الوسم: المغلفة

ازززيكوا يااحلى اخوااات في الله
يااااارب تكونوا باااالف خييير وصحة وسعادة
ورضا من الله ان شاء الله
حبيت اشارككم تورتة الشوكولاتة بزبادو الفراولة
الخفيفة جداااااا وتنفع للريجيم كماااااان
بس طبعا بتعديلات
هبأه اقولها في آخر رد في الموضوع ان شاء الله
وبدااائل كتييير جدااااااا كمان بفضل الله
عشان بحب اتعلم منكم دااايما
ومن آرائكم وتعديلاتكم الجميلة
بسم الله الاول الصورة النهائية

بسم الله نبدأ المقادير والطريقة
اول حاجة كيك الشوكولاتة
الطري جدااااا

1 و 3 /4 كوب دقيق منخوووول
مع 1 و 1/2 م صغيرة بكينج بودر
و 1 و 1/2 م ص بكينج صودا ( كربوناتو)
3 /4 كوب كاكاو

2 كوب سكر
3 بيضات
1/2 كوب حليب
1/2 كوب زيت
1/2 كوب مية مغلية مع معلقتين كبيرة قهوة
او نسكافيه
ملح وفانيلا

الطريقة سهلة جداااا ان شاء الله
في الخلاط تحطي البيض والحليب والزيت
والملح والفانيلا وتخفقي لغاية اما يدخلهم الهواااااا
وبعدها تحطي عليهم السكر بالتدريج
على مرتين او تلاتة لغاية اما ينفش البيض
وتلاقيه تقيييل زي كأنه كريمة في الخلاط

وبسس خلاص تصبيهم على خليط المواد الجاافة
وتقلبي برفق وتحطي المية المغلية مع القهوة وتخفقي
وخلصت الكيكة والحمد لله

واللي بيعجبني في الكيكة دي غير انها بالشوكولاتة
انها بنص كوباية زيت بسسسس
ومع ذلك طرية جدااااا
وده حاجة فرحتني عشان نقلل الدهون شوية

ده الدقيق والبيكنج بودر والبكينج صودا
والكاكاو قبل ماانخلهم
بس الكاكاو مسيطر بلونه الجمييل على كل المنخل

ولما حطيت المكونات الجافة على
المكونات السائلة وخفقت

ولما حطيت المية المغلية مع القهوة وخفقت
على طووووول

وصبيت الخليط في صينتين أد بعض
طبعا ممكن صينية واحدة كبيرة
بسس الطريقة دي احسسن
عشان الكيكة من كتر ماهيا طرية مش بتستحمل انك تقسميها
ودخلتها فرن متوسط الحرااارة لهادي
من 170 الى 160 درجة
واستوت في 35 دقيقة بفضل الله
وطلعتها تهدى حرارتها وتبرد
وحطيتهها في نفس الصينية اللي كانت فيهاااااا
بس غلفتها ببلاستيك شفاف

وحبيت اوريكم الصورة دي يااحلى اخوااات
عشان تشوفوا لون كيكة الشوكولاتة الغاامق
لانها مليانة شوكولاتة
ورحت اعمل
حشوة زبادو الفراولة

اول حاااجة انقعي في المية ورقة ونص جيلاتين لغاية اما يطروا وسيبهم على جنب كده لوحدهم يعدوا النجوووووم

وبعدها جيبي 1 و 1/2 كوب زبادي
يعني 5 او 4 علب زبادي جهينة او اي نوع
العلبة 80 جرااااااااام
زي اللي في الصوووورة

تخلطيه في الخلاااااط مع 3/4 كوب فراولة مطبوخة
وبسسس كده
الصور بسم الله

دي 3/4 كوب فراااااولة مع 1/2 كوب سكر ومعلقة نشا

وحطيتهم عالنار يغلوا مع التقليب بدون اي مية
وبعدها طفييييت وياااااسلام عالريييحة اللي كلها فراااااولة ماشاء الله

وبعدها صبيت الفراولة المطبوخة على الزبادي في الخلااااااط وضربتهم في دقيقة

وبأه شكله جمييييل ماشاء الله وربنا ستر اني ماشفطتش الخلااااط
قبل مااحشي التورتة هههههههههه
والله وقلت اخيرااااا عرفت اعمل زبادو زي جهينة
طعمه زيه بالضبطط بفضل الله وعرفت السر
اني كنت لما بعمل زبادو بضرب الفراولة مع الزبادي وسكر في الخلااااط
اسمي الله وادوق الاقي الطعم حلوووو بس ناقصه حاجة مش عارفة اييييه هيا ؟؟؟؟
لغاية اما ربنا هداني اني اطبخ اي فاكهة عايزة اعمل بيها زبادو
( مشروب زبااااادي اللي كلنا بنموووووت فيه )

ودلوقتي خلصت كريمة زبادو الفرااااولة
باقي تحطي عليها الكريمة بسسسسس
بفضل الله