بيتزا بالهوت دوج من مطبخ الشيف مونى بالصور طبق لذيذ

السلام عليكم
مقادير العجينة
5 كوب دقيق-2كوب ماء دافىء -كيس خميرة فورية-كيسين لبن نيدو صغيرين-معلقتين كبار سكر-نص كوب زيت او اقل شوية على حسب الرغبة
ملحوظة:المقادير دى ل3 بيتزات 2 صوانى كبار وصينية وسط
الطريقة هنخلط كل المقادير الجافة مع بعض
وبعد كده هنحط الميه ونعجنهم كويس وبعدها هنحط الزيت ونسيب العجينة تخمر لمدة ساعتين ع الاقل
مقادير الحشو
كيس جبنة موتزاريللا-جبنة رومى وجبنة شيدر متقطعين حتت صغيرة-برطمان صلصة
هاينز مكتوب عليه صلصة بيتزا وكرتونة صغيرة صلصة عادية-هوت دوج فراخ
حلوانى-طماطم وفلفل
الطريقة
هنقطع الجبنة الشيدر والرومى حتت صغيرة ونخلطهم مع الموتزاريللا
هنقطع الهوت دوج حتت صغيره ونشوحه فى الزيت
طبعا هنقطع الفلفل والطماطم
بالنسبة للصلصة
اخدت حوالى 4 معالق كبار من صلصة البيتزا وعليه كرتونة الصلصة الهاينز العادية
وحطتهم فى حلة فيها زيت وضفت عليهم ميه و4 معالق سكر صغيرين وشغلت النار عليهم وغطيت الحلة وسبتهم شوية وبعدها طفيت
جبت العجينة وفردتها فى الصوانى
وضفت اول حاجة الصلصة وبعدها الهوت دوج وبعدها الطماطم والفلفل واخر حاجة الجبنة ودخلتها الفرن
طبعا دهنت الصوانى زيت
دلوقتى هسيبكم مع الصور بالخطوات

ملحوظة:كل المقادير اللى فاتت ل3 صوانى حتى مقادير الحشو بردو

دى صورة العجينة بعد ماخمرت

شكرا لك
ابداع متواصل
تقبلي مروري وردي

يعطيكي العافية

يسلمو غلاتي
يعطيك العافيه

تقبلي مروري
دلوعه حمودي

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى استفسار
على العام وعلى الخاص

اترك تعليقاً

اترك تعليقاً إلغاء الرد