التصنيف: روايات طويلة

السلام عليكم ورحمة الله وبركاته

روآية مشتركة بيني وبين عضوة جديدة من الربع !! اسمهآ سمر تحت القمر ،، وقد تم تنسيقها بواسطه مجهوله من الربع بس ممو مسجله !!

اتمنى تعجبكم وتستمتعوا معآنآآ….

نبتدأ…….
( البآرت الأول)**
بأول عائلة نعرفها والباقي تتعرفون عليهم من خلال الروايه ..
عائلة ابو فهد:
ابوفهد (حمد)
أم فهد (حميدة)
فهد : عمره 30 طويل اسمر عيونه سودا عريض يشتغل مع ابوه بالشركة متزوج بنت خالته نرجس حنون على اخوانه بس وقت الجد جد والمزاح عنده قليل .
خالد: عمره 25 مرجوج ومهبل بامه وابوه لآعب بهم لعب طويل ولاهو ابيض ولا اسمر (وسط) صديق فيصل ولد عمه .
سارة : عمرها20 أولى جامعه هادية ونعومه شعرها حرير بيضاء طولها متوسط عيونها عسليه مرره كيوت جونآآآن تدرس طب اطفال.
وجدان : عمرها 18 كسلآلآنه مرره وجسمها مليان عكس أختها سارة مررة نحيفه ،، دفشه طويلة لسان .

قصتي تحكي جروحي
تعجز عن وصفها روحي
في غربتي في يتمي هذه هي حيآتي

في الصباح جلسوا على صراخ أمهم… بأول يوم دراسي

أم فهد : بسكم نوم قومو اصحو تأخرتوا عن المدرسه
وجدان: يممه تو الوقت بدري والله امس مانمت زين
أم فهد : طيب أوريك بروح اصحي أختك ورآجعه ،،ان ماصحيتي بكب المويه عليك
وجدان: يصير خير

طلعت ام فهد وتوجهت لغرفة سارة ودقت الباب ..
سارة : مين ؟؟
ام فهد : انا يمه يلا صحيتي بسرعه فهد ينتظركم
سارة : يممه المحاضرة تبدأ الساعه 8 بروح مع خالد .. أوك
ام فهد: طيب على راحتك

رآحت لوجدان مرة ثانيه دقت الباب …
وجدان : يممه أنا بمصيبه المريول ضاق علي
كان خالد طالع من غرفته وكاشخ الف شاف امه متوهقه وقال : وش فيها بنتك اذتنا من الصباح صراخ
طلعت وجدان وشوي بتبكي ..
خالد : وش فيك لاحول ولا قوة الا بالله من الصباح صياح ..
وجدان : فهد
فهد سمعها : هلا جهزتي ..
وجدان : وصلني بيت خالي ابوتركي باخذ منهم شي
خالد بلقافه : وشو ؟؟
وجدان بحرج : هآآ ولا شي!!
ام فهد فضحتها تصارخ من تحت وهي في المطبخ : اخذي مريول من اختك !!
وجدان بعصبيه: يممه
خالد : وصممه !! بس فهمناها يلا قفي وجهك وبكره روحي مب لازم اول يوم مارح تدرسين شي..
وجدان مصدقه وطايرة من الفرحه : صدق؟؟
ام فهد وهي تصعد عندهم : حلفي عاد يلآ قفي وجهك وبجيب لك مريول وسيع لما كانت نرجس حامل !!
طلعت سارة : بالله عليكم وش هالصراخ ؟؟
خالد : أوف جت ابله حكيمه
وجدان :ههههههههههههههههههههههههه
خالد : من زين هالضحكة .. ياختي كنها دجاج جايع !!
الكل : هههههههه

طلعت نرجس من شقتها لافه حجابها لان خالد هناك ،،

ونزلت من الدرج وقالت بدلع : يلا فهد ذولا مابيمشون الحين …
فهد :مشينا يلا سلمتي على الوالده؟؟ ..
نرجس بتأف: اخوك طاق وجهه
نزلت سارة وبهدوء قالت : فهد
فهد : هلا بغيتي شي ؟؟
سارة :سلامتك بس بغيت مشوار بسيط توديني بيت عمي ابوفيصل..
فهد : ولو روحي اجهزي ..
نرجس بعصبيه : يوه تأخرنا وش هالبلوه اللي ربي باليني بها
سارة : خلاص رح اخلي خالد يوصلني
فهد برود : أوك

طلعت سارة فوق الا خالد بينزل وبسرعه وصدمت به ..

سارة : آسفه
خالد: انا اللي اقول اسف مو انتي حقك على راسي أميرتنا
سارة بخجل: شكرا
خالد :العفو آمري وتدلي
سارة : ابي اروح بيت عمي ابوفيصل .. وسكت
خالد : من عيوني يلا اجهزي وانتظرك
سارة : عيونك سالمه

نزلت وجدان وبعصبيه : احلف عاد خويلد سارة من عيوني ونا قفي وجهك هآآ؟؟
خالد : وش جيب الثرى للثريه
وجدان رفعت الجزمه حقتها وترميها على خالد وهو بعد … وصابت سارة …
سارة : وجدان وجعو …
وجدان : اقول انقلعي لا افقعك
سارة : محترة << وتطلع لسانها
خالد : اقول تراني عطيتكم وجه بزياده
سارة : انآآ؟؟
خالد : كلن بحسب قدره

وتطلع ام فهد وتخازر بقوة : وجع والنهايه وش ماكلين أمس؟؟
وتناآدي بقوة : بوفهد
جاء ابو فهد : وش فيك ؟؟

وطلعت سارة وخالد معاها،، اما وجدان راحت غرفتها تكمل نومتها !!

في الطريق ..
سارة : الا صح وش بقول انت منت نآوي تدرس آخر سنه ؟؟
خالد : اذا عقلت رح ادرسها ..
سارة من غير فهم : وش تقصد ؟؟
خالد : اسألي ابو الشوارب << معلق على ابوه بهاللقب
سارة : ههههههههههههههه ومنو هذآ ؟؟
خالد : حضرة المتهم ابي
سارة : هههههههههههههههههههههههه الله يقطع ابليسك انتبه بس للطريق …
خالد : حاآآآآض ر
وزاد سرعته .. وصار يدور بها يمين يسار وهو يضحك..!!

سآرة مخترعه : خالد تكفى خلآآآآآآآآآص…

وصلوا وهو يضحك وميت ضحك الا فيصل طالع من البيت وشكله خطير شبه نآآيم ..

خالد : هلا والله فصول ..
فيصل : نعم وش تبي اصغر عيالك أنا ؟؟
خالد وهو حاط ايده على راسه بتفكير :اتوقع؟!
وفتح الباب اللي قدآم ولا يشوف الا الحرمه اللي جالسه ويرجع من الربكه يسكر الباب …

خالد ميت ضحك شوي ينسدح من الضحك
وسارة معصبه :أوريك شغلك !! مستهتر واجد والله لا اعلم ابوي عن اللي عملته من شويه !!

خالد : لآ تكفين خفت منك ومن بو الشوارب …هههههههههههههههههههههه
سارة : عيب
وتصفع بالباب بقوة بوجهه …

فيصل : تستآآآهل أنا فصول هآآ؟؟
خالد : اقول اركب بسرعه لا امشي عنك ..
فيصل : العن ابو المذله لو ما سيارتي خربانه كان مانذليت لك
خالد بغرور : غصبن ع الزمن بيرجعكم للمحتر خالد احم احم …
ركبوا السيارة .. وناسين انهم متأخرين عن الشركه مروا على الكافتيريا واخذو كوب كوفي.. وبسطوا على اساس الوقت السا عه7
امآ بالنسبه للبنوتا ..
ا
يه صح نسيت اعرفكم بفيصل واهله …

عائلة ابو فيصل :
ابو فيصل (فراس )
ام فيصل (سعاد)
فيصل : عمره 25 صديق خالد مرره رجه على صاحبه ،، طويل نحيف بشرته مثل خالد يشبهه من كثر مايقعد معاه شكل واخلاق والعايله معلقه عليهم التوأم ,,..
ملاك : بنوته نعومه عمرها 20 سنه هاديه وناعمه ومثل سارة في الصفات بس ملاك احلى شعرها طويل وناعم بيضاء وصوتها حلو عيونها زرقاء شعرها اشقر ..

نرجع للبنوتا ..
دخلت سارة وسلمت على خالتها ام فيصل …
ام فيصل : وش أخباركم؟؟
سارة : تمام الحمدلله نسأل عنكم ..
ام فيصل : تسأل عنك العافيه يالغاليه

نزلت ملاك من الدرج وراحت بسرعه لساره صار لها شهرين ماشافتها وضمتها بقوة
ملآك بصراخ : وحشتيني يالدوبه
سارة : وانتي اكثر حبيبتي

ونتهى البارت الأول

بككررة باذن الله البارت الثاني …

نزلت ملاك من الدرج وراحت بسرعه لساره صار لها شهرين ماشافتها وضمتها بقوة
ملآك بصراخ : وحشتيني يالدوبه
سارة : وانتي اكثر حبيبتي
ملاك تنادي الشغاله : سوتي اعملي لنا كابتشينو 2 بسرعه
سوتي : حاضر ماما

صعدت ملاك مع سارة لغرفة ملاك .. وفجأة الصدمه غرفة فيصل مفتوحه وأشياؤه مبعثرة بشكل فضيع .. انحرجت شويه من سارة وقالت : هذا فيصل مايتوب ..
سارة وهي تضحك بنعومه : هههههه لآ تخافي نسخة خالد ماتغير شي ..
ملاك وسارة : هههههههههههههههههههههههه

طيب نروح عند الشباب اللي ناسين عمرهم بالمررة ..
فيصل: أقول خالد منت ناوي تتزوج ؟؟
خالد : لا بالله اذا صآر عمري 90 رح افكر
فيصل : الا على طاري 90 كم عمر ابو الشوارب
خالد : هآآآ << تذكر ابوه وموعدهم بالشركه

قام بسرعه البرق وفيصل وراه ومو عارف شالسالفه ..
ركبوا السيارة ودار بينهم الحوار التالي ..

فيصل : خالد وش بلاك ؟؟
خالد : بلاني ابو الشوارب … طالع الوقت الله يسعدك
فيصل بخرعه : هآآ الساعه 10 وربع
خالد:لا الظاهر ابو الشوارب وابوالخرعات ذابحينا اليوم
فيصل:لا تقول هالكلام غير هالحكي بس
خالد : قوم انزل بس واستعد للمواجه العنيفه
فيصل : يالله الله يعين
خالد : بسم الله الرحمن الرحيم قل هو الله احد . الله الصمد .
ويكمل فيصل : لم يلد ولم يولد . ولم يكن له كفوا أحد

ويطلع ابوفيصل من وراهم ويمسكهم بقوة ..
ابوفيصل : صدق الله العلي العظيم .. شطورين حافظين السورة كامله
فيصل باستهبال : شفت عاد يبه حافظين نصف القران ..
بو فيصل وهو يصطنع التعجب : صدق
خالد بثقه : ايه تبينا نسمع لك ..
بوفيصل بصوت عالي : بسرعه على مكتبي وعندي لكم محاظرة عن الالتزام بالدوام .. بسرعه

ركضوا بسرعه وينزلق فيصل على الدرج لان الخادم للشركه يمسح الارض ولا بطيحة فيصل بقوة على الارض

خالد : هههههههههههههههههههههههههههههه هههههههههههههههههههه ههه
فيصل : تضحك انت وجهك
خالد : بس لقيتها ..!!
فيصل بتعجب : شنو ؟؟
خالد : وش رايك نقول لهم كنا بالطريق وصدمنا بسيارة ..
فيصل : طيب كيف صدمنا بسيارة والجرح برجلي مو براسي ..
خالد : وش فيك نقول لهم لما طلعنا من السيارة ..واحنا نمشي ..

البواب ميت ضحك عليهم .. بس ماتركوه راح له خالد وقال : لو تكلمت بكلمه بفنشك ..
البواب : اتحداك بقول لأبوك
خالد : جرب !!
البواب : لا يبا مني بقد هالتحدي خلني اصرف على عيالي وبيتي ..
خالد : ايوه خلك شطور ولك منا معاش بزيادة 50%
البواب : صدق ؟؟
خالد : اطلب واتمنى وفيصل بينفذ..

فيصل ماسمع لأنه جالس على الارض مو عارف يمشي …
ج آء ابو فيصل وابوفهد ..

ابو فهد : بدري تو الناس كان تأخرتو بعد
خالد : والله يبه عندنا مشكله بالاقدام
ابو فهد : احلف عاد تأدب احسن لك .. خويلد الشغل عليكم مضاعف فاهمين
فيصل يصطنع العصبيه: افهمونا طيب
خالد : القصه ومافيها بعد ماوصلنا توهقنا صدم فيصل بسيارة من العجله وانجرحت رجله .. بقوة !!
ابو خالد : للا من الساعه 8 الى الساعه 10 كله جرح
خالد : مو يبه الله يهديك وديناه المستشفى اسأل ابو عبدالله البواب ..
ابو عبدالله البواب : ايه صح صح ^_^ انا شفتهم ..

ابو فهد وابوفيصل صدقوا الكلام
ابو فهد : طيب وريني جرحك ؟؟
رفع فيصل ثوبه وراه ..
ابو فيصل : العن جرح بسيط ومطولين السالفه من الساعه 8 الى 10؟؟
خالد بتأف: ايه توه خآف ..
ابو فهد : طيب روحوا اليوم اجآزة عندكم وبكرة طول اليوم شغل !!
ابو فيصل : عاد نعتمد عليكم بكره عندنا شغل بفرنسا ومعانا فهد يعني انت وفيصل ومعاكم تركي بتديرون الشركه
فيصل بثقه : احم احم …
خالد بابتسامه : لاتوصي حريص يالغالي

فيصل : يبه ممكن ناخذ تروك معنا
ابو فيصل : والله انا ناوي اعطيه 10 ايام اجازة مجتهد بشغله عكس اللي جنبنا
فيصل بصوت خفيف وهو رافع حاجب : طيب والله لو تدري انه طول الوقت نايم ويوزع الشغل بين الموضفين ويعطيهم معاشه آخر الشهر ..
خالد : ههه
ابو فهد : وش قلت انت وياه ؟؟
خالد : لا كنا نقول الله يوفقكم ويسهل لكم
فيصل : تروحون وترجعون بالسلامه …

مشو لغرفة تركي ولد خالهم .. يلآلآ نعرفكم على تركي واهله

عائلة ابو تركي (جميل
ام تركي(جوليا)
تركي: عمره 26 سنه ، من مواليد امريكا لان ابوه كان يشتغل هناك لمما كانت امه حامل به ولما ولدته مات وتزوج بعد كم سنه بامريكية وجابت بنتين سماهم منى ورنا .. ولما وصل عمره 18 رجعوا السعوديه …
منى : عمرها 18 سنة نفس اخلاق امها وتكرة تركي لأبعد الحدود ..
رنآ : بنوته نعومه حبوبه عمرها 24 سنه .. دلوعة تركي !!

طيب نرجع نشوف فيصل وخالد

دقوا الباب على تركي وكان قافله …
ورآحو للسكرتي يآخذوا المفاتيح الاحتياطيه
فتحو الباب ولقوه على الكنبه رايح فيها نومه

خالد : مدري اروح اجيب ابوي يشوف المثال الاعلى
فيصل: اقول خلود وين المويه
طلعو المويه من الفريزر وعلى تركي المسكين اخترع وقام يصرخ ….
خالد وفيصل : هههههههههههههههههههههههههههههه هههههههههههههههههههه هههههههههههههههههههه
تركي : يالحمير اعلمكم منو انآآ؟؟
خالد : احمد ربك جاين لمكتبك نطلعك ..
تركي بفرح : احلف عاد
فيصل : والله والله وهذاآ بفضلي أنآ عليكم

تركي يغمزلخالد ويرفع غرشه المويه ويكبون باقيها على فيصل وفيصل يتسبح بهآآ
ويقوم ياخذ المويه الغرشه الثانيه ويلحق خالد وخالد وصل الباب ويرشها وتطلع بوجه ابوفيصل

الساعه 10..يوم الخميس في الصباح..

رهف تسكر باب السياره وهي تكلم جوال: يمه والله هذا انا جايه .. لابس ماخذه برد

خلاص يمه سكر .. يلا باي..

(تلف على السواق وتعلي صوتها) سيد بقدونس ليه ماتتحرك تنتظر من

ان شاء الله ها..

السوق عبد القدوس: انا في اسم عبد القدوس مو بقدونس
بعدين انت ما في قول امشي..

رهف تفتح عيونها على الاخر: احلف قوم طقني اخلص حرك..
(وتناظر الشارع)

*حرك السواق وهويتكلم بلغته الهنديه والله مومعروف يسب

ولا يدعي عليها ..

وصلت رهف البيت..وشافت اختها الكبيره المتزوجه اسمها كريمه..
كريمه بعصبيه وهي تمشط شعر اختها: وين كنتي فيه؟؟

رهف ترفع حواجبها وبغرور تتكلم : في شقة خوي
يعني وين بكون امس تعبانه اكيد اليوم بروح المستشفى
تحقيق خلص ولا لا..

كريمه: والله لعلم عليك امي على هالكلام الغذر..ياوسخه

رهف تفصخ العبايه وتحطها على الكنب: تعرفين تنقلعين ولا لا..

في هذا الحظه دخل اخوها الي يجي بعد كريمه .. احمد..

احمد : ممكن توطون الصوت وبلا صراخ..

كريمه توقف وهي لحد الحين ع عصبيتهاوصراخها:

تعال وشف اختك وشتقول الوسخه

احمد وهو يغير محطات التلفزيون: قولي وش سوت

كريمه: جالسه اسألها وين كنتي تقول بيت خوي
قليلة الادب هين والله لاقول لامي..

احمد يناظر في رهف: رهف الاهبال بحدود لاعاد تقولي كذا..

رهف تلم عبايتها وشنطتها وكيسة الدواء: شسوي طفشتني مدري وش تحس فيه

شايفه في يدي كيس دواء وحالتي حاله وتسالني من وين جايه

مانتظرت تسمع راي احد طلعت من الصاله وراحت لغرفتها

فكت شعرها ورمت نفسها ع السرير ونامت
*

*

*
نرجع الى الصاله..

احمد يلف على اخته بعد ماطلعت رهف : ياحبيبتي ياختي اتركيها في حالها

ماتشوفي وجهها اصفر وحالتها حاله..

كريمه : لاوجهها اصفر ولا هم يحزنون بس هي تدلع واليوم
ماحطت مكياج( رفعت حاجب ونزلت حاجب) اموت واعرف

تحط لمين هالمكياج ؟؟ (وتطلع من الصاله)

*×* اخوات رهف.. كريمه ونوره..
اخوانها.. احمد وسعد وفهد..

وترتيبهم كذا..

كريمه 29سنه ..احمد27سنه ..نوره 25..سعد23.. فهد20سنه واخر شي رهف..

&&&&&&&&&&&&&&&&&&&&&&&&&&&&&& &&

الساعه 2 الظهر..

في بيت الشعر بصوت كله هبال وهي تناقز من مكان الى مكان:

ماروعك ترن ترن عمي ترن ترن هذي موسيقى مو رنة تلفون الموسيقى

عمها بتسامه: شعد انطمي صوتك نشاز..

شهد تجلس جنبه جلسه خاليه من اي نوع الانوثه: اقول محمدعبدو
وراك ماتسكر ثمك

عمها يخزها: بنت عيب

شهد: بنت ولا ولد ها ها ها بايخه صح

عمها يمسكها من يدها ويسحبها برى بيت الشعر: انقلعي شكلي عطيتها
وجه فوق العاده

شهد ماسكه نفسها لاتضحك: عبدالرحمن عن الهبال خلاص قلت اسفه

بس لا حياة لمن تنادي طلعها وقفل الباب

شهد ترف الباب : مالت عليك من عم غبي

( وراحت ادخلت بيتهم)

وبس ادخلت استقبلتها امها .. في الصاله: ذاكرتي

شهدبكذب: ايه

امها: متى وانتي كله مع عمك

شهد توهقت: يوم صحيت ذاكرت ..وبعدين يمه الغدا طول

امها: الحين بنحطه نادي اخوانك

راحت ع طول فوق لاخوانها..

&&&&&&&&&&&&&&&&&&&&&&&&&&&&&& &&

في غرفه ورده ناعمه متوسطة الحجم في بيت متوسط الحاله الماديه..

في العصر.. يرن جوالها بموسيقى كلاسيكيه..

ترفع الجوال وبصوت كله نوم ترد: الو

المتصل: ازعجتك؟؟

هيفاء تناظر الشاشه رقم غريب : يالله على الاوقات الغبيه ..نعم اخوي امر

المتصل :مايامر عليك ظالم..

هيفاء تقاطعه: انت حمار ولا شكلك كذا اخلص شتبي

المتصل :نعم

هيفاء تعدل الجلسه لسب: نعامه ترفسك رفسه ماتقدر تقوم من بعدها قول امين

المتصل: لاتدعين علي تراك زوتيها

هيفاء: اقول طس ولا عاد تدق لا والله تشوف شي عمرك ماشفته انسان احمق
((وتقفل الجوال في وجهه شوي ويدق جوالها))

ترد بعصبيه من دون ماتشوف المتصل : نعم خير

ابوها بحده: شرايك تنزلين وطقيني

هيفاء تشهق تحط يدها على فمها من الصدمه : اسفه بابا

ابوها : يلا انزل تغدي

هيفاء: ان شاء الله وتسكر السماعه.. حسبي عليك خليتني اصارخ على ابوي

وغسلت وجهها وانزلت ولا مشطت حتى شعرها..مالها خلق شي

ابوها يناظرها: وشفيك بسم الله الرحمن الرحيم

هيفاء تجلس ع الارض جنب فواز وتاخذ الملعقه: في احد يتغدى ساعه 4

امها:نتظر ابوك يجي من برى

هيفاء : ماشاء الله ع الرومنسيه تجوعينا عشانه

فواز اخوها يضربها على راسها بشويش: تكفين يالي تقطعين من الانتظار
موكانك خامده..

ابوهم : عن الهذره ويلا كلوا..

&&&&&&&&&&&&&&&&&&&&&&&&&&&&&& &&

في بيت شهد..

شهد بحماس: منيره شوفي مريول العام ومريول هالسنه..ضعفت واجد

منيره بدلع تقهر شهد لان شهد تكره الي يدلع عليها..: يوه شهد شوفي

كاني سمنانه شوي..

شهد تخز فيها من فوق لين تحت: تصدقين عاد توني بقولك صرتي تشبهين

انتصار شراح ..ياساتر لازم تدخلين نادي

هنا انقلب السحر ع الساحر ولعت منيره ..

منيره تاخذ المريول وترميه ع شهد: تافه وسخيفه ..انقلعي

شهد ماسكه نفسها لاتضحك وتقلد صوتها: انقلعي واي مقدر مسخره((تعدل صوتها))

بايخه ومليقه زيك ماشفت..

منيره توها بترد عليها الا يدق جوال شهد وتطلع شهد من الغرفه..

شهد: هلا وغلا تو مانور جوالي..

رهف بصوت كله تعب: هلا شهوده

شهد بجديه: ياعمري لحد الحين بطنك يالمك

رهف: لا شوي خف احسن من اول

شهد: ياعمرري لو اهلي زي اهلك يرضون كان جيت لك

رهف : بعدين يصير عندك اخت حقيره زي اختي تفتش وتشيش امك وابوك عليك..

شهد: تكفين الي خواتي الي ينحطون ع الجرح يبرى والي يعافيك
لاتلوعين كبدي..

رهف: اتركي اهلي واهلك قولي ليت اهلنا زي اهل هيوف

شهد تمد شفايفها: اي والله الله يخليهم لها

رهف : امين.. انا دقيت عشان اقول لك ترى كلمة اهلي
على اني اروح معك بالباص يوم السبت

شهد بفرحه: امانه

رهف: وربي وناسه صح

شهد: حيل رهوف انا احبك

رهف: ترى استحي مثلك واسكر تلفون في وجهك ههههههههههههههههه

شهد: هههههههههههههههههههههه

رهف: حبي بقفل الحين عمي علاوي يدق

شهد : سلمي عليه هو زوجته لا هههههه

رهف: ههههههه تيب

وتسكر شهد من رهف وتروح لتحت..

وتشوف امها وابوها بالصاله يتقهون.. وتدخل وتجلس على الكنبه..

امها: شدعوه داخله على يهود ماتسلمين

شهد: انا كله اشوفك

امها: موقصدي انا.. اقصد ابوك ..

شهد: عاتي ..

امها تهز راسها : مامنك فايده ها زين المريول عليك

شهد توقف: ايه عدل تبين شي ثاني

امها بصراخ: وجعه كلميني عدل انا امك

شهد تلف على ابوها وتكلمه بصوت واطي: انت مالقيت تعرس الا على هذي قلت
عليك حريم الي في السعوديه.. ياخي قلت لي وانا اعرسك على وحده احسن منها

ابوها يبتسم على هبال بنته .. يناظر زوجته ويكلم شهد: هذا حنا فيها
يلا اخطبي لي

شهد تعطي امها ظهرها : عندنا وحده بالفصل وحده حلوه

اخطبها لك..

امها تكب القوه في الصحن وترمي عليها الفنجال :اخطبك جني قولي امين

قومي انقلعي من قدامي قالت ايش قالت اخطب لك..((تناظر زوجها ))وانت ماصدقت على طول قلت يلا مناظر شكلك شايب..

شهد تحط يدها مكان الظربه : انتي هيه .. وين الشايب ابوي توه في عز شبابه
وه فديتك باباتي العزيز..

امها: شهد انقلعي غرفتك بسرعه

ابوها يناظر شهد ويلف على زوجته: اشفيك ياحرمه نمزح حنا

(يناظر شهد) اسم الله عليك روحي قولي لعمك يجهز حق صلاه المغرب مابقى شي وياذن..

شهد: ان شاء الله..

*×* خوات شهد: منيره وسوسن ..

اخوانها: ضاحي ومشعل وناصر..

ترتيبهم كذا..

ضاحي 24سنه.. منيره 23سنه .. سوسن20سنه.. شهد.. ناصر16سنه..مشعل 13سنه..

&&&&&&&&&&&&&&&&&&&&&&&&&&&&&& &&

هيفاء تسكر رضاعة ولد اخوها بدر: ماما ماهي حاله والله طفشت

امها :وشو

هيفاء: كل ماصار زواج الاخت راحت وتركت عيالها عندنا.. ولدك مايقولهاشي

امها: مالنا شغل دامهم مرتاحين مالنا دخل..

هيفاء تحط ولد اخوها على الكنب بعد مانام: هم يرتاحون وانا انغث

امها بتسامه: قولي امين

هيفاء بستغراب: امين

امها: ماتمر هالسنه الا وانتي متزوجه..

هيفاءبانفعال لدرجه امها استغربت منها: متوفيه ان شاء الله مومتزوجه ..
والله يخليك يمه لاعاد تقولي كذا تيب..((وتروح عن امها الى الغرفه))..

دخلت الغرفه وهي تحاول تمسك دموعها كل مايذكرون قدامها الزواج تتذكر الحادث المأساوي الي صار صحيح هو بس لحد الحين ذكراه ماراح من بالها غطت وجهها بيدها ماتبغى تذكر شي عشان ماتنهار.. تكلم نفسها بداخلها.. ياهيفاء امسكي نفسك لاتبكين.. خلاص اخذتي سنه كامله على وفاته.. لازم تنسين لازم ياهيفاء..

جلست تقول هالكلام لنفسها عشان ماتبكي .. في هذا الوقت دق جوالها .. ناظرت الاسم

امسحت دموعها وهي تبتسم .. وردت: الو هلا
شهود

شهد: هلابك زود ياحلوه طبعا انا احلى

هيفاء: ياشين الثقه نعم شتبين داقه

شهد: رهوف تعبانه وتعرفين اهلي فودي تروحي تشوفينها وطمني عليها

هيفاء : سلامتها تيب بروح انتي اخبارك؟

شهد : دامي مع امي واخواتي اكيد بكون بخير..

هيفاء:على قولته رهف حد الحين مظطربه العلاقه
ههههههههههههههههه

شهد : ههههههههههه ايه واحتمال تتمزق ياساتر على رهف
لمى تقلب لغه عربيه

هيفاء:ههههههههههههه اي بطني كل ماتذكر السالفه اموت ضحك

شهد بهبال: استغفر الله .. وشفيه بطنك بعد رهف ماخذه برد انتي شنو حامل..

هيفاء خلاص جاتها هستريا من الضحك: ههههههههههههههههه خلاص شهد

شهد: ههههههههه تيب اسمعي

هيفاء: هلا

شهد: لارحتي دقي علي موتنسين ياويلك..

هيفاء: تيب ..شهوده

شهد : هلا

هيفاء تمسك روحه لاتضحك: احبك انا

شهد استحت: وجعه انطمي

هيفاء: هههههههههههههههههههههههههههههه هههه

شهد: انقلعي ويلا باي.. وتسكر

هيفاء حطت الجوال على الطاوله وهي تضحك على شهد.. دخلت ع الحمام ((وانتم بكرامه))
عشان تصلي وتروح لبيت رهف..

*×*اخوان هيفاء: ماعندها خوات هي وحيده ابوها وامها بس عندها اخوين

بدر وفوار ..

ترتيبهم كذا..

بدر29سنه متزوج بنت خاله عنده بنت ولد ..فواز24سنه ..هيفاء..

&&&&&&&&&&&&&&&&&&&&&&&&&&&&&& &&

**وش سالفة هيفاء؟؟

**وش صار السنه الي فات؟؟

**وش راح يصير الجزي الجاي؟؟

كل هذا بالبارت الثاني..

بالحيل متحمسه للتكمله