الروايه تتحدث عن خروج الجانب السي والشيطاني الموجود بالانسان وكيف نكون عندما نطلق له العنان لحد تدمير الانسانيه ..
ندخل بالروايه ونتعرف على :
((عشاق من احفاد الشيطان )) … روايه رومنسيه .. خياليه ..
الفصل الاول ..
ريان واقف في الدور الارضي بمكتبة جرير يتفرج على ادوات الرسم والفرش الي مايعرف قيمتها الا فنان ..
رفع الفرشه الكبيره مره هذي تنفع لدمج الالوان ..وتغطيت المساحات
قرب منه واحد لابس بدلة السيكورتيه : لو سمحت
ريان من غير لايناظر : ايوه
السيكورتي : ممنوع التدخين ..
ريان ناظر بمعشوقته السيجاره وسحب منها : تقصد هذي ..
السيكورتي ارتبك من ثقة ريان بنفسه بالعاده يطفوا السيجاره بسرعه : ايوه لو سمحت
ريان سحب منها نفس اكثر وناظره : ليكون قصدك هذي السيجاره
السكيورتي بنفاذ صبر : ايوه
ريان سحب منها نفس ثالث لكنه هذي المره التفت على السيكورتي : ومن متى الحلوه هذي ممنوعه بجرير
السكيورتي : من هذا الشهر تقريبا
ريان سحب من الحلوه على حد تعبيره
لحد ماطاح جزء من رمادها على السجاد الرمادي المايل لسماوي .. وصار حجم السيجاره صغير
السكيورتي ناظر السجاد مقهور
ريان ناظره بتعالي : اوه ماكنت عارف انه ممنوع لكن كويس خبرتني بعد ماخلصت من سيجارتي
السيكورتي شاف بعيون ريان الا ستهزاء والا ستهبال : لا مافي مشاكل لكن ياليت ترميها
ريان مد السيجاره وقال بنبرة استهزاء : خذ ارميها بنفسك انا قلبي مايسمح لي ارميها
السيكورتي اشر على زباله فيها تراب وجزء معدني منها : تفضل هنا الزباله
ريان سحب نفس من بقايا السيجاره الي بيده : انت كم تاخذ راتب من هذي الشغله
السكيورتي الا سمراني والمليان
رد لريان نظرات التعالي : لو سمحت هذي الزباله ياليت ترميها هالحين قبل لاتخذ اجراء ثاني ..
ريان ابتسم بخبث : لا برافوا تعرف تضيع الموضوع واضح عليك نشيط
السكيورتي زاد اصرار وهو ياشر على مكان الزباله : لو سمحت
ريان ترك الفندى ه الكبيره بعد مامسح فيها الرف المغبر ..و مشى بخطوات ثقيله وهو يناظر بقايا معشوقته ويرميها بالزباله ..وعلى وجهه علامات البرود والتعالي : اعتقد كذا كويس ..- حط ايده على كتف السكيورتي ماقلتلي كم راتبك
السكيورتي طنشه ومشى لمكان ثاني
ريان ضيق نظراته لحد ماختفت عيونه وكانه عجوز يقراء بدون نظاره (( ليكون هذا مصدر رزقك .. ضروري تدور لك غيره ))
مشى ريان للدور الثاني من المبنى وهو يناظر ساعة ايده الي من "جورج ارماني " ..(( امم الساعه 6 باقي عشر دقايق على اذان المغرب ))
ناظر ريان الدور الثاني بعكس الدور الاول الهادي وقليل الناس .. اما هنا المكان الواحد مايقدر يحط رجله فيه .. (( ليه كل هذا ..وعلى شنهو هذي الزحمه .. اها تذكرت فتحت المدارس وبديت السنه الجديده ))
مشى يشوف اشكال الناس وهي تقضي للمدارس قبل لاتفتج بيومين
مراهق لابس ثوب وطاقيه بدون الشماغ او العقال وقباله بنتين مراهقات بمثل سنه لكن الفروق بسيطه وطفله صغيره بالعبايه الي مرسوم عليها ورود علامة فله …
: اسمعوا ابوي قال خذوي الاشياء الضروريه بس
البنات هزو راسهم بالايجاب الا المراهقه الي توصل لطول اخوها : لا انا سامعته قال خذوا الي تبونه
المراهق : ياسوير اذا مو عاجبك ارجعكم مع السواق هالحين وانا اشتري
سوير : اتحداك
المراهق : سوير لاتعاندي والله اسويها
ريان تامل المراهق … (( حاب يثبت رجولته على خواته .. ))
كمل مشي وهو يتثاوب الناس متحمسه تشتري وهو شوي ينام ..
شاف بنت لابسه عبايه راس و بيدها جوال نوع نوكيا بعضهم يسميه دلع وبنات والبعض الرمانه .. لكن دلع بنات راكب عليه اكثر لانه بلوتوث بدون كميراء ومنتشر عند البنات وبالذات الجامعيات وبنات الكليات …
البنت : هلا فتون عطيني حنان بسرعه ..
– اخلصي علي انا بالمكتبه
– يوه بسرعه مافيه شحن عندي
– هلا حنين بسرعه وش اشتري للكليه
– يعني شنهو كم دفتر للمحاضرت
– ليه مو لازم مراح نكتب
– طيب مافي شي يضحك وانا وش دراني .. غزيل تقول لازم دفاتر
– اها زين دفتر واحد … خلاص مشكوره باي
ريان احتقرها من فوق لتحت لهذي الدرجه غبيه تشتري لكل ماده دفتره (( البنات بقر حتى الدراسه يتعلقوا فيها ماهي براضيه تنسى انها تركت الدفاتر والحص …))
على صوت بكل المكتبه : الرجاء من جميع الزبائن الخروج من المكتبه ستقام صلاة المغرب بعد دقايق ..
رجع ناظر ساعته مرت الربع ساعه باسرع مايتصور باقي 3 دقايق على الاذان … مشى لتحت وهو مقرف من الزحمه والناس الي بنظره همج ..
لثواني الكاشير صار مزحوم والناس تزاحم بعضها علشان تخلص قبل الاذان والسيكورتيه طلعوا لفوق يخلون المكتبه .. ريان رجع لعند قسم الفنون الجميله او ادوات الفن وناظر الاخشاب على اختلاف احجامها وملمسها ..
شغل سيجاره وناظرها والنار تاكل موخرته و رفع نظره لسيكورتي الاسمر المليان وهو يحاول يخف من الزحمه عند الكشير حطها بهدوء على مكان بعيد عن الاخشاب بكم صانتي .. وهي مشتعله
ومشى بهدوء وثقه لبرى المكتبه ونظراته اهدى من قبل لكن بعينه ابتسامه ماوصلت لشفايفه …
ركب سيارته " البي ام بدليو" وشغل الكاست على مغنيه المفضل " تو باك " … شغل السيجاره ناظر المكتبه وقبل .. ماتحرك من مكانه ناظرها وهو ينفخ دخان السيجاره من فمه على قزاز السياره .. وكتب باصابعه الطويله على القزاز …
((Game over))
ضحك ضحكه عاليه سمع صداها باذنه … وحرك السياره بسرعه 120 ..كان يسوق على ايقاع الموسيقى الانجليزيه السريع ويحس بيد خفيه تحركه وتنعشه من جوى ..
(( الناس مبسوطين ها … يشتروا ويقضوا للمدارس … هالحين اشوف كيف بتقضوا هههههههه ))
كان يحس ان ابتاسمات الموجودين وضحكاتهم تسبب له القرف والاشمئزاز يحس ان وده يطلع كل الي بمعدته ..
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأ،،///ْْْْ؟.,’آلآ{**لإإ‘÷×؛؛:.×,)’*÷ آ
صحت من النوم على صوت الموذن ينادي لصلاو العشاء ناظرت ساعتها القريبه من سريرها : . Oo my good
الساعه 6 كل هذا نوم …
رفعت الريموت تطفي تكيف الغرفه …كانها جالسه بالقطب الشمالي مو بشرق المملكه .. رفعت الغطاء عنها وهي تتمد (( اليوم ضاع نصه وانا بالفراش .. كلوا من وائل ))
لبست شبشبها البينك الناعم ومرت على سله كبيره بغرفتها : مساء الخير بيسو
القطوه حركت راسها بكسل داخل السله .. كانت قطوه سمينه وفروها كثير ابيض شكلها ملفت للانتبه وكانها قطعت فرو ناعمه …
: ههههه حتى انتي يابيسو مكسله من النوم
دخلت حمامها الخاص تتروش وتغني رغم نعومة صوتها ودلعها الا انه ماينفع للغناء …
طلعت من الحمام بعد دش طويل اخذ منها نص ساعه .. لبست بيجامتها البينك والاخضر عشقها الون الوردي ..كل شي حولها بينك سريرها جدار غرفتها حمامها ستايرها هي بعالم البينك الحالم ..
رفعت جلال الصلاله ولبسته وهي تناظر القطوه حقتها وتحركها بلطف وتحاكيها وكانها بشر يفهم عليها : بيسو بيسو يله قومي بيسو …
بيسو تحركت بثقل من كثر الفرو الابيض المغطي جسمها وصارت تلعب بكرة الصوف الي رمتها عليها …
تعوذت من الشيطان وكبرت وصلت …
انتهت من صلاتها ولبست شبشبها تطلع تاكل لها شي خفيف تبع الدايت .. جسمها رشيق مايحتاج لدايت محفور جصرها وكانها حورية ..
ناظرت شكلها بالمرايه وهي تمشي بدلع وغنج : ياناس في احلى مني هههه
نادت بصوت مرتفع شوي : roz
(( روز … اسم الشغاله ))
: yes pink
(( نعم ورديه ))
ابتسمت تعشق تموت على الي يسميها بينك وماكانت ترضى بغير هذا الاسم .. اسمها عاجبها لكن هذا تحسه يرضي غرورها :give my food
((جيبي لي اكل ))
roz : ok
جلست على الكنبه تنتظر الاكل مع انها مو من طبقه راقيه او مخمليه مثل مايقولوا لكنها متعوده على النظام والبرسيج هي من اسره متوسطه لكن ذوقهم راقي ويهتموا بمظهرهم قدام الناس واكبر دليل على كذا بيتهم المتوسط …واثاثه الراقي المنظم ..
كانت ماسكه بيسو وتلعب بفروها الابيض الناعم تحب القطاوه عشق حياتها …..
: شموخ حبيبتي متى صحيتي ..؟
بنرفزه : ماما
امها : اوكيه اوكيه سوري "بينك " متى صحيتي ..؟
شموخ : امم من فايف منت بس ..
امها : متاكده فايف منت
شموخ بثقه : اكيد
روز حطت الاكل على طاولة الطعام ..
امها : اها مابعد تاكلي
شموخ وهي تنزل بيسو من حضنها للارض وتمشي للمغاسل : لا اذا جوعانه وحابه تاكلي …. تعالي كلي
امها : نو ثانكس .. اليوم بالوزاره تغديت ..
(( ام شموخ موظفه بوزارة المعارف تشتغل بالتوجيه .. يعني موجهه ))
شموخ وهي تناظر رغوة الصابون بايدها قالت بملل : اها وخربتي الدايت ..اكيد
امها : لا ..لاتخافي مشاوي خفيفه بعدين انا حكيت مع الدكتور وسمح لي بالمشاوي
شموخ : الدكتور والا وحده من صحباتك الموجهات
امها : لا اكيد الدكتور ايسومي
(( ايسومي دكتور ام شموخ وشموخ الصيني يدفعون له الالاف علشان يكون دكتورهم الخاص بالمستشفى الصيني الي على الكورنيش ))
شموخ تجلس على الطاوله وهي تكره الاكل عليها لكن النظام نظام : كويس ..
امها : انا رايحه ابدل وطالعه عندي استقبال بيت ام جميل ..وش رايك بينك تجي معي ..؟
شموخ بانفعال : nooooooo مستحيل .. هذولا استغفر الله اشكالهم تجيب الهم ..
امها تاشر بلا مبالاه وهي تمشى لغرفتها : براحتك ..ابحكي مع نجلاء يمكن تطلع معي
شموخ : ههههههه انتبهي لاتنكسر قوقعتها الي حابسه نفسها فيها اذا طلعت معك .. الله يعافيك مامي فرجوني على الفستان الي بتلبسه هههههه
امها : ها وش قلتي ..؟
شموخ : ايوه الي حابه تسمعيه تسمعيه والي مو حابه تطنشي
اكلت من سندويشات الخفيفه كم قطعه صغيره وتركتها شبعت اكلها قليل بالدايت او بدونه …
طلعت نجلاء من غرفتها وبيدها كافي يطلع منه البخار
شموخ احتقرقتها وكملت مشيها لصاله : آآآآف
نجلاء ناظرت الكتاب الي بيدها وتكمل قرايته باهتمام …وهي تجلس على الكنبه بداية الصاله
شموخ : اف احس ان الجو مكتوم ….
نجلاء عدلت نظارتها الطبيه وقالت باستهزاء : انسه مشاكل دامك مخنوقه اطلعي للحوش شميلك هواء
شموخ تغير المحطات ولا كان حد يحكي معها : آآآف
نجلاء : جد بزر
شموخ لفت عليه وناظرتها من طرف خشمها : والله ماهي بمشكلتي اني اجمل منك دكتوره قرويه ابغى اعرف ليه تغاري مني ..؟
نجلاء : اغار منك انا اغار من بزر مدلعه ماعندها غير الثانويه
شموخ ضحكت بغرور بانت الكرستاه الي تزين فيها سنها : ههه ثانويه يا فالحه انا ادرس ديكور عارفه يعني ايش ديكور يعني تزين وتعديل .. وانا ماضن يالقرويه تفهمي الي قاعده اقولك صح ..؟
نجلاء سكرت الكتاب بعصبيه الجلسه معها تسم البدن والاعصاب : انتي بزر ماينشره عليك …
شموخ لفت وجهه لجهت التلفزيون وهي تلعب بخصل من شعرها الكستنائي وقالت بدلع : ايوه انا نونو صغيره .. وهذا الي قاهرك هههه ..
نجلاء شخصيه جديه ماتحب الدلع وحركاته : جد العقل نعمه
وكملت قرايه بالكتاب كانت تناظره ولا تدري وش تقراء لانها مقهوره من شموخ ودلعها
شموخ رفعت جوالها نوع موتريلا الفوشي دقت على رقم و بعد ثواني جاءها صوت نواف الفخم فيه بحه : هلا والله
قالت بغنج : هاي … كيفك نوال ..؟
نواف ..: ههه بجنبك احد
شموخ : حياتي ناني انا متضايقه
نواف ..: ليه ياقلبي وش الي مضايقك ..؟
شموخ : العانس الغبيه اختي ماعندها شغله الا انا
نجلاء هزت راسها بياس : الحمد لله والشكر
.نواف .: ماعليك منها انا اروقك هالحين ياغلى الحبايب
شموخ : ناني بذمتك في حد يناظر دكتوره قرويه ماتعرف تختار بنطلون مع بلوزه
نواف : هههه جالسه تقهريها على حسابي اوكيه خذي راحتك حياتي …
نجلاء كان ذوقها ردياء وماتعرف تنسق بالالون وبالاساس هي ماتهمت لكن اعصابها تنشد من طريقه شموخ الاستفزازيه لها …: بينك احترمي نفسك وخليك بحالك
شموخ : ناني حبيبتي شوي بس بتفاهم مع دكتوره قرويه ..
نواف : خذي راحتك انا انتظرك ..
شموخ : دكتوره قرويه بليز انتي الي بديتي لو تذكري انا ماحكيت معك وتحرشتي .. وبعدين ليه جالسه يله قومي البسي من الاخياش الي بدولابك علشان تروحي لستقبال ام جميل
نجلاء : من الذوق ماتركي البنت على السماعه كذا
شموخ : اوه حكيتي عن الذوق ليه انتي تعرفي تنطقيها ههههههه
نجلاء بعصبيه : بينك احترمي حالك
الام وعبايتها على يدها : بنات وش فيكم ..؟
شموخ : ماما شوفيها انا جالسه احكي مع ناني وهي نطت بوجهي تصرخ وتغثني
الام : نجلاء حبيبتي وش فيك على اختك مانتم بزارين
نجلاء احتقرت شموخ : هذي والله اكبر بزر غبيه
دخلت لغرفتها معصبه وتركت كتابها بالصاله
شموخ : مامي ماعليك منها وتعالي قولي لي وش هالكشخه والله ليغاروا منك الحريم
الام نفخت ريشها : ههه انا من يومي كشخه
شموخ : شور
الام : بينك حبيبتي تعالي معي والله لايستجنوا على جمالك الحريم …خليني اقهرهم شوي ..
شموخ : اكيد انا بينك لازم يستجنوا بس ..امم اسمعي ماما ماني برايقه انتي روحي وانا بكمل حكي مع نوال مسكينه طولت عليها
الام : يله باي حبيبتي
شموخ : سوري ناني تاخرت عليك
نواف : لا عادي مسموحه ..وبالمره سمعت اصوات اهلك كلهم ..
شموخ : ههه ناقص بابا واخواني ههه
نواف : غريبه اول مره اشوف وحده تحكي معي بجراءتك وقدام اهلها …
شموخ : انا . مروج مو اي احد كم مره قلتك انا ماخاف من شي ..
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأ،،///ْْْْ؟.,’آلآ{**لإإ‘÷×؛؛:.×,)’*÷ آ
بالصاله الصغيره بالحي القديم داخل البيت الضيق الي رايح نص صبغه … المرايه على الارض وبجنبها عدة الاستشوار والبكل الكثير لزوم الاستشوار ..
وعود : يا آنسه ندى بدل ماتجلسي تستشوري شعرك قومي ساعديني بنشر الملابس
وعود 23 سنه.. ..كانت لابسه قميص بيت لاخر حد برجلها .. ولامه شعرها لورى باهمال .. ومع كذا جمالها بارز مهما حاولت تخفيه بملابسها البسيطه جدا ..الا ان لمعة شعرها الناعم وصفاء بشرتها يبين جمالها
ندى وهي تقسم شعرها علشان تبداء تستشور : يوه وعوده ماعندك سالفه انشريهم لوحدك مكبره الموضوع على الفاضي كم خرقه انشريهم .
وعود معصبه : ودامهم كم خرقه على قولتك قومي انشريهم معي .. عندي شغل
ندى : الي يسمعك يقول مخترعه الذره كلها كم شهاده تطبيعهم للمدرسه …
وعود حطت ايدها على خصرها: والله احلفي هذي الكم شهاده الي اطبعهم وماعاجبتك ملبستك مريولك بالمدرسه …
الام : وعود وشفيك معصبه ..؟ اكيد معها …
وعود وقفت عند باب الصاله الصغيره ومشت للمطبخ : يمه ترى هذي بنتك لوعت كبدي كل همها شعرها ولبسها ماكانها رايحه للمدرسه كانها بحفل ..
الام : وانتي ليه معصبه تقول انها ذاكرت وخلصت
وعود : الي قاهرني ومشيب راسي ان شغل البيت نصه عليك وعلي وهي مصدقه حالها اميره
ندى تسمعهم لان البيت صغير مره ..ومافيه مجال بين الصاله والمطبخ الا حوش بوسط البيت : والله اي اميره ياحسره انتي شايفه وين عايشين …؟والا كيف عايشين ..
وعود تغير الموضوع لانها تحس ان اختها معها حق وملت من عيشة الفقر … : المهم يمه وين ابوي ..؟
الام : والله مادري مابعد رجع …
وعود تناظر ساعه المطبخ القديمه الي ملاها الزيت ومثبته على الجدار : غريبه .. الساعه 10
الام : هو قال هالحين بيرجع
وعود : اها ونوافوه وينه …؟
الام : ها …- ارتبكت طالع .. لكنه هالحين بيرجع ….
وعود عصبت : لاتغطين عليه مثل كل مره يمه بزر عمره 12 سنه طالع لساعه 10 وين تجي هذي … والله لو جاء ابوي وماشافه لايجلده اليوم ..
الام : يمه خليه ينبسط وهو وين بيروح كلها خطوتين عند البقاله مع عيال الحاره
ندى : اتركوه يعيش حياته مو كافي حنا ماكلين تبن …وبعدين خلونا نعيش الاكشن شوي يضربه ويبكي
طلعت وعود معصبه : انتي اتلهي بستشوارك … انا اوريك بس ترجع يانويف 12 سنه يدور بالشوارع ..والله اعلم مع مين جالس ..؟
ندى وهي تستشور تصارخ لانها ماتسمعهم كويس على بالها انهم مايسمعوها : اصلا هو ماذاكر اليوم مارضالي اذاكر له
وعود: بعد .. يمه شفتي ولدك …..هذا اخرت التلفلف بالشوارع ماذاكر ليكون راح متوسط على باله خلاص صار رجال
..خذت الملابس تنشرهم بالسطح .. وهي معصبه مره يقهرون اخوانها ماعندهم مسوليه والمسكين ابوها يجهد نفسه علشانهم وعلشان تعليمهم وهم مايقدروا ..
مشت بدرجات الدرج الطيني المجبس الي مافي فرق بين درجه واختها ..
الجده طلعت من غرفتها والراديو باذنها : ها وش فيه …كل هالصراخ
الام : لا يمه مافي شي هذي وعود وندى
الجده معصبه : وعدي بالرشاش .. رشاش بعينك على اخرة عمري تتوعدين برشاش
ندى : اف بدينا بالصقها …
الام تصرخ لان ام زوجها سمعها ثقيل : لا يا يمه اقولك وعود و ندى يتهاوشون ..
الجده : اها وبشنهو يتناقشون
ندى : هههههه يتهاوشون يعني نتضارب …
الجده : من ضاربين عسى مايكون نواف حبيبي
الام : لا يايمه اي نواف … هذولا ندى وعود يتضاربون بالكلام
الجده : انا ماغلطت على احد بالكلام
ندى مات من الضحك : ههههه لا يمه سعديه …. مو انتي حنا ..
الجده : مشاء الله من جايب حناء … عطوني ابحط بشعري شوي ..
الام تنرفزت من ام زوجها الي فيها مكفيها ….لو ماوصل نواف قبل لايوصل ابوه بيذبحه …
ندى تنبسط على جدتها تستهبل عليها : يمه سعديه تعالي اجلسي معي شوفي التلفزيون …
الجده : التلفون من الي دق ..؟ امي داقه …
ندى : ههههههههه
…………………
وعود بعد ماخلصت نشر ملابس حست انها هديت شوي .. : آف وينك يانويف .. وين طاس فيه.. والله ليقتلك ابوي …
وقفت على طابوقتين مرميتين عند الجدار حاطينهم هي وندى علشان يقزقزون بال اذا طفشوا … وقفت وهي تناظر ال تدور بعيونها على اخوها نواف ….
البزارين عند البقاله بالسياكل " الدراجات " حقهم
والحريم واقفين عند الخياط القريب من بيتهم
ومجموعة شاب جالسين فوق السياره يدخنون
هذا المشهد كثير بالاحياء الفقيره … حي كله حركه ونشاط .. : يالله وينك يانواف وينك ..؟..
شافت اخوها ماشي بالسيكل وبجنبه ثلاثه بعمره ماشين بسياكلهم … شهقت : نويف
نواف ودع ربعه بيده ودخل البيت ..نزلت بسرعه من الدرج
.. بعد ماندق الجرس اركضت ندى تفتح الباب .. فكرته ابوها تبغى تتشمت …
نواف نافخ صدره : السلام عليكم
ندى بسرعه تتكلم: وينك لهالحين وعيد وامي متوعدين فيك ..
نواف مراهق خاف… : ليه ..؟
ندى : الساعه 10 وابوي هالحين بيرجع ..
قاطعها صوت وعود المزمجر : بدري تو الناس يا ستاذ نواف
نواف بلع ريقه : هلا وعود
وعود : وين كنت لهالحين ..؟
الام : شرفت يا نويف
نواف حس انه بمشكله كبيره وعود وامه ..لكن كرد كرامة المراهق نفخ ريشه وقال : اتمشى مع الشباب و ..
وعود تصارخ : تتمشى لساعه 10 انت صاحي … تعال تعال اشمك …..
نواف فتح فمه لها وقرب منها .. صارت تشم فمه وثوبه مثل كل يوم يتعرض للفحص المسكين يا من امه او وعود …
نواف : ها تاكدتي مافيه سجيار بتميلح قال – ولو انا تربيت ام نواف …
الام : لايكثر بس وين كنت تكلم …
راشد يبوس راسها : والله يامي الغاليه تمشيت مع الشباب شوي
وعود معصبه : من الولد الي لابس بدله خضراء شكله غريب عليكم .. ماهو سليطين ولا محيسن
راشد: هذا واحد معنا بالفصل ..؟
وعود بشك وخبث : بس هذا شكله مو من حارتنا شكله مرتب ..
راشد: ايوه هو من الحاره الي بجننا بيتهم كبير وفلوسهم كثيره ..
ندى بحماس : جد انت شفته …؟
نواف : لو شفتوه يالله جنه …
الام : احمد ربك غيرك نايم بال يله انقلع تروش بعد الدواره بالشوارع من الظهر قبل لايرجع ابوك ويشوفك
نواف تنهد : الحمد لله مارجع لحد هالحين …
وعود : روح لندى تذاكر لك ..
ندى تحرك شعرها يمين ويسار صار ناعم بفعل الاستشوار : والمدرسه ندى تبغى تنام يانسه وعود …
الام : ذاكريله وانتي ساكته مو كافي استهتارك …مخليته يطلع قبل لايذاكر ..
مشى نواف للغرفه الي ينام فيها هو وجدته : آآآآآآآآآآف
وعود: لاتتاف غلطان وتتاف ..
الام : يله رشيش ذاكري لاخوك …
ندى بلا مبالاه : ردد ياليل ماطولك ..اذاكر له
الام عصبت اكثر : دامك مراح تذاكريله انقلعي هالحين من وجهي وفرشي فراشك ونامي ..
ندى : لا بعد شوي بيعرضون مسلسل الامبرطوره ..
الام : يتذاكرين له … والا انقلعي نامي
ندى صرخت من قمة راسها : نويف يله خلنا خلص منك يالبلاء …
الجده طلعت على صرخه ندى : نويف وش فيه
الام : لا يمه مافيه شي ادخلي كملي المسلسل
الجده : سلسله … مادري والله وين حطيتها …اصلا اخر سلسله عندي باعها ولدي حمد من سنتين ..؟
الام بضجر تبغى ترتاح من ام زوجها : يمه تعالي معي مسويه لك هذاك الحنيني الي يحبه قلبك
دخلت الام مع ام زوجها الصاله الصغيره الي فيها تلفزيون ومروحه بسقفها وتكيف كانه من النوع الصحراوي ..
وقفوا البنات عند الباب الي بداية البيت وبجنبه الدرج الجبس …
وعود: جهزي الحب للمسل ..
ندى تتذمر : ياحسره علينا نتسلى بحب وغيرنا بفوشار وليزا و بايسن ومكسرات ..
وعود: كلنا ودنا بهالبايسن بس مابليد حيله ..
رحاب مقهوره : اجل البايسن بريلين الاسعار غاليه
وعود : اذكر اني شربته مره واحس كله غازات ..وطمعه يجنن بس على قولتك بريالين …
ندى : انا … اناظره وتمنى اشربه بس المصروف مايسمح .. كله ريالين ..
وعود: وشرايك على الراتب الجاي اشتري بايسن وليزا ..ونبيعها ماتاثر بالميزانيه .
ندى : اقول بلا كلام مانتي بقده ابوي محتاج لريال لاتنسي مصاريفنا كثرة … وراتب ابوي 700 ريال مايكفي لفاتورة التلفون والا الكهرباء والا ايش ..
وعود : الي يسمعك 500 ريال تكفي …
الام : يابنات تعالوا جاء المسلسل …
ركضوا لصاله بسرعه …
الجده : لا ماحصلت السلسله لهالحين
ندى : ههه لحد هالحين بالسلسله …
الام : اقول دامك يارشيش خلصتي من الاستشوار رجعيه للمياء بنت الجيران
ندى : لا تخافي انا قلتلها بكره برجعه …
الام : لا رجعيه هالحين مو يكفي مفشلتنا كل اسبوع طاقه الوجه ورايحه للجيران متسلفه شي
ندى بطفش: آآآآف .. انا ولموي قلعتنا نتفاهم مو يكفي ان استشوار ماعندنا
الام : يله يافالحه اخلصي دراسه وخيبي النسبه وادخلي للكليه واشتغلي واشتري استشوار ..
ندى : ياليل ماطولك ليه كل هالمشوار ….اتزوج واحد مثل هذا الامبراطور واشتري مصنع استشوارات …
وعود : ههههه الامبراطور يالبزر بلا احلام ورديه …
دخل بو نواف لصاله و كانو وعود وندى بمكانهم المعتاد متسدحات قدام التلفزيون بالضبط وعليهم البطنيات وبجنبهم الحب .. والتكيف منزلينه عليهم بس ..
بو نواف : السلام عليكم
الكل : وعليكم السلام ..
بو نواف : شخباركم بنات
وعودوندى : الحمدلله
بو نواف بعد ماجلس : اجل وين نواف ..؟
ندى : دخل يتروش وماطلع ….
بو نواف : يعني بالبيت كويس …
ام نواف : احط لك العشاء يا حمد
بو نواف : ياليت ميت جوع …بنات تعشيتوا
وعود : من زمان …
راشد طلع بعد ماتروش: يله نذاكر
بو نواف : نواف كم مره قلتلك البس ثوب البيت فوق الصروال والفانيلا
نواف : انا ماحب شغل الرسميات ثوب بيت ومش عارف ايش ..
ندى : عشتوا الي يشوف طولك شبرين مايقول هذا يعرف ينطق رسميات
وعود تمد ايدها لاختها وهي ميته ضحك: ههههههه وانتي صادقه
نواف بنذاله يقهرها : يله ندى قومي ذاكري لي
ندى : بعد المسلسل ..خلاص بداء اسكتوا …
بو نواف يناظر امه النايمه وهي جالسه …. : قصروا شوي يابنات ….
ندى وعود مفهيات : ….
بو نواف : يابنات …
نواف : انسى يبه هذا الامبرطوره يعني صم بكم …
دخلت ام وعود بصينيه العشاء الخفيف الي مكون من اطباق الفطور الجبنه والزعتر والزيتون ..
لا ……….
هم مايتبعوا دايت او يحافظوا على رشا قتهم …. الظروف حدتهم يعيشوا كذا … : وشدعوه يا بنات الصوت واصل لاخر الحاره جدتكم نايمه قصروا على الصوت …….
بو نواف : على قولت نواف انسي الموضوع هذي الامبراطوره …
نواف ياكل وهو مبسوط نسوا موضوع مذاكرته …
ندى بحماس: يمه هذي الجلابيه الي اقولك عنها .. حلوه صح
ام نواف : اي وحده ..؟
وعود : الي لابستها اللهام الفضاله الي لونها ابيض هذي هي ..
ام نواف : لا مو حلوه سمينه
ندى : ههههههه يمه الجلابيه مو المراءه
بو نواف : اقول انتي معها قوموا ناموا بكره وراكم دوامات ..
ندى : يبه انت نام انا بعد هذا المسلسل بشوف اعاده لبرنامج دندنه ..
وعود : صحيح ماقلتلك نانسي الي بدندنه قصت شعرها
ندى : كذابه لحد وين ..؟
هذا نموذج بسيط لحياة الاسر المتواضعه والفقيره بالمملكه …..وعود وندى ونواف ثمرة زواج حمد وموضي
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأ،،///ْْْْ؟.,’آلآ{**لإإ‘÷×؛؛:.×,)’*÷ آ
بعد ساعتين ..
سامي بمحل الورود محتار وش يختار الورد الاحمر والا الوردي … اليوم مناسبه خاصه لخويته الجديده " مناهل " اليوم يكتمل عمرها 19 سنه وش يختار اي لون لهذي المناسبه يذكر ان شموخ تعشق الون الوردي اكيد البنات يحبوا الوردي لكن بهذي المناسبه بالعاده يختاروا الاحمر العنابي لانه يعبر عن الحب ..
منسق الورود البناني : شو بدك من هيدول ..
سامي : احمر والا قولك وردي .. لا لا عطني احمر
المنسق : جواب نهائي
سامي باحتقار : ايوه اخلص علي احمر .. قلبت جور قرداحي .. على غفله
المنسق : هههههه
سامي : بعد تضحك انت وخشتك تقل مفك يله تاخرت على الموعد …
المنسق احترم نفسه : حادر شوبك معصب هيك مابدى كل هيدي العصبيه
سامي : هذا الي بتطوى بطنه يله اخلص وانت ماكل تبن
المنسق عصب وانقهر لكنه سكت الزبون دايم على حق …
سامي اخذ باقة الورد المغلفه بشريط ذهبي وسط الون الاحمر العنابي (( مصخره هذي على 120 ريال على ايش )) : خذ واترك الباقي علشانك
المنسق ناظر المية ريال : انو باي هاي ناصه 20 ريال
سامي : والله عاد هذا الي معي … اجل ورد مقطعينه من ال ب 120 ريال رامي فلوسي بالزباله انا
المنسق : ياحزرت الاستاز مابيصير هيك …. هيدي اسعار البوتيك
سامي : لا تلوع كبدي انت وبوتيك .هذا ……. عجبتك الميه والا ضف وجهك
طلع من المحل معصب وكان معه الحق.. مو كانه سارق على الرجال 20 ريال …
دخل سيارته الاند كروزر السوداء .. من يصدق الي مارضى يدفع عشرين ريال عنده مثل هذي السياره …
هو يبدل سياراته اكثر من ملابسه رغم ان مستواه متوسط وشغلته بسيطه بس هذا سامي .. كل يوم مستاجر سياره شكل …
مشى بهدوء ودق على " مناهل " : هلا والله هلا حياتي
مناهل ضحكت بخجل : هههه هلا حبيبي
سامي وهو يضبط النظاره الشمسيه باليل بس اهم شي يخفي عيونه : نهولتي وينك هالحين ..؟
مناهل : قبال المجمع النسائي احتريك
سامي : حياتي دقايق وانا عندك
مناهل : اوكيه لاتتاخر
سامي والحماس ماخذه اخيرا رضت تقابله : لا اتاخر مهبول انا اتاخر على قلبي واضيع احتقالي معها باحلى قمر انخلق هاليوم ..
مناهل بخجل : ههه اوكيه قلبي اذا وصلت دق علي اطلع علشان الامن
سامي : اوكيه …
سكر من عندها وناظر المرايه ومد لسانه : وع تلوع الكبد … هههههههههه
وصل لعند المجمع النسائي الي قباله مدينه الالعاب الصغيره ..تنهد وجهز نفسه للوعة الكبد .. تعطر وعطر السياره للمره الثالثه
فرقع اصابعه ورفع الجوال وكانه بياكل شي او مستعد ينقض على شي : نهوله انا بره
مناهل بلهفه وبسرعه : هالحين طالعه
سامي ابتسم باستهزاء : يله ياعمري احتريك
سكر من عندها وهو يضبط شماغه الي كات عليه برميلين نشا من كثر ماهو واقف
طلعوا بنتين من البوابه بعباياتهم الملفته للانتبه والا الثمه نص وجههم طالهه وكل وحده ماسكه شنطتها الصغيره بطريق ناعمه ..
سامي ابتسم مثل ماتوقع من النوع الخفيف مره ..
مشوا يتمخطرون بالكعب العالي لعند السياره المقصوده
سامي فتح السياره لهم بعد ماكان مقفلها وكانت بعيونه اكبر نظرات الاستهزاء من وراء النظاريه الشمسيه السوداء ..
فتحت وحده منهم صاحبة الشنطه الموف الباب بجراءه وكانها سيارتها وركبت ورى : السلام عليكم
والثانيه الي كان واضح من خجلها انها مناهل … ليه هذي الاشكال تعرف تستحي .. وقفت عند الباب الي بجنبه متردده تركب قدام والا ورى مع صديقتها : وعليكم السلام … -اشر لها – ادخلي
فتحت الباب بسرعه وكانها ماصدقت قلتلكم من النوع الخفيف ..
مناهل بهمس : هاي
سامي : هلا وغلا ..
مناهل : كيفك ..؟
سامي حرك السياره : كويس وانتي كيفك ياقلبي
مناهل : انا كويسه
سامي يناظر الي ورى : من هذي اختك
الي ورى انفجرت بالضحك وكان حد مدلدغها : ههههههه ويه ياحليه يقول اختج هههههههه
سامي استنتج من لهجتها انها من اهل الدمام : ليه ..؟ انتي اكيد صاحبتها …
مناهل : ايوه صاحبتي ليلى
سامي : وياليلى وش مجيبك عندنا … انا ابغى احتفل مع حبيبتي لوحدنا
ليلى : ويه مايعرف يجومل حتى هههههه
سامي : اسمعي انتي بجهه وحنا بجهه اذا دخلنا للمطع
ليلى : عيل شلون محرم
ركان كتم ضحكه اقرب لصرخه (( محرم ههههههههه هذولا البنات كيف يفكروا )) : معليه يالمحرم اتركينا لوحدنا شوي
ليلى : اوكيه علشان اليوم عيد ميلاد نهوله
سامي باستهزاء : مشكوره يالمحرم … بس نهوله ليه ساكته
مناهل : ههههه عادي …
وصلوا للمطع .. سامي كان حاب يبين لهم انه ولد بطاره جد عزمهم على مطعم ماحلموا يدخلوه …
ليلى ومناهل خقوا على سامي مزيون وكشخه وبطران
سامي : انتي ادخلي هنا وانا ونهولتي هنا ..
ليلى بسرعه : اوكيه
دخلوا سامي ومناهل للطاوله المخصصه لشخصين بقسم العوايل : هلا والله بالغلا كله
مناهل تكشف وجهها بثقه كانت جد حلوه لكن مافيها جاذبيه ومابهرت سامي مع انه تصورها اشين من كذا لكن مابهرته …
قال بنفاق وهو يحرك النظاره الي تخفي عيونه بحركه بسيطه : بسم الله عليك الله يحرسك انتي قمر والا ملاك
مناهل انبسطت : هههه
سامي يتنهد بتصنع : سبحان الي خلقك ملاك بالارض
مناهل : خلاص سامي استحي
سامي (( تفوا علي وعلى الحياء الي يطلع منك )) : ليه تستحي مني وانا بعد الي شفته اليوم زوجك ان شاء الله
مناهل ابتسمت وتغيرت ملامحه من الخجل لفرحه كبيره : من جدك
سامي : اكيد والله ماضيعك مني انتي …؟ انتي ..؟ .. ماني عارف كيف اوصفك يخوني تعبيري من حلاك
وسحرها بكلامه المعسول وهم يتعشوا ويحلوا كان زايد بالمعيار … مل منها 6 شهور وهو يحكي معها وماهي براضيه تشوفه ولما شافها لاعت كبده .. وحمد ربه انه ماصرف عليها كثير
رجعهم للمجع على الساعه 9 يعني قريب ويسكر المجمع : اشوفك على خير حياتي
مناهل : تسلم حبيبي هذا احلى عيد ميلاد شفته بحياتي
سامي : وانا عندي اغلى منك
مناهل طلعت من شنطتها الصغيره شوي .. دبدوب سماوي صغير وينفع ميداليه : تفضل حياتي
سامي بتصنع يخفي استخفافه : مشكوره حياتي ..
ليلى والغيره من مناهل بصوتها : للفير " للفجر " يعني يله
مناهل : اوكيه سمسم باي
نزلت وتوها بتلحقها ليلى الا سامي مد ايده بورقه صغيره .. ناظرت ليلى مستغربه .. رفع النظاره عن عيونه وبانت عيونه العسليه الغامقه وابتسم ابتسامه تعذب : خلينا نسمع صوتك ..
ليلى داخت من عيونه وابتسامته مزيون مره ضحكت وطلعت من السياره : ههههههه
مناهل مسكتها اول ماجئت معصبه : وش قالك ..؟
ليلى تناظر سامي وهو يطلع بسيارته وعلى شفايفها اكبر ابتسامة انه ناظرها بعد ماناظر مناهل بنت الرياض المدلله : قالي انتبهي على نهوله وحطيها بعيونج وانا مافكر اخونها ابد
مناهل : ههههه يخبل مو
ليلى تناظر بقايا اثار سامي : يمكن ..
سامي مشى بسيارته ورفع صوت المسجل اغنية مطربه المفضل خالد عبدالرحمن ..
(( ودعت جرحك للابد ..مالك غلا عندي ابد ..
مره تجي مره تصد … حيرتني روح ابتعد ))
يغني مع الاغنيه وهو مبتسم فجاءه ضحك : هههههه
ناظر الدبدوب الصغير الي بجنبه : يالهبله انتي مثل هذي العبه ههههههه
فتح النافذه ورمى الدبدوب منها وهو يضحك على سذاجة البنات يصدقوا بسرعه …
الصحيح أولى بذلك فقد قال 
