الوسم: الممبار

مشكورة

المقادير :
•كيلو ممبار
•3 بصلات
•شبت مقطع صغير
…•بقدونس مقطع صغير
•كزبرة خضراء مقطعة صغير
• ملح
•فلفل
•كمون
•3 طماطم كبيرة
•3كوب أرز
•شطة " حسب الرغبة "
•زيت للتحمير

الممبار من الاكلات المصرية الصميمة
والتى لها مكانة خاصة تحترم بين الصغير و الكبير على حد سواء
يشاركها الكوارع و الكرشه و حلويات اللحم فى اقوال اخرى والتى تتمثل
فى الاعضاء الداخلية للماشية من امعاء ومعدة و طحال و رئة الخ

وبما انى كنت مقاطعة الممبار من مدة طويلة لان ما يباع فى السوق لونه ميسرش
و بما انى فضيت المقاطعة بعد ما لقيت جزار نضيف بيجيب الممبار ابيض من الفل
و بعد نجاح التجارب الاولية بنجاح ساحق ماحق

قررنا ننزلكم الطريقة المجربة لاحلى ممبار

المقادييييير

واحد كيلو ممبار نضيف زى الفل

و زيادة ضمان يغسل بماء و ملح و ليمون ينقع فيهم قليلا و يشطف و بعد كدا يستخدم

مقادير الخلطة

حوالى 3 الى اربع مج ارز
كيلو طماطم معصورة فى الخلاط
3 ملاعق صلصة
2 حزمة شبت 2 بقدونس 2 كسبرة
2 بصلة كبيرة مخروطة رفيع " انا بخرطها فى كبة الخلاط "
نص كوب زيت
ملح و فلفل و كمون و شطه و بهارات

وانا بعمل الخلطة نى فى نى
مش باجى ناحية النار خالص فى المرحلة دى

بنبتدى نحط مقادير الخلطة كلها على بعض
الطماطم مع الارز مع الصلصة مع الخضره مع البصلة
ونقلبهم كويس لغاية ما يختلطوا
ومننساش نضيف
ملح و فلفل و كمون و شطه و بهارات
وفى النهاية نضيف نص كوب زيت و نقلب بردو و خلاص كدا عملنا الخلطة

نجيب الممبار
نقطعه اطوال يعنى تقريبا حوالى متر بالنظر يعنى بتتعرف
المهم منقطعهوش صغير و الا الخلطه كلها هتتطلع منه اثناء السلق
فلازم يكون طويل شويه و بعد ما يتقلى نقطعه الاطوال اللى نحبها

بنجيب بعد كدا قمع ودى اسهل و اسرع طريقة
و ناخد طرف الممبار ندخل فيه القمع و نحط فى قلب القمع معلقتين خلطه و نجيب
معلقه عادية و نبتدى نزق بايدها الحشوة فى الممبار لغاية ما نملاه المهم
لازم يكون الممبار مبطط يعنى منحشيهوش جامد عشان ميفرقعش
و بنسيب حوالى اتنين سم فى كل طرف فاضيين عشان بيلموا على الخلطه و متطلعش برا

بعد كدا بنكون غلينا ميه فى حلة كبيرة شوية

و نحط فى الميه ملح و كمون

و نسقط فيها الممبار بحرص نمسكه من الطرفين و ننزله بالراحة
و بنلاحظ انه على طول بيبتدى يدور و ياخد الشكل الاسطوانى

بنحط الكميه على مرتين او مرة واحدة لو الحلة كبيرة و عادى مفيش مشاكل خالص
و بنسيبه لمدة تتراوح بين نص ساعة الى اربعين دقيقة

بعد كدا بنطلعه و نصفيه
و نبتدى نجهزه للتحمير

فى زيت غزير و يستحسن نغطى الطاسه
يدوب بس بنحمره و يبقى لونه دهبى محمر و نطلعه

و خلى بالكم من الزيت

يقدم الى جانب السلاطة وشوربة لسان عصفور زى منا عملت

و الف هنا و شفا :7_13_16[1]:
منقول :0154:

ده بعد ماحشيته وطبعا مش بخيطه لانه بيتقفل لوحده وهو بيتسلق

ده بعد ماتسلق قبل ماطلعه من الحله

فى حالة الممبار الضانى يفضل أضافة ربع كيلو جرام من اللحم المفروم

2 كيلو أرز مصرى مغسول وغير منقوع

لتر عصير طماطم أو تبشر ناعم

حزمه من كل من البقدونس و الشبت و الكسبرة الخضراء

بصله كبيره مقطعه ناعم

ممكن أضافة فلفل أخضر حار

زيت

ملح حسب الحاجه ملعقة صغيرة فلفل أسمر ربع ملعقة صغيرة كمون

شطه حسب الرغبه بهارات محشى ربع ملعقة صغيرة كارى ربع ملعقة صغيرة جنزبيل

الطريقة :

نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب

انا مش بربط الممبار لانه اول ما بينزل فى الماء بيقفل من الاطرااااف

طبعا ده جزء من الممبار

نضعه فى الماء المغلى مع اضافه الملح

نتركه حتى ينضج تقريبا ساعه الا ربع

نطلع الممبار من الحله ونحطه فى مصفى حتى ينشف تماماا من الماااااااااااء

مهمه الخطوه دى علشان التحمير

نحمر الممبار فى زيت ساخن من كل الجوااااااااانب حتى يكتسب اللون الذهبى

ونطلعه على ورق مطبخ حتى يمتص الزيت الزااائد

وده شكله النهائى

وده من الدااااخل احمر وفى نفس الوقت طرى من الطماطم المقطعه والبصل

المكونات

1كيلو لحم مفروم-1كيلو رز مصري-كيلو لحم مفروم-1كيلو طماطم مفرومه –2حزمه بقدونس –
خليط من الطماطم المسبكه او صلصه
بصل مقطع
شبت+ بقدونس + كسبره + فلفل اخضر
ارز مصرى غير منقوع
طماطم مقطعه مكعبات صغيره
زيت
شطه + ملح + فلفل+ أى توابل تفضليها على خلطه المحشى

الطريقه

ينظف الممبار جيدا من الداخل والخارج بالماء و الملح و الخل يشوح الحم المفرومه علي النار مع البصل وبعد ان تتشرب الحمه الماء الخارج منها مع البصل يضاف الطماطم المفرومه والشبت و المقدونس ويقلب جيدا ثم يضاف الارز ويتبل الجميع بالملح والفلفل والشطه وبعد التقليب ارفعى الاناء من علي النار

يحشي الممبار بالخلطه السابقه مع ملاحظه ترك فراغ داخل الممبار لان الارز يتممد بالداخل

يوضع الممبار داخل اناء به ماء مغلي مضاف اليه بصله صغيره مقطعه نصفين و حبهان (الهيل ) و ورق الغار

ويترك علي النار حتي ينضج ينشل من ماء السلق ويوضع في مصفاه لكي يتصفي من ماء السلق