سلملم
شنج الجميع إن شاء الله تمام
شخباركن و شخبار جوارينكم إن شاء الله مش ناقص عليهم ملح ولا طماطم حكة بس
تراه حي عليكن يابنات الرسول ـ صلى الله عليه و سلم ـ أوصى بالجار إممممم
راه تحسابنه حاجة ساهلة بس ريت مايطلع منا حتى هوا
………………….
خلونا إنخشوا في الموضوع دركت >> هكي ننطقوا قيها راه عارفتها دايركت
………………….
الموضوع هوا إن
الدين الإسلامي لما دلر الحد داره علي من
العضوات :: علي الناس الللي دارت ذنب والحدكفارة بيش ربي مايعذبش يوم القيامة >> عايشة جو الأبلات
إمباااه تمام
قال السارقة تقطع إيدها بسووه
العضوات :: لا ياحنة حتى السارق تقطع إيده
الزانية ترجم بالحجارة حتى الموت بسووووه
العضوات ::لايابتي حتى الزاني يرجم بالحجارة حتى الموت
و اللي تشرب الخمر تجلد 80 جلدة بسسوووووووه
العضوات :: تي كنك إنتي حتى اللي يشرب الخمر يجلد 80 جلدة
…………………
هابا هابا إمممممم
و الحد واااجد هذا من رحمة ربي العالمين
لاحظوا إن لما أمر بالحد جمع بين الذكر الأنثى
……………………
إنجوا للمجتمع
مثال :: وحدة كلمت شاب كلنا عاد عارفين كيف يبرم في رأسها زي برمة البومة لدمنقلها
كلام الحلو ومش عارف أيش
من بخن البنت يفطنلها خوها وهيا إتكلم في محروسها ويكبسها اللها
………………..
{ واللذين إذا أصابتهم مصيبة قالو إن لله و إن إليه راجعون }
يتريش شعرها و ينسلخ جلدها و يتبروا منها هذا كان ماقتلوهش
واسكت سامت عالناس كان سمعوا عليها رأس البو يتمرعا في التراب لين يطرق مع خشومه ووذانه
ومانحكيلكن عاد شن ابيصير عارفات البهارات إنتن
………………..
باهي والمفعوص الرقبة كنه شن بيصير فيه
الناس :: خزي
……………………
إنتهت القضية و يمشي ياحنة الوليد و يلعب علي رأس شيء بنية أخرى
……………………….
الموضوع إن ليش البنت تنال عقابها أضعاف مضاعفة عكس العيل
………………………… ………………………… ………………
أنغام الآلم