معشوقة الجماهير الكنافة احلي حلي شرقي
وطريقتي سهلة وبسيطة ومع ذلك اتحدي بيها كل محلات الحلويات (ثقة)
المقادير
نصف كيلو كنافة انا استخدمت الجاهزة اللي ف السوبر ماركت(السنبلة او الكرامة) كلهم حلوين
حوالي نصف كوب سمن انا زودت شوية صغيرة
الحشو
نفس الحشو اللي استخدمته ف البسبوسة
وهي للتذكرة
2 كوب حليب
2 م ك نشا
2 م ك سكر
بيضة
علبة قشطة
الطريقة
نغلي الحليب مع السكر ع النار ثم نخلط البيض والنشا ف شوية حليب بارد
ثم نضيفه للحليب مع التقليب المستمر ثم نضيف القشطة ونقلب ونتركه ع جنب حتي يبرد مع مراعاة تغطية الوجه
بالنايلون عشان مش ينشف الوجه
نيجي للكنافة
نقطعها كويس جدا بإيدك او بمقص المطبخ
ثم نضيف السمن بعد ماقدحتها ع النار
ثم نفرك الكنافة مع السمن كويس جدا حتي يتجانس الخليط
ثم نأخذ نصف الكمية ونفرشها ف الصينية ونضغط عليها بأيدينا جامد عشان مش تفك معاكي
وتصبح كأنها قرص متماسك
ثم نضيف الحشو
وانا الحقيقة وشيت فوق الحشو شوية من الجبنة الموزاريلا
بعد ماحطينا الحشو نحط باقي الكنافة ع الوجه ونضغط بالايد ع خفيف
ثم تخبز ف الفرن وتسقي بالشيرة
ونغطيها شويه حوالي عشر دقائق ثم تقلب
نيجي بقي للسر
اولا: بحط علبة قشطة ع الكنافة وقلبها كويس مع السمن ودا ف حالة اذا كنت هااحشيها مكسرات
عشان تطلع معاكي طرية
ثانيا: بحط 2 م ك سكر بودرة للكنافة اللي بحشو القشطة
لييه ليه؟؟
عشان تطلع معاكي متماسكة ولما تيجي تقطعيها تكون قطعة واحدة
وبكده قولت كل اللي عندي بس انتوا أوعوا تقولوا لحد( ههه)
اسيبكوا مع الصور
وهنا م الداخل
صورتها وهي ساخنة
وهنا لما دخلتها الثلاجه وطبقة القشطة تماسكت
والصينيه دي كلها لكل البنات اللي هايشرفوني بدخولهم موضوعي
عشان تعرفوا أني كريمه
كلكم بتقدمولنا قطعة انا بقي كلها(ههه)
