الوسم: الشباب

بسم الله الرحمن الرحيم

السلام عليكم ورحمة الله وبركاته
:084::084:

الفرق بين لاب توب البنت والولد ادخلوا واضحكوا هع هع هع خخ خخ خخ

الفرق بين كمبيوتر البنت وكمبيوتر الشاب :

نبدأ أول شي بكمبيوتر البنات:

الشكل الخارجي:

البنت تحط عطر فوق الكمبيوتر وتحطي على الماوس كريم معطر، وطبعا ماتنسى المخده على شكل دبدوب حتى ترتاح اكثر في جلستها.
– والكمبيوتر كله (من الخا رج) صور أطفال وفراشات لاصقه والوان قوس قزح.
– والكيبورد كل الوان المنيكير على كل حرف.
– وفوق الكمبيوتر مشـط ومرآه وقلـم روج .
– عند بدا التشغيل ميوزيك رايق اواغنيه رومانسيه.
– وخلفيـه الشاشه فيديـو متحرك بالـوان رايقــه .

-الملفات

الملفات محفوظه باسماء كلها رقه مثل (همس الحب – نبض القلب – نفحات شعريه….. ) واغلبها ملفات شعر وموضه.

– لنكات الماسنجر:

لايخلوماسنجرها من بيت شعر رقيق جدا وكله ورود. وصورة الماسنجر بنت متلثمه وخجوله.

– المستندات الاخيــره:

< اخرعرض ازياء.
< كيف تصنعين عطرك بنفسك .
< صور الفنانات قبل التجميل <<ايش نبغى فيهم
< صور ممثلين ذو جمال رائع.

– عند إيقاف التشغيل:

البنت عندما تغلق جهازها تقوم بغلق كل صفحه برقه وحنان وعاطفه
وتضغط برفق ايقاف التشغيل.
<<<<<<<< كثرو منهاااا

ههههههههه خخخخخخخخخ كهكهكهكهكهكه

أمـا كمبيوتر الشـاب ما يعرف الدلــع:

-الشكل الخارجي:

الجهاز كله غبار وأجزاء منه خربانه إذاعصب ضربه بيده<<<< الأخ مصارع وهو مايدري

– الملفات

الملفات المحفوظه كلها اسامي هواش مثل مجلد باسم( المستهتر ،المصرقع، المرعب، خاص )الـخ

– الشاشه:

كلها صور رعـب ومصرقعين وسيـارات اخر موديل ومصارعـين ولاعيبــه كره.

– لنكات الماسنجر:

هكرز 2022، او المرعب ،وغيره من الاسماء اللي تخوف البنات . او نكات تجذبهم مثل (المحب- الحنون – الرومانسي)

– عند ايقـاف التشغيل:

مافيه تفاهم على طول يبند الكهرررررررباء او يفصل السلك على طول مافي رحمه للجهاز ..

ههههههههههههههههههههههههه

اتمنى انها تعجبكم يابنات المنتدى هع

بسم الله الرحمن الرحيم
أسعد الله أوقاتكم بكل خير

موضوعنا اليوم عن مقالب الشباب الي يسونها لأخوياهم في أول ليلة زواج !! وبصراحة هالشي مهيب حالة نادرة جدا .. بالعكس ظاهرة منتشرة بين الشباب .. ولكن تختلف قوة المقلب من شخص لآخر
وفيه ناس يكتفون بعمل مقلب ليلة العرس وفيه ناس يسون المقلب يوم الزواج قبل التوجه للقصر او في القصر ..
لكن مسألة إن المقلب يوصل لسكن الزوجين .. وفي أول ليلة !! هذي بصراحة مصيبة .. أو خلوني أقول ..
فيه مجموعة مواقف بذكرها لكم .. وراح اترك لكم تقدير حجم ( المأساة ) في كل موقف !! بحجة .. يارجال ضحك واستهبال
المواقف طبعا سمعتها من بعض الزملاء .. واترك لكم التعليق

الموقف الأول : بوكيه ورد

هذا الله يسلمكم .. ليلة زواج العريس ,, كان مجتمع مع اخوياه بالاستراحة .. تعرفون بكره زواجه وقال آخر ليلة ابيها مع الشباب بالاستراحة .. عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل الي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه – الله يعزكم – فزوجته كانت تبي تشوف الكرت الي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..

انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاهق .. وش فيك يابنت الحلال ؟؟ وش صاير .. عطته الكرت الي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم الي مسوين المقلب .. وبالأخير اقتنعت البنت !!!

يعني خربوا عليه أول ليلة في حياتهم .. بسبب هالتصرف !!!!!

***

الموقف الثاني : خمسين ألف ريال

هذا الله يسلمكم واحد تزوج وكانت اموره كل شي زي الوز ، وكل شي عدا على خير
أخذ زوجته وراحوا لبيتهم الجديد .. وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جاين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
يا ابن الحلال .. عدل بدل ،، الرجال مصرّ الا يجون
البنت طبعا طايرتن عيونها !! وش الي تعالوا تعشوا عندي ..!! وش هالزوج الي توهقت فيه خخخخخخخخخ المهم أول ماسكر السماعه قال لزوجته هذولا أخوياي جاين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
البنت تطبخ وتصيح وتقول في نفسها .. بكره أنا في بيت أهلي .. وش هالعيشة
يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
قالت وش ذولي ؟؟ قال هدية لك .. بمناسبة هالموقف الي صار اليوم !! قالت شلون وش السالفة ؟؟

قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي

البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !!

***

الموقف الثالث : بخاري

هذا واحد قر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا الي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرتب
الرجال قال أبد ياشباب ماتقصرون ويكفي شعوركم .. ومن هالكلام
واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. ودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
تزوج اخونا في الله وراح مع زوجته على أساس إن خويه هو الي بيجيب له العشاء ويوصله للفندق بنفسه
بعد ماجلسوا فترة بالفندق .. رنّ الجرس وفتح العريس الباب وأثره خويه
والمصيبة إنه جايب له العشاء كيسة رز بخاري وبصل وجرجير
ويمدها له وهو ميت ضحك
وش موقف الزوج ؟؟؟؟؟؟؟؟؟؟ أترك لكم التعليق

***

الموقف الرابع : النور

هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
ياوك وش السالفة .. طلع الزوج وفتح الطبلون حق الكهرب واشتغل النور
رجع مرة ثانية .. وطفى النور .. وراح مرة ثانية وشغله
ومرة ثالثه ورابعه وخامسه !!! وجلس على هالحالة من 12 باليل لين أذن الفجر خخخخخخ .. والسبب ؟؟ أخوياه يبون يسون فيه مقلب .. يعني يالله خربوا أم أم اليلة عشان ضحك واستهبال

***

الموقف الخامس : مقلب عكسي

هذا واحد قر يتزوج .. وقر أنه هو الي يسوي بأخوياه مقلب ،، يعني يتغدا بهم قبل يتعشون فيه
قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم .. وكتب فيها ان الزواج بيكون في البيت
الشباب اخذوا البطاقات .. وشكلهم كانوا ناوين يسون فيه مقلب يوم زواجه
طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون
يوم صار من بكره .. الي هو موعد الزواج الوهمي لاخوياه خخخخخخخخخخخ لبسوا الشباب والي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
ويروح واحد يسأل اخو العريس .. وين فلان ؟؟
قال .. سافر
قالوا وش الي سافر ؟؟ عسى ماشر بس ؟؟ وزواجه اليوم ؟؟؟؟
قال .. زواجه امس .. وسافر اليوم الصبح هو وزوجته

وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحيكم

بصراحة اعجبني خخخخخخخخخخخخخخخ
منقول لعيونكم الحلوة