الوسم: الأسرار

ايه رأيكم في كب كيك بالعظمة دي

بالإحتراف العالي ده

وبالحلاوة دي

بإسم الله نبد المقادير :
الكوب المستخدم هو كوب القياس بس ممكن تستخدمي الكوب العادي مش المج وقيسي بيه بجي المقادير

1/4 2 كوب دقيق فاخر منخول

1/4 1 كوب سكر حبيبات

2 بيض XL

1 كوب لبن سائل دافئ (ممكن تدوبي 3معالك لبن بودرة + 1 كوب مية دافية)

1/2 كوب زبدة طرية

1 معلقة كبيرة باكنج باودر
1/2 معلقة فانيليا
رشة ملح صغيرة

الطريقة :

في خلاط العصير نضرب البيض والسكر لحد ما يبقى قوامهم كثيف ونصب الخليط ده في حاجة واسعة

نضيف الباكنج باود والفانيليا والملح

والزبدة الطرية ونقلب كويس جدا

وحيبقى عندنا الخليط بالشكل ده

نضيف نص كمية الدقيق

ونص كمية اللبن ونقلب . ونرجع نضيف باقي كمية الدقيق واللبن ونقلب كويس جدا

وده حيبقى قوام خليط الكيك النهائي كثيف شوية

وتسهيلا لعمل الكب كيك نحط كيس حلواني كبير او اي كيس بلاستك نحطو في كوباية كبيرة ونصب خليط الكيك في الكيس .

ومعلش نحاول ما نضيعش ولا نقطة

نصب خليط الكب كيك في الورق وهنا يا جماعة لو كان خليط الكب كيك كثيف زي طريقتي كده نحاول نملى الورق ونسيب سنة صغيرة بس فاضية

لاحظوا هنا بعد ما الصينية اكتملت . لاني خليط الكيك الكثيف مش حنخاف انو يطلع برع الورق .

هنا برضو صورة أقرب لكمية خليط الكيك في الورق

ولو حبيتي تستخدمي اي خليط كيك تاني وكان سائل شوية . حطي من خليط الكيك لحد نص الورقة بس بص الصينية دي كان خليط الكيك سائل

وهنا صورة أقرب للكلام الي بقولو . ليه بقى علشان خليط الكيك الخفيف على طول بيرتفع في الفرن وممكن بسهولة يخرج برى الورق فحيكون شكل الكب كيك مش قوي

طريقة الخبز :
نسخن الفرن على حرارة متوسطة نسيباً وندخل الصينية في الرف الي تحت . نسحب كرسي ونقعد جنب الفرن وياريت نكون مشغلين اللمبة الي بتبقى جو الفرن علشان نشوف اية الي بيصل من غير ما نفتح عليه . الصنيية حتاخد حوالي 7 -10 دقايق وتبصي تلاقيها نفخت بالصورة دي لاحظي .

حتاخذي بالك كويس جدا وتلاحظي لو الحواف بقت حمراء يبقى الكب كيك استوى من جوه . تروحي على طول قافلة الفرن من تحت ومشغلة من فوق .

طبعاً كنت حتحرق بس علشان خاطركم . هنا صورة قريبة جدا جدا ملاحظين حواف الكب كيك احمرت ازاي ده دليل استواها من جوه.

هنا يا جماعة طلعت الصينية من الفرن علشان أوريكم شكلها بعد الحواف احمرت وبعد ما طفيت من تحت لاحظوا منفوخة بشكل جميل ومش حتهبط ليه بقى علشان خبزناها بطريقة صحيحة 100% ناقص بس نحمر الوش شوية.

وهنا الصينية بعد ما تحمرت وخلصت

وهنا شكل الكب كيك بعد ما طلعتهم من الصواني وسبتهم يبردو وغلفتهم بالنايلون علشان ما ينشفوش

هنا صوره قريبة للحبايب. وعيش الدور بقى انك عملتي أروع كب كيك