الوسم: العجمية

وان لقينا العجمية بتلصق فى ايدينا نحط شوية زيت فى ايدينا
هنبدأ نحشى المعمول هناخد قطعة من عجينة المعمول ونكورها

ونعمل وسطها حفرة

ونحط فيها كورة من كور العجمية اللى جهزناها

ونقفل عليها كويس

ونحضر مكابس المعمول اللى هنشتغل بيها

نحط المعمول جواها ونضغط عليها

وننزل المعمول من المكبس برفق فى صينية مدهونة

ونرص المعمول فى الصينية

هنخبزه فى فرن حرارته عالية ونطلعه لما وشه يحمر ويستوى

وده شكله بعد ماطلع من الفرن



وده شكل حشوة العجمية جوة المعمول

دى طريقة من الطرق الكتير للمعمول انتو اختاروا الاسهل بالنسبالكم

يارب موضوعى البسيط ده يكون عجبكم

مقادير الكحك
كيلو دقيق مخبوزات
نصف كيلو سمنة سايحة
250مللى لبن دافى(انا معرفش المللى ده قد ايه بس انا حطيت كوباية)
ملعقة كبيرة بيكنج بودر
2 ملعقة كبيرة سكر
ملعقة كبيرة ريحة كحك او اكتر للى تحب
سمسم(اختيارى)
الحشو
عجمية بالمكسرات(ودى اخدت طريقتها من فتوكة هنا)
مقادير العجمية
كوب الا ربع عسل نحل
ملعقة كبيرة دقيق
ملعقة كبيرة سمنة او زبدة
مكسرات مقطعةاو مجروشة
نبدأ بطريقة العجمية
اول حاجة هنقلب الدقيق مع السمنة على النار بشرط ان الدقيق لونه ميبقاش غامق

وبعد كده ننزل عليهم بعسل النحل

ونقلبهم كلهم مع بعض

ونسيبهم يغلو على النار
هنلاقى الخليط تقل وابتدا لونه يغمق وابتدا يعقد يعنى يكون ليه قوام
وكل ماسبناه اكتر كل ماتقل اكتر يعنى انتى حسب مابتحبى قوامه

قبل مانطفى نضيف المكسرات المجروشة

نقلبهم مع بعض ونطفى النار

ونسيبها تبرد عشان نعرف نشكلها
ولما تبرد العجمية هنلاقيهم قوامها طرى ومتماسك
زى كده
وعلى فكرة ياجماعة العجمية طالعة طعمها خطير لدرجة شلت حته منها اكلها لوحدها

كده خلصنا العجمية
ندخل ع الكحك
اول حاجة هنجيب بولا كبيرة نحط فيها الدقيق ونحط عليه المكونات الجافة(البيكنج بودر وريحة الكحك والسكر)

ونقلبهم ونحط السمسم
انا حطيت حوالى 3 معالق كبار سمسم
بس ده مش اساسى طبعا ده زى مانتى متعودة

ونقلبهم كويس
ونعمل حفرة فى النص
وننزل على الدقيق بالسمنة السايحة
بس خلى بالكم السمنة لازم تكون دافيه مش مغلية
عشان لو سخنة البيكنج بودر هيفسد ومش هينشط العجينة
انا استخدمت سمنة فلاحى ودى طبعا خلت الكحك ناعم جدا وبيدوب فى الفم

ونقلبها كويس اوى بايدينا
يعنى زى مابيقولو نبس العجينة
لغاية ماكل الدقيق يتشرب السمنة كويس

وبعد كده ننزل عليهم باللبن الدافى(بردو مينفعش يكون اللبن مغلى او سخن)
ويستحسن نحط اللبن بالتدريج
فيه ناس بتحط لبن اكتر من كده بس انا مكترتش عشان الكحك يطلع ناعم

ونعجن كويس

تااااااااااااااااااااابعونى
هكمل المشاركة الجاية

بسم الله الرحمن الرحيم
نبدأ نكور العجينة كور فى الحجم اللى احنا عايزينه
ودى ميزة البيكنج بودر اننا هنشتغل ع طول مش هنسيب العجينة تخمر

ونجهز العجمية ونكورها كور صغيرة

وناخد كورة عجينة ونعمل فيها حفرة فى النص

ونحط فيها كورة عجمية من اللى احنا عملناهم

ونقفل عليها الاطراف كويس اوى عشان العجمية متطلعش منها اثناء الخبز
وكمان نحاول نصغر حجم العجمية

ونبدأ نحضر الاشكال اللى هنشكل بيها الكحك
انا جبت هنا اشكال بلاستيك وبردو جبت مناقيش
عشان نفتكر ايام زمان

ونبدأ نرص الكحك فى الصوانى
وطبعا لازم الصوانى تكون مدهونة لو مش تيفال
دى الصينية اللى اتعملت بالاشكال البلاستيك

ودى اللى اتعملت بالمنقاش

خبزته على حرارة 200 فى فرن الكهربا لغاية ماستوى والوش بقى لونه دهبى
وطبعا كل واحدة فرنها بيختلف عن التانى

وهنا لما برد وسكرته بالسكر بودرة

شايفين ازاى هنا العجمية باينة هى والمكسرات

ودول صورتين كمان

بدون مبالغة الكحك طلع ناعم وطعمه رائع
وفى رأيى البيكنج بودر نتيجته احلى من الخميرة بكتير
يارب الموضوع يكون عجبكم
ولاتنسونى فى دعائكم

يثبت ..

كيف هيا وايش الفائده منها وكمان لو تنزلي لها صوورة

الطريقة للكع
– تُخلط الخميرة والسكر والماء الدافئ جيداً وترك حتى تتفاعل.
– يُسخن السمن جيداً حتى يقدح.
– ينخل الدقيق والملح ورائحة الكعك، وينثر السمسم فوق خليط الدقيق.
– يصب السمن الساخن فوق الدقيق بحذر، ويقلب بملعقة خشب حتى يبرد الخليط قليلا، ثم يفرك باليد جيداً حوالي 20 دقيقة.
– يضاف خليط الخميرة إلى الدقيق و يُدعك باليد مع إضافة الماء تدريجياً، ويستمر في الدَّعك حتى يتكون عجين متماسك وناعم.
– يغطى العجين ويترك ليختمر في مكان دافئ.
– يُقطع العجين على شكل كرات صغيرة في حجم عين الجمل (الجوز) مع الدعك جيداً.
– تجوف كل كرة على شكل كوب صغير وتُحشى بالعجمية وتقفل جيدا على شكل كرة، ثم يضغط عليها بخفة لتشكل دائرة صغيرة وتزين بالمنقاش.
– ترص الوحدات في صاج، وتغطى وترك لتختمر مرة أخرى حتى يتضاعف حجم الكرات.
– تخبز في الرف الأوسط من فرن حرارته 375 درجة فهرنهيت لمدة 25-30 دقيقة، أو حتى يصير لونها ذهبياً.
– تترك لتبرد تماماً وترش بالسكر البودرة