الوسم: العجيبة

قصّة نُقلت على لسان إحدى الطبيبات تقول :

دخلت علي في العيادة امرأة في الستينات بصحبة ابنها الثلاثيني ! ..
لاحظت حرصه الزائد عليها ، يمسك يدها ويصلح لها عباءتها
ويمد لها الأكل والماء ..
بعد سؤالي عن المشكلة الصحية وطلب الفحوصات
سألته عن حالتها العقلية لأنّ تصرفاتها لم تكن موزونة ولا ردودها على أسئلتي فقال :
إنها متخلفة عقليا منذ الولادة

تملكني الفضول فسألته: فمن يرعاها ؟
قال : أنا
قلت : والنعم !ولكن من يهتم بنظافة ملابسها وبدنها ؟..
قال :أنا أدخلها الحمّام -أكرمكم الله- وأحضر ملابسها
وانتظرها إلى أن تنتهي
وأصف ملابسها في الدولاب
و أضع المتسخ في الغسيل وأشتري لها الناقص من الملابس !
قلت : ولم لا تحضر لها خادمة ؟!
قال : [لأن أمي مسكينة مثل الطفل لا تشتكي وأخاف أن تؤذيها الشغالة ]
اندهشت من كلامه ومقدار برّه
وقلت : وهل أنت متزوج ؟
قال : نعم الحمد لله ولدي أطفال
قلت : إذن زوجتك ترعى أمك ؟
قال : هي ما تقصر وهي تطهو الطعام وتقدمه لها
وقد أحضرت لزوجتي خادمه حتى تعينهاولكن أنا أحرص أن آكل معها حتى أطمئن عشان السكر!
زاد إعجابي ومسكت دمعتي !
اختلست نظرة إلى أظافرها فرأيتها قصيرة ونظيفة
قلت : أظافرها ؟
قال : أنا ، يا دكتورة هي مسكينة !
نظرت الأم لولدها وقالت : متى تشتري لي بطاطس ؟!
قال : أبشري ألحين أوديك البقالة!

طارت الأم من الفرح وقالت : ألحين .. ألحين !
التفت الابن وقال :
والله إني أفرح لفرحتها أكثر من فرحة عيالي الصغار.."
سويت نفسي أكتب في الملف حتى ما يبين أنّي متأثرة " !
وسألت : ما عندها غيرك ؟
قال : أنا وحيدها لأن الوالد طلقها بعد شهر ..
قلت : أجل ربّاك أبوك ؟ ..
قال : لا جدتي كانت ترعاني وترعاها وتوفت الله يرحمها وعمري عشر سنوات !
قلت : هل رعتك أمك في مرضك أو تذكر أنها اهتمت فيك ؟
أو فرحت لفرحك أو حزنت لحزنك ؟
قال : يادكتورة..
أمي مسكينة من عمري عشر سنين وأنا شايل همها وأخاف عليها وأرعاها ..
كتبت الوصفة وشرحت له الدواء ..

مسك يد أمّه , وقال :
يللا ألحين البقالة …
قالت : لا نروح مكّة !
.. استغربت !
قلت : لها ليه تبين مكة ؟
قالت : بركب الطيارة !
قلتله : بتوديها ل مكّة ؟
قال : إيه..
قلت : هي ما عليها حرج لو لم تعتمر ، ليه توديها وتضيّق على نفسك ؟
قال :
يمكن الفرحة اللي تفرحها لاوديتها.. أكثر أجر عند رب العالمين من عمرتي بدونها ..

تنعم الجسم وتشده وتخليه شي شي مو اي شي لول

حصلت وجربت بعضها

منها جاب نتيجة ومنها ام خلوها على الله

المهم

اخترعت خلطة وايد سهلة وفي نفس الوقت عجيبة

مقاديره سهلة ومتوفرة

وطبيعية

والله يابنات

ان بشرتي صارت ناعمة بشكل واو

المهم مابي اطول باعطيكم طريقتي

قبل إزالة الشعر بالحلاوة او اي طريقة تتبعينها في ازالة الشعر

حضري الآتي

نصف كوب سكر خشن ( الي بشرتها حساسة وتهيج بسرعه تستعمل السكر العادي )

ربع كوب ماء ورد ( يفضل يكون فاتر مب بارد أحسن )

عشان مايسكر مسام البشرة

وعشان تصير عملية الشيل سهلة

المهم

::

نخلط السكر وماء الورد في اناء صغير

وناخذ الخليط بقبضة اليد ونحطة على المكان الي تبون تشيلون الشعر منه

وتحطونه مع الفرك بخفة بطريقة دائرية

مب بقو حاسبوا يابنات

بعدها تغسلين المنطقة بموية فاترة وتجففينها عدل مدل ( فديت ملاذي انا وفديت كلمتها )

ترشين بودرة اطفال على المكان وتجهزين الحلاوة او الشمع

انا استخدم الشمع ( فيت الشرايح ) وايد ارتاح عليها

تشيل طبعاً عكس اتجاه الشعر

بعدها تقدرون تلطفون المكان بفوطة مبلولة بماي مثلج

أو زيت الي تحبونه براحتكم

بعدها على ماترتاح البشرة من الشيل

جهزوا هالخلطة الي بتستخدمونها أثناء الحمام ( الله يعزكم )

ثلاث ملاعق طحينة سائلة (( هردة )) ( مب الطحينية الحلوة )

ثلاث ملاعق سكر عادي

ملعقتين زيت زيتون للجسم

ملعقتين طحين " عادي لاتستغربون "

ثلاث ملاعق Body Scrub أي نوع تحبون

نصف ملعقة صغيرة بيكربونات الصودا

وبس

تخلطون هالمقادير كلهم في ملة

وتبدون تمسحونها عالجسم وتخلونها من 7 – 10 دقايق

بعدها تفركون بخفة بحركة دائرية

غسلوا جسمكم بعدها عدل مدل واستعملوا الشاور جل الي تحبونه

بعدها نشفوا جسمكم وابدوا حطوا الكريم او الوشن او الزيت الي تحبونه

واستمتعوا بالجسم الناعم والحريري

انصحكم يابنات تجربونها وقولولي رايكم بعد التجربة

واكيد

لاتنسون تدعون لي في ظهر الغيب

::

شخبااااااااااركم ؟؟؟

بدخل الموضوع من دون مقدمات

*؛* السعودي و الكويتي زملاء يدرسون في بريطانيا *؛*

*؛* انتهت فترة الدراسـه فقرووا يرجعون لأهلهم *؛*

*؛* فقال الكويتي للسعودي : *؛*

*؛*قبل ما تروح للسعوديـه تعال معي للكويت و بعدها رح للسعوديـه فوافق السعودي وهم متجهين للكويت دق اخو الكويتي من الكويت وقال لاخوهـ ان جدتي توفت *؛*

*؛* فقال الكويتي لاخوهـ انا معي زميلي من السعوديـه وعازمـه فلا تقولون لـه شي حتى ما يضيق صدرة ولا احرجـه نصلي على الجنازة وكنها لاحد من جماعتنا *؛*

*؛*
لما وصلوا
*؛*

*؛* صلوا على الجنازة وقعد السعودي لـه مدة في الكويت اعجب ببنت جيران الكويتي و قال لزميله اني ودي اتزوجها *؛*

*؛* فرح الكويتي وقال انا مستعد اخطبها لك و فعلا خطبها لـه وخبر السعودي اهلـه وسوو الزواج ورجع السعودي لديرتـه*؛*

*؛* وبعد مدة طويله كبرة تجارة السعودي وطلع تاجر وغني والكويتي خسر كل اموالـه وتجارتـه فقال مالي الا اروح لصديقي السعودي اكيد بيساعدني *؛*

*؛* وفعلا راح للسعوديه وهو منتظر شوفةزميلـه بفارغ الصبر لما سال عنـه ووصل لبيتـه صار مو بيت صار ساكن في قصر وتاجر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانـه محتاجك مرة مرة وان حالتـه كذا وكذا *؛*

*؛* و بعد مارجع البواب عطى الكويتي شيء من عشى السعودي !!!! *؛*

*؛*
تخيلوا

فضاق صدر الكويتي

وقال هذا جزاء الصداقـه المهم

وهو راجع رجليـه في الطريق
لقى رجالين (من رجال الاعمال) يتراهنون على مليون اللي بيجيهم الاول بيعطونـه المليون وكان من حظ الكويتي
انه هو اللي جاهم الاول واخذ المليون و تاجر بها في السعوديـه وقبل ما يرجع للكويت لقى عجوز معاها بنتها وقالت لـه العجوز

ابي اخلي بنتي عندك واروح احج اذا مارجعت تزوجها وخلها عندك

لما طولت العجوز عقب الحج اتزوجها وسوا حفلـه الزواج بالكويت وفي اثناء الزواج وكان من ضمن المدعوين زميلـه السعودي

لما شافـه الكويتي غضب وقال للحضور اطردوة هذا خاين العشرة والصداقـه
تخيلوا انه لما جا معي للكويت

وكانت جدتي ميتـه ما علمتـه عشان مايضيق صدرة على وخطبتلـه بنت الجيران اللي كانت في الاساس خطيبتي وفضلتـه على نفسي ولما جيتـه محتاج عطاني فضلـه عشاااااهـ

—————

تدرون وش قال السعودي….؟؟؟؟

*؛*
قال اسمعوا واحكموا علي ……

انا يوم جاني الكويتي وهو محتاج ماحبيت اشوفـه على حالتـه هذي عقب ماكان تجار وكبير اشوفـه صغير ومحتاج واتفضل عليه بشي من عندي عشان كذا عطيتـه فضلـه عشاي

وبالنسبه للتاجرين اللي متراهنين على مليون هذولي اخواني انا مروحهم لـه عشان يفكون ضيقتـه

اما باالنسبـه للعجوز اللي معاها البنت فهاذي امي والبنت هذي طبعا اختي

وش رايك ما احضر زواج اختي ؟

منقووول

المقادير:
(مقادير جافة):
8 ملاعق حناء.
2 ملعقة قهوة تركي .
1علبة اثمد(يوجد عند العطارين)
3ملاعق محلب.
2ملعقة نسكافيه.
1ملعقة شاي كركم.
2 ملعقة خبيزة مطحونة.
مقادير(سائلة):
6 اكياس ليبتون(شاي)
6اكياس بابونج
12ملعقة شاي حلبة.
12ملعقة طعام كجرات(كركديه)
زبدة(مكعبات صغيرة12)

الطريقة:تخلط المقادير الجافة شويا.ثم تقسم في اكياس ويوضع في كل كيس مقدار استخدام لكل مرة(مايعادل ملعقتين او ثلاث حسب الشعر)ل6 استخدامات. يوضع مع كل مقدار جاف كيس اوكيسين من المقادير الجافة وزبدة.

الأستخدام: يوضع مقدار مما سبق في طبق ونغلي المقادير السائلة بكوب ماء ,ثم نضيفة للمقادير الجافة,ويكون قوامها سائل نوعا ما ويمشط بها الشعر وترك لمدة ساعتين .