بالتوابل وبعدين نبدا نحطهم على الفراخ اولا نضع الزهره والجزر
وبعدين نحط الباذنجان والبطاطس
نجيب كوبايتين رز بسمتى ونغسلهم وننقعهم كويس ونحطهم عليهم بالشكل ده
وبعدين نحط عليها مرقه تكون فيها حبهان وقرنفل ونحط التوابل اللى نفضلها انا بحط ملح وكركم علشان اللون الاصفر وقرفه وتوابل مشكله واغطيها بالمرقه واسيبها على نار عاليه لحد ماتتشرب وبعدين اوطى النار عليها
وبعدين اقلبها فى طبق التقديم وازينها بالمكسرات المحمصه والبقدونس وده شكلها النهائئ
ايه رايكو ياحلوين
