السلام عليكم ورحمة الله
انا دايما لما بعمل تورتات
بستخدم دقيق الاسبونش الجاهز بس فيه ناس كتير بعتولى وقالولى انه مش متوفر عندهم او فى المكان اللى هما عايشين فيه فعشان كده حبيت اعمل الكيكة الاسفنجية بالطريقة الكلاسيكية فى البيت وطريقتها سهلة جدا واى حد يقدر يعملها
مكونات الكيكة:
2 كوب الا ربع دقيق
ربع كوب نشا
كوب سكر
5 بيضات كبار
ملعقة ونصف صغيرة بيكنج بودر
ملعقة صغيرة فانيليا سايلة
وطبعا لازم المكونات كلها تكون بدرجة حرارة الغرفة
مكونات الحشو والتغليف:
2 كوب كريم شانتى
خام
5 ملعقة كبيرة لبن بودرة
5 ملعقة كبيرة سكر بودرة
2 كوب ماء مثلج
نصف ملعقة صغيرة لون طعام اخضر بودرة
وللتزيين هنحتاج:
عجينة فوندان ملونة
الطريقة
بالنسبة للكيك اول حاجة فى إناء هنحط البيض مع الفانيليا
![خليجية](http://http://i56.servimg.com/u/f56/16/73/51/37/115.jpg)
ونضربهم بالمضرب الكهربائى لمدة لاتقل عن دقيقتين
وفيه ناس هتقول كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى
![خليجية](http://i56.servimg.com/u/f56/16/73/51/37/214.jpg)
ونحط عليهم كل كمية السكر
![خليجية](http://i56.servimg.com/u/f56/16/73/51/37/314.jpg)
ونضربهم على اقصى سرعة لمدة لاتقل عن 10 دقايق متواصل
![خليجية](http://i56.servimg.com/u/f56/16/73/51/37/413.jpg)
لغاية مايبقى لونه فاتح ويتكاثف ويبقى كريمى ويعمل علامة زى الشريط او رقم 8 لما نشيل من عليه المضرب
![خليجية](http://http://i56.servimg.com/u/f56/16/73/51/37/514.jpg)
وهننخل الدقيق والنشا والبيكنج بودر ونحطهم على الخليط(والنشا فايدته انه بيدى طراوة للكيكة)
![خليجية](http://i56.servimg.com/u/f56/16/73/51/37/614.jpg)
ونقلبهم من فوق لتحت بالأسباتيولا وبرفق
![خليجية](http://http://www.servimg.com/u/f56/16/73/51/37/713.jpg)
لغاية ماتختفى كل كمية الدقيق ونحطها فى صينية مدهونة
![خليجية](http://http://www.servimg.com/u/f56/16/73/51/37/814.jpg)
وخبزتها فى فرن منخفض الحرارة وطبعا كل واحدة فرنها يختلف عن التانى واختبرتها وطلعتها
![خليجية](http://i56.servimg.com/u/f56/16/73/51/37/913.jpg)
ونقلبها على ورق خبز
![خليجية](http://http://i56.servimg.com/u/f56/16/73/51/37/1013.jpg)
وسبتها فى التلاجة لمدة يوم كامل عشان تتماسك
وجهزت ادوات التقطيع والحشو
![خليجية](http://i56.servimg.com/u/f56/16/73/51/37/1113.jpg)
وقسمتها ل3
![خليجية](http://i56.servimg.com/u/f56/16/73/51/37/1214.jpg)
وطبعا الكيك الإسفنجى ليه طرق كتيييييييييييير جدا متتعدش بس انا حبيت اعملها بأسهل واسرع طريقة
وهنجهز
الحشو هنحط المكونات كلها على بعض
![خليجية](http://http://i56.servimg.com/u/f56/16/73/51/37/1314.jpg)
ونخفقهم كلهم لغاية مانحصل على قوام الكريم شانتى المطلوب واللون كمان نشوف اذا كان محتاجين نزوده او لاء
![خليجية](http://http://i56.servimg.com/u/f56/16/73/51/37/1413.jpg)
وبالنسبة للون انا اخترته لأنى حبيت اغير عشان دايما ابيض او شوكولاته وطبعا تقدروا تغيروا للون اللى بتحبوه
وهنبدأ نحشى الكيكة
ونقدر نحط عليها سيرب او مربى قبل مانحط عليها الكريم شانتى ده حسب رغبتكم
![خليجية](http://http://i56.servimg.com/u/f56/16/73/51/37/1513.jpg)
وهنغلفها بالكريم شانتى وهنمشى عليها من فوق بالشوكة او بمشط الحلويات المشرشر
![خليجية](http://http://i56.servimg.com/u/f56/16/73/51/37/1613.jpg)
وهنستخدم القمع المشرشر عشان نعمل شكل السبت
![خليجية](http://i56.servimg.com/u/f56/16/73/51/37/1713.jpg)
بالنسبة لشكل السبت هنعمل خطوط رأسية
![خليجية](http://i56.servimg.com/u/f56/16/73/51/37/1813.jpg)
وهنمشى عليها بالخطوط الأفقية هنمشى على عمود ونسيب اللى بعده وهكذا وصف الخطوط الأفقية التانى هيبقى عكس اللى فوقه عشان يدينا شكل السبت
![خليجية](http://i56.servimg.com/u/f56/16/73/51/37/1912.jpg)
ولازم العواميد الرأسية يكون عددها زوجى عشان اخر عمود يقفل مع اول عمود
وهيدينا شكل السبت على جناب التورتة
![خليجية](http://http://i56.servimg.com/u/f56/16/73/51/37/2011.jpg)
كده خلصنا الجزء الرئيسى وهنيجى لأخر جزء فى التزيين هنجيب عجينة الفوندان الملونة اللى عندنا ونختار الألوان اللى عايزنها
![خليجية](http://i56.servimg.com/u/f56/16/73/51/37/2111.jpg)
بالنسبة لعجينة الفوندان انا بشتريها جاهزة وبلونها فى البيت ده لما مش بلاقى الملونة بس طبعا الأسهل انكم تشتروا الملونة جاهزة لأن تلوينها بياخد منى وقت كبير ومجهود وهنجيب قطاعات الفوندان البلاستيك اللى هتدينا شكل الورد
![خليجية](http://i56.servimg.com/u/f56/16/73/51/37/2211.jpg)
![خليجية](http://http://i56.servimg.com/u/f56/16/73/51/37/2311.jpg)
وهنفرد عجينة الفوندان على نشا ونضغط عليها بالقطاعات
![خليجية](http://i56.servimg.com/u/f56/16/73/51/37/2411.jpg)