الوسم: الاصفر

أول لون بستقبــله معكم الليـله هــو ..

لـون الصيــف … لون الليمــون .. الأمــل والإشــراق ذايب في هاللون ..
خلطــة الزعفران والزهور البـريه … لون السعــاده والإنفتاح ..هذا هو اللون الأصفـر
مـوضوعي اليـوم ملف بسيــط لهاللون القـوي بحضـوره وتأثيـره في مـزاج الإنسـان
بيـكون صـوره ومعلـومه جديده علي وعليـكم … أخترت هاللون بالذات
لأنه من الألوان اللي مازالت تعتبـر جريئـة فالديكور .. وقليل اللي يحطونها
سـواء طلاء جدران .. أو قطع أثاث .. يلا نـروح مع اللون الأًصفـر
أول معلـومه تقول .. أن اللون الأصفــر الفاقع مو محبذ أبداَ في غرف النـوم
طيب ليش ! .. لأنه محفـز للجهـاز العصبـي .. وإذا كان الشخص يعاني من توتر أو مشاكل عائليـه ممكن يزيد الوضع سوء … فإذا كان اللون الأصفر عشقك وناوي تحطه ممكن تستبدله بدرجة الأصفـر المائله للكريمي الفـاتح

الأصفـر محفز قوي للنشاط الفكـري .. ويخلي الذهن دايماَ يبقى في حالة من الصفاء والتركيز
عشـان كذا من المفضــل إستخدامه كطلاء جدران أو أثاث لأماكن الدراسه للأطفال والمراهقيـن .. يعني المكتب أو الصاله او المجلس اللي عادة يذاكرون فيه حلو جداَ لو كان لونه أصفـر لأنه بيزيد نسبة التحصيل الدراسي وكمان ينصحون بإستخدامـه في الفصول الدراسيه (( حبيت الكنبه الرماديه وخداديتها وأزرارها موووت )

الأصفــر مناسب جدا للصالات المفتوحه والأماكن الغنيـة بالتفاصيــل مثل لوحات قمـاشية تحف خدادايات وأشياء من هالقبيــل

الأصفــر الفاقع مع الأزرق … مناسب جداَ دمجهم مع بعض فالأماكن اللي يجلسون فيها ناس فاقدين الحيـويه والنشـاط ويشعرون دايماَ بالوهن .. يساعد على تحسين حالتهم كثير

الأصفــر في bath rooms يعطي جو إنتعاش وبهجه رهيبــه ويجدد النشاط من مجرد النظـر له