بعد يومين عصب عليي ادام زوج اختو وصار يصرخ تركتو ورحت غرفة النوم صرت اصلي العشا صار يتمسخر عليي
قلي طول عمرك ما بتعرفي الله قلتلو على ايدك انصلحت حتى اجا يوم السبت و انا عم اجلي و اشتغل بهالبيت صرخلي
قلي وين رباط البنطال قلتلو ما بعرف و تركتو بدي اسكر صنبور المي رجع صرخلي وقلي مين حاطو بالدرج قلتلو مو انا
ورجع يضربني رحت قلتلو بدي احكي لآهلك كل شي ترك من ايدي التلفون وضربني اول مرة برجلو ع بطني و تاني ضربة
على وجهي وانفي لهلئ عم يوجعني ويألمني
قلتلو نتيجة ردة فعل الله لا يوفقك و صار يسبني ويشتمني بأمي (و طبعا كان الو يومين عم ينام بالصالون وانا تركتو لأنو
لو راضيتو لح انضرب ) رجع ضربني بأقوى ما عندو وبعد كل هالشي بيقلي تركيني طالع انبسط وانا عم قلو صلي ع النبي
وهو بيضرب و بيقلي المرة الي بتقعد عندي ما لازم يكون الها كرامة و انتي لو عندك كرامة ما بتقعدي عندي و اقذر الكلام
وطبعا اتصلت بالجارة الي بيعتبرها متل امو و طلبت منها تطلع لعندي وشافت اثار الضرب على وجهي وقلتلا ضليتي تقليلي
اصبري حتى انضربت و ارجيتا كيف ايديي محل ضربو ازرق وهون اتصلت بأمو وخبرتا واتدخلت الجارة التانية وصارت
امو تبهدلني لآنو خبرت الجارة وتقلي روحي اتطلقي و تحكي معي كلام كبير متل اني بنت كلب او بنت حرام و هكذا.
تاني يوم ما عد فيني اصبر و اتصلت بامي و خبرتها و هون كبرت القصة وصار تاركني لحالي بهالغرفة وهو بالصالون
وخلال هالفترة ما قرب عليي غير مرة وحدة وبعدا الف طلب مني لآنو جرحي التم وعم اتوجع وتاني يوم الاثنين طلعت
بنت الجيران و صار يقلا لا تحاكي هالحيوانة و هي كلبة و طلقتا و من هالحكي وانا ساكتة ويوم الي بدي ارجع ع بيت اهلي الصبح صرت احاكيه يوم السفر قلتلو يا رجال نحنا ع طريق سفر وخلي قلوبنا لالله انا مرتك وبحبك ومتمسكة فيك شيل قصة الطلاق من بالك قلي الله حلل الزواج والطلاق قلتلو بس ابغض الحلال هو الطلاق قلتلو يا ابن الحلال انت مالك اكرم من ربك والله غفور رحيم وانا بدي فرصة الي انا بتطلعلي عندك يمكن انا غلطت معكك بس ما بستحق هالقسوة وصرت جبلو امثلة من سورية الكهف لما كان موسى عليه السلام أراد يهتدي و ما صبر ع الشخص يلي بدو يعلمو و قلي لنرجع بيفرجها الله لوقت ما رجعت ع ادلب خالي اتدخل وابوه اتدخل وصار الكلام للرجال
و يوم الي اجيت ع بيت اهلي اجو الاهل على اساس يحلو الموضوع صارت امو تغلط بالحكي و اخر شي طلعت بقصة اني ما كنت بنت وعملت عملية لرجعت بنت ولما قلي بدو يطلقني مسك عليي اني قال كنت بحشش و بشرب والعياذ بالله (والانسان بس يعصب بيطلع معو كل شي) ولآني قلتلو ابي تهجم علي بالضرب امو صارت تقول اغتصاب .
ما عدا دايما يحكي على امي ووقت بدافع عنها يبهدلني.
وصرلي شي 10 ايام ببيت اهلي.
في كتير امور تافهة ما ذكرتها ما عدا تصرفات اختو الي كلا حرام و تدخلات امو حتى بمكياجي و طريقة لبسي وحتى اذا غفيت المسا ع الصوفاية بيتصل بأمو بيقلا مرتي نايمة
و ما كان يقعد معي لنحكي
كنت فيق بال10 الصبح حطلو فطور و من الملل ضل عم نضف بالبيت و رتبو وهو بس يفيق ياكل و يعزف ع الة الكمان للمسا يتغدى و يطلعو لعندو الرجال و يسهرو عندو الرجال لل2 او 3 الصبح وانا اشتغل متل الخدامة
آسفة طولت عليكن بس هي قصتي من طئ طئ للسلام عليكن
حبيبتي لاتذلي نفسك له اكثر من هيك ربنا بيعوضك
صحيح انا ما كنت اتحجب وما كنت اصلي بس الحمدلله صرت اتحجب وصلي بس الاهم اني بخاف الله وما بغلط ان شالله
تزوجت الخميس وخلص العرس حوالي الساعة 9 و بعدها رحنا ع البيت و قعدنا شوي مع بعض وقلي شغلة علينا خلينا
نخلص منها و تم الزواج بعد ما طلبت منو انو يصلي ركعتين لربنا ومضي متل اي عروسين وتاني يوم فقنا وكان جدا طبيعي
لغاية المسا اجو اهلنا يباركولنا ويتأكدوا من الزواج (بسورية منقلها الصباحية) وبعد ماراحوا قعد يقلي احكيلي عن سبب انفصال
اهلك عن بعض ورجعني لأسوأ ذكرياتي و بكيت وبعدا رجعنا وسهرنا مع بعض وتالت يوم كان السبت المسا نعزمنا ع الغدا
عند بيت خالتو (العادة بسورية انو العرسان بيبقوا اسبوع بينعزموا عند القرايبين اذا كان مافي شهر عسل او اذا في ليرجعو)
بعد ما اجينا اجوا اهلو امو وابوه واخواتو ع البيت قعدوا معانا وطبعا تاني يوم نعزمنا عند امي وتالت يوم قضيناه بالبيت
أما التلاتا كان السفر الى حلب سافرنا شي 8 ساعات ووقت وصلنا تغدينا ويا دوب غيرت تيابي طلعو الجيران يسلمو علينا
وبقيوا لشي الساعة 1 بالليل وطبعا مرق هاليوم بسلام (ونحنا بالبيت 5 اشخاص امو وامي واختو وانا وهو) تاني يوم اجت
اختو وأولادها ورفيقة امو و طبعا انا الي قايمة بشغل البيت كلو وهون مرق اسبوع من الزواج (انا خبرتكم اني ما كنت محجبة
ووقت تزوجت التزمت بالحجاب و اهلو متعودين يعملو شعرهم عند كوافير نسائي وانا رفضت اني روح لأنو رجل) بعد ما
راح الكل بقينا لحالنا بالبيت وبعدا اجت رفيقة امو تضبضب البيت وبتساعدهن بالشغل وقمت وحطيت الفطور وانا عم اشتغل
من تم ساكت وصرت اعمل شعري لحالي (وانا العروس) وهي تشتغل بعطيا الف عافية صارت المسا الحفلة بعد ما كنت تعبانة
وحطو اغاني تافهة جدا ع مبدأ(أنا لا مسطول و بحبك يا حمار والذي منو) وهون انا رفضت ادخل لحتى يغيرو السي دي
ونتزع وصارت جرصة لالي وبكوني وصرت اضرب بحالي لآنو الكل عم يبهدلني وبعدين هو دخل وصار متل عرس تاني
النا
تاني يوم الكل راح وبقينا بالبيت لحالنا وطبعا البيت قايم قاعد بعد ما راحو الكل بما فيهن اختو التانية وأولادها ال2 زغار
وانا ابتليت بالشغل كلو. مرق هاليوم بسلام ونحنا عم نسمع اصوات القذائف والانفجارات حوالينا تاني يوم السبت فقت شي
الساعة12 واجوا اهلو الساعة 2 و اكلت بهدلة من امو لأنو فقت بهالوقت مع اني مخلصة كل شغلي عدا عن هاد انا عروس
وحقي و امو كل نهار من بيت لبيت و من مكان لمكان ولآزم انا كل شوي اعملا قهوة واغير صحن السجاير تبعا
يوم الاثنين سافرت امي على ادلب و بقيت امو واختو عنا بالاضافة لرفيقة امو وانا لازم لحق شغل للكل كمان مرق باقي
الاسبوع بسلام بعد هو ما صار معو انفلونزا (كريب) يوم الخميس قرروا يتركونا لحالنا (طبعا من بعد ما تركونا الجمعة
الماضية ما عاد قرب عليي,البس الانجري بيقلي تستري بقول انا مريض معليه لازم اتحملو).
الخميس الساعة 2 ماكان فيه شي الا انو بعد ما راحو اهلو انقلب كلو و ما عاد نفسو حسين يلي بعرفو صارت 2 ونص رجع
البيت قلتلو لازمك شي قلي لا فيك شي يقلي لا اجيت مسكتلو ايدو وسألتو متدايق؟ شال ايدي بقوة وقلي قومي من جنبي
وصار يبهدلني ادام بنات الجيران يلي اعمارهن 5 سنين و 3 سنين بعدين قلي طلعي برا الغرفة قلتلو لا قال طلعي قلتلو
خير بس قلي شبك قلي انقلعي لبرا ومسكني من ايدي وشلفني ادام الصالون بعد شوي طلع من البيت وطلعت ام البنات تاخدهن
من عندي لانو ممنوع رد ع التلفون الثابت بغيابو صار يبهدلني على بنطالي الابيض لآنو لابستو رحت ولبست فستان قصير
وفتت ع الصالون حطيتلو غدا و بعد ما خلصت شغل البيت يلي عطول قايم قاعد بسبب وجود اهلو قلي بدي احكي تلفون
طلعي لبرا بعد ما رحت على غرفة النوم اجا لعندي قلي بتضلي ادام المراية قلتلو مو منشانك هالشي قلي انا ما بدي منك شي
بعد ما عملت قهوة رفض يشربها مني 3 مرات اجا الجار يسهر عندو (بيعتبرو بمقام ابوه ومرتو بمقام امو .ام البنتين.)
قلي انزلي اسهري عند الجارة بعد ما نزلت صرت قلا للجارة انو شوي عصبي شو اعمل قالتلي اصبري اول فترة بالزواج
بتصير مشاكل لآنو بيكونو مو اخدين وجه ع بعض خصوصي انو خطبتكن كانت بس شهر وطلعت ع بيتي شي الساعة 2 بالليل
ولقيت البيت قايم قاعد كأنو مقهى
بعد ما خلصت تنضيف البيت وحطيتلو عشا وخلصت شغلي اجيت قلتلو بدي اسهر معك شوي قلي ليش ليكون مفكرتيني عشقان
قلتلو و انا قلي الله يلعن الساعة الي تزوجت فيا قلتلو باينتك معصب اقعود وحكيلي شو صاير معك بترتاح قلي بالحرام اليوم
ما بنام بغرفة النوم طبعا لحقتو ع الغرفة و قلتلو هدي وروق شبك قلي يا بتفتحي الباب يا بحلف بالطلاق هلئ (هالحكي
شي الساعة 3 الفجر) وراح ع غرفة اختو يطالع مخدة و بطانية لحقتو وانا عم قلو ليش هيك عم تعمل معي قلي روحي شوفي
منظرك متل الشيطان وضربني اول كف والتاني انا هون ما عد استوعبت شي انو انا عروس صرلي14 يوم عم انضرب
رحت للصالون صار يقلعني ويهينني ويبزق عليي ورجع ضربني قلتلو والله انا ما بنام اليوم بالغرفة لحالي قلعني لبرا وبعدين
الساعة 4 ونص الفجر اجاه تلفون قلتلو هلئ التلفون قلي مع وحدة قلتلو بعرف ماعندك هالحركات وتركتو ومشيت بعدين
سمعت صوتو عم يضحك ويقلو لرفيقو خود هالنكتة هون انا فتت ع الصالون وهو عم يحكي قلتلو سكر التلفون رفيقك مو
أهم مني صرخ عليي ادام رفيقو وبهدلني وسكر الخط وصار يضربني وسبني بأمي بأقذر الكلام قلتلو انت واحد بلا ضمير
ومشان ما اكسر يميني ضليت ناطرة ع باب الصالون وانا مصدومة باللي صار معي لبعد ما أذن الفجر فتت ع غرفتي
وابكي واقول يا رب يا الله لحقني قلي خرسي ان انكر الاصوات صوت الحمير
ما اجاني نوم لل7 الصبح وفقت بال10 وانا قلو قوم افطر قبل ما يجو اهلك ويحسو ع شي وهو ما كان يقوم للساعة 2
الضهر وانا عم قلو صلي ع النبي واخزي الشيطان وهو مطنش بعدين اجيت وقفت ورا الشباك وضربتو بايدي لينفتح رجع
و ضربني وقلي هالشي ماشغلتك قمت ولبست وحطيت مكياج ومناكير واجوا اهلو صرت اضحك رجع صار يهينني ادام اهلو
وهون انا قلتلهن اني اكلت اتلة صار الكل يلومني لأنو قلتلو رفيقك مو اهم مني الجمعة المسا قعدين عم نتعشى الكل هون صار
يحكي معي قلت الحمدلله وطلب مني اشلح الذهب وقال لازمينو قلتلو خدهن ولا تمد ايدك للغريب مرق السبت وهون طلب من
أهلو يطالعوني مشوار لأنو هن نازلين ع السوق وكنت محتاجة حلاوة ومحارم معطرة وبعد ما رجعنا اكلت بهدلة من امو
لأنو جبت حلاوة النوع يلي انا بدي ياه والمسا كنا معزومين ع سهرة عند بيت خالو ووقت رجعنا اكلت بهدلة لآنو صرخت
للزلمة خالي تدايقت وفتت ع المطبخ عم قلا لاختو لك انا تزوجت لانسعد فات ورايي وسحبني ع الصالون وبهدلني ادام امو
ورفيقتها وضربني وقلعني ع غرفة النوم وتاني يوم نزلت امو و هو عند اختو الكبيرة وانا هون عم نضف البيت و اشتغل
واختو عم تحكي ع التلفون طلبت منها احكي مع رفقاتي البنات قالتلي احكي وال2 رفقات عمري يعني بيعرفوني من نبرة
صوتي الاولى مرقت عليها أما التانية قالتلي حكيلي قلتلا مافي شي تخانقت انا و جوزي و دفشني ومتدايقة مشان هيك
هون اختو الزغيري كانت عم تتسمع ع المكالمة اجت وحكت لآمها وصارت امها تبهدلني صار المسا و طلعو كل الجيران
لعنا وبقيو لل4 الصبح وانا قاعدة عم اخدم فيهن وتاني يوم كان اثنين سافروا الام والاخت ع ادلب و بقيت انا و هالرجال
لحالنا (انا بشرب شيشة:أركيلة: ومنعني عنها) المسا قررنا نسهر سوا بعد ما راحو قعدنا وقلي سمعي يا بنت الحلال انتي
انسانة رائعة وانا الله عطاني اكتر ما استاهل بس انا تسرعت بزواجي بالمرتين وامي صرلا عم تحكمني 23 سنة و هلئ
اجا الوقت حتى اسس حالي انا بدي سافر برا سوريةوما بدي منك ولد وبدي بعد شهر ونص ننزل عند اهلنا وانتي الي تطلبي
الطلاق قلتلو و انا قلتلك بدي ساعدك ومشان الطلاق في حل بيريحنا انك تسافر وتقطع اخبارك سنتين وهيك انا شرعا اطلق منك
او وقت بدك تسافر منقرر يا بنطرك يا بتطلق ولوقتا بيحلا الف حلال قلتلو وكيف بتحب نعيش مع بعض بهالفترة قلي عادي
قلتلو اجا الوقت لاحكي انا قلي تفضلي قلتلو نحنا صرلنا 18 يوم متزوجين وانا بعيدة عن اهلي ابي بالشام وامي بادلب وانا
ما الي بهالدنيا غيرك وانت عم تضربني وتهينني و انا كنت خاطبة من قبل وابي تهجم عليي و ابن عمي (يلي كان خطيبي)
انت منعتني عن الدخان قلتلك ماشي و منعتني عن الاركيلة قلتلك ماشي لك ياسيدي انا بشرب وبحشش بس انت رحمني شوي
قلي بيجي يوم بتحملي باكيت وبتدخني وما بلومك قلتلو جاي ع بالي اشرب شيشة قلي قومي اعملي انا بدي نام قلتلو لا انا
مابدي اسهر لحالي بقوم بنام انا كمان و نمت بعد ليل اسود و دموعي بتغرق بلد.
الله خلق الانسان وكرم ليش لترضي لنفسك الاهانه
حتى لو اتطلقتي خلي الناس يقولون الي يقولوه بيخففو عنك الذنوب بس
انتي لما تكوني محترمة نفسك وحاطة حجابك و ماحد رح يقول عليكي نص كلمة
انتي لو وثقتي بربنا وسألتيه الزوج الصالح الي يحبك ويسعدك ربنا ما بيخيبك حتى لو كنتي مطلقة و باولاد
لاتنسي حبيبتي انا عند حسن ظن عبدي بي
خليكي مع ربنا فقط ولا تذلي نفسك لبشر لانه كلما رح تتذكري انه كله بيد الله قلبك رح يتقوى وتقولي مع نفسك لو ربنا كتبلي هالشي هو رح يجيني لحد عندي
فهمتي علي حبيبتي
ذلي نفسك لربنا اطلبي منه الي تبغي وقولي لو فيها خير مافي حد من البشر بيستاهل
ولاتنسي تكثري من الاستغفار
اضغط على هذا الشريط لرؤية الصورة بالحجم الأصلى.
