التصنيف: تسريحات شعر

السلام عليكم

اهلاااااآ؛ كيفكم ؟!

الصراحه انا جديده بالمنتدى و حابه اشاركم في طريقه لف الشعر كيرلي بدون استخدام اي جهاز ساخن يوذي الشعر : ) يعني تسوينها بعد ما تخلصين متحممه يصير شعرك فيه رطوبه شوي مووو مليان ماء تحطين الفوطه عليه لين يمتص الماء و بعدها تبدين الشغل؛ طبعا يفضل تسوينها و تنامين لان يبيلها 3 ساعات بالقليل عشان يثبت الكيرلي

الطريقه الاولى ::

الاشياء اللي نحتاجها 🙂
– شعر فيه رطوبه خفيفه
– بنس الشعر
– يدك الجميله
^^ ملاحظه يفضل استخدام كريم بديل الزيت من بانتين او كريم تسريح الشعر من برت بلس تاخذين كميه قليله من الكريم و تدهنين فيه من اول الشعر ( عشان م ينتفش و يعطيك مظهر طبيعي و يغذيه و يحميه من حراره الجو ) الى اطرافه …. ترا انا قلت كميه قليله براحه اليد

انا بحط لكم الطريقه بالفيديو

الجزء الاول كيف لفت الشعر

الجزء الثاني لما قامت و فكت الشعر

ملاحظات :::

– اهم شي في هاذي الطريقه ان الشعر يكون فيه بلل و رطوبه خفيفه م يكون جاف او مبلل و لا تحاولين تجففينه بالاستشوار لانه بيخلي شكله باهت و تعبان
– الكريم تحطينه و شعرك فيه بلل و رطوبه خفيفه و لا تكثرين كريم عشان م يطلع يابس كانه شجره مثل م قلت براحه اليد فقط
– لازم تقسمين شعرك و تعرفين كل خصله برمتيها وين بيكون اتجاهها داخل على الوجه او برا و على اساسها تسوين باقي الشعر

^^ سويت هاذي الطريقه مررره بطله 🙂

الطريقه الثانيه ::

لف الشعر الطويل بالجوارب ( النظيفه ) لا تضحكون و الله مررره شكله جميل و طبيعي و تحسين الشعر فيه صحه
نفس الطريقه الشعر فيه بلل خفيف ادهنيه باحد الكريمات اللي سبق ذكرها و لفي اطرافها بالجوارب و نامي

ملاحظه ::
يفضل ان تكون الجوارب نايلون عشان تصير اسهل و اخف للشعر

^^ هذا الموضوع من تجميعي و ليس منقول و اللي اعجبها و تبي تنشره تكتب عليه منقول ..

اتمنى ان الطرق افادتكم و اذا اعجبكم الموضوع ادعوا لي و تفاعلوا معي بالردود و شكرا