الوسم: البلبل

السلام عليكم ورحمة الله
الوصفة دى انا اتعلمتها من إحدى صديقاتى
ونفذتها فى مطبخى وصورتها ويارب تعجبكم
المقادير
لفة جلاش يعنى حوالى نصف كيلو
سمنة سايحة
سيرب
كريم شانتيه
كريز للتزيين او حسب الرغبة
الطريقة
هنجيب ورقة الجلاش ونقسمها بالطول

ونجيب اى حاجة عندنا زى قلم طويل مثلا او عصاية خشب رفيعه ونلف عليه ورقة الجلاش
بس مش لغاية الاخر نسيب الجزء عشان ده اللى هيكون القاعدة بتاعتنا اللى هنحط عليها الكريم شانتيه

ونكشكشها بإيدينا

ونسحب القلم منها وأول مانسحبه نلفها على شكل دايرة ونخلى الجزء اللى تركنا من الورقة تحت مش حول الدايرة
ونرصها فى صينيه لما نخلص وندهنها بالسمنة

وندخلها الفرن واول ماتطلع نسقيها بالسيرب
وده شكلها لما طلعت وسقتها سيرب

ونسيبها تبرد شوية ونعمل فيها وردة بالكريم شانتيه وممكن على فكرة بدل الكريم شانتيه نحط كريمة لبانى او قشدة
يعنى الحشو والتزيين ده طبعا حسب الرغبة
وكمان فيه ملحوظة مهمة
لازم الجلاش يكون طازج وحتى لما يكون طازج لما تيجى تكشكشى الورقة وتلفيها هتتكسر منك
فالحل انك تجيبى فوطة مندية يعنى مبلولة ميه ومعصورة كويس اوى تحطيها على الورقة اللى عليها الدور تلفيها كده هتبقى طرية معاكى وبتتشكل من غير ماتتكسر
وده شكل الطبق النهائى



يارب موضوعى البسيط ده يكون عجبكم

المقادير :

• 1 علبة من عجينة البقلاوة الجاهزة .
• 1 علبة زبدة 227 جم أو السمنة المذابة .
• 2 كوب فستق حلبى مقشر ومطحون .
مقادير القطر:
• 2 كوب سكر .
• 1 كوب ماء .
• 1 ملعقة كبيرة عصير الليمون الحامض .

طريقة التحضير :

1. يذاب الثلج عن العجينة الجاهزة باخراجها من الثلاجة لمدة ساعة قبل الاستعمال .

2. تذ1اب الزبدة أو السمنة أو تمزج الزبدة مع الزيت .

3. تلف العجينة بمنشفة لابقائها رطبة .

4. تنزع الرقاقة تلو الاخرى من علبة العجينة وتدهن كل منها بالزيت أو الزبدة .

5. يستعمل عود خشبى رفيع وطويل لطى 5 سم من العجينة على نفسها فى أعلى العجينة على ان يلف الباقى بطريقة رخوة .

6. يضغط على جانبى العجينة حتى تصبح مكشكشة .

7. تسحب العجينة من احد جانبى العود الخشبى وتصنع دائرة بوسط الحافة اليسرى من العجينة لملء وسط العجينة .

8. يحمى الفرن مسبقا الى الحرارة 350 درجة ف.

9. تدهن العجينة المحضرة بالكثير من الزبدة وتخبز بالفرن حتى يصبح لونها ورديا .

10. يحضّر القطر البارد ويسكب فوق البقلاوة الفاترة .

11. حين تبرد الدوائر يحشى وسطها بالفستق الحلبى المطحون وتقدم .

وتقدم الهناء بالعافية